Millaniya Pradeshiya sabhawa

Millaniya Pradeshiya sabhawa Contact information, map and directions, contact form, opening hours, services, ratings, photos, videos and announcements from Millaniya Pradeshiya sabhawa, Public & Government Service, Horana.

🕊️ අහස සේ ඔබ අනන්තයි… 🕊️ජීවිතයේ ගමන නිමා කළනන්දා මාලිනී මැතිණියට…🙏 අමා මහ නිවන් සුව ලැබේවා! 🙏ඔබගේ වියෝවෙන් ශෝකයට පත් පවු...
21/08/2026

🕊️ අහස සේ ඔබ අනන්තයි… 🕊️

ජීවිතයේ ගමන නිමා කළ
නන්දා මාලිනී මැතිණියට…

🙏 අමා මහ නිවන් සුව ලැබේවා! 🙏

ඔබගේ වියෝවෙන් ශෝකයට පත් පවුලේ සියලු දෙනා වෙත අපගේ සාතිශය සංවේගය පළ කර සිටිමු.

ගරු සභාපතිතුමන්, ගරු උප සභාපතිතුමන් ඇතුළු ගරු මන්ත්‍රී මණ්ඩලයත්, ලේකම්තුමා ප්‍රමුඛ සමස්ත කාර්ය මණ්ඩලයත්, මිල්ලනිය ප්‍රාදේශීය සභා බල ප්‍රදේශයේ සමස්ත ජනතාවත් වෙනුවෙන්..,

ප්‍රාදේශීය සභාව – මිල්ලනිය

🏛️ දිස්ත්‍රික් සංවර්ධන වැඩසටහන – 2025මිල්ලනිය ප්‍රාදේශීය ලේකම් කොට්ඨාසයේ 647 බී කෙලෙස්ගමුව ග්‍රාම නිලධාරී වසමේ ඉසුරු විම...
20/08/2026

🏛️ දිස්ත්‍රික් සංවර්ධන වැඩසටහන – 2025

මිල්ලනිය ප්‍රාදේශීය ලේකම් කොට්ඨාසයේ 647 බී කෙලෙස්ගමුව ග්‍රාම නිලධාරී වසමේ ඉසුරු විමන ප්‍රජා ශාලාවේ ඉතිරි වැඩ නිම කිරීමේ ව්‍යාපෘතිය...

කෙලෙස්ගමුව ග්‍රාම සංවර්ධන සමිතියේ ඉල්ලීම මත, මිල්ලනිය ප්‍රාදේශීය සභාවේ ප්‍රතිපාදන යටතේ ඉතිරි වැඩ නිම කරන ලද කෙලෙස්ගමුව ඉසුරු විමන ප්‍රජා ශාලාව ජනතා අයිතියට පවරාදීම සහ එහි යතුර ග්‍රාම සංවර්ධන සමිතිය වෙත භාරදීම 2026.08.18 දින සිදු කෙරිණි.

මෙම අවස්ථාව මිල්ලනිය ප්‍රාදේශීය සභාවේ සභාපතිතුමාගේ ප්‍රධානත්වයෙන් පැවැති අතර, මිල්ලනිය ග්‍රාම සංවර්ධන නිලධාරී, කෙලෙස්ගමුව ග්‍රාම නිලධාරිනිය, ප්‍රජා සවිබල ගැන්වීමේ නිලධාරිනිය, සමෘද්ධි සංවර්ධන නිලධාරී, කෘෂිකර්ම නිලධාරිනිය ඇතුළු රාජ්‍ය නිලධාරීන්, ග්‍රාම සංවර්ධන සමිතියේ නිලධාරීන් හා සාමාජික සාමාජිකාවන් මෙන්ම ප්‍රදේශවාසී ජනතාවද සහභාගී වූහ.

