29/08/2026
විශේෂ නිවේදනයයි: නාගොඩ ප්රාදේශීය සභා බල ප්රදේශයේ ගොවි ජනතාවගේ සහ කිරි ගොවියන්ගේ අවධානයට! 📢
නාගොඩ ප්රාදේශීය සභා බල ප්රදේශය තුළ දීර්ඝ කාලයක සිට අයාලේ යන (හිමිකරුවන් නොමැති) ගවයන් හේතුවෙන් සිදුවන වගා හානි වළක්වා ගැනීම සඳහා කඩිනම් පියවර ගැනීමට නාගොඩ ප්රාදේශීය සභාව තීරණය කර ඇත.
ගවයින් ඇල්ලීමේ වැඩසටහන: හිමිකරුවන් නොමැති සහ හීලෑ නොමැති ගවයින් ඇල්ලීම සඳහා මනා පළපුරුද්දක් ඇති පුද්ගලයින් ප්රාදේශීය සභාවේ ලියාපදිංචි කිරීමටත්, එලෙස අල්ලනු ලබන සතුන් වෙනුවෙන් අදාළ පුද්ගලයින්ට මුදල් ගෙවීමටත් තීරණය කර තිබේ.
එමෙන්ම, අප ප්රදේශයේ කිරි ගොවියන් දිරිගැන්වීම සහ ඔවුන් මුහුණ දෙන ගැටලු පිළිබඳව සාකච්ඡා කර, හැකි උපරිමයෙන් විසඳුම් ලබා දීමේ අරමුණින් විශේෂ කතිකාවතක් සංවිධානය කර ඇත.
රැස්වීම පිළිබඳ විස්තර:
දිනය: 2026 සැප්තැම්බර් 01
වේලාව: පස්වරු 2:00 ට
ස්ථානය: නාගොඩ ප්රාදේශීය ලේකම් කාර්යාලයිය ශ්රවනාගාරය
මූලිකත්වය හා සහභාගීත්වය: නාගොඩ ප්රාදේශීය සභාව, ප්රාදේශීය ලේකම් කාර්යාලය, ශ්රී ලංකා පොලීසිය, මාර්ග සංවර්ධන අධිකාරිය සහ ගොවිජන සේවා නිලධාරීන්.
මෙම වැඩසටහන සාර්ථක කර ගැනීම සඳහා ගව පාලනයේ නිරත වන සියලුම මහත්ම මහත්මීන්ගේ පැමිණීම ඉතා වැදගත් වේ. මෙම පණිවිඩය දකින ඔබත්, ප්රදේශයේ සිටින මෙම වැඩසටහනට සම්බන්ධ විය යුතු සියලු දෙනා මේ පිළිබඳව දැනුවත් කර සහයෝගය දක්වන මෙන් කාරුණිකව ඉල්ලා සිටිමු. ස්තුතියි!
සභාපති,
නාගොඩ ප්රාදේශීය සභාව.
