ກົມສົ່ງເສີມຕະຫຼາດການທ່ອງທ່ຽວTourism Marketing and Promotion Department, MCT

ກົມສົ່ງເສີມຕະຫຼາດການທ່ອງທ່ຽວTourism Marketing and Promotion Department, MCT 😊

ຂະຫຍາຍຕະຫລາດການທ່ອງທ່ຽວ 2026 ຂອງ ສປປ ລາວ ສູ່ພາກພື້ນ ເເລະ ສາກົນ ໃນລະຫວ່າງວັນທີ 25-29 ສິງຫາ 2026ນີ້, ທ່ານ ນາງ ມະນີສາຄອນ ທຳ...
27/08/2026

ຂະຫຍາຍຕະຫລາດການທ່ອງທ່ຽວ 2026 ຂອງ ສປປ ລາວ ສູ່ພາກພື້ນ ເເລະ ສາກົນ

ໃນລະຫວ່າງວັນທີ 25-29 ສິງຫາ 2026ນີ້, ທ່ານ ນາງ ມະນີສາຄອນ ທຳມະວົງໄຊ, ຫົວຫນ້າກົມສົ່ງເສີມຕະຫຼາດການທ່ອງທ່ຽວ ກະຊວງ ວັດທະນະທໍາ ແລະ ການທ່ອງທ່ຽວ(ວທ) ຮ່ວມກັບ ພະເເນກ ວທ ນະຄອນຫລວງວຽງຈັນ ໄດ້ນຳພາພາກທຸລະກິດການທ່ອງທ່ຽວຂອງ ສປປ ລາວ ປະກອບມີ: ບໍລິສັດ ທ່ອງທ່ຽວ ເວີວາຍ, ບໍລິສັດທ່ອງທ່ຽວລາວບູຣຕິກ, ບໍລິສັດ ທ່ອງທ່ຽວອາເສັບ, ບໍລິສັດ ທ່ອງທ່ຽວບຣາເທີທົວ, ໂຮງແຮມ ຄຣາວພາຊາ ວຽງຈັນ ແລະ ໂຮງແຮມ ຮໍລິເດ ອິນ, ບໍລິສັດ ທ່ອງທ່ຽວ ຊານເທີລີ ແລະ ບໍລິສັດ ທ່ອງທ່ຽວເອັມພີທົວ ເຂົ້າຮ່ວມ ງານວາງສະເເດງການທ່ອງທ່ຽວສາກົນ ITE 2026 ຄັ້ງທີ 20 ຈັດໂດຍຄະນະກຳມະການປົກຄອງ ນະຄອນໂຮ່ຈີ່ມິງ ຮ່ວມກັບ ກະຊວງວັດທະນະທຳ ເເລະ ທ່ອງທ່ຽວ ສສ ຫວຽດນາມ.

ການຈັດງານວາງສະເເດງການທ່ອງທ່ຽວສາກົນ ITE ໃນຄັ້ງນີ້ ເພື່ອເປັນການໂຄສະນາ, ສົ່ງເສີມການຕະຫລາດທ່ອງທ່ຽວ ຢູ່ພາກພື້ນ ເເລະ ສາກົນ ເຊິ່ງຈັດໃນຮູບເເບບຈັບຄູ່ທຸລະກິດການ ທ່ອງທ່ຽວດ້ວຍກັນ(B2B), ນໍາສະເໜີຜະລິດຕະພັນການບໍລິການອຸດສາຫະກໍາການທ່ອງທ່ຽວ, ການພົບປະລະຫວ່າງ ຜູ້ ຊື້-ຜູ້ຂາຍ ມີຜູ້ເຂົ້າຮ່ວມຈາກຕ່າງປະເທດປະມານ 600 ຄົນ, ມີຜູ້ແທນລະດັບສູງຈາກພາກລັດ 50 ທ່ານ, ຜູ້ຊື້ຈາກຕ່າງປະເທດ 280 ຄົນ, ບັນດາບໍລິສັດທ່ອງທ່ຽວຫລາຍກວ່າ 500 ພາກສ່ວນ ແລະ ຜູ້ມາທ່ຽວຊົມງານວາງສະແດງການທ່ອງ ທ່ຽວສາກົນ (ITE) ຫລາຍກວ່າ 1,000 ຄົນ.
ພ້ອມນີ້, ບັນດາຜູ້ປະກອບການ ບໍລິສັດທ່ອງທ່ຽວຂອງລາວ ໄດ້ຍາດໂອກາດ ເພື່ອດໍາເນີນການພົບປະໄດ້ຫລາຍກວ່າ 300 ເທື່ອຄົນກັບຄູ່ຮ່ວມທຸລະກິດທ່ອງທ່ຽວ ເພື່ອແລກປ່ຽນຂໍ້ມູນຂ່າວສານການທ່ອງທ່ຽວ ແລະ ການຊື້-ຂາຍລາຍການທ່ອງທ່ຽວຮ່ວມກັນ ຂອງຄູ່ຮ່ວມເຈລະຈາລະຫວ່າງຜູ້ເກົ່າ ແລະ ຜູ້ໃໝ່, ເພື່ອຊຸກຍູ້ ແລະ ສົມທົບກັບຜູ້ປະກອບການທຸລະກິດການທ່ອງ ທ່ຽວລາວ ເຂົ້າຮ່ວມງານວາງສະແດງທ່ອງທ່ຽວສາກົນ ເພື່ອຂະຫຍາຍຕະຫລາດທ່ອງທ່ຽວໃໝ່; ເພື່ອສົ່ງເສີມໂຄສະນາການທ່ອງທ່ຽວລາວ ແລະ ເພີ່ມທະວີການຮ່ວມມືທາງດ້ານການທ່ອງທ່ຽວກັບບັນດາປະເທດ ລຸ່ມແມ່ນໍ້າຂອງ; ເພື່ອໂຄສະນາເຜີຍແຜ່ບັນດາທ່າແຮງ ແລະ ສິ່ງດຶງດູດນັກທ່ອງທ່ຽວທີ່ໂດດເດັ່ນຂອງ ສປປ ລາວກໍ່ຄືບັນດາແຫຼ່ງ ທ່ອງທ່ຽວທຳມະຊາດ, ປະຫວັດສາດ, ວັດທະນະທໍາ ແລະ ການທ່ອງທ່ຽວກະສິກຳຢູ່ເວທີສາກົນໃຫ້ກວ້າງຂວາງ ກວ່າເກົ່າ.