#දිස්ත්‍රික්සංවර්ධනවැඩසටහන2025 #මිල්ලනියප්‍රාදේශීයසභාව
#කෙලෙස්ගමුව #ප්‍රජාශාලාව #ජනතාසේවය

"පළාත් සංවර්ධන ප්‍රදාන 2026" රු.2,000,000.00 ප්‍රතිපාදන යටතේ මිල්ලනිය ප්‍රාදේශීය සභාවට අයත් 645 ඒ,අරකාගොඩ ග්‍රාම නිලධාරී...
19/08/2026

"පළාත් සංවර්ධන ප්‍රදාන 2026"
රු.2,000,000.00 ප්‍රතිපාදන යටතේ
මිල්ලනිය ප්‍රාදේශීය සභාවට අයත් 645 ඒ,අරකාගොඩ ග්‍රාම නිලධාරී වසමේ උතුරු රම්මිණික සහ දකුණු රම්මිණික යා කරන මාර්ගය කොන්ක්‍රීට් අතුරා සංවර්ධනය කිරීම✨

🌉 පළාත් පාලන ආයතනවල කුඩා පාලම් වැඩිදියුණු කිරීමේ තිරසාර ව්‍යාපෘතිය – 2026හබරගල කන්ද කුඩා පාලමපළාත් පාලන ආයතනවල කුඩා පාලම...
18/08/2026

🌉 පළාත් පාලන ආයතනවල කුඩා පාලම් වැඩිදියුණු කිරීමේ තිරසාර ව්‍යාපෘතිය – 2026

හබරගල කන්ද කුඩා පාලම

පළාත් පාලන ආයතනවල කුඩා පාලම් වැඩිදියුණු කිරීමේ තිරසාර ව්‍යාපෘතිය – 2026 යටතේ 654A – තිබ්බොටුගොඩ ග්‍රාම නිලධාරී වසමේ හබරගල කන්ද කුඩා පාලම සංවර්ධනය කිරීමේ ව්‍යාපෘතියේ වැඩ කටයුතු අද දින ආරම්භ කරන ලදී.

මෙම වැඩසටහන ආරම්භයේදී ගරුතර මහා සංඝරත්නය වැඩම කරවා සෙත් පිරිත් සජ්ඣායනා කර ආශිර්වාද කිරීමෙන් අනතුරුව ව්‍යාපෘතියේ වැඩ කටයුතු ආරම්භ කෙරිණි...

ගරු සභාපතිතුමාගේ මූලිකත්වයෙන්, ප්‍රාදේශීය සභාවේ ලේකම්තුමා, වැඩ අධිකාරීතුමා, තාක්ෂණ නිලධාරීතුමා ඇතුළු නිලධාරීන්ගේ සහ ප්‍රදේශවාසී ජනතාවගේ සහභාගිත්වයෙන් මෙම වැඩසටහන සිදු කෙරිණි...

🌱 පරිසර පොළ – හල්තොට තුත්තිරිපිටියහල්තොට හා ලෙනවර ප්‍රදේශවල ඩෙංගු රෝගීන් බහුලව වාර්තා වීම සැලකිල්ලට ගනිමින්, ප්‍රදේශයේ ප...
16/08/2026

🌱 පරිසර පොළ – හල්තොට තුත්තිරිපිටිය

හල්තොට හා ලෙනවර ප්‍රදේශවල ඩෙංගු රෝගීන් බහුලව වාර්තා වීම සැලකිල්ලට ගනිමින්, ප්‍රදේශයේ පරිසර සුරක්ෂිතතාව හා ජනතාවගේ සෞඛ්‍ය තත්ත්වය නගාසිටුවීමේ අරමුණින් මිල්ලනිය ප්‍රාදේශීය සභාව විසින් සංවිධානය කළ පරිසර පොළ හල්තොට – තුත්තිරිපිටිය ප්‍රදේශය මූලික කරගනිමින් සාර්ථකව පැවැත්විණි.

ගරු සභාපතිතුමාගේ, ලේකම්තුමාගේ හා අදාළ කොට්ඨාසයේ මන්ත්‍රී ගරු ජනක මොහාන් මන්ත්‍රීතුමාගේ මූලිකත්වයෙන්, ප්‍රාදේශීය සභාවේ මහජන සෞඛ්‍ය පරීක්ෂකතුමා ඇතුළු නිලධාරීන්ගේ සහභාගීත්වයෙන් මෙම වැඩසටහන ක්‍රියාත්මක කරන ලදී.

♻️ මෙහිදී ප්‍රතිචක්‍රීකරණය කළ හැකි නොදිරන කසළ ටොන් 1 කට අධික ප්‍රමාණයක් එකතු කර ප්‍රතිචක්‍රීකරණය සඳහා යොමු කිරීමට කටයුතු කළ අතර, තම නිවෙස්වල එකතු කර තිබූ නොදිරන කසළ රැගෙන පැමිණි ප්‍රදේශවාසීන් වෙත ඒ සඳහා මුදල් ලබාදීමද සිදු කෙරිණි.

