05/09/2026
ຈັດເຜີຍແຜ່ເຊື່ອມຊືມ ກົດລະບຽບພັກ ສະໄໝທີ XII ແລະ ຄໍາແນະນໍາຂອງຄະນະຈັດຕັ້ງ ສູນກາງ ໃຫ້ຄະນະພັກ-ສະມາຊິກພັກໃນຕາແສງ ຊາຍຟອງ
……………………………..
ຫ້ອງການຄະນະຈັດຕັ້ງເມືອງຫາດຊາຍຟອງ ນະຄອນຫຼວງວຽງຈັນ ໄດສືບຕໍ່ນໍາເອົາຄໍາແນະນໍາຂອງຄະນະຈັດຕັ້ງສູນກາງພັກ ກ່ຽວກັບການຈັດຕັ້ງປະຕິບັດກົດລະບຽບພັກປະຊາຊົນປະຕິວັດລາວ ສະໄໝທີ XII ໄປຈັດຕັ້ງເຜີຍແຜ່ເຊື່ອມຊືມ ແລະ ຜັນ
ຂະຫຍາຍ ຄໍາແນະນໍາ ໃນການຈັດຕັ້ງປະຕິບັດກົດລະບຽບພັກ ປະຊາຊົນປະຕິວັດລາວ ສະໄໝທີ XII ຊຸດທີ III ໃຫ້ຄະນະພັກ ຄະນະນໍາ-ສະມາຊິກພັກທັງໝົດ ໃນຕາແສງ ຊາຍຟອງ ເຊີ່ງຈັດຂື້ນທີ່ 3 ກັນຍາ 2026 ທີ່ວັດບ້ານໂພສີ ໂດຍການເຜີຍແຜ່ ຂອງສະຫາຍ ພັທ ບຸນສອນ ພັນທະວົງ ຄະນະປະຈໍາພັກເມືອງ ຫົວໜ້າກອງບັນຊາການ ປ້ອງກັນຄວາມສະຫງົບ ເມືອງຫາດຊາຍຟອງ ມີບັນດາສະຫາຍຄະນະພັກ ຄະນະນໍາ ແລະ ສະມາຊິກພັກ ໃນຕາແສງຊາຍຟອງ ເຂົ້າຮ່ວມຮັບຟັງ
ສໍາລັບການເຜີຍແຜ່ດັ່ງກ່ວ ແມ່ນເປັນການສືບຕໍ່ຈັດຕັ້ງປະຕິບັດຂອງຄໍາແນະນໍາຈາກຄະນະຈັດຕັ້ງສູນກາງພັກໂດຍອີງໃສ່ກົດລະບຽບຂອງພັກປະຊາຊົນປະຊາຊົນປະຕິວັດລາວ ສະໄໝທີ XII ທີ່ໄດ້ຖືກຮັບຮອງຈາກກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XII ຂອງພັກ ແລະ ມະຕິຕົກລົງຂອງຄະນະບໍລິຫານງານສູນກາງພັກ ສະບັບເລກທີ 21/ຄບສພ ວ່າດ້ວຍການປະກາດໃຊ້ກົດລະບຽບພັກປະຊາຊົນປະຕິວັດລາວ ສະໄໝທີ XII ຈຸດປະສົງກໍ່ເພື່ອແນະນໍາການເຜີຍແຜ່ກົດລະບຽບພັກ ບາງເນື້ອໃນ ບາງປະໂຫຍກ ທີ່ກໍານົດຢູ່ໃນກົດລະບຽບພັກໃຫ້ຈະແຈ້ງ ແລະ ເຂົ້າໃຈງ່າຍ ເພື່ອແນ່ໃສ່ໃຫ້ບັນດາຄະນະພັກ-ສະມາຊິກພັກ ກໍາແໜ້ນ ແລະ ຮັບຮູ້ເຂົ້າໃຈໄດ້ເລິກເຊີ່ງ ຕໍ່ກັບກົດລະບຽບພັກ ເພື່ອເປັນເຈົ້າການເຄົາລົບ ແລະ ປະຕິບັດກົດລະບຽບພັກປະຊາຊົນປະຕິວັດລາວ ສະໄໝທີ XII ຢ່າງເຂັ້ມງວດ ພ້ອມທັງຮັບປະກັນໃຫ້ກົດລະບຽບພັກ ສະໄໝທີ XII ໄດ້ຮັບການຈັດຕັ້ງເຜີຍແຜ່ເຊື່ອມຊືມຢ່າງທົ່ວເຖິງໃນຖັນແຖວຂອງສະມາຊິກພັກ-ພະນັກງານລັດຖະກອນ ໃຫ້ລົງເລິກ ກໍາແໜ້ນຕໍ່ເນື້ອໃນ ຈຸດປະສົງ ທາງດ້ານຫຼັກການ ລະບຽບການ ແລະ ເປັນບ່ອນອີງໃຫ້ກັບຄະນະພັກແຕ່ລະຂັ້ນ ໄດ້ນໍາໄປຈັດຕັ້ງຜັນຂະຫຍາຍເຜີຍແຜ່ ແລະ ນໍາພາການຈັດຕັ້ງປະຕິບັດຢ່າງເປັນເຈົ້າການ ແນໃສ່ຍົກສູງບົດບາດການນໍາພາທີ່ເຂັ້ມແຂງຂອງພັກ ແລະ ເພື່ອໃຫ້ການຈັດຕັ້ງປະຕິບັດຖືກຕ້ອງ ຄົບຖ້ວນ ເປັນເອກະພາບໃນທົ່ວພັກ ແລະ ເຮັດໃຫ້ການເຜີຍແຜ່ດັ່ງກ່າວນັ້ນມີເນື້ອໃນຄວາມໝາຍເລິກເຊີ່ງ ທັນຕາມກໍານົດເວລາ ເຊີ່ງການເຜີຍແຜ່ຄໍາແນະນໍາດັ່ງກ່າວກໍ່ແມ່ນຖືເປັນສໍາຄັນເພື່ອຍົກສູງບົດບາດການນໍາພາຂອງພັກໃນໄລຍະໃໝ່ໃຫ້ເດັ່ນຊັດຂຶ້ນ ແລະ ເປັນຮູບປະທໍາກວ່າເກົ່າ ທີ່ສະແດງໃຫ້ເຫັນເຖິງລັກສະນະນໍາໜ້າ ຂອງພັກປະຊາຊົນປະຕິວັດລາວ ເຮັດໃຫ້ການນໍາພາຂອງພັກ ທີ່ເປັນປັດໄຈຕັດສິນນັ້ນ ນັບມື້ນັບມີບົດບາດທີ່ເຂັ້ມແຂງຢ່າງຮອບດ້ານ
ສໍາລັບການຈັດຕັ້ງເຜີຍແຜ່ ເຊື່ອມຊືມ ກົດລະບຽບພັກປະຊາຊົນປະຕິວັດລາວ ສະໄໝທີ XII ແລະ ຄໍາແນະນໍາຂອງຄະນະຈັດຕັ້ງສູນກາງພັກ ສະບັບດັ່ງກ່າວນີ້ແລ້ວ ຄະນະພັກທຸກຂັ້ນກໍ່ຈະໄດ້ມີຄວາມຮັບຜິດຊອບ ແລະ ເປັນເຈົ້າການ ສືບຕໍ່ນໍາໄປຈັດຕັ້ງຜັນຂະຫຍາຍ ເພື່ອຮັບປະກັນເຮັດໃຫ້ການຈັດຕັ້ງພັກຢູ່ໃນບັນດາຕາແສງ ແລະ ບ້ານ ໄດ້ຮັບການປັບປຸງ ສ້າງໃຫ້ສະມາຊິກພັກມີຄວາມຮັບຮູ້ເຂົ້າໃຈກ່ຽວກັບການຈັດຕັ້ງພັກ ແລະ ວຽກງານກໍ່ສ້າງພັກໃນໄລຍະໃໝ່ ໂດຍຖືເປັນບັນຫາສໍາຄັນໃນເງື່ອນໄຂໃໝ່ຂອງພັກ ຕາມວັດຖຸປະສົງ ແລະ ເປົ້າໝາຍທີ່ສືບຕໍ່ຢຶດໝັ້ນຕໍ່ແນວທາງປ່ຽນແປງໃໝ່ຮອບດ້ານຢ່າງມີຫຼັກການນໍາພາຂອງພັກ.
…………………………
ຂ່າວ ເມືອງຫາດຊາຍຟອງ
