Beliatta Divisional Secretariat

05/06/2026

📚🛡️ "සුරැකුම් පවුර" පාසල් ළමා ආරක්ෂක කමිටුව පිහිටුවීම 🛡️📚

අධ්‍යාපන අමාත්‍යාංශය සහ ජාතික ළමා ආරක්ෂක අධිකාරිය ඒකාබද්ධව ක්‍රියාත්මක කරනු ලබන "සුරැකුම් පවුර" පාසල් ළමා ආරක්ෂක කමිටු පිහිටුවීමේ වැඩසටහන යටතේ හ/නායකවත්ත කනිෂ්ඨ විද්‍යාලයේ "සුරැකුම් පවුර" කමිටුව පිහිටුවීම හා එහි කමිටු සාමාජිකයන් දැනුවත් කිරීමේ වැඩසටහන 2026.06.04 දින එම විද්‍යාලයේදී පවත්වන ලදී.

මෙහි සම්පත් දායකත්වය බෙලිඅත්ත ප්‍රාදේශීය ලේකම් කාර්යාලයේ ළමා ආරක්ෂක නිලධාරිනිය විසින් ලබා දෙන ලදී.

👧👦 පාසල තුළ මෙන්ම පාසලෙන් පිටත ද සිදුවිය හැකි ළමා අපයෝජන වැළැක්වීම,
🏫 ළමා හිතකාමී පාසල් පරිසරයක් ගොඩනැගීම,
🛡️ සෑම අවස්ථාවකදීම දරුවන්ගේ ආරක්ෂාව තහවුරු කිරීම,
🌱 යහපත් ගුණාංගවලින් හෙබි ළමා පරපුරක් බිහිකිරීම

යන අරමුණු පෙරදැරි කර ගනිමින් මෙම වැඩසටහන ක්‍රියාත්මක කරනු ලබයි.

#සුරැකුම්පවුර #ළමාආරක්ෂාව 👧🛡️📚

05/06/2026

🌿 දලුලන්න ඉඩ දෙන්න 🌱

🌍 දේශගුණ විපර්යාස අවම කර ගැනීම වෙනුවෙන් පෙළ ගැසෙමු ♻️💚🌳

#ජගත්_පරිසර_දිනය 🌍
🌱
♻️
🌿

02/06/2026

🔐 සයිබර් ආරක්ෂණය පිළිබඳ දැනුවත් කිරීමේ වැඩමුළුව

හම්බන්තොට දිස්ත්‍රික්කයේ ප්‍රාදේශීය ලේකම් කාර්යාල හා පළාත් පාලන ආයතනවල කාර්ය මණ්ඩල සඳහා සංවිධානය කරන ලද සයිබර් ආරක්ෂණය (Cyber Security) පිළිබඳ දැනුවත් කිරීමේ වැඩමුළුව 2026.06.02 දින බෙලිඅත්ත ප්‍රාදේශීය ලේකම් කාර්යාල ශ්‍රවණාගාරයේදී සාර්ථකව පැවැත්විණි.

මෙම වැඩසටහන දකුණු පළාත් ප්‍රධාන අමාත්‍යාංශය මඟින් සංවිධානය කරනු ලැබූ අතර, බෙලිඅත්ත ගරු ප්‍රාදේශීය ලේකම් නීතිඥ එරංගා මහානාම මැතිණියගේ ප්‍රධානත්වයෙන් වැඩසටහන පැවැත්විණි.

මෙහි සම්පත් දායකත්වය දරනු ලැබුවේ රුහුණු විශ්වවිද්‍යාලයේ තොරතුරු තාක්ෂණ පිළිබඳ ජ්‍යෙෂ්ඨ කථිකාචාර්ය සහ තොරතුරු තාක්ෂණ අධ්‍යක්ෂක ආචාර්ය ඒ.සී.පී. ප්‍රියංකර මහතා විසිනි. නවීන ඩිජිටල් පරිසරය තුළ තොරතුරු ආරක්ෂා කර ගැනීම, අන්තර්ජාල වංචා හඳුනා ගැනීම සහ ආයතනික දත්ත ආරක්ෂණ ක්‍රමවේද පිළිබඳව සහභාගී වූවන් දැනුවත් කරන ලදී.

