سوا لبيت ملات - ٢٠٢٥

سوا لبيت ملات - ٢٠٢٥ قائمة سوا لبيت ملات ٢٠٢٥ صوت الجميع لغدٍ أفضل

قائمة سوا لبيت ملات 2025 هي صوت كلّ مواطن يؤمن بقوّة الشفافية والانتماء، نعمل معًا على بناء مستقبل أفضل لبيتنا الكبير حيث يشرق الأمل ويُسمع صوت الجميع

12/05/2025

شكراً من القلب، يا أهل بيت ملات

من فريق “سوا لبيت ملات”، منوجّهلكم تحيّة محبة وتقدير لكل شخص شارك، صوّت، وعبّر عن دعمو بكل احترام ومحبة.

ثقتكن فينا وسام على صدرنا، ومسؤولية مناخدها بكل جدية. وجودكن حدّنا، دعمكن، واندفاعكن عطونا القوة لنوصل، وعطونا الدافع لنكمل.

بيت ملات ما بتشبه إلا أهلها… أهل الوفا، المحبة، والكرامة. بهالنتيجة، ما عم نحتفل بس بنجاح، عم نحتفل بروح أهل الضيعة يلي دايمًا بيحطّوا المصلحة العامة فوق كل اعتبار.

نعدكن إنو نشتغل بصمت، بصدق، وبشفافية، ونكون دايمًا حاضرين حيث يجب، ومن دون استعراض… لأنو شغلتنا نكون بخدمة بيت ملات، كل بيت، وكل فرد.

شكراً من القلب…
بيت ملات بتجمعنا، ورح نضل نكبر فيّا ومعاها.

نعرّفكم اليوم على بيار جرجس الراسي ، من مواليد بيت ملات في ٩ أذار ١٩٦٧، متأهل من السيدة لوريت بولس حداد، وأب لميسا وغدي....
08/05/2025

نعرّفكم اليوم على بيار جرجس الراسي ، من مواليد بيت ملات في ٩ أذار ١٩٦٧، متأهل من السيدة لوريت بولس حداد، وأب لميسا وغدي.

بدأ مسيرته المهنية عام ١٩٨٨ في القطاع المصرفي، وانتقل في عام ١٩٩٢ إلى مصرف سوسيته جنرال، قبل أن يؤسّس عام ١٩٩٤ شركة “بيار الراسي للتعهدات”.

وفي عام ٢٠٠٠، أسّس شركة PR Enterprise التي شهدت توسعًا ملحوظًا ودخلت مرحلة جديدة من النمو في مجالات متعددة.

بيار هو مثال لرجل الأعمال المثابر، يجمع بين الخبرة العملية والرؤية الواضحة، ويؤمن بأهمية دعم المبادرات المحلية والمساهمة الفعّالة في تطوير بيت ملات على مختلف الأصعدة

Pierre El Rassy

نعرّفكم اليوم على خليل جرجس إبراهيم، من مواليد بيت ملات في ١٧ تموز ١٩٥٦، متأهل من السيدة جاكلين عبدالله بو حنا، وأب لليز...
08/05/2025

نعرّفكم اليوم على خليل جرجس إبراهيم، من مواليد بيت ملات في ١٧ تموز ١٩٥٦، متأهل من السيدة جاكلين عبدالله بو حنا، وأب لليزا، سيمون، جورج، وجوزيف.

رقيب أول متقاعد في الجيش اللبناني، حائز على شهادة استحقاق من قيادة الجيش وعدة أوسمة تقدير لمسيرته العسكرية المشرّفة.

يحمل الشهادة المتوسطة، ويشغل حاليًا منصب أمين صندوق في بلدية بيت ملات.

يتميّز خليل بالانضباط، الالتزام، والخبرة في الشأن العام، ويضع كل إمكانياته في خدمة بلدته بكل مسؤولية وإخلاص

Khalil Ibrahim

08/05/2025

في شي عم بيصير بهالحملة الانتخابية، ما بيمرُق لا عالمنطق ولا عالأخلاق.

ناس عم تستعمل المساعدات كوسيلة ضغط، وعم بيتم التلميح لبعض الأشخاص إنو “إذا بدك تبقى مستفيد، لازم تنتخبنا”.
يعني بدل ما تكون المساعدة حق طبيعي وواجب اجتماعي، صارت ورقة ضغط لشراء الأصوات!
وهيدا بحد ذاتو بيعكس قديش في استخفاف بكرامة الناس واحتياجاتهم.

ولما تسأل بعض المرشحين: “ليش نازلين؟”، بيجاوبوك: “نكاية بفلان وعلان.”
ولما تسأل غيرهم، بيقلك: “لأن الطرف التاني ما أخدني معه.”
ولا واحد عنده مشروع واضح، ولا خطة، ولا حتى نية للعمل الجماعي.
كأنو البلدية ملعب تصفيات ومصالح شخصية، مش شغل خدمة عامة.

البلدية، يا جماعة، ما لازم تكون منصة سياسية ولا ساحة خصومات.
هي عيلة وحدة، بتشتغل بإيد وحدة، لمصلحة ضيعة وحدة.