ບັນທຶກການຢ້ຽມຢາມຊິງຕ່າວຂອງຄະນະສໍາຫຼວດເສັ້ນທາງທ່ອງທ່ຽວລາວວັນທີ 6–8 ສິງຫາ, ຄະນະສໍາຫຼວດເສັ້ນທາງທ່ອງທ່ຽວລາວໄດ້ເດີນທາງສູ່ນະຄອ...
13/08/2026

ບັນທຶກການຢ້ຽມຢາມຊິງຕ່າວຂອງຄະນະສໍາຫຼວດເສັ້ນທາງທ່ອງທ່ຽວລາວ
ວັນທີ 6–8 ສິງຫາ, ຄະນະສໍາຫຼວດເສັ້ນທາງທ່ອງທ່ຽວລາວໄດ້ເດີນທາງສູ່ນະຄອນຊິງຕ່າວ ເພື່ອສຳຜັດກັບການເດີນທາງຈໍານວນ 3 ມື້ ທີ່ໄດ້ປະສົມປະສານທັງອາຫານ, ເຕັກໂນໂລຊີ, ວັດທະນະທຳ ແລະ ການແລກປ່ຽນດ້ານການທ່ອງທ່ຽວ.

ຈາກການລອງຊິມອາຫານພື້ນເມືອງຊິງຕ່າວ ແລະ ສຳຜັດສະເໜ່ຂອງເມືອງແຄມທະເລ ໄປຈົນເຖິງການຢ້ຽມຊົມພິພິທະພັນເຕັກໂນໂລຊີ CRRC Sifang ເພື່ອຮຽນຮູ້ກ່ຽວກັບເຕັກໂນໂລຊີລົດໄຟຄວາມໄວສູງຂອງຈີນທີ່ກ່ຽວຂ້ອງກັບລົດໄຟຈີນ–ລາວ. ຄະນະຍັງໄດ້ຍ່າງຊົມຖະໜົນປະຫວັດສາດປາຕ້າກວານ（八大关）, ສຳຜັດບັນຍາກາດງານເບຍນານາຊາດຊິງຕ່າວ（青岛国际啤酒节）, ຂຶ້ນພູຫຼາວຊານ（崂山）, ຊົມວິວຈາກຫໍຢູນສ້າງຫາຍທ່ຽນ（云上海天）ແລະ ຊົມການສະແດງແສງສີທີ່ສູນໂອລິມປິກເຮືອໃບ(奥帆中心)ເພື່ອສຳຜັດສະເໜ່ຂອງຊິງຕ່າວໃນຫຼາຍມຸມມອງ.

ການເດີນທາງຄັ້ງນີ້, ບໍ່ແມ່ນພຽງແຕ່ການຢ້ຽມຢາມດ້ານການທ່ອງທ່ຽວ, ແຕ່ຍັງເປັນໂອກາດໃນການເພີ່ມຄວາມເຂົ້າໃຈ, ສ້າງມິດຕະພາບ ແລະ ຄົ້ນຫາໂອກາດຮ່ວມມື. ທັງສອງຝ່າຍຍັງໄດ້ຫາລືກ່ຽວກັບການເປີດຖ້ຽວບິນຕົງ, ເສັ້ນທາງທ່ອງທ່ຽວ, ການບໍລິການພາສາລາວ ແລະ ລະບົບການແລກປ່ຽນຢ່າງປົກກະຕິ ເພື່ອຂະຫຍາຍຄວາມຮ່ວມມືດ້ານການທ່ອງທ່ຽວລາວ–ຊານຕົງໃນອະນາຄົດ.

