04/08/2026
🙏 සද්ධම්ම වස්සාන ඇසළ කලාපය – 2026 සාර්ථක නිමාවක්! 🙏
2026 ජූලි 29, 30 සහ 31 යන තෙදින පුරා මැදවච්චිය නගර මධ්යයේ අතිශයින්ම සාර්ථකව පැවැත්වුණු සද්ධම්ම වස්සාන ඇසළ කලාපය – 2026 සඳහා සෘජුව හා වක්රව දායකත්වය දැක්වූ සියලු දෙනාට අපගේ හදපිරි ස්තූතිය පුද කරමු.
මෙම උත්සවයේ ප්රධාන ශක්තිය වූයේ මැදවච්චිය වෙළඳ ව්යාපාරික ප්රජාව ය. ඔවුන්ගේ නොමසුරු අනුග්රහය, සහයෝගය සහ කැපවීම නිසාම මෙම ඇසළ කලාපය සාර්ථකව සංවිධානය කිරීමට හැකි විය. ඒ වෙනුවෙන් අපගේ ගෞරවාදර ස්තූතිය පිරිනමමු.
ලංකා විදුලි බෙදාහැරීම් සමාගම විසින් මාර්ග දෙපස විදුලි ආලෝකකරණය සිදු කරමින් උත්සව භූමියට අලංකාරවත් හා ආකර්ෂණීය පරිසරයක් නිර්මාණය කිරීමට ලබාදුන් සුවිශේෂී දායකත්වය අපි ඉතා ඉහළින් අගය කරමු.
දින තුන පුරාම මහජන ආරක්ෂාව සහ සාමය තහවුරු කරමින් විශිෂ්ට සේවාවක් ඉටු කළ ශ්රී ලංකා පොලිස් දෙපාර්තමේන්තුවට ද අපගේ හෘදයාංගම ස්තූතිය පුද කරමු.
දින තුන පුරා බැතිමතුන් වෙනුවෙන් බත් දන්සල් සංවිධානය කළ මැදවච්චිය ප්රාදේශීය ලේකම් කාර්යාලයේ, මැදවච්චිය ප්රාදේශීය සභාවේ සහ විවිධ සේවා සමුපකාර සමිතියේ සියලුම කාර්ය මණ්ඩලයට ද අපගේ කෘතඥතාව පුද කරමු.
මෙවර ඇසළ පෙරහැරට විශේෂ අභිමානයක් එක් කරමින් සහභාගී වූ අලුත්නුවර දේවාලයේ "සුරනිමල" හස්ති රාජයාට සහ එම හස්ති පරිවාර කණ්ඩායමට ද අපගේ විශේෂ ස්තූතිය හා ගෞරවය පිරිනමමු.
එසේම, ඇසළ පෙරහැර මෙන්ම භක්ති ගීත වැඩසටහන් වර්ණවත් කරමින් තම දක්ෂතා ඉදිරිපත් කළ පාසල් හා දහම් පාසල් දරු දැරියන්ට, ඔවුන් පුහුණු කළ ගුරුභවතුන්ට සහ විදුහල්පතිවරුන්ට ද අපගේ ආදරණීය ස්තූතිය පුද කරමු. ඔබ සැමගේ කැපවීම මෙම උත්සවයට ආධ්යාත්මිකත්වය, සංස්කෘතික වටිනාකම සහ අලංකාරය එක් කළේය.
මෙම පුණ්ය කටයුත්ත සාර්ථක කර ගැනීමට අනුශාසක ශාසනාරක්ෂක බලමණ්ඩලය ප්රමුඛ මහා සංඝරත්නයට, ප්රධාන අනුග්රාහකයින්ට, දායක මහත්ම මහත්මීන්ට, රාජ්ය හා පෞද්ගලික ආයතනවල සියලුම නිලධාරින්ට, කලාකරුවන්, මාධ්යවේදීන් සහ සහභාගී වූ සියලු බැතිමතුන්ට ද අපගේ හෘදයාංගම ස්තූතිය පුද කරමු.
එක්ව කළ කැපවීමක ප්රතිඵලයක් ලෙස මැදවච්චිය සද්ධම්ම වස්සාන ඇසළ කලාපය – 2026 සාර්ථකව නිමාවට පත් විය.
ඔබ සැමට තෙරුවන් සරණයි! 🙏🌼
සංවිධාන කමිටුව
මැදවච්චිය සද්ධම්ම වස්සාන ඇසළ කලාපය – 2026
