19/11/2025
වතුකරය පටලවාගෙන ආණ්ඩුව ඉතාම නින්දිත, තුච්ච වැඩක් කරනවා.
ඔව්! වතු කම්කරුවන්ගේ වැටුප් වැඩිවෙන්න ඕන.
වැටුප් වැඩිවෙන්න ඕන රුපියල් 200 කින් නෙවෙයි.
අවම වශයෙන් ඔවුන්ගේ වැටුප රුපියල් 2000 ක් කරන්න ඕන.
ඒ ගැන කිසිම තර්කයක් නෑ. අපි හැමෝම ඉන්නේ ඒ මතයේ.
හැබැයි ඒ වැටුප ගෙවන්න ඕන කවුද ?
මහජනතාව ද ? මම සහ ඔබ ද ?
එහෙම නැත්නම් ඒ ජනතාවගේ ශ්රමය හූරා කාලා කෝටි ගණනින් මුදල් උපයන ධම්මික පෙරේරා, ඩිල්හාන් ෆර්නෑන්ඩු, ඉෂාර නානායක්කාර ද ?
ශ්රී ලංකාවේ ප්රධාන වතුසමාගම් සියල්ල රුපියල් මිලියන සිය ගණනින්/ බිලියන සිය ගණනින් ලාභ ලබනවා.
මේ වතු සමාගම් වලට කැත නැතුව සේවකයන්ට රුපියල් පන්සීයයකින් වැටුප් වැඩි කරන්න පුලුවන්.
එහෙම වැඩි කළත් අවුරුද්දට එක් අයෙකුට වියදම් වේවි රුපියල් මිලියන 25 ක්.
මේ බිලියන ගණනින් ලාභ ලබන ආයතන වලට ඒක දරාගන්න බැරි ඇයි ?
ඇයි මේ රටේ අහිංසක මිනිස්සු හූරාගෙන කන බදු මුදලින්ම මේ ප්රකෝටිපතියො පොහොසත් කරන්න උවමනා ?
ඔවුන්ගේ බිස්නස් එකේ සේවකයන්ට අපගේ බදු මුදලින් වැටුප් ගෙවන්නේ ඇයි ?
මේ මොන විකෘතියක් ද ?
ඇත්ත වශයෙන්ම අනුර දිසානායක මේ සල්ලි දෙන්නේ අර අහිංසක වතුකරයේ මිනිස්සුන්ට නෙවෙයි.
ධම්මික පෙරේරාට, ඉෂාරට, ඩිල්හාන් ප්රනාන්දුට.
මේ වැඩිවෙන රුපියල් දෙසීයට තව පැයක් හරි අහිංසක වතු දෙමල මිනිස්සුන්ගේ ශ්රමය හූරා කන්නේ මේ ව්යාපාරිකයො.
රටේ අහිංසක මිනිස්සු හාල් ඇටේට, පරිප්පු ඇටේට ගෙවන බද්ධ, පොඩි දරුවන්ගේ පාසල් පොතට ගහන බද්ධ ධම්මික පෙරේරාගේ පොකට්ටුවට දාන්න අනුරට ලැජ්ජ නැත්ද ?
මෙන්න මේ විකෘතියට විරුද්ධ වීම, ආණ්ඩුව තමන්ගේ මාධ්ය යාන්ත්රණයෙන් වතු දෙමල ජනතාවට විරුද්ධ වීමක් විදියට පෙන්නනවා.
නෑ.
වතු දෙමල ජනතාවට සැපවත් ජීවිතයක් උරුම විය යුතුයි. අප ඒ වෙනුවෙන් සටන් කරන්වා.
හැබැයි ඔවුන්ට ඒ ජීවිතය ලබා දිය යුත්තේ ඔවුන්ගේ ශ්රමය සූරා කන, ඔවුන්ගේ ශ්රමයෙන් ජීවත් වෙන ප්රකෝටිපතියො.
අද මේ රටේ තරුණ කොල්ලෙකුට, කෙල්ලෙකුට කාර් එකක් තබා බයික් එකක් පවා හීනයක්.
ඒ තරුණයන්ගේ මෝටර් රථ සිහිනයට බදු ගහපු ආණ්ඩුව, ධම්මික පෙරේරාගේ පුද්ගලික ව්යාපාරයේ සේවකයන්ට බදු ගෙවනවා.
ලැජ්ජයි!
එහෙම නම් මේ වතු සමාගම් වල ලාභයෙන් කොටසක් මහා භාණ්ඩාගාරයට ලබා ගන්නා ලෙසට අප අනුරට කියනවා.
නෑ! අනුරට එවන් කොන්දක් නැහැ.
අනුර ඉන්නේ ධම්මිකගේ සාක්කුවේ. අනුර ධම්මිකට බයයි. අනුර ධම්මික ඉස්සරහා ඇඹරෙනවා. අනුර ධම්මිකගේ ගොට්ටෙක්. අනුර ධම්මිකගේ රූකඩයක්.