ວັນທີ 06 ສິງຫາ 2026 ຢູ່ ສະຖາບັນວັດທະນະທໍາ ແລະ ການທ່ອງທ່ຽວທ່ານ ວົງເດືອນ ແກ້ວສຸລິວົງ ຮອງຫົວໜ້າກົມສົ່ງເສີມຕະຫຼາດການທ່ອງທ່ຽວ...
10/08/2026

ວັນທີ 06 ສິງຫາ 2026 ຢູ່ ສະຖາບັນວັດທະນະທໍາ ແລະ ການທ່ອງທ່ຽວ

ທ່ານ ວົງເດືອນ ແກ້ວສຸລິວົງ ຮອງຫົວໜ້າກົມສົ່ງເສີມຕະຫຼາດການທ່ອງທ່ຽວ, ກະຊວງວັດທະນະທຳ ແລະ ການທ່ອງທ່ຽວ ແລະ ທ່ານ ນາງ ສີລິວັນລາ ວົງພະຈັນ, ຮອງຫົວໜ້າພະແນກປະຊາສຳພັນການທ່ອງທ່ຽວ ໄດ້ຂຶ້ນແລກປ່ຽນບົດຮຽນໃຫ້ແກ່ຊຸດຝຶກອົບຮົມພະນັັກງານນຳທ່ຽວລະດັບຊາດ ຊຸດທີ 34 ຫົວຂໍ້ “ການສົ່ງເສີມຕະຫຼາດການທ່ອງທ່ຽວ” ເຊິ່ງມີຜູ້ເຂົ້າຮ່ວມຝຶກອົບຮົມພະນັກງານນໍາທ່ຽວທັງໝົດ 66 ຄົນ.

ການນຳສະເໜີພາຍໃຕ້ຫົວຂໍ້ດັ່ງກ່າວ ແມ່ນເພື່ອຊຸກຍູ້ ແລະ ສົ່ງເສີມຕະຫຼາດການທ່ອງທ່ຽວຂອງລາວ ເນື້ອໃນສໍາຄັນໄດ້ເນັ້ນເຖິງການບໍລິການຂໍ້ມູນຂ່າວສານການທ່ອງທ່ຽວ, ການໂຄສະນາປະຊາສໍາພັນການທ່ອງທ່ຽວ, ການວິໄຈການຕະຫຼາດທ່ອງທ່ຽວ ແລະ ການສົ່ງເສີມກິດຈະກຳການຕະຫຼາດທ່ອງທ່ຽວ ໂດຍການໂຄສະນາການທ່ອງທ່ຽວຜ່ານເວບໄຊ ແລະ ບັນດາສື່ສັງຄົມອອນລາຍ, ການໃຫ້ບໍລິການຂໍ້ມູນຂ່າວສານການທ່ອງທ່ຽວ, ການພົວພັນຮ່ວມມືກັບສາກົນ ໃນການໂຄສະນາການທ່ອງທ່ຽວ, ການເຂົ້າຮ່ວມງານວາງສະແດງພາກພື້ນ ແລະ ສາກົນ. ພ້ອມນັ້ນ ຍັງນຳສະເໜີກ່ຽວກັບສິ່ງທ້າທາຍ ແລະ ຂໍ້ຈຳກັດໃນການສົ່ງເສີມຕະຫຼາດການທ່ອງທ່ຽວອີກດ້ວຍ.

#ສະຖາບັນວັດທະນະທໍາແລະການທ່ອງທ່ຽວ
#ກົມສົ່ງເສີມຕະຫຼາດການທ່ອງທ່ຽວ
#ພະນັກງານນຳທ່ຽວ
#ກະຊວງວັດທະນະທໍາແລະການທ່ອງທ່ຽວ

ກົມສົ່ງເສີມຕະຫຼາດການທ່ອງທ່ຽວ ຮ່ວມກັບ ສູນວັດທະນະທໍາຈີນ ປະຈຳ ສປປ ລາວ ໄດ້ຈັດຕັ້ງຄະນະຜູ້ແທນດ້ານວັດທະນະທໍາ ແລະ ການທ່ອງທ່ຽວລາວ...
10/08/2026

