21/04/2026
අවිහිංසාවාදය ලොවට ගෙන යන ජාත්යන්තර සාම පා ගමන හෙට ඇරඹේ
--------------------------------
අවිහිංසාවාදය ලොවට ගෙන යන ජාත්යන්තර සාම පා ගමන හෙට(22) සිට ලබන 28 දින දක්වා මෙරටදී පැවැත්වීම සඳහා වියට්නාම භික්ෂූන් වහන්සේ නමක් වන පඤ්ඤාකර හිමියන් ප්රමුඛ භික්ෂූන් වන්සේලා අද(21) උදෑසන අත්තනගල්ල රජමහා විහාරස්ථානය වෙත වැඩම කළහ.
උන්වහන්සේලා කටුනායක ගුවන්තොටුපොළේ සිට අත්තනගල්ල රාජමහා විහාරස්ථානය වෙත අද (21) උදෑසන වැඩම කිරීමෙන් අනතුරුව අත්තනගල්ල රජමහා විහාරාධිපති පන්නල ශ්රී ආනන්ද නා හිමියන් විසින් පිළිගනිමින් ආගමික වතාවත් සිදු කිරීමෙන් පසු සාම පා ගමන සම්බන්ධයෙන් මාධ්ය දැනුවත් කිරීමක් එම විහාරස්ථානයේදී ම සිදු කෙරිණි. මේ අවස්ථාවට ආලෝක සුනඛයා ද සහභාගි විය.
මෙහිදී විහාරාධිපති ආනන්ද නා හිමියන් පා ගමන සම්බන්ධයෙන් පැහැදිලි කරමින්, භික්ෂූන් වහන්සේලා අනුරාධපුර ශ්රී මහා බෝධිය වෙත වැඩමවා එහිදී සිදු කරන ආගමික වතාවත්වලින් පසු ව හෙට (22) සාම පා ගමන දඹුල්ල විහාරයෙන් ආරම්භ වී මාතලේ අළුවිහාරයෙන් අවසන් කෙරෙන බව සඳහන් කළහ.
මේ පිළිබඳ වැඩිදුරටත් පැහැදිලි කළ පා ගමනේ ශ්රී ලංකා සම්බන්ධීකාරක ඇමරිකාවේ ටෙක්සාස්හි ගෝතම බෞද්ධ විහාරස්ථානයේ විහාරාධිපති මේල්පිටියේ විමලකිත්ති හිමියන් මෙසේ සඳහන් කළහ.
"පූර්ණ රාජ්ය අනුග්රහය ඇතිව සිදු කරනු ලබන මෙම සාම පා ගමන ලබන 23 වෙනි දින පෙරවරු 7.00ට මාතලේ අළුවිහාරයෙන් ආරම්භ වී මහනුවර ශ්රී දළදා මාලිගාවට ළඟා වන අතර එදින පස්වරු 4.00ට මල්වතු හා අස්ගිරි මහා නා හිමිවරුන් බැහැ දැකීම සහ ශ්රී දළදා වන්දනාව සිදු කිරීමට නියමිත බව පැවසීය.
ශ්රී දළදා මාලිගාවෙන් 24 වැනිදා පෙරවරු 6.45ට ඇරැඹෙන පා ගමන මාවනැල්ල බෙලිගම්මන විද්යාවර්ධන පිරිවෙන් පොත්ගුල් විහාරය දක්වා පැමිණෙන අතර 25 වෙනි දින පෙරවරු 6.30ට ඇරැඹෙන පා ගමන තෝලංගමුව ජාතික පාසලෙන් අවසන් කෙරෙනු ඇත.”
26 වෙනි දින පෙරවරු 6.00ට තෝලංගමුව ජාතික පාසල් පරිශ්රයෙන් පා ගමන ආරම්භ කොට යක්කල අබේසේකරාරාමය දක්වා පැමිණ පසුදින (27) පෙරවරු 6.00ට එම විහාරස්ථානයෙන් ඇරඹෙන පා ගමන එදින කැලණිය රජමහා විහාරය වෙත පැමිණෙන බවද උන් වහන්සේ සඳහන් කළහ.
පා ගමනට සහභාගී වූ භික්ෂූන් වහන්සේ කැලණිය රජමහා විහාරයේදී 28 වෙනි දින පෙරවරු 11.00ට වැඩසටහන් කිහිපයකට සහභාගී වන බවත් එදින පෙරවරු 11.30ට කැලණිය රජමහා විහාරයෙන් පා ගමන ආරම්භ කර කොළඹ නිදහස් චතුරස්රය තෙක් ගමන් කිරීමට නියමිත බවත් විමලකිත්ති හිමියෝ පැවසූහ.