“කසළ යනු ඉවත දැමිය යුතු දෙයක් නොව, නිසි ලෙස කළමනාකරණය කළ විට වටිනා සම්පතකි” යන පණිවිඩය ජනතාව අතරට ගෙන යමින්, පරිසරය සුරැකීම සඳහා ජනතා සහභාගීත්වය තවදුරටත් ශක්තිමත් කිරීම මෙම වැඩසටහනේ ප්‍රධාන අරමුණ විය...

🌿 පිරිසිදු පරිසරයක් – නිරෝගී ජනතාවක් – සුරක්ෂිත හෙටක්!

මිල්ලනිය ප්‍රාදේශීය සභාව
#පරිසරපොළ
#ඩෙංගුමර්දනය #පරිසරසුරැකීම #කසළසම්පතකි

🌿 “මතක ගෙත්තම්” – 2026 🎶මිල්ලනිය ප්‍රාදේශීය සභා බල ප්‍රදේශයේ වැඩිහිටි ප්‍රජාවගේ කලා කුසලතා එළිදැක්වීමට වේදිකාවක් සලසා දෙ...
16/08/2026

🌿 “මතක ගෙත්තම්” – 2026 🎶

මිල්ලනිය ප්‍රාදේශීය සභා බල ප්‍රදේශයේ වැඩිහිටි ප්‍රජාවගේ කලා කුසලතා එළිදැක්වීමට වේදිකාවක් සලසා දෙමින්, ඔවුන්ගේ මානසික සුවතාවය හා සතුට ඉහළ නැංවීම අරමුණු කරගනිමින් සංවිධානය කළ “මතක ගෙත්තම්” වැඩිහිටි කලා ප්‍රසංගය 2026.08.14 වන දින කැන්නන්තුඩාව වින්රෝ උත්සව ශාලාවේදී උත්කර්ෂවත් අන්දමින් පැවැත්විණි.

ගරු සභාපති සමන් ජයතුංග මහතාගේ ප්‍රධානත්වයෙන් පැවති මෙම අවස්ථාව සඳහා මිල්ලනිය ශාසනාරක්ෂක බල මණ්ඩලයේ ලේඛකාධිකාරී, අරකාගොඩ ලංකාතිලක විහාරයේ විහාරාධිපති ශාස්ත්‍රපති පූජ්‍ය කල්ලංචියේ පියරතන හිමිපාණන් වහන්සේ ද වැඩම කළ අතර, ගරු උපසභාපතිතුමා ඇතුළු ගරු මන්ත්‍රීතුමන්ලා, ලේකම්තුමා ප්‍රධාන කාර්ය මණ්ඩලය සහ සම්භාවනීය ආරාධිතයන් විශාල පිරිසක් සහභාගී වූහ.

වැඩිහිටි ප්‍රජාවගේ අත්දැකීම්, හැකියාවන් හා නිර්මාණශීලීත්වය අගයමින්, ඔවුන්ට සතුටින් හා අභිමානයෙන් තම කලා හැකියාවන් ඉදිරිපත් කිරීමට අවස්ථාව සලසා දුන් “මතක ගෙත්තම්” ප්‍රසංගය සැමට සොඳුරු මතකයක් එක් කළ අවස්ථාවක් විය. ❤️

වැඩිහිටි ප්‍රජාවගේ සතුට හා යහපැවැත්ම වෙනුවෙන් අපගේ මෙහෙවර අඛණ්ඩව ඉදිරියට..🤝

🚧 මාර්ගයේ සෝදාපාළුවට ලක්වූ කොටසක් කඩිනමින් ප්‍රතිසංස්කරණය කෙරේ..හල්තොට – කෙලෙස්ගමුව මාර්ගයේ, කනේවෙල අමුණට හැරෙන මාර්ගය ආ...
08/08/2026

🚧 මාර්ගයේ සෝදාපාළුවට ලක්වූ කොටසක් කඩිනමින් ප්‍රතිසංස්කරණය කෙරේ..

හල්තොට – කෙලෙස්ගමුව මාර්ගයේ, කනේවෙල අමුණට හැරෙන මාර්ගය ආසන්නයේ බෝක්කුව අසල මාර්ගයට යටින් පස් සෝදාපාළුවට ලක්වීම හේතුවෙන් මාර්ගයේ විශාල අවදානම් තත්ත්වයක් මතුව තිබුණි.