ກົມສົ່ງເສີມຕະຫຼາດການທ່ອງທ່ຽວ ຮ່ວມກັບ ສູນວັດທະນະທໍາຈີນ ປະຈຳ ສປປ ລາວ ໄດ້ຈັດຕັ້ງຄະນະຜູ້ແທນດ້ານວັດທະນະທໍາ ແລະ ການທ່ອງທ່ຽວລາວ ພ້ອມດ້ວຍພາກທຸລະກິດທ່ອງທ່ຽວຂອງ ສປປ ລາວ ມີ: ບໍລິສັດ ລາວ ນິດຊິນ ທ່ອງທ່ຽວ, ບໍລິສັດ ສະບາຍ ທາເວວ ຈຳກັດຜູ້ດຽວ, ບໍລິສັດ ເຈຍທາຍ ທ່ອງທ່ຽວ ຈຳກັດ, ບໍລິສັດ ວົງສະຫວັນ ທ່ອງທ່ຽວ ຈຳກັດ ແລະ ບໍລິສັດ ທ່ອງທ່ຽວເອບີ ຈຳກັດ. ໂດຍການນຳພາຄະນະເດີນທາງຄັ້ງນີ້ຂອງ ທ່ານ ຫຼົວ ເວີ້ຍຈ້ຽນ ຫົວໜ້າສູນວັດທະນະທຳຈີນ ປະຈຳ ລາວ, ທ່ານ ນາງ ມະນີສາຄອນ ທຳມະວົງໄຊ ຫົວໜ້າກົມສົ່ງເສີມຕະຫຼາດການທ່ອງທ່ຽວ ກະຊວງວັດທະນະທຳ ແລະ ການທ່ອງທ່ຽວ. ເຊິ່ງໄດ້ອອກເດີນທາງຈາກນະຄອນຫຼວງວຽງຈັນ ຜ່ານນະຄອນຄຸນໝິງ ມຸ່ງໜ້າສູ່ແຂວງຊ່ານຕົ່ງ ສປ ຈີນ ເພື່ອເລີ່ມຕົ້ນການສໍາຫຼວດ ແລະ ແລກປ່ຽນດ້ານວັດທະນະທໍາ-ການທ່ອງທ່ຽວ ລະຫວ່າງວັນທີ 3 - 9 ສິງຫາ 2026 ເປັນເວລາ 7 ວັນ.
ການສໍາຫຼວດເສັ້ນທາງຄັ້ງນີ້, ບໍ່ພຽງແຕ່ເປັນການຄົ້ນຫາສັກກະຍະພາບຂອງເສັ້ນທາງທ່ອງ ທ່ຽວໃໝ່ ແຕ່ຍັງເປັນອີກໜຶ່ງຂົວເຊື່ອມຕໍ່ມິດຕະພາບ ແລະ ການຮ່ວມມືດ້ານວັດທະນະທໍາ-ການທ່ອງທ່ຽວລະຫວ່າງລາວ–ຈີນ ໃຫ້ນັບມື້ແໜ້ນແຟ້ນຍິ່ງຂຶ້ນ. ໂດຍທາງຄະນະຈະໄດ້ສໍາຜັດສະເໜ່ຂອງ 3 ເມືອງສໍາຄັນຄື: ຈີໜານ ເມືອງແຫ່ງນໍ້າພຸ, ຊູຝູບ້ານເກີດຂອງທ່ານຂົງຈື້ ແລະ ແຫຼ່ງກໍາເນີດວັດທະນະທໍາຂົງຈື້, ລວມເຖິງຊິ໋ງຕາວ ເມືອງແຄມທະເລທີ່ມີມົນສະເໜ່ ແລະ ຈະໄດ້ສໍາຜັດບັນຍາກາດຂອງງານເທດສະການເບຍສາກົນຊິ໋ງຕາວ ຄັ້ງທີ 36. ພ້ອມນີ້, ຄະນະສໍາຫຼວດເສັ້ນທາງທ່ອງທ່ຽວຈາກ ສປປ ລາວ ໄດ້ເດີນທາງຢ້ຽມຢາມນະຄອນຈີໜານ ແຂວງຊ່ານຕົ່ງ ສປ ຈີນ ເພື່ສໍາອໍາຫຼວດແຫຼ່ງທ່ອງທ່ຽວ ແລະ ແລກປ່ຽນການຮ່ວມມືດ້ານວັດທະນະທໍາ-ການທ່ອງທ່ຽວ. ຄະນະໄດ້ຢ້ຽມຊົມເມືອງເກົ່າໝິງສຸ່ຍ, ສໍາຜັດວັດທະນະທໍາຂອງ ຫຼີຊິງຈ້າວ, ຮ່ວມສໍາຜັດສິລະປະຍ້ອມຜ້າແບບດັ້ງເດີມ ແລະ ລ່ອງເຮືອຊົມທິວທັດທະເລສາບຕ້າໝິງຫູ; ໄດ້ເດີນທາງຈາກນະຄອນຈີໜານ ໄປຍັງເມືອງຊູຝູ (曲阜) ດ້ວຍລົດໄຟຄວາມໄວສູງ ເພື່ອສຳຜັດກັບວັດທະນະທຳຂົງຈື້ທີ່ມີປະຫວັດສາດຍາວນານ ແລະ ໄດ້ຢ້ຽມຊົມ “ຊ່ານຂົງ” (三孔) (ໄດ້ແກ່: ວັດຂົງຈື້,​ ຕຳນັກຕະກູນຂົງຈື້, ສຸສານຕະກູນຂົງຈື້) ແລະ ນີຊານເຊິ່ງຈິ້ງ (尼山圣境), ຮຽນຮູ້ແນວຄິດ ແລະ ພູມປັນຍາຂອງຂົງຈື້ ພ້ອມສຳຜັດການນຳເຕັກໂນໂລຊີສະໄໝໃໝ່ມາປະສົມປະສານກັບວັດທະນະທຳດັ້ງເດີມ.

ພ້ອມກັນນັ້ນ, ສອງຝ່າຍຄະນະຜູ້ແທນໄດ້ເຂົ້າຮ່ວມກອງປະຊຸມກັບທາງແຂວງຊ່ານຕົ່ງຂອງ ສປ ຈີນ ເພື່ອແນະນໍາການທ່ອງທ່ຽວ ແລະ ແລກປ່ຽນທາງທຸລະກິດ, ປຶກສາຫາລືກ່ຽວກັບການແລກປ່ຽນນັກທ່ອງທ່ຽວ ແລະ ການຮ່ວມພັດທະນາເສັ້ນທາງທ່ອງທ່ຽວ. ການເດີນທາງຄັ້ງນີ້, ຍັງ
ໄດ້ສະທ້ອນເຖິງ 3 ຄຳ ສຳຄັນຄື: “ການເຊື່ອມຕໍ່, ການສືບທອດ ແລະ ການສ້າງສັນໃໝ່” ພ້ອມທັງເປັນອີກໜຶ່ງໂອກາດໃນການເສີມສ້າງຄວາມເຂົ້າໃຈ ແລະ ການແລກປ່ຽນດ້ານວັດທະນະທຳ-ການທ່ອງທ່ຽວລະຫວ່າງ ລາວ-ຈີນ ໃຫ້ເລິກເຊິ່ງຍິ່ງຂຶ້ນ ອີກດ້ວຍ.

29/07/2026

ກົມສົ່ງເສີມຕະຫຼາດການທ່ອງທ່ຽວ, ກະຊວງວັດທະນະທໍາ ແລະ ການທ່ອງທ່ຽວ ສົມທົບກັບ ພະແນກວັດທະນະທໍາ ແລະ ການທ່ອງທ່ຽວ ແຂວງອຸດົມໄຊ ຈັດກອງປະຊຸມ ກະກຽມຄວາມພ້ອມ ແຜນປີທ່ອງທ່ຽວ ລາວ-ຈີນ 2027.

ໃນວັນທີ​ 27​ ກໍລະກົດ​ 2026​ ຢູ່ນະຄອນຫຼວງວຽງຈັນ,​ ສປ​ປ​ ລາວກົມສົ່ງເສີມຕະຫລາດການທ່ອງທ່ຽວ, ກະຊວງວັດທະນະທຳ ແລະ ການທ່ອງທ່ຽວ ໄ...
27/07/2026

ໃນວັນທີ​ 27​ ກໍລະກົດ​ 2026​ ຢູ່ນະຄອນຫຼວງວຽງຈັນ,​ ສປ​ປ​ ລາວ

ກົມສົ່ງເສີມຕະຫລາດການທ່ອງທ່ຽວ, ກະຊວງວັດທະນະທຳ ແລະ ການທ່ອງທ່ຽວ ໄດ້ຈັດສໍາມະນາຊຸກຍູ້ ແລະ ສົ່ງເສີມຕະຫລາດການທ່ອງທ່ຽວຂອງ ສປປ ລາວ,​ ໂດຍການສະໜັບສະໜູນຂອງໂຄງການ ພັດທະນາໂຄງລ່າງພື້ນຖານເພື່ອສົ່ງເສີມການທ່ອງທ່ຽວອະນຸພາກພື້ນແມ່ນໍ້າ ຂອງ ໄລຍະ 2 (TIIGP2), ພາຍໃຕ້ການເປັນປະທານຂອງ ທ່ານ ນາງ ດາລານີ ພົມມະວົງສາ ຮອງລັດຖະມົນຕີ ກະຊວງວັດທະນະທຳ ແລະ ການ ທ່ອງທ່ຽວ, ມີບັນດາຫົວໜ້າກົມ, ຮອງກົມ, ພາກສ່ວນກ່ຽວຂ້ອງທັງຈາກພາກລັດ ແລະ ພາກເອກະຊົນໃນຂະແໜງການທ່ອງທ່ຽວເຂົ້າຮ່ວມ.
ທ່ານ ນາງ ດາລານີ ພົມມະວົງສາ ໄດ້ມີຄໍາເຫັນວ່າ: ການສໍາມະນາຄັ້ງນີ້, ເປັນການເປີດໂອກາດໃຫ້ທຸກພາກສ່ວນໄດ້ຮ່ວມແລກປ່ຽນຄໍາຄິດເຫັນ ຕໍ່ກັບວຽກງານການສົ່ງເສີມຕະຫລາດການທ່ອງທ່ຽວ ຂອງ ສປປ ລາວ ໂດຍສະເພາະການສ້າງຄວາມເປັນເອກະພາບ ໃນການຈັດຕັ້ງປະຕິບັດແຜນພັດທະນາ ວຽກງານວັດທະນະທຳ ແລະ ການທ່ອງທ່ຽວ 2026-2030 ຊຶ່ງ ສປປ ລາວ ຕັ້ງເປົ້າໝາຍຈະໃຫ້ສາມາດດຶງດູດນັກທ່ອງທ່ຽວໃຫ້ໄດ້ 22 ລ້ານ ເທື່ອຄົນ ໃນ 5 ປີ ຕໍ່ໜ້າ. ຄາດໝາຍດັ່ງກ່າວ ກໍມີຄວາມທ້າທາຍຫລາຍໃນເງື່ອນໄຂທີ່ສະພາບການສາກົນຍັງບໍ່ທັນມີຄວາມແນ່ນອນ ໂດຍສະເພາະ ບັນຫາໃນຕາເວັນອອກກາງ, ໄພທຳມະຊາດ, ບັນຫາເສດຖະກິດ-ການເມືອງ ໃນຫລາຍຂົງເຂດ ທີ່ຍັງມີຄວາມເຄັ່ງຕຶງ ຊຶ່ງອາດເປັນສາເຫດກະທົບຕໍ່ການເດີນທາງທ່ອງທ່ຽວໃນຕໍ່ໜ້າ. ວຽກງານການສົ່ງເສີມຕະ ຫລາດການທ່ອງທ່ຽວ ຖືເປັນວຽກງານທີ່ສໍາຄັນຂອງຂະແໜງການທ່ອງທ່ຽວ ມີບົດບາດເປັນສື່ກາງໃນການນໍາສະເໜີການທ່ອງທ່ຽວ ແລະ ການໂຄສະນາເຜີຍເເຜ່ເເນວທາງນະໂຍບາຍຂອງພັກ ແລະ ຜົນສໍາເລັດໃນການພັດທະນາເສດຖະກິດ-ສັງຄົມເເຫ່ງຊາດ ໃຫ້ແກ່ສັງຄົມລາວໄດ້ຮັບຮູ້, ເຂົ້າໃຈຢ່າງເລິກເຊິ່ງ. ນອກຈາກນີ້, ຍັງໄດ້ເປັນກຳລັງຍູ້ແຮງທີ່ສໍາຄັນ ໃນການໂຄສະນາບັນດາແຫລ່ງທ່ອງທ່ຽວທາງດ້ານວັດ ທະນະທຳ, ທຳມະຊາດ, ປະຫວັດສາດ ເເລະ ກະສິກຳ ຢ່າງຕໍ່ເນື່ອງ.
ພ້ອມກັນນີ້ຜູ້ເຂົ້າຮ່ວມຍັງໄດ້ຮັບຟັງການນໍາສະເໜີນະໂຍບາຍການສົ່ງເສີມຕະຫຼາດການທ່ອງທ່ຽວຂອງ ສປປ ລາວ ລວມທັງແຜນການໂຄສະນາສົ່ງເສີມການທ່ອງທ່ຽວໃນຕໍ່ໜ້າ, ການສົນທະນາແລກປ່ຽນ ແລະ ລະດົມແນວຄວາມຄິດໃນການຈັດຕັ້ງປະຕິບັດ ເຊິ່ງຄໍາຄິດເຫັນຂອງພາກທຸລະກິດ ຈະເປັນປະໂຫຍດທີ່ສຸດສໍາລັບການປັບປຸງ​ ແລະ​ ເສີມຂະຫຼາຍນະໂຍບາຍ.
ໃນຂະນະດຽວກັນນີ້ກໍຍັງຈະເປັນຈຸດເລີ່ມຕົ້ນບຸກທະລຸແຕ່ຫົວທີ ໃນການລົງມືຈັດຕັ້ງປະຕິບັດຕົວຈິງ, ການມີສ່ວນຮ່ວມລະຫວ່າງພາກລັດ-ພາກທຸລະກິດ ຖືເປັນກຸນແຈສໍາຄັນໃນການເຮັດວຽກງານສົ່ງເສີມຕະຫລາດການທ່ອງທ່ຽວ, ຖ້າຫາກພວກເຮົາຮ່ວມກັນວາງແຜນຢ່າງດີ,​ ເລືອກຕະຫລາດ, ຕັ້ງເປົ້າໝາຍ, ກຳນົດວິທີການ, ແບ່ງຄວາມຮັບຜິດຊອບທີ່ຊັດເຈນ ອັນໃດເປັນພາລະຂອງພາກລັດ ອັນໃດເປັນພາລະຂອງພາກທຸລະກິດ ເຊື່ອວ່າລັດຖະບານ ແລະ ຄູ່ຮ່ວມພັດທະນາຈະເຫັນໄດ້ຄວາມສໍາຄັນ ແລະ ພ້ອມທີ່ຈະສະໜັບສະໜູນທາງດ້ານວິຊາການ ແລະ ງົບປະມານ.

ອົງການວັດທະນະທຳ ແລະ ທ່ອງທ່ຽວ ລາວ-ຈີນ ສືບຕໍ່ຮ່ວມແຮງ ຮ່ວມໃຈກັນເພື່ອວາດພາບອະນາຄົດໃໝ່ຂອງການຮ່ວມມືດ້ານການທ່ອງທ່ຽວໃນວັນທີ 8 ກໍ...
12/07/2026

ອົງການວັດທະນະທຳ ແລະ ທ່ອງທ່ຽວ ລາວ-ຈີນ ສືບຕໍ່ຮ່ວມແຮງ ຮ່ວມໃຈກັນເພື່ອວາດພາບອະນາຄົດໃໝ່ຂອງການຮ່ວມມືດ້ານການທ່ອງທ່ຽວ

ໃນວັນທີ 8 ກໍລະກົດ, ວັນທີ 10 ກໍລະກົດ ສູນວັດທະນະທຳຈີນ ປະຈຳ ສປປ ລາວ ໄດ້ຈັດກອງປະຊຸມສົນທະນາແລກປ່ຽນວຽກງານດ້ານການທ່ອງທ່ຽວ ເນື່ອງໃນໂອກາດຄົບຮອບ 65 ປີ ການສ້າງຕັ້ງສາຍພົວພັນການທູດ ລາວ-ຈີນ ແລະ “ປີມິດຕະພາບ ລາວ-ຈີນ”.

