ແຜນງານປັບປຸງບູລະນະການປົກຄອງແຫ່ງຊາດ National GPAR Programme

26/01/2023

ຂໍສະແດງຄວາມຮູ້ບຸນຄຸນມາຍັງພັກ-ລັດຖະບານ ໂດຍສະເພາະກະຊວງພາຍໃນທີ່ໄດ້ປະດັບຫຼຽນໄຊແຮງງານ, ຫຼຽນກາແຮງງານ ແລະ ໃບຍ້ອງຍໍລັດຖະບານ ໃຫ້ແກ່ຄະນະບໍລິຫານ ແລະ ທີມງານວິຊາການ ແຜນງານ NGPAR ຜູ້ທີ່ມີຜົນງານດີເດັ່ນປະກອບສ່ວນດ້ານເຫື່ອແຮງ ແລະ ສະຕິປັນຍາເຂົ້າໃນຂະບວນການແຂ່ງຂັນຮັກຊາດ, ສ້າງບ້ານພັດທະນາ ແລະ ການຜັນຂະຫຍາຍວຽກງານສາມສ້າງເຂົ້າສູ່ລວງເລີກ ໃນທົ່ວປະເທດໄລຍະ 05 ປີ (2016 - 2020)
ພິທີປະດັບຫຼຽນ ແລະ ມອບໃບຍ້ອງຍໍດັ່ງກ່າວໄດ້ຈັດຂຶ້ນໃນວັນທີ 24.01.2023 ທີ່ກະຊວງພາຍໃນ.
ຂໍສະແດງຄວາມຍິນດີ ແລະ ຊົມເຊີຍຄະນະບໍລິຫານ ແລະ ທີມງານວິຊາການຂອງແຜນງານ NGPAR ທຸກໆທ່ານ

09/04/2022

27/09/2021

ສຸນບໍລິການຜ່ານປະຕູດຽວ One Door Service Center "ODSC"

27/09/2021

ເນື່ອງຈາກສະພາບການແຜ່ລະບາດຂອງພະຍາດ COVID-19 ທີ່ພວກເຮົາກຳລັງປະເຊີນຢູ່, ພວກເຮົາຕ້ອງຄິດເຖິງວິທີການໃໝ່ໃນການດຳລົງຊີວິດແບບປົກກະຕິແບບໃໝ່ (new normal). ຂໍຂອບໃຈກັບເຕັກໂນໂລຊີທີ່ທັນສະໄຫມ, ນີ້ແມ່ນວິທີໜຶ່ງທີ່ຊ່ວຍໃຫ້ພວກເຮົາຫຼີກລ່ຽງພະຍາດ COVID-19 ເພື່ອໃຫ້ທຸກຄົນມາເຕົ້າໂຮມກັນໄດ້.

ໃນຕອນເຊົ້າໃນວັນທີ 27 ກັນຍາ 2021 , ຄະນະຮັບຜິດຊອບການຈັດຕັ້ງປະຕິບັດການບໍລິການຜ່ານປະຕູດຽວ ກະຊວງພາຍໃນ, ຮ່ວມກັບ ທິມງານຊ່ຽວຊານ ແລະ ສູນບໍລິການຜ່ານປະຕູດຽວເມືອງໄຊເສດຖາ, ນະຄອນຫລວງວຽງຈັນ ໄດ້ຈັດກອງປະຊຸມປຶກສາຫາລືວິຊາການຜ່ານທາງອອນລາຍ ການປະເມີນ ແຜນການຄວບຄຸມ (Dashboard).