ඒ අනුව, ගරු සභාපතිතුමාගේ මැදිහත්වීමෙන්, වැඩ පරිපාලක මහතාගේ අධීක්ෂණය යටතේ වැඩ අංගනයේ සේවක මහතුන් විසින් කඩිනමින් මැදිහත් වී, සෝදාපාළුවට ලක්ව තිබූ මාර්ගය යට කොටස කළුගල් සහ කොන්ක්‍රීට් යොදා ශක්තිමත් කර නැවත ප්‍රතිසංස්කරණය කරන ලදී...

🌱 ජාතික පවිත්‍රතා දිනයට සමගාමීව…🤝 “අත්තම” ශ්‍රමදාන වැඩසටහන – 2026පිරිසිදු හා සෞඛ්‍යාරක්ෂිත පරිසරයක් නිර්මාණය කිරීමත්, රෝ...
08/08/2026

🌱 ජාතික පවිත්‍රතා දිනයට සමගාමීව…

🤝 “අත්තම” ශ්‍රමදාන වැඩසටහන – 2026

පිරිසිදු හා සෞඛ්‍යාරක්ෂිත පරිසරයක් නිර්මාණය කිරීමත්, රෝග අවදානම අවම කිරීමත් අරමුණු කරගනිමින් සංවිධානය කළ “අත්තම” ශ්‍රමදාන වැඩසටහන අද දින සාර්ථකව පැවැත්විණි.

🧹 වැඩසටහන: මිල්ලනිය – කැන්නන්තුඩාව සුසාන භූමි පරිශ්‍රය පිරිසිදු කිරීම
📅 දිනය: 2026.08.08

මෙම වැඩසටහන මිල්ලනිය ප්‍රාදේශීය සභාව හා මිල්ලනිය ප්‍රාදේශීය ලේකම් කාර්යාලය එක්ව සංවිධානය කරන ලදී.

මේ සඳහා,

🔹 මිල්ලනිය සම්බන්ධීකරණ කමිටු සභාපති, පාර්ලිමේන්තු මන්ත්‍රී ඔෂානි උමංගා මහත්මිය'
🔹 මිල්ලනිය ප්‍රාදේශීය ලේකම්තුමිය ප්‍රමුඛ කාර්ය මණ්ඩලය
🔹 ශ්‍රී ලංකා යුද හමුදා නිලධාරීන්,
🔹 මිල්ලනිය ප්‍රාදේශීය සභාවේ සභාපතිතුමා ප්‍රමුඛ මන්ත්‍රීතුමන්ලා,
🔹 ප්‍රාදේශීය සභාවේ ලේකම්තුමා සහ වැඩ අංගනයේ සේවක මහතුන්,
🔹 ප්‍රදේශවාසී ජනතාව

ඇතුළු සියලු දෙනාගේ සහභාගිත්වයෙන් හා සහයෝගයෙන් මෙම වැඩසටහන සාර්ථකව ක්‍රියාත්මක කරන ලදී.

🙏 මෙම වැඩසටහන සාර්ථක කරගැනීම සඳහා ශ්‍රමයෙන්, කාලයෙන් යන්ත්‍ර උපකරණ ලබාදීමෙන් සහ විවිධ අයුරින් සහයෝගය ලබාදුන් සියලුම ප්‍රදේශවාසී ජනතාවට මිල්ලනිය ප්‍රාදේශීය සභාවේ හෘදයාංගම ස්තූතිය පුද කරමු.

🌿 පිරිසිදු පරිසරයක් – නිරෝගී ජන සමාජයක් වෙනුවෙන් අපි එක්වෙමු! 🤝

මිල්ලනිය ප්‍රාදේශීය සභාව සහ හොරණ දිස්ත්‍රික් මහ රෝහල අතර සුහද ක්‍රිකට් තරගාවලිය සාර්ථකව පැවැත්විණි💪2026.08.02 දින මිල්ලන...
03/08/2026

මිල්ලනිය ප්‍රාදේශීය සභාව සහ හොරණ දිස්ත්‍රික් මහ රෝහල අතර සුහද ක්‍රිකට් තරගාවලිය සාර්ථකව පැවැත්විණි💪

2026.08.02 දින මිල්ලනිය ප්‍රාදේශීය සභාව සහ හොරණ දිස්ත්‍රික් මහ රෝහල අතර සුහදත්වය සහ ආයතන අතර සහයෝගීතාව වර්ධනය කිරීමේ අරමුණින් සංවිධානය කරන ලද සුහද ක්‍රිකට් තරගාවලිය ඉතා සාර්ථක අයුරින් පැවැත්විණි...

