Urban Council - Ja ela

23/03/2026

ජා-ඇල නගර සභා බල ප්‍රදේශය තුළ වරිපණම් තක්සේරු ප්‍රතිශෝධනය දැන් ආරම්භ වී ඇත.
ඒ අනුව බල ප්‍රදේශය තුළ පිහිටි සියලු දේපල පරීක්ෂා කර නව තක්සේරුවක් ලබා දෙනු ඇත.
තක්සේරු ආඥා පනතට අනුව වසර පහකට වරක් දේපල තක්සේරුවක් සිදුකළ යුතු වුවද දිගු කාලයක් එය කිරීමට නොහැකි වී ඇත.
මෙම තක්සේරු ප්‍රතිශෝධන කාර්යය සඳහා ඔබගේ පරිශ්‍රයට පැමිණෙන නිලධාරීන් හට ඒ සඳහා ඉඩකඩ ලබාදීමෙන් හා අවශ්‍ය ලියකියවිලි ඉදිරිපත් කිරීමෙන් ඔබගේ පූර්ණ සහයෝගය ලබා දෙන මෙන් ජා-ඇල නගර සභාව කාරුණිකව ඉල්ලා සිටියි.

23/03/2026

ගංවතුරට ගොදුරු වීමෙන් හානි වූ ජා-ඇල ඇල බැම්මේ පාරිස් පෙරේරා මාවත - වොලිබෝල් ක්‍රීඩාංගනය අසල කොටස ප්‍රතිසංස්කරණය කිරීමේ වැඩ කටයුතු අවසන් ..........

22/03/2026

ජාතික නිවාස සංවර්ධන අධිකාරියේ "තමන්ගෙම තැනක් - ලස්සන ජීවිතයක්" නිවාස ආධාර වැඩසටහන යටතේ නව නිවාසයක ඉදිකිරීම් කටයුතු අරම්භ කිරීම අද (මාර්තු 22) කලඑළියේදි සිදු කෙරිණි.
මෙම අවස්ථාවට පාර්ලිමේන්තු මන්ත්‍රී ස්ටෙෆ්නි ප්‍රනාන්දු , ජාඇල නගර සභා සභාපති රොෂාන් නෝනිස්, නාගරික මන්ත්‍රී ක්‍රිශාන්ත ජයතිලක, රාජ්‍ය නිළධාරීන් සමඟ ප්‍රදේශවාසීන් සහභාගි වූහ.
මෙම වැඩසටහන යටතේ පසුගිය වසරේ ජා-ඇල ආසනයේ ඉදිවූ නිවාස සංඛ්‍යාව 26 කි.

22/03/2026

ජා-ඇල නගර සභාව සහ සෞඛ්‍ය වෛද්‍ය නිලධාරි කාර්යාලය විසින් සංවිධානය කරන සුනඛයින් සඳහා වන්ධ්‍යකරණය හා එන්නත්කරණය දින දහයක වැඩසටහනේ පලමු දිනය අද (මාර්තු 22) ජා-ඇල ලූර්දු ක්‍රීඩාංගනයේදි සාර්ථකව පැවැත්විණි.
එහිදී වීදි සුනඛයන් සහ ගෘහස්ථ සුනඛයන් විශාල ප්‍රමාණයක් සඳහා වන්ධ්‍යකරණ සැත්කම සිදු කරන ලදි.
සම්පත් දායකත්වය ඩෝග්ස්ටාර් සංවිධානයෙනි.

19/03/2026

ජා-ඇල නගර සභාව සහ සෞඛ්‍ය වෛද්‍ය නිලධාරී කාර්යාලය මගින් සංවිධානය කරන
සුනඛයින් සඳහා වන්ධ්‍යකරණ සැත්කම හා එන්නත්කරණය වැඩසටහන

මාර්තු 22 - ජා-ඇල ලූර්දු ක්‍රීඩාංගනය
මාර්තු 23 - කණුවන දේවස්ථාන රථගාල
මාර්තු 24 - සුදුවැල්ල දේවස්ථාන භූමිය
මාර්තු 25 - සෙක්කුවත්ත ක්‍රීඩාංගනය
මාර්තු 26 - ඉඳිවිටිය ක්‍රීඩාංගණය
මාර්තු 27 - කලඑළිය දේවස්ථානය අසල
මාර්තු 28 - වෑවල ක්‍රීඩාංගණය
මාර්තු 29 - කපුවත්ත වික්‍රම සුපර් (W S) ඉදිරිපිට
මාර්තු 30 - වැලිගම්පිටිය දේවස්ථානය අසල
මාර්තු 31 - ජා-ඇල සෞඛ්‍ය වෛද්‍ය නිලධාරි කාර්යාලය(MOH)

පෙ.ව.8 සිට ප.ව.2 දක්වා

10/03/2026

ජා-ඇල නගර සභාවේ කසල එකතු කිරීමේ නව වැඩසටහන අද උදෑසන සිට ආරම්භ විය.
මෙහිදී එක් කොට්ඨාසයකට එක් ට්‍රැක්ටර් රථයක් සහිතව කාලසටහනකට අනුව දිරාපත් වන කසල සහ දිරාපත් නොවන කසල වශයෙන් වෙන් වෙන්ව ලබා ගැනීම සිදුකෙරේ.
ට්‍රැක්ටරයේ පැමි⁣ණිම හඳුනා ගැනීම සඳහා වි⁣ශේෂ නාද රටාවක් වාදනය කිරීම වැනි නවීකරණයන් කීපයක් ක්‍රියාත්මක වේ.
පිරිසිදු ජා-ඇල පුරවරයක් ඉලක්ක කරගත් මෙම වැඩපිළිවෙළ ආරම්භ කළ අවස්ථාවයි මේ. මෙම වැඩසටහන සඳහා පූර්ණ අනුග්‍රහය FINLA ආයතනයෙනි.

06/03/2026

06/03/2026

ජා-ඇල නගර සභාවේ ප්‍රජා සත්කාරයක් වන ගැබිනි මව්වරුන්ට අවශ්‍ය උපකරණ කට්ටලයක් සහ පෝෂණ මල්ලක් ලබා දීම අද දින ජා ඇල නගර සභා පරිශ්‍රයේදී සිදු කරන ලදි.
එම අවස්ථාවට නගර සභාවේ සභාපති රොශාන් නෝනිස් මහතා සහ ප්‍රජා සංවර්ධන කමිටුවේ සභාපති, උප සභාපති විහඟ ජයමහ මහතා ඇතුළු නගර සභා මන්ත්‍රීවරුන් සහ නිලධාරී මහත්ම මහත්මීන් සහභාගි විය.
මෙහිදී මනෝ උපදේශිකා මල්ලිකා ජයසිංහ මහත්මිය විසින් ගැබිනි මව්වරුන් සඳහා කෙටි දේශනයක්ද පවත්වන ලදි.

05/03/2026

ගංවතුර ආපදා තත්වය නිසා දැඩි ලෙස හානි වූ ජා-ඇල ඇල බැම්මේ ප්‍රතිසංස්කරණ කටයුතු පිලිබඳ සාකච්චාවක් අද දින තාක්ෂණ නිලධාරීන් සහ ඉංජිනේරුවන්ගේ සහභාගිත්වයෙන් පැවත්විණි.
ජා-ඇල නගර සභාව, වාරිමාර්ග දෙපාර්තමේන්තුව , ආපදා කළමනාකරණ මධ්‍යස්ථානයේ නිලධාරින්ගේ සහභාගිත්වයෙන් පැවති මෙම සාකච්චාවට පාර්ලිමේන්තු මන්ත්‍රී ස්ටෙෆ්නි ප්‍රනාන්දු මහතාද සහභාගි විය.

04/03/2026

ගංවතුර නිසා කැඩී ගිය ජා-ඇල ඇල බැම්මේ පාරිස් පෙරේරා මාවත - වොලිබෝල් ක්‍රීඩාංගනය අසල කොටස ප්‍රතිසංස්කරණය කිරීම අද දින ආරම්භ කරන ලදි.

24/02/2026

කලඑළිය ශා. ජෝකිම් මුනිඳුන්ගේ දේවස්ථානය අසල මාර්ගය කාපට් යොදා සංවර්ධනය කිරීමේ ව්‍යාපෘතියේ වැඩ අවසන් .......

24/02/2026

ජා-ඇල රණසිංහ පාරේ පූවෙල බෝක්කුව ඉදිකිරීම් කටයුතු අවසන් .........