20/01/2025
2025 ජනවාරි මස 19 වැනිදා
වික්ටර් අයිවන් සහෘදයාගේ අභාවය වෙනුවෙන් අපගේ සංවේගය පලකරමු.
සර්ව සාධාරණ සමාජය ක්රමයක් සමාජවාදය තුලින් දැකීම අරමුණු කර ගත් වික්ටර් අයිවන් තරුණ වියේදී 1971 අසාර්ථක කැරැල්ලේ සටන්කාමී නායකයෙක් විය. එම සටනේ හා සටන් ක්රමයේ අසාර්ථකත්වයට හේතු අවබෝධකරගත් පස අවි ගත් සටන් ක්රමය අත්හැර දැමුවේය. නමුත් ඔහු සමාජය වෙනස් කිරීමේ අරමුණ අත්නොහැර අවිය කරගත්තේ පෑන් තුඩය.
තමන්ගේ මනස තුල කැකෑරෙන අයුක්තිය අසාධාරණයට විරුද්ධව සටන් කිරීමේ මතවාදයන් සමාජ ගත කිරීම ආරම්භ කරමින් රාවය සගරාව ගොඩනැගුවේය. මධ්යස්ථ මතධාරීන් බොහොමයක් අතර රාවයේ දැල්වූ අදහස් සමාජය සිසාරා ගමන් කිරීම නිසා කෙටිකලක් තුල විකල්ප මතවාද සහිත සතිඅන්ත පුවත්පතක් බවට රාවය පත්විය.
සමාජ පරිවර්තනය ක්රියාදාමය වෙනුවෙන් රජය , රාජ්ය තන්ත්රය හා පාලක පැලැන්තිය දැඩි ලෙස විවේචනයට ලක් කිරීම නිසා ඔහු ජනමාධ්ය තුල කැපී පෙනෙන මත ප්රකාශකයෙක් හා ජ්යෙෂ්ඨ මාධ්යවේදියෙක් බවට පත්විය.
පංති සමාජය හා ලංකාවේ කුල ක්රමය අතර පැවති තියුණු සම්බන්ධය 71 කැරැල්ලේ දී වැඩවසම්වාදී සමාජ පීඩනයට එරෙහිව තරුන පරපුරේ නැගීසිටීම පෙන්නුම් කලේය.
භාෂා ප්රශ්ණය මුල් කරගෙන පැන නැගුන ජනවාර්ගික ගැටුම නිම කර ලාංකේය ජාතිය නිර්මානය කර ගැනීමේදී සමානතාවය, සම අයිතිය, ස්ව පාලනය යන කරුනු පිලිබද එකඟතාවය ඇති කර ගැනීමේ අවශ්යතාව පාදක කරගත් කරුණු ඇතුලත් ලිපි ලේඛන පොත්පත් මගින් කරුනු පැහැදිලි කර දුන්නේය.
රාජ්ය පාලනය හා පාලකයින් විවේචනය කළ පොත් පත්ද රැසක් ඔහු පලකල අතර, අධිකරණයේ සිදුවන දුෂ්ඨත්වය පිලිබද හෙලිදරව් කිරීම “උසාවිය නිහඩය“ යන වාර්තා සිනමා පටයක්ද ඔහු විසින් නිපදවන ලදි.
විකටර් දිවිගමන නිමා කලේ සමාජ පරිවර්තනයේ නව ලිබරල්වාද පැන නැගුනු ආරම්භ කාලපරිච්චේදයත්, එය ලාංකික සමාජයේ බිහිසුණු අත්දැකීම් ගෙනදුන් 88/89 ධවල භීෂණ කාලයත් පසුකර එම කුුමය බිඳවැටුණු 2021 ජන අරගලයෙන් පසු එක් යුගයක නිමාව දකිමින්ය.
ඔහු අවියෙන් සිදු කිරීමට සූදානම් වූ සමාජ පෙරලිය ඔහු දායක වූ ව්යාපාරය ඔහු නොමැතිව දශක හතරකට පසුව මැතිවරණ බිමේදී නව මානයක ජයගුුනයකට ජනතාව විසින් ගෙන එන ලදි . එහෙත් නව යුගයේ සිදුවන විපර්යාෂය ඔහුට දැකීමට ඉඩක් ඉතිරි නොකර සොබාදහම ඔහුගේ දිවි ගමන කෙරවල කර තිබේ.
ඔබගේ වියෝව සමග දුක්වෙන සහෘදයන් සමග මමද, අප පක්ෂයද මෙසේ සංවේගය පලකරමු.
වාසුදේව නානායක්කාර
ලේකම්
ප්රජාතන්ත්රවාදී වාමාංශික පෙරමුණ
