20/08/2026
වසා දමා ඇති හෝමූස් සමුද්ර සන්ධිය නිසා ශ්රී ලංකාව ඔස්සේ නව භාණ්ඩ ප්රවාහන මාර්ගයක්
මැදපෙරදිග ඇවිලී ඇති යුධ ගැටුම හේතුවෙන් වසා දමා ඇති හෝමූස් සමුද්ර සන්ධිය නිසා සමස්ථ ලෝකයටම අහිතකර බලපෑමක් ඇති වුවද , එය ශ්රී ලංකාව ඔස්සේ නව භාණ්ඩ ප්රවාහන මාර්ගයක් විවෘත කිරීමට සමත් වී තිබෙනවා .
ඒ අනුව ඉතාලියේ නිෂ්පාදිත නවීනතම ලැම්බෝගිනි මෝටර් රථ 14 ක් , එරට සිට මුහුදු මාර්ගය ඔස්සේ හම්බන්තොට වරාය වෙත ගෙනැවිත් , එතැන් සිට අඩි 40 ක් දිග බහාලුම් 07 ක බහා කටුනායක ගුවන් තොටුපොළ වෙත රැගෙන විත් , ඉන්පසු ඒවා විශාලතම භාණ්ඩ ප්රවාහන ගුවන් යානයක පටවා , කටුනායක ගුවන් තොටුපොළේ සිට ඩුබායි සහ කටාර් රාජ්යයේ දෝහා වෙත රැගෙන යාමට පියවර ගෙන ඇති බවයි සඳහන් වන්නේ .
මෙම එක් මෝටර් රථයක අවම මිල ශ්රි ලංකා රුපියල් කෝටි 50 ක් වන අතර එහි ස්පෝට්ස් කාණ්ඩයේ රථයක මිල රුපියල් කෝටි 100 ක් පමණ වන බවත් , ඒ අනුව නව භාණ්ඩ ප්රවාහන මාර්ගය නිසා ශ්රී ලංකාවට ද ආර්ථික වශයෙන් වාසිදායක තත්වයක් උදා වෙමින් පවතින බවයි වාර්තා වන්නේ .
මෙම මෝටර් රථ මීට දින කීපයකට පෙර හම්බන්තොට වරායට ගෙනැවිත් තිබූ අතර හෙට දින 21 දින උදෑසන මෙම මෝටර් රථ තොගය රැගත් ගුවන් යානය ඩුබායි සහ දෝහා බලා කටුනායක ගුවන් තොටුපොළෙන් පිටත්ව යාමට නියමිතයි.
