27/07/2026
"සුපිළිපන් සංස්කෘතියක් - ක්ලීන් ශ්රී ලංකාවක්" ජාතික මෙහෙයුමට එක්වෙමින්, කුඩා තේ වතු සංවර්ධන අධිකාරියේ (TSHDA) අපගේ පෙරගමන් පියවර!
ශ්රී ලංකාවේ සමස්ථ රාජ්ය සේවයේම ගුණාත්මකභාවය , කාර්යක්ෂමතාවය සහ පාරදෘශ්යභාවය ඉහළ නැංවීම මෙන්ම දූෂණයන්ගෙන් තොර ආදර්ශමත් පරිපාලන ව්යුහයක් ගොඩනැගීම වර්තමාන රජයේ ප්රමුඛතම අභිලාශය වී ඇති අතර, මෙම අරමුණු සාක්ෂාත් කරගැනීම උදෙසා ක්රියාත්මක වන ක්ලීන් ශ්රී ලංකා ජාතික වැඩසටහන හා ඒකාබද්ධ වෙමින් රාජ්ය සේවයේ ආචාරධර්මීය වටිනාකම් ශක්තිමත් කිරීම අත්යාවශ්ය කරුණක් බවට පත්වී ඇත.
ඒ අනුව ක්රියාත්මක වෙමින් "ජාතික සුපිළිපන් සතියේ" (ජූලි 27 - 31) ආරම්භය සනිටුහන් කරමින්, අද (ජූලි 27) පෙරවරු 09.00 ට කුඩා තේ වතු සංවර්ධන අධිකාරියේ ප්රධාන කාර්යාලයේ සියලුම නිලධාරීන් එක්ව "ජාතික සුපිළිපන් දිවුරුම සහ ප්රතිඥාව" ලබා දෙන ලදී.
මෙම ජාතික මෙහෙයුමේ ප්රමුඛතම අභිලාෂය වන්නේ, ශ්රී ලංකාවේ සමස්ත රාජ්ය සේවයේම ගුණාත්මකභාවය, කාර්යක්ෂමතාව සහ පාරදෘශ්යභාවය ඉහළ නංවමින්, දූෂණයෙන් තොර ආදර්ශමත් පරිපාලන ව්යුහයක් ගොඩනැගීමයි. මෙය හුදෙක් එක් සතියකට පමණක් සීමා වූ සැමරුමක් නොව, සමස්ත රාජ්ය සේවයේ පදනම ස්ථිරසාර ලෙස වෙනස් කරන දීර්ඝකාලීන වැඩපිළිවෙළක ආරම්භයකි.
ඒ අනුව,
• පෞද්ගලික ලාභ ප්රයෝජන පසෙකලා සෑම විටම පොදු මහජන යහපතට ප්රමුඛතාවය දීමට අප කැපවී සිටිමු.
• කිසිවෙකුගේ බලා සිටීමකින් හෝ අධීක්ෂණයකින් තොරව වුවද, අපගේ හෘද සාක්ෂියට එකඟව ස්වයං-පාලනයකින් යුතුව නිවැරදි සහ සදාචාරාත්මක රාජකාරියක නිරත වීමට අප බැඳී සිටිමු.
• ආයතනය වෙත පැමිණෙන සෑම සේවාලාභියෙකුටම කිසිදු භේදයකින් තොරව, කාරුණිකව සහ සමානාත්මතාවයෙන් යුතුව සේවය සැපයීම අපගේ පරම වගකීමයි.
අල්ලස, දූෂණය, නාස්තිය සහ අකාර්යක්ෂමතාවය සහමුලින්ම තුරන් කළ නව රාජ්ය සේවා සංස්කෘතියක් උදෙසා කුඩා තේ වතු සංවර්ධන අධිකාරිය වශයෙන් අප සැමවිටම අපගේ උපරිම දායකත්වය ලබා දෙන්නෙමු!