ກອງປະຊຸມເປັນກຽດເຂົ້າຮ່ວມໂດຍ ທ່ານ ນາງ ມະນີສາຄອນ ທຳມະວົງໄຊ ຫົວໜ້າກົມສົ່ງເສີມຕະຫຼາດການທ່ອງທ່ຽວ, ທ່ານ ອິນທີ ເດືອນສະຫວັນ ປະທານສະມາຄົມທຸລະກິດທ່ອງທ່ຽວລາວ, ຜູ້ຕາງໜ້າຈາກກະຊວງ ວັດທະນະທຳ ແລະ ການທ່ອງທ່ຽວທ່ອງທ່ຽວ, ສະມາຄົມທ່ອງທ່ຽວລາວ, ສາຍການບິນລາວ, ສາຍການບິນ China Southern Airlines, China Eastern Airlines ແລະ ຜູ້ປະກອບການທ່ອງທ່ຽວສຳຄັນຂອງສອງປະເທດ ເພື່ອຮ່ວມສຶກສາ ແລະ ຜັນຂະຫຍາຍເນື້ອໃນຖະແຫຼງການຮ່ວມຂອງຜູ້ນຳສອງປະເທດ ກ່ຽວກັບການສ້າງຄູ່ຮ່ວມຊາຕາກຳລາວ-ຈີນ ທີ່ເຂັ້ມແຂງໜຽວແໜ້ນຂອງຍຸກໃໝ່ ແລະ ຜັກດັນການຮ່ວມມືດ້ານການທ່ອງທ່ຽວໃຫ້ເກີດຜົນຢ່າງເປັນຮູບປະທຳ.

ທ່ານ ຫຼົວ ເວີຍຈ້ຽນ ຫົວໜ້າສູນວັດທະນະທຳຈີນ ປະຈຳ ສປປ ລາວ ກ່າວວ່າ: ສູນຈະສືບຕໍ່ປະຕິບັດບົດບາດເປັນຂົວຕໍ່ ແລະເຊື່ອມປະສານຄວາມຮ່ວມມືກັບພາກສ່ວນຕ່າງໆ ເພື່ອຮ່ວມກັນຜັກດັນການພັດທະນາຕະຫຼາດທ່ອງທ່ຽວລາວ-ຈີນ. ຝ່າຍລາວສະແດງຄວາມຫວັງວ່າ: ຈະອາໄສເວທີຂອງສູນເພື່ອໂຄສະນາແຫຼ່ງທ່ອງທ່ຽວໃໝ່ໆຂອງລາວໃຫ້ແກ່ນັກທ່ອງທ່ຽວຈີນ ພ້ອມສົ່ງເສີມຮູບແບບ “ການທ່ອງທ່ຽວ + ກິລາ” ແລະ ດ້ານອື່ນໆ. ຂະນະດຽວກັນ ຜູ້ແທນສາຍການບິນຕ່າງໆ ກໍໄດ້ສະແດງຄວາມພ້ອມໃນການເພີ່ມຖ້ຽວບິນ ແລະ ຍົກລະດັບການບໍລິການ ເພື່ອອຳນວຍຄວາມສະດວກໃຫ້ການເດີນທາງລະຫວ່າງສອງປະເທດ.

ການຈັດງານໃນຄັ້ງນີ້, ຖຶເປັນການຕໍ່ຍອດຈາກກອງປະຊຸມດ້ານວັດທະນະທຳ ໄປສູ່ການສົ່ງເສີມທາງດ້ານວັດທະນະທຳ ແລະ ການທ່ອງທ່ຽວ ພ້ອມປ່ຽນເນື້ອໃນຄວາມເຫັນພ້ອມຂອງຜູ້ນຳສອງປະເທດ ໃຫ້ກາຍເປັນແນວທາງການດຳເນີນງານຂອງພາກສ່ວນການທ່ອງທ່ຽວ ເພີ່ມພູນແຮງຂັບເຄື່ອນ ແລະ ພື້ນຖານມິດຕະພາບຂອງສອງປະເທດ. ຫຼັງຈາກກອງປະຊຸມ ຜູ້ເຂົ້າຮ່ວມຍັງໄດ້ເຂົ້າຊົມນິທັດສະການຮູບພາບ ເນື່ອງໃນໂອກາດຄົບຮອບ 65 ປີ ຂອງການສ້າງສາຍພົວພັນການທູດ ລາວ-ຈີນ ເພື່ອຮ່ວມກັນສ້າງຄວາມເຫັນພ້ອມໃນການພັດທະນາຕໍ່ໄປ.

ວັນທີ 6 ກໍລະກົດ 2026, ກະຊວງ ວັດທະນະທຳ ແລະ ການທ່ອງທ່ຽວ ໄດ້ລົງນາມບົດບັນທຶກຄວາມເຂົ້າໃຈ (MOU) ກັບ ບໍລິສັດ ສະຕາ ໂທລະຄົມ ຈຳກັດ...
07/07/2026

ວັນທີ 6 ກໍລະກົດ 2026, ກະຊວງ ວັດທະນະທຳ ແລະ ການທ່ອງທ່ຽວ ໄດ້ລົງນາມບົດບັນທຶກຄວາມເຂົ້າໃຈ (MOU) ກັບ ບໍລິສັດ ສະຕາ ໂທລະຄົມ ຈຳກັດ (ຢູນີເທວ) ເພື່ອຮ່ວມຜັນຂະຫຍາຍການຫັນເປັນດິຈິຕອນໃນຂະແໜງການທ່ອງທ່ຽວຂອງ ສປປ ລາວ.