02/06/2026

📌 ප්‍රජා ශක්ති 2026 වැඩසටහන යටතේ "ගම් දහසක වැඩ දහසක්" ග්‍රාමීය සංවර්ධන ව්‍යාපෘති ක්‍රියාත්මක කිරීම

ප්‍රජා ශක්ති 2026 වැඩසටහන යටතේ ක්‍රියාත්මක වන "ගම් දහසක වැඩ දහසක්" ග්‍රාමීය සංවර්ධන ව්‍යාපෘති රැසක වැඩ ආරම්භ කිරීමේ හා ප්‍රගති සමාලෝචන අවස්ථාවන් සාර්ථකව පැවැත්විණි.

මෙම අවස්ථාවන් සඳහා බෙලිඅත්ත ගරු ප්‍රාදේශීය ලේකම් නීතිඥ එරංගා මහානාම මැතිණිය, හම්බන්තොට දිස්ත්‍රික් ගරු පාර්ලිමේන්තු මන්ත්‍රී සාලිය සඳරුවන් මැතිතුමා ඇතුළු දේශපාලන අධිකාරිය සහභාගී වූ අතර, අදාළ ග්‍රාම නිලධාරී කොට්ඨාසවල ග්‍රාම නිලධාරීන්, ප්‍රජා සවිබල ගැන්වීමේ නිලධාරීන් ඇතුළු රාජ්‍ය නිලධාරීන් ද මෙම වැඩසටහන් සඳහා සම්බන්ධ වූහ.

ග්‍රාමීය ජනතාවගේ ජීවන තත්ත්වය නංවාලීම, යටිතල පහසුකම් සංවර්ධනය කිරීම හා ප්‍රජා සහභාගීත්වය ශක්තිමත් කිරීම අරමුණු කරගත් මෙම ව්‍යාපෘති, ග්‍රාමීය සංවර්ධනය සඳහා වැදගත් පියවරක් ලෙස ක්‍රියාත්මක වේ.

#ගම්දහසකවැඩදහසක් #බෙලිඅත්ත #හම්බන්තොට

02/06/2026

🍰 පේස්ට්‍රි හා බේකරි නිෂ්පාදන පාඨමාලාව ආරම්භ කිරීම 🍰

දකුණු පළාත් කාන්තා කටයුතු අමාත්‍යාංශය මගින් සංවිධානය කරන ලද පෙස්ට්‍රි හා බේකරි නිෂ්පාදන පාඨමාලාවේ ආරම්භක වැඩසටහන 2026.06.02 දින බෙලිඅත්ත විදාතා සම්පත් මධ්‍යස්ථානයේදී, බෙලිඅත්ත ගරු ප්‍රාදේශීය ලේකම් නීතිඥ එරංගා මහානාම මැතිණියගේ ප්‍රධානත්වයෙන් සාර්ථකව පැවැත්විණි.

කාන්තාවන්ගේ වෘත්තීය කුසලතා සංවර්ධනය කිරීම හා ස්වයං රැකියා අවස්ථා පුළුල් කිරීම අරමුණු කරගත් මෙම පාඨමාලාව සඳහා ප්‍රදේශයේ කාන්තාවන් රැසක් සහභාගී වූහ.

මෙම වැඩසටහන සංවිධානය කිරීමේ කටයුතු බෙලිඅත්ත ප්‍රාදේශීය ලේකම් කාර්යාලයේ වනිතා සංවර්ධන නිලධාරිතුමිය විසින් සිදු කරන ලදී.

✨ කාන්තාවන්ගේ ආර්ථික සවිබල ගැන්වීම උදෙසා තවත් වැදගත් පියවරක්...!

#බෙලිඅත්ත_ප්‍රාදේශීය_ලේකම්_කාර්යාලය
#කාන්තා_සවිබලගැන්වීම

02/06/2026

📢 ප්‍රජාව දැනුවත් කිරීමේ මත්ද්‍රව්‍ය නිවාරණ වැඩසටහන

මත්ද්‍රව්‍ය භාවිතයෙන් තොර සුරක්ෂිත හා සෞඛ්‍ය සම්පන්න සමාජයක් ගොඩනැගීමේ අරමුණින් ප්‍රජාව දැනුවත් කිරීමේ මත්ද්‍රව්‍ය නිවාරණ වැඩසටහනක් 2026.06.01 දින මිහිදුපුර ග්‍රාම නිලධාරී කොට්ඨාසයේ මිහිදුපුර විහාරස්ථානයේදී සාර්ථකව පැවැත්විණි.