ويا ريت الحكي وقف هون… بيحكوا عن “تغيير”، وبيتهموا المجلس الحالي بالسرقة،
طيب إذا عن جد في سرقة مثل ما عم تقولوا، بلّشوا من رأس لائحتكن يلّي هو أصلاً عضو حالي بهيدا المجلس!
ما فيكن تحكوا عن “تغيير” وإنتو حاملين نفس المنظومة القديمة. التغيير ما بيصير بالتجميل، بيصير بالفعل وبالنية.

وغير كل هالحكي، في ناس عم تطلع تقول إنو البلدية “سرقت سبعين مليون دولار”!
يا جماعة، البلدية كلها سوا عم تستلم بين ٣٠٠٠ و٤٠٠٠ دولار بالسنة من الدولة،
يعني بدنا تقريبًا ٢٠ ألف سنة لنوصل لـ٧٠ مليون!
عن جد، قبل ما توزّعوا اتهامات بالهوا، ياريت حدا منكن يفتح الآلة الحاسبة… أو يا ريت حدا يعلّمكن رياضيات صف تاني ابتدائي!

نحنا منقول بصوت واضح: بدنا بلدية ما فيها استغلال، ما فيها نكايات، وما فيها أجندات.
بدنا بلدية بتحترم الناس، وبتشتغل بشفافية، وبتجمع الضيعة بدل ما تفرّقها.

08/05/2025

إلى أوفياء لائحة "سوا لبيت ملات"
الوقت حان لنثبت إنو بيت ملات بتوحدها المحبة والإرادة.
يوم الانتخابات، منروح كلنا سوا، ومننتخب سوا، بلائحة كاملة، ومنرفع اسم الضيعة بالأفعال مش بالكلام.
صوتكن مش بس دعم... هو وعد بالوفا، واستمرار للمسيرة.

سوا لبيت ملات
كلنا ورا اللائحة

07/05/2025

عندما قررنا خوض غمار الانتخابات البلدية كان المبدأ الاساس ان السباق هو عائلي بامتياز وهنا تكمن المنافسة الشريفة.

يؤسفني اليوم ان البعض لا يرى ان الخيارات في اللوائح هي عائلية بامتياز وذلك نزولاً عند رغبة الاحزاب التي شجّعت ان يبقى التنافس على هذا المستوى.

ان اللوائح تضم أعضاء من كل الاحزاب ومن معظم العائلات مجتمعين على مشروع ونهج كلٌّ بما يراه مناسباً في حين ان الاصطياد بماء الانتماء الحزبي يجري عن طريق التزايد بالانتماء؛

من هنا نتمنى من جميع من يتغنّي ويغار على الديمقراطية ان يحترم هذا المبدأ من دون المزايدة او الانجرار بالزواريب الضيّقة.

كما نحترم الانتماء الحزبي للبعض يطلب ايضاً احترام انتماؤنا الذي لا نقايض عليه كما ولا نسمح ان يُتَقايَض فيه لمصالح شخصية، فالسباق على المجلس البلدي من قبلنا كان وسيبقى شريفاً تحت شعار سوا

نعرّفكم اليوم على رامي إدمون إسحق، من مواليد ١٩٨٧، متأهل من السيدة ماريا جوزيف يوسف وأب لإلياس ونايا.مقيم في بيت ملات صي...
07/05/2025

نعرّفكم اليوم على رامي إدمون إسحق، من مواليد ١٩٨٧، متأهل من السيدة ماريا جوزيف يوسف وأب لإلياس ونايا.

مقيم في بيت ملات صيفًا وشتاءً، وموظف في شركة “مدكو” للمحروقات، حيث يتميّز بالجدية والالتزام في عمله.

رامي معروف بعلاقته الطيبة مع أهل البلدة، ويؤمن بأن الحضور الدائم في الضيعة والمشاركة الفعلية في هموم الناس هما الخطوة الأولى نحو خدمة حقيقية ومستمرة

06/05/2025

بيان توضيحي للائحة "سوا لبيت ملات”

أهلنا الأعزاء في بيت ملات,

نؤكد أمامكم جميعًا أن*لائحة "سوا لبيت ملات"* هي لائحة مستقلة بالكامل، لا تتبع لأي جهة حزبية أو سياسية، بل هي وليدة التفاهم والتوافق بين أبناء البلدة من مختلف العائلات والانتماءات.

هذه اللائحة تمثل صوت كل بيت ملاتي، بعيدًا عن الاصطفاف والانقسام، وهدفها الوحيد هو خدمة بيت ملات وأهلها، بكل شفافية ومسؤولية.

في المقابل، نلاحظ محاولات من اللائحة المنافسة للتستّر خلف بعض الاحزاب، التي نكن لها كامل الاحترام والمتواجدة في كلتا اللائحتين، بهدف استقطاب الناس واستغلال العاطفة السياسية، وهو ما نراه خطوة تُخرج العمل البلدي عن مساره الطبيعي القائم على القرب من الناس، لا الانقسام بينهم.

نحن نؤمن أن بلديتنا بتجمع، ما بتفرّق.
ونراهن على وعيكم، وعلى أن صوتكم سيذهب لمن يستحق

سوا لبيت ملات

Address

Municipality Building
Beït Mellâte
00000

Website

Alerts

Be the first to know and let us send you an email when سوا لبيت ملات - ٢٠٢٥ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category