ການຮ່ວມມືຄັ້ງນີ້ ຈະຮ່ວມກັນພັດທະນາແພລດຟອມ Lao Travel ເພື່ອລວບລວມ ແລະ ເຜີຍແຜ່ຂໍ້ມູນແຫຼ່ງທ່ອງທ່ຽວ, ທີ່ພັກ, ຮ້ານອາຫານ, ທຸລະກິດບໍລິການ ແລະ ຂໍ້ມູນສຳຄັນອື່ນໆ ເພື່ອໃຫ້ນັກທ່ອງທ່ຽວທັງພາຍໃນ ແລະ ຕ່າງປະເທດ ສາມາດເຂົ້າເຖິງຂໍ້ມູນໄດ້ຢ່າງສະດວກ, ວ່ອງໄວ ແລະ ປອດໄພ.

ແພລດຟອມ Lao Travel ຈະເປັນ “ປະຕູສູ່ດິຈິຕອນ” ທີ່ຊ່ວຍເຊື່ອມຕໍ່ນັກທ່ອງທ່ຽວກັບແຫຼ່ງທ່ອງທ່ຽວ ແລະ ບໍລິການຕ່າງໆ ທົ່ວປະເທດ ພ້ອມຍົກລະດັບການທ່ອງທ່ຽວລາວໃຫ້ທັນສະໄໝ ແລະ ເຕີບໂຕຢ່າງຍືນຍົງ.

ງານບຸນລາວ ປະຈໍາປີ 2026 ໄດ້ຈັດຂຶ້ນໃນວັນທີ 23-24 ພຶດສະພາ 2026, ທີ່ ສວນສາທາລະນະ ໂຢໂຢງິ, ນະຄອນຫຼວງໂຕກຽວ, ປະເທດຍີ່ປຸ່ນ ໂດຍໄດ້...
24/05/2026

ງານບຸນລາວ ປະຈໍາປີ 2026 ໄດ້ຈັດຂຶ້ນໃນວັນທີ 23-24 ພຶດສະພາ 2026, ທີ່ ສວນສາທາລະນະ ໂຢໂຢງິ, ນະຄອນຫຼວງໂຕກຽວ, ປະເທດຍີ່ປຸ່ນ ໂດຍໄດ້ຮັບກຽດເຂົ້າຮ່ວມຂອງ ທ່ານ ທອງສະຫວັນ ພົມວິຫານ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ; ສົມເດັດ ເຈົ້າຍິງ ໄອໂກະ ແຫ່ງ ຍີ່ປຸ່ນ; ທ່ານ ຊິມະດະ ໂທໂມອາກິ, ຮອງລັດຖະມົນຕີກະຊວງການຕ່າງປະເທດຍີ່ປຸ່ນ; ທ່ານ ນາງ ຊຶຈິຢະ ຊິນາໂກະ, ປະທານສະມາຄົມມິດຕະພາບ ລັດຖະສະພາ ຍີ່ປຸ່ນ-ລາວ; ທ່ານ ອໍາໄພ ກິນດາວົງ, ເອກອັກຄະລັດຖະທູດ ແຫ່ງ ສປປ ລາວ ປະຈໍາ ຍີ່ປຸ່ນ ພ້ອມດ້ວຍບັນດາທູຕານຸທູດຕ່າງປະເທດ ປະຈໍາ ຍີ່ປຸ່ນ, ແຂກຖືກເຊີນຈາກພາກສ່ວນຕ່າງໆ ທັງພາກລັດ ແລະ ເອກະຊົນ, ລວມທັງບັນດາຜູ້ສະໜັບສະໜູນຂອງຍີ່ປຸ່ນ, ສະມາຄົມລາວທີ່ປະເທດຍີ່ປຸ່ນ ແລະ ນັກສຶກສາລາວ ເຂົ້າຮ່ວມຢ່າງຕັ້ງຫນ້າ. ໃນງານດັ່ງກ່າວມີປະຊາຊົນຄົນຍີ່ປຸ່ນ ແລະ ຄົນຕ່າງປະເທດ ຈໍານວນຫຼວງຫຼາຍ ເຂົ້າຮ່ວມຊີມອາຫານລາວ, ເບຍລາວ, ຊົມການສະແດງສີລະປະວັດທະນະທໍາລາວ ແລະ ສອບຖາມຂໍ້ມູກ່ຽວກັບການທ່ອງທ່ຽວລາວຢ່າງຟົດຟື້ນ ແລະ ມ່ວນຊື່ນ.

ສະບາຍດີປີໃໝ່ລາວ
12/04/2026

ສະບາຍດີປີໃໝ່ລາວ

Address

Hatsady Village
Vientiane

Opening Hours

Monday 08:30 - 16:00
Tuesday 08:30 - 16:00
Wednesday 08:30 - 16:00
Thursday 08:30 - 16:00
Friday 08:30 - 16:00

Website

Alerts

Be the first to know and let us send you an email when ກົມສົ່ງເສີມຕະຫຼາດການທ່ອງທ່ຽວTourism Marketing and Promotion Department, MCT posts news and promotions. Your email address will not be used for any other purpose, and you can unsubscribe at any time.

Shortcuts

Share

Category