තරගාවලියේ ශූරතාව දිනා ගැනීමට හොරණ දිස්ත්‍රික් මහ රෝහල සමත් වූ අතර, ජයග්‍රාහී කණ්ඩායමට උණුසුම් සුබ පැතුම් එක් කරමු.🏆

ප්‍රාදේශීය සභාවේ ලේකම්තුමාගේ යෝජනාවකට අනුව සංවිධානය කරන ලද මෙම තරගාවලිය ගරු සභාපතිතුමාගේ පූර්ණ ආශිර්වාදය සහ මඟපෙන්වීම යටතේ පැවැත්විණි. එමෙන්ම, මෙම අවස්ථාව සඳහා ගරු උප සභාපතිතුමා ද සහභාගී වී සිය සහයෝගය ලබා දුන්හ...

මෙවැනි සුහද ක්‍රීඩා වැඩසටහන් රාජ්‍ය ආයතන අතර මිත්‍රත්වය, සහයෝගීතාව සහ කණ්ඩායම් හැඟීම තවදුරටත් ශක්තිමත් කිරීමට වැදගත් අවස්ථාවක් බවට පත්වේ.🤝

මිල්ලනිය ප්‍රාදේශීය සභා බල ප්‍රදේශයේ ගර්භනී මව්වරුන් අතරින්, මිල්ලනිය සෞඛ්‍ය වෛද්‍ය නිලධාරී විසින් පෝෂණ අවශ්‍යතා සහිත මව...
27/07/2026

මිල්ලනිය ප්‍රාදේශීය සභා බල ප්‍රදේශයේ ගර්භනී මව්වරුන් අතරින්, මිල්ලනිය සෞඛ්‍ය වෛද්‍ය නිලධාරී විසින් පෝෂණ අවශ්‍යතා සහිත මව්වරුන් ලෙස නිර්දේශිත මව්වරුන් 100 දෙනෙකු සඳහා පෝෂණ මල්ලක් ප්‍රදානය කිරීමේ වැඩසටහනේ පළමු අදියර
2026.07.23 දින අරකාගොඩ ලංකාතිලක විහාරස්ථානයේදී සාර්ථකව පැවැත්විණි...

මෙම වැඩසටහන මිල්ලනිය ප්‍රාදේශීය සභාවේ ගරු සභාපති සමන් ජයතුංග මැතිතුමාගේ යෝජනාවක් අනුව සංවිධානය කරන ලද අතර,
මිල්ලනිය ශාසනාරක්ෂක බල මණ්ඩලයේ ලේඛකාධිකාරි අරකාගොඩ ලංකාතිලක විහාරයේ විහාරාධිපති ශාස්ත්‍රපති පූජ්‍ය කල්ලංචියේ පියරතන හිමිපාණන්
ගරු උපසභාපති ජයසේන රොද්‍රිගෝ මහතා,
ගරු ප්‍රාදේශීය සභා මන්ත්‍රී ජයනි හිට්ටිආරච්චි මහත්මිය, ගරු ප්‍රාදේශීය සභා මන්ත්‍රී කෞෂල්‍යා ප්‍රනාන්දු මහත්මිය ඇතුළු පිරිසක් මෙම අවස්ථාවට සහභාගී වූහ...

අනාගත පරපුරේ සෞඛ්‍ය සුරක්ෂිත කිරීමේ අරමුණින්, ගර්භනී මව්වරුන්ගේ පෝෂණ තත්ත්වය නංවාලීම වෙනුවෙන් මෙවැනි සමාජ සුබසාධන වැඩසටහන් ඉදිරියටත් ක්‍රියාත්මක කිරීමට මිල්ලනිය ප්‍රාදේශීය සභාව කැපවී සිටී.🤝

Address

Horana
12412

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00
Saturday 08:00 - 17:00

Telephone

+94342252170

Website

Alerts

Be the first to know and let us send you an email when Millaniya Pradeshiya sabhawa posts news and promotions. Your email address will not be used for any other purpose, and you can unsubscribe at any time.

Shortcuts

Share

Category