ກອງປະຊຸມຄັ້ງນີ້ ເປັນການປຶກສາຫາລືວິຊາການ ພາຍຫລັງທີ່ ສູນບໍລິການຜ່ານປະຕູດຽວໄຊເສດຖາ (ພາຍຫລັງທີ່ໄດ້ປະກາດນຳໃຊ້ແອັບພິເຄຊັ່ນການບໍລິການຜ່ານປະຕູດຽວ ໃນວັນທີ 9 ກັນຍາ 2021 ທີ່ຜ່ານມາ) ເວົ້າໄດ້ວ່າ ສູນບໍລິການຜ່ານປະຕູດຽວເມືອງໄຊເສດຖາຂອງພວກເຮົາ ພວມດໍາເນີນການຫັນປ່ຽນສູນບໍລິການຜ່ານປະຕູດຽວຂຶ້ນໄປອີກລະດັບໜຶ່ງນັ້ນກໍ່ຄື: ການທົດລອງ ຫລື ການສ້າງສູນບໍລິການຜ່ານປະຕູດຽວໃຫ້ທັນສະໄຫມ (ຫັນເປັນຕິຈິຕອລ) ເປັນ Smart ODSC ທັ້ງນີ້ກໍ່ເພື່ອໃຫ້ປະຊາຊົນສາມາດເຂົ້າເຖິງໄດ້ສະດວກ ແລະ ມີປະສິດທິພາບສູງ.

ຈຸດປະສົງ ຂອງກອງປະຊຸມປຶກສາຫາລື ຂອງພວກເຮົາໃນມື້ນີ້ ແມ່ນ

(1) ເພື່ອປຶກສາຫາລື ຫລື ກວດກາຄືນ ການຈັດຕັ້ງປະຕິບັດ ຫລື ການນຳໃຊ້ ແອັບພິເຄຊັ່ນດັ່ງກ່າວ ວ່າ ຄວາມຂໍ້ສະດວກ ຂໍ້ຫຍຸ້ງຍາກຄືແນວໃດ (ເຊິ່ງອາດເປັນໄລຍະສັ້ນ ເຊິ່ງພວກເຮົາຫາກໍ່ເລີ່ມຈັດຕັ້ງປະຕິບັດ ແຕ່ວັນທີ 9 ກັນຍາ 2021 ເປັນຕົ້ນມາ, ແຕ່ກໍ່ສາມາດຍົກບັນດາຫົວຂໍ້ທີ່ແທດເຫມາະກັບການຈັດຕັ້ງປະຕິບັດຕົວຈິງ)
(2) ປະເມີນການ ແຜນການຄວບຄຸມ ແລະ ຕິດຕາມ (dashboard), ຂໍ້ມູນທີ່ສາມາດສັງລວມໄດ້ ອີງຕາມ (4) ຕົວຊີ້ວັດ ເບື້ອງຕົ້ນ ທີ່ພວກເຮົາໄດ້ກຳນົດໄວ້ ມີ: (1) ຈຳນວນປະຊາຊົນປະຈຳວັນທີ່ໃຊ້ບໍລິການຢູ່ທີ່ສູນບໍລິການຜ່ານປະຕູດຽວ, (2) ຄວາມຖີ່ຂອງການບໍລິການທີ່ໃຊ້ຢູ່ສູນບໍລິການຜ່ານປະຕູດຽວ, (3) ອັດຕາການປ່ຽນແປງຂອງການບໍລິການທີ່ເຮັດສໍາເລັດຕາມຈຳນວນມື້ທີ່ກຳນົດໃນສູນບໍລິການຜ່ານປະຕູດຽວ ແລະ (4) ອັດຕາຄວາມເພິ່ງພໍໃຈຂອງພົນລະເມືອງທີ່ໃຊ້ບໍລິການທີ່ສູນບໍລິການຜ່ານປະຕູດຽວ
(3) ປຶກສາຫາລື ນຳສະເຫນີ ເພື່ອຊອກຫາວິທີທາງ ຮັບປະກັນໃຫ້ການຈັດຕັ້ງປະຕິບັດດັ່ງກ່າວ ມີປະສິດທິພາບ ແລະ ມີປະສິດທິຜົນຂຶ້ນກວ່າເກົ່າ

27/09/2021

ໃນວັນທີ 21 ກັນຍາ 2021 ທີ່ຜ່ານມາ
ຄະນະຮັບຜິດຊອບຈັດຕັ້ງການບໍລະການຜ່ານປະຕູດຽວກະຊວງພາຍໃນ ໂດຍການສະຫນັບສະຫນູນຈາກອົງການ UNDESA ໄດ້ຈັດກອງປະຊຸມແລກປ່ຽນບົດຮຽນການຈັດຕັ້ງປະຕິບັດການບໍລິການຜ່ານປະຕູດຽວ