මෙම වැඩසටහන සමුර්ධි බැංකු කළමනාකාරතුමියගේ සංවිධානයෙන් පැවැත්වූ අතර, බෙලිඅත්ත ප්‍රාදේශීය ලේකම් කාර්යාලයේ මත්ද්‍රව්‍ය නිවාරණ, ප්‍රතිකාර හා පුනරුත්ථාපන නිලධාරී සනත් කොඩිතුවක්කු මහතා සම්පත් දායකත්වය ලබා දෙමින් මත්ද්‍රව්‍ය භාවිතයේ අහිතකර බලපෑම්, ඒවා වැළැක්වීමේ ක්‍රමවේද සහ ප්‍රජාවගේ වගකීම පිළිබඳව දැනුවත් කිරීමක් සිදු කළේය.

සමාජයේ සියලු දෙනාගේ සහයෝගයෙන් මත්ද්‍රව්‍යයෙන් තොර අනාගත පරපුරක් බිහිකිරීමට කැපවෙමු.

31/05/2026

31/05/2026

╔══ ✨🙏✨ ══╗
ආධ්‍යාත්මික සුවය
╚═══ ════════╝

#බෙලිඅත්ත_අභිමානය 🇱🇰✨

ආමිස හා ප්‍රතිපත්ති පූජාවලට මුල්තැන දෙමින් ආධ්‍යාත්මික ගුණයෙන් සහ සාමූහිකත්වයෙන් බැබළුණු උදාර මොහොතක්... 🕯️🌸

බෙලිඅත්ත ගරු ප්‍රාදේශීය ලේකම්, නීතිඥ එරංගා මහානාම මැතිණියගේ උදාර සංකල්පයකට අනුව... 👑👑

2026 රාජ්‍ය වෙසක් සතියට සමගාමීව, බෙලිඅත්ත ප්‍රාදේශීය ලේකම් කාර්යාලීය නිලධාරී එකමුතුවෙන් සංවිධානය කරන ලද පහන් කූඩු ප්‍රදර්ශනය 2026 මැයි 27 දින සිට 31 දක්වා ප්‍රාදේශීය ලේකම් කාර්‍යාල පරිශ්‍රයේ දී පවත්වනු ලැබේ.

පහන් කූඩු තරගාවලියේ ජයග්‍රහනයන්

1වන ස්ථානය - ග්‍රාම නිලධාරී අංශය
2වන ස්ථානය - ආයතන අංශය
3වන ස්ථානය - ප්‍රජා සවිබල ගැන්වීමේ නිලධාරී අංශය

ඒ සැදැහැති අවස්ථාවේ මතක සටහන් පෙළගැස්ම... 📸👇❤️

#

30/05/2026

🪔පින්බර වෙසක් පොහොය නිමිත්තෙන් මඤ්ඤොක්කා දන්සලක්... 🙏

"සබ්බ දානං ධම්ම දානං ජිනාති" (සියලු දාන අතුරින් ධර්ම දානය උතුම්ය.)

පින්බර වෙසක් පොහොය නිමිත්තෙන්, බෙලිඅත්ත ගරු ප්‍රාදේශීය ලේකම් නීතිඥ එරංගා මහානාම මැතිණියගේ සංකල්පයකට අනුව, 2026.05.27 දින කාර්යාලීය නිලධාරීන්ගේ දායකත්වයෙන් මඤ්ඤොක්කා දන්සලක් සාර්ථකව පැවැත්විණි.

මෙම පුණ්‍යකර්මය තුළින් ජනතාවට ආහාර පාන පිරිනමමින් වෙසක් පොහොයේ දානමය පින්කම්වල අගය සිහිපත් කරමින්, බෞද්ධ සංස්කෘතියේ කරුණාව, දයාව හා පරිත්‍යාගශීලීත්වය ප්‍රවර්ධනය කිරීමට හැකි විය.

සියලු දෙනාටම මේ පින් අනුමෝදන් වේවා! 🙏☸️

#අනුමෝදන්වේවා 🙏🏻