අනතුරුව ගරු ජනාධිපති අනුර කුමාර දිසානායක මහතාගේ සහභාගීත්වයෙන් එදින පස්වරු 4.00ට පඤ්ඤාකර ස්වාමීන් වහන්සේ වෙත ශ්රී මහා බෝධි අංකුරය රාජ්ය තාන්ත්රික මට්ටමින් පූජා කිරීමේ රාජ්ය උත්සවය පැවැත්වෙන බවත් එදින පස්වරු 5.30ට භික්ෂූන් වහන්සේ පෙරහරින් කොළඹ හුණුපිටිය ගංගාරාම විහාරස්ථානය තෙක් වැඩම කෙරෙන අතර එම පෙරහර එදින පස්වරු 7.00ට ගංගාරාම විහාරස්ථානයට ළඟා වනු ඇති බවත් උන් වහන්සේ සඳහන් කළහ.
මෙම සාම පා ගමන පැවැත්වීම පිණිස අවශ්ය කටයුතු සලසාදීම සම්බන්දයෙන් ජනාධිපති අනුර කුමාර දිසානායක මහතාට , බුද්ධශාසන, ආගමික හා සංස්කෘතික කටයුතු අමාත්ය හිනිදුම සුනිල් සෙනෙවි මහතා ඇතුළු ශ්රී ලංකා රජයටත් පොලිසිය, ත්රිවිධ හමුදාව ඇතුළු රාජ්ය නිලධාරීන්ටත් ස්තූති කරන බවත් පා ගමන සිදු කෙරෙන අවස්ථාවන්හිදී භික්ෂූන් වහන්සේලාට බාධා නොවන සේ කටයුතු කිරීමට පියවර ගන්නා ලෙස පා ගමන දැකබලා ගැනීමට පැමිණෙන ජනතාවගෙන් ඉල්ලා සිටින බවත් උන් වහන්සේ මෙහිදී වැඩිදුරටත් ප්රකාශ කළහ.
මෙම මාධ්ය සාකච්ඡාවේදී , පා ගමනේ මූලිකත්වය ගෙන කටයුතු කරන වියට්නාමයේ පඤ්ඤාකර හිමියන් සහ වියට්නාමයේ රතනගුණ හිමියන් ද අදහස් දැක්වූහ.
මෙහි පැවති ආගමික වතාවත් සිදු කරනු ලැබූ අවස්ථාවට මෙරට සංඝයා වහන්සේලා ද බුද්ධශාසන, ආගමික හා සංස්කෘතික කටයුතු අමාත්ය හිනිදුම සුනිල් සෙනෙවි, පාර්ලිමේන්තු මන්ත්රීවරුන් වන රුවන් මාපලගම, උපුල් අබේවික්රම ,ගම්පහ දිස්ත්රික් ලේකම්/දිසාපති ලලින්ද ගමගේ යන මහත්වරුන් ඇතුළු පිරිසක් සහභාගි වූහ.
ජනාධිපති ලේකම් කාර්යාලය, ක්ලීන් ශ්රී ලංකා වැඩසටහන , බුද්ධ ශාසන ආගමික හා සංස්කෘතික කටයුතු අමාත්යාංශය, රාජ්ය පරිපාලන, පළාත් සභා සහ පළාත් පාලන අමාත්යාංශය, ත්රිවිධ හමුදාව සහ පොලීසිය, ජාතික මෝස්තර මධ්යස්ථානය ඇතුලු රාජ්ය හා පෞද්ගලික ආයතන මෙම සාම පාගමන සදහා සහාය දැක්වීම සිදු කරනු ඇත.
රජයේ ප්රවෘත්ති දෙපාර්තමේන්තුව මගින් මාධ්ය සාකච්ඡාව සංවිධානය කර තිබූ අතර රජයේ ප්රවෘත්ති අධ්යක්ෂ ජනරාල් හර්ෂ බණ්ඩාර මහතා, පොලිස් හා හමුදා නිලධාරීන් ඇතුළු පිරිසක් මාධ්ය සාකච්ඡාව සඳහා එක්ව සිටියහ.
දිස්ත්රික් මාධ්ය ඒකකය - ගම්පහ