ໂດຍການນຳສະເຫນີຈາກ 03 ສູນບໍລິການປະຕູດຽວ ຄື (1) ສູນບໍລິການຜ່ານປະຕູດຽວເມືອງໄຊເສດຖາ ນະຄອນຫລວງວຽງຈັນ (2) ສູນບໍລິການຜ່ານປະຕູດຽວ ເມືອງບາຈຽງຈະເລີນສຸກ ແຂວງຈຳປາສັກ ແລະ (3) ຫ້ອງການບໍລິການປະຕູດຽວແຂວງບໍລິຄຳໄຊ

ກອງປະຊຸມດັ່ງກ່າວ ມີ ຫ້ອງການສູນບໍລິການປະຕູດຽວທັງ 44 ສູນທົ່ວປະເທດເຂົ້າຮ່ວມ

20/09/2021

10/09/2021

ພິທີເປີດການນຳໃຊ້ ແອັບພິເຄຊັ່ນການບໍລິການຜ່ານປະຕູດຽວ (ODSC Mobile Application) ທີ່ທັນສະໄຫມ ໃນຄັ້ງນີ້, ໄດ້ຈັດຂຶ້ນ ໃນວັນທີ 9 ກັນຍາ 2021 ທີ່ຫ້ອງການບໍລິການຜ່ານປະຕູດຽວໄຊເສດຖາ, ໂດຍການ ເປັນປະທານ ຂອງທ່ານ ນິສິດ ແກ້ວປັນຍາ, ຮອງລັດຖະມົນຕີກະຊວງພາຍໃນ.

ໃນໄລຍະຜ່ານມາ ກະຊວງພາຍໃນ ໄດ້ຕັ້ງຫນ້າປັບປຸງລະບຽບ ແລະ ກົນໄກການຄຸ້ມຄອງ-ບໍລິຫານ ສູນບໍລິການຜ່ານປະຕູດຽວ ຕະຫລອດມາ ໂດຍສະເພາະໃນໄລຍະຫຼັງມານີ້ກໍໄດ້ ສຸມໃສ່ການ ປັບປຸງຂອດການສະໜອງການບໍລິການ ກໍຄື ຂັ້ນຕອນການດໍາເນີນງານຂອງສູນບໍລິການຜ່ານປະຕູດຽວ ເພື່ອໃຫ້ສາມາດຊຸກຍູ້ບັນດາຂະແໜງການໃຫ້ດໍາເນີນການຢ່າງມີປະສິດທິພາບ, ວ່ອງໄວ ແລະ ມີການຕິດຕາມ-ກວດກາທີ່ໂປ່ງໃສ.

ແອັບພິເຄເຊັ່ນການບໍລິການຜ່ານປະຕູດຽວນີ້ ຈະເປີດນຳໃຊ້ທົດລອງຢູ່ເມືອງໄຊເສດຖາ ໂດຍຖືກອອກແບບໃຫ້ມີຄວາມງ່າຍດາຍໃນການນຳໃຊ້, ປະກອບມີ 02 ພາກສ່ວນສຳຄັນ ຄື:

