28/04/2026
கிராம அபிவிருத்திச் சங்கத்தின் காணி கொள்வனவுக்காக பிரதேச சபை உறுப்பினர் எச்.எம். றிஸ்மி நிதி உதவி!
வாழைச்சேனை 206-D கிராம அபிவிருத்திச் சங்கத்தின் 14 வருட நீண்ட காலக் கனவான, சங்கத்திற்கான சொந்தக் காணி கொள்வனவு செய்யும் திட்டத்திற்குப் பலம் சேர்க்கும் வகையில் விசேட நிதிப்பங்களிப்பு இன்று வழங்கப்பட்டது.
சங்கத்தின் காணி கொள்வனவுக்காக, கோறளைப்பற்று பிரதேச சபை உறுப்பினர் எச்.எம். றிஸ்மி அவர்கள் தனது மாதாந்தக் கொடுப்பனவை இன்றைய தினம் (28.04.2026) செவ்வாய்க்கிழமை உத்தியோகபூர்வமாக வழங்கி வைத்தார்.
வாழைச்சேனை 206-D கிராம அபிவிருத்திச் சங்கம் தனக்கென ஒரு நிலையான இடத்தைப் பெற்றுக்கொள்வதற்காக கடந்த 14 வருடங்களாக பல்வேறு முயற்சிகளை முன்னெடுத்து வந்தது.
மக்களின் இந்த நீண்ட காலத் தேவையினை உணர்ந்து, அதற்குத் தனது பங்களிப்பாக தனது மாதாந்தக் கொடுப்பனவை உறுப்பினர் றிஸ்மி அவர்கள் சங்க நிர்வாகிகளிடம் கையளித்திருந்தார்.
இக்காணி கொள்வனவு செய்யப்பட்டதன் பின்னர், கிராமத்தின் கல்வி, சமூக மற்றும் அபிவிருத்திப் பணிகளை ஒருங்கிணைப்பதற்கான ஒரு நிலையான தளமாக இது அமையும் என எதிர்பார்க்கப்படுகிறது.
இந்த நிகழ்வின் போது சங்கத்தின் நிருவாக உறுப்பினர் எம்.எஸ்.எம். மன்சூர் அவர்களினால் பொருளாளர் அவர்களிடம் கையளிக்கப்பட்டது, பிரதேச சபை உறுப்பினரின் இந்த மக்கள் நலச் சேவைக்குத் தமது பாராட்டுகளையும் நன்றிகளையும் தெரிவித்துக் கொண்டனர்.