ආණ්ඩුව එතනින් ද එහා ගිහින් වතුකරයේ තමන්ගේ පාක්ෂිකයො කිහිපදෙනෙක් පාරට අරන් ඇවිල්ලා පොල් ගහලා නාට්ය පෙන්නනවා.
අනුර! අපි හාවො කියලා හිතුවද ?
ඒක තනිකර නාට්යයක්. ඒ බව තේරුම් ගන්න රටේ මිනිස්සුන්ට බැරි තරමට මිනිස්සු බබ්බු කියලා හිතුවද ?
එතන ඉන්නේ ජෙපි කාඩරය සහ බත් පැකට්ටුවක් දීලා පාරට අරන් ආපු අහිංසක වතු දෙමල කාන්තාවන් කිහිපදෙනෙක්.
එතනට ගෙනෙන පොල් ගෙඩිය පවා පැලවත්තෙන් මිලට ගත්තු ඒවා.
හැබැයි ඇත්තටම ඒ පොල් වදින්නේ, මේ රටේ අහිංසක දරුවන්ගේ පොත් වලට, දුප්පතා කන බත් ඇටේට බදු ගහලා, වෘත්තිකයාගේ වැටුපට බදු ගහලා මේ උපයන බදු මුදල් ධම්මික පෙරේරාගේ, ඉෂාරගේ පොකට්ටුවට පූජා කරන අනුරට මිසක් විපක්ෂයට නෙවෙයි.
අනුර, ධම්මික වෙනුවෙන් අපේ බදු මුදල් සමග සෙල්ලම් කරන ඔබට මිලියන ගණනක තරුණයන්ගේ ශාපය වදීවි.
අනුර, ඔබට පැන්සලට පෑනටත් බදු ගෙවන අහිංසක දුප්පත් දරුවන්ගේ ශාපය වදීවි.
අනුර, ඔබට මේ වැස්සටත් තෙමි තෙමී, කාර් එකක හීන බල බල පැරණි ඉන්දියන් බයික් කටු වල යන කොල්ලොන්ගේ ශාපය වදිවී.
ඔබ සෙල්ලම් කරන්නේ ඒ ජීවිත එක්ක.
ප්රසිද්ධියේ පොල් නොගැසුවාට ඔවුන් ඔබට දිනපතා ශාප කරනවා.
ඔබ ඒ වැස්සේ ඩිස්කවරි බයික් කටුවක යන තරුණයාගේ බදු මුදල්, රොල්ස් රොයිස් එකක යන ධම්මිකට ලබා දෙනවා.
ධම්මික පලදින ඔරලෝසුව ඒ තරුණයාගේ බයික් එකට වඩා මිලයි. හැබැයි ධම්මික පොහොසත් කරන්න ඒ තරුණයා පෙට්රල් ලීටරයට ගෙවන බද්ධත් අනුර ධම්මිකගේ සාක්කුවට දානවා.
ලැජ්ජ නැත්ද අනුර ? තමුන් නිර්ධන පන්තියෙන් බිහි වූ මිනිහෙක් නේද ?
මේ ජාවාරමට එරෙහිව අල්ලස් කොමිසමට පැමිණිලි කළ රෝහිනි කවිරත්න මන්ත්රීවරියගේ නිර්භීතබාවයට අපි ගරු කරනවා.
මේ රටේ සුවහසක් වන බදු ගෙවන අපි ස්ථිරවම ඇය වෙනුවෙන් පෙනී ඉන්නවා.
විපක්ෂයේ මන්ත්රීවරුන්ට, ආණ්ඩුවේ තුච්ච නාට්ය වලට බිය නොවී කොන්ද කෙළින් තබාගෙන මේ සත්ය කතා කරන ලෙසට අප ඉල්ලා සිටිනවා.
සමස්ථ විපක්ෂයම රෝහිනි කවිරත්න වෙනුවෙන් පෙනී සිටිය යුතුයි.
ඡන්ද වලට සහ ආණ්ඩුවේ නාට්ය වලට බිය වී රෝහිනි කවිරත්න පාවා දෙන්න එපා.
ඇය විරුද්ධ වතු දෙමල ජනතාවට නෙවෙයි. ඇය විරුද්ධ අපගේ බදු මුදල් ධම්මික පෙරේරාගේ පොකට්ටුවට පටවන අනුරගේ නින්දිත ක්රියාවට.
ආණ්ඩුවේ නාට්ය කුමක් වූවත් ආණ්ඩුව ධම්මික ලා ඉෂාර ලා සනසන මේ නාට්යය අපිට තේරෙනවා.
ඊලග ඡන්දයක දී වතු දෙමල ජනතාව කෙසේ වෙතත් රටේ ඉතිරි ජනතාව, රටේ තරුණ කොල්ලො කෙල්ලෝ මේවට උත්තර දෙන්න බලාගෙන ඉන්නවා.
යම් හෙයකින් යම් දේශපාලන පක්ෂයක් ආණ්ඩුවේ නාඩගම් වලට බිය වී, බදු ගෙවන අප පාවා දෙනවා නම් ඔවුන් අප නියෝජනය කරන විපක්ෂයේ බලවේගයක් ලෙස අප පිළිගන්නේ නැහැ.