(1) ພາກສ່ວນໃຫ້ບໍລິການ ຫຼື ສູນບໍລິການຜ່ານປະຕູດຽວ ຫຼື ຄຳສັບທາງໄອທີເອີ້ນວ່າ: back office, ຢູ່ໃນພາກສ່ວນນີ້ ໄດ້ລົງ (upload) ຂໍ້ມູນທີ່ຈຳເປັນຢູ່ໃນລະບົບ ຊຶ່ງປະຊາຊົນສາມາດເຂົ້າເບິ່ງໄດ້ ເຊັ່ນ: ປະເພດການບໍລິການ, ຄ່າທຳນຽມ, ຄ່າບໍລິການ ແລະ ອື່ນໆ. ນອກຈາກນັ້ນ, ໃນລະບົບຍັງໄດ້ຖືກອອກແບບໃຫ້ມີການບັນທຶກ ແລະ ລາຍງານຜົນກ່ຽວກັບ: ຄວາມຖີ່ ຂອງຜູ້ມາໃຊ້ບໍລິການ, ໜ້າວຽກໃດທີ່ຜູ້ມາໃຊ້ບໍລິການຫຼາຍກວ່າໝູ່, ຄວາມຄິດເຫັນ ຂອງປະຊາຊົນຕໍ່ການບໍລິການ ແລະ ອື່ນໆ.
(2) ກໍ່ຄືພາກສ່ວນ ຂອງປະຊາຊົນ ຜູ້ມາໃຊ້ບໍລິການ, ໃນພາກສ່ວນນີ້ ໄດ້ອອກແບບແອັບພິເຄຊັນ ຊຶ່ງເອີ້ນວ່າ: ODSC Mobile Application ຊຶ່ງປະຊາຊົນສາມາດດາວໂຫລດແອັບດັ່ງກ່າວລົງໃນໂທລະສັບມືຖື ເພື່ອເຂົ້າເບິ່ງຂໍ້ມູນຕ່າງໆ ຂອງສູນບໍລິການຜ່ານປະຕູດຽວ ເຊັ່ນ: ສູນບໍລິການເມືອງໄຊເສດຖາ ມີການບໍລິການໃດແດ່, ການບໍລິການແຕ່ລະປະເພດ ມີຄ່າທຳນຽມ, ຄ່າບໍລິການເທົ່າໃດ, ໃຊ້ເວລາຈັກມື້. ນອກຈາກນັ້ນ, ປະຊາຊົນ ຍັງສາມາດຕິດຕາມເອກະສານ ຂອງຕົນໄດ້ວ່າຢູ່ໃນຂັ້ນຕອນໃດ ແລະ ອື່ນໆ

Launching ceremony of the One Door Service (ODS) Mobile Application

03/09/2021

ຊົມເຊີຍຜົນສໍາເລັດກອງປະຊຸມວິຊາການຂອງຫນ່ວຍງານຍ່ອຍດ້ານການປັບປຸງບໍລິຫານລັດຖະກາຍພາຍໃຕ້ຫົວຂໍ້ “ການມີສ່ວນຮ່ວມຂອງພາກລັດ ແລະ ປະຊາຊົນໃນການຈັດຕັ້ງປະຕິບັດເປົ້າໝາຍພັດທະນາແບບຍືນຍົງ ແລະ ການແກ້ຜົນກະທົບໂຄວິດ-19”, ທີ່ຈັດຂື້ນ ແບບທາງໄກ ໃນວັນທີ​ 3 ກັນຍາ​2020.​ ກອງປະຊຸມໄດ້ນໍາສະເຫນີຜົນສໍາເລັດຂອງບັນດາໂຄງການທີ່ໄດຮັບທຶນຂະຫນາດນ້ອຍທີ່ສົ່ງເສີມການມີສ່ວນຮ່ວມນີ້ ທີ່ໄດ້ຮັບການສະໜັບສະໜູນຈາກຄູ່ຮ່ວມພັດທະນາຫຼັກຂອງກະຊວງພາຍໃນ ຄື: UNDP, UNCDF, SDC, EU ແລະ ເຢຍລະມັນ. ງົບປະມານທີ່ຊ່ວຍເຫຼືອແມ່ນ ຜ່ານ 2 ແຜນງານ ຄື:
ແຜນງານປັບປຸງບູລະນະການປົກຄອງແຫ່ງຊາດ (NGPAR/ GIDP) ແລະ
ແຜນງານການມີສ່ວນຮ່ວມຂອງປະຊາຊົນເພື່ອການປົກຄອງທີ່ດີ ແລະ ການສ້າງລັດທີ່ປົກຄອງດ້ວຍກົດໝາຍ (CEGGA).

01/09/2021

ປະກາດຮັບສະໝັກຊ່ຽວຊານໄລຍະສັ້ນ

05/07/2021

The impact of COVID-19 has no boundary and affects us all. But the most affected continues to be the most vulnerable. The UNCT socio-economic impact assessment which surveyed 1200 households in June 2020, found that close to 50% of respondents lost jobs due to the pandemic. Moreover, 99% of those in...

30/06/2021