03/09/2026
අපේ "බොතම්" වෙනුවෙන් විශේෂ වෛද්ය සැත්කමක්!
දෙහිවල සත්වෝද්යානයේ වසර ගණනාවක් පුරා අප සැවොම බෙහෙවින් ආදරය කරන, ඔබ සැමගේ නෙත් සිත් පිනවූ "බොතම්" (Botham) මුහුදු සිංහයාගේ වර්තමාන සෞඛ්ය තත්ත්වය පිළිබඳව ඔබව දැනුවත් කරන්න අද අපි සූදානම් වෙන්නේ.
අපි ආදරය කරපු "බොතම්" (Botham) මුහුදු සිංහයා පසු ගිය කාල වකවානුවේ දී ඉතා අසනීප තත්වයෙන් පසුවුනේ. මේ ගැන සොයා බැලීමේ දී "Squamous cell carcinoma" කියන පිළිකා රෝගී තත්ත්වයෙන් බොතම් පීඩා විඳින බව අනාවරණය කර ගත්තා. මේ රෝගී තත්වය සඳහා විසඳුම් සොයන්න සත්වෝද්යාන දෙපාර්තමේන්තු මින් මැඳුරේ කාර්ය මණ්ඩලය, පශු වෛද්ය නිලධාරීන් වගේ ම සියලු ම කාර්ය මණ්ඩලය දැඩි වෙහෙසක් ගත්තා. ඉතිං ඒ උත්සාහයන්ගේ සාර්ථක ප්රතිඵලයක් විදියට මෙම රෝගී තත්වය වෙනුවෙන් සිදු කල හැකි විශේෂ සැත්කමක් සිදු කිරීමට නිර්දේශ වෙන්නේ, බොතම් පරීක්ෂා කර බලන්න ආව විදේශිය විශේෂඥ වෛද්යවරයකුගේ අනු දැනුම යටතේ.
පරිසර අමාත්යාංශයේ මඟ පෙන්වීම වගේ ම අධීක්ෂණය යටතේ ජාතික සත්වෝද්යාන දෙපාර්තමේන්තුවට අයත් දෙහිවල සත්වෝද්යානය තුල දී 2026.06.30 දින මේ සුවිශේෂිත සැත්කම සිදු වෙන්නේ, මෙවන් සැත්කමක් ශ්රී ලංකා ඉතිහාසය තුල සිදුවන පළමු අවස්ථාව ලෙස ඉතිහාසගත වෙමින්.
මෙම සතුන් පිළිබඳ විශේෂඥ, හොංකොං Ocean Park හි අධ්යක්ෂ පශු වෛද්ය Paolo මහතා විසින් මෙම සත්වයා පරීක්ෂා කර බලා, නිර්දේශ කරන ලද පරිදි සිදු කරනු ලබන මෙම සුවිශේෂි සැත්කම විදේශීය විශේෂඥ පශු වෛද්ය Paolo මහතා ඇතුළු කණ්ඩායම සහ සත්වෝද්යාන දෙපාර්තමේන්තු පශු වෛද්ය නිලධාරීන් එක්ව සිදු කරනු ලැබුවා. මෙම සැත්කම සඳහා සම්බන්ධ වූ විශේෂඥ පශු වෛද්ය Paolo මහතා ඇතුළු කණ්ඩායම සිය සේවය ජාතික සත්වෝද්යාන දෙපාර්ත්මේන්තුව වෙනුවෙන් ස්වේච්ඡාවෙන් ම ලබා දීම විශේෂත්වයක්.
දෙහිවල සත්වෝද්යානයේ මින් මැඳුර අංශය හා පශ්ර වෛද්ය අංශය මෙන් ම දෙහිවල සත්වෝද්යානයේ හා ජාතික සත්වෝද්යාන දෙපාර්තමේන්තුවේ සමස්ත කාර්ය මණ්ඩලය මෙම කාර්යය වෙනුවෙන් සුවිශේෂි දායකත්වයක් ලබා දෙනු ලැබූ අතර සැත්කම සාර්ථකව නිම කිරීමෙන් පසු දැඩි පශු වෛද්ය නිරීක්ෂණ යටතේ සත්වයා හොඳින් රැක බලා ගැනීමේ කටයුතු මේ වන විට සිදු වෙනවා. ඉතිං මේ සාර්ථක සැත්කමෙන් පසු සත්ත්වයා ඉතා යහපත් සෞඛ්ය තත්වයෙන් පසු වන බව ඔබට සතුටින් දැනුම් දෙන්න අපි කැමති.
ආදරණීය “බොතම්”, ඉතා ඉක්මනින් සුවය ලබා නැවතත් වෙනදා දැක ගැනීම ට නුදුරේ දීම හැකි වේවි.
