National Cancer Control Programme Sri Lanka

National Cancer Control Programme Sri Lanka සෞඛ්‍ය අමාත්‍යංශයේ ජාතික පිළිකා මර්දන වැඩසටහන தேசிய புற்றுநோய் கட்டுப்பாட்டு நிகழ்ச்சித்திட்டம்
சுகாதார அமைச்சு

31/08/2026

ඔබට කාලයක් තිස්සෙ කැස්ස තිබෙනවා ද? පෙනහලු පිළිකාවක් ද? අහන්න

වැලිසර ශ්වසන රෝග පිළිබඳ ජාතික රෝහලේ
උරස් කුහර පිළිබඳ විශේෂඥ වෛද්‍ය සමන් ඉද්දගොඩ මහතා පැහැදිලි කරයි

31/08/2026

ශ්‍රී ලංකාවේ පිළිකා මරණ අතරින් අංක 1 ට වාර්තා වෙන පෙනහලු පිළිකා

මොනවාද මේ පෙනහලු පිළිකා ???

වැලිසර ශ්වසන රෝග පිළිබඳ ජාතික රෝහලේ
උරස් කුහර පිළිබඳ විශේෂඥ වෛද්‍ය සමන් ඉද්දගොඩ මහතා පැහැදිලි කරයි

වාසනා බේකර්ස් අධිපති දයානන්ද බෝඹුවල මහතාගේ ධන පරිත්‍යාගයෙන් කලුතර ශික්ෂණ රෝහලට අංග සම්පූර්ණ පිළිකා ප්‍රතිකාර ඒකකයක්
31/08/2026

වාසනා බේකර්ස් අධිපති දයානන්ද බෝඹුවල මහතාගේ ධන පරිත්‍යාගයෙන් කලුතර ශික්ෂණ රෝහලට අංග සම්පූර්ණ පිළිකා ප්‍රතිකාර ඒකකයක්

29/08/2026

ගිලන් ව සිටින ඔබේ මවගේ, පියාගේ ජීවිතේ අවසාන කාලය නොමිලේ සියලු පහසුකම් ඇතිව රැකබලාගන්නා ආයතන කීපයක් ලංකාවේ ඇති බව ඔබ දන්නවාද?

ඒවා ගිලන ගිමන්හල් (Hospice) ලෙස හඳුන්වනවා. අපේ රටේ ඇති එවන් සියලු ආයතන, රාජ්‍ය නොවන සංවිධාන මගින් පවත්වාගෙන යනු ලබනවා.

මේවා බොහෝමයක් පිළිකා රෝගීන් සඳහා පමණක් වෙන්වූ ඒවා වන අතර අනෙකුත් රෝගී තත්ත්වයන් සඳහා වෙන්වූ ආයතන ද කීපයක් තිබෙනවා

මේ ඔබ දකින්නේ මඩකලපුව එරාවුර් හි ඇති Eastern Cancer Care Hospice ආයතනයයි

එම ආයතනය පිළිකා රෝගීන් ස‍ඳහා පමණක් සත්කාර සේවා ලබා දෙයි

විශේෂඥ වෛද්‍ය වරයකු රෝගියා ව ඒ සඳහා යොමු කිරීම අනිවාර්ය අවශ්‍යතාවක් වේ.

මෙම සේවාව රටේ ඕනෑම අයකුට ලබා ගත හැකිය

මේ සම්බන්ධව ඔබට යමක් පැහැදිලි කරගන්න අවශ්‍ය නම් පහතින් සටහන් කරන්න

මේ පිළිබඳව වැඩිදුර විස්තර ඉදිරියේදී අපි මෙහි පළ කිරීමට බලාපොරොත්තු වෙන්වා

ඔබටත් පුලුවන් ඔබේ දිස්ත්‍රික්කයේ මහ රෝහලේ පිළිකා ඒකකයට මෙවන් පරිත්‍යාග ලබා දෙන්න
29/08/2026

ඔබටත් පුලුවන් ඔබේ දිස්ත්‍රික්කයේ මහ රෝහලේ පිළිකා ඒකකයට මෙවන් පරිත්‍යාග ලබා දෙන්න

බරපතළ රෝගයකුට ගොදුරු වූ අයකුට හේතු ගණනාවක් නිසා තම ආදායම අඩු වන්නට ඉඩ තිබෙනවා. නිතර රැකියාවෙන් නිවාඩු ගැනීම, රැකියාව නතර...
28/08/2026

බරපතළ රෝගයකුට ගොදුරු වූ අයකුට හේතු ගණනාවක් නිසා තම ආදායම අඩු වන්නට ඉඩ තිබෙනවා. නිතර රැකියාවෙන් නිවාඩු ගැනීම, රැකියාව නතර කරන්න සිදු වීම, පවුලේ අයටත් රෝගියා වෙනුවෙන් කැප කරන්න සිදු වීම නිසා වැඩිපුර නිවාඩු ගන්න සිදු වීම යනාදිය මෙයට හේතු වේ

ඊට අමතරව රෝගියාගේ වියදම් වැඩි වේ. රෝහලට යාමට, චැනල් කිරීමට, බොහෝ දින රෝහල් ගත වීමට සිදුවීම, පරීක්ෂණ වලට, ඖෂධ වලට, රෝද පුටු වැනි දේට, අමතර ආහාර වලට, නිවසේ රෝගියාට ගැළපෙන පහසුකම් වැඩි දියුණු කිරීමට, රැකබලා ගන්නන් වෙනුවෙන් වැය කිරීමට සැළකිය යුතු මුදලක් වැය වෙන අතර ඇතැම් විට ඉඩම් කඩම් පවා විකුනන්නනට සිදු වේ

පවුලේ වගකීම ඉටු කිරීමට නොහැකිවීම, පවුල් ආරවුල් (දේපොළ වැනි දේ සම්බන්ධව), පවුලේ අය හැර යාම යනාදිය ද දක්නට ලැබේ.

පවුලේ - වැඩ පොලේ - සමාජයේ භූමිකාවෙන් බැහැර වී හුදෙකලා වී හුදෙකලා වීම රෝගියා පෙළෙන තත්වයන් වේ

රෝගය නිසා, ඖෂධ නිසා, ශල්‍ය කර්ම නිසා පෙනුම වෙනස් වීම, වැහැරී යාම, සමාජයේ අනුකම්පාව හිමි වීම වැනි බොහෝ ගැටලු වලට මුහුණ පෑමට අවදානමක් ඇත

මෙවැනි තත්වයන් සළකා එබඳු රෝගින්ට හා පවුලේ සමීපතමයන්ට සමාජ රැකවරණය අවශ්‍ය වේ.

සෑම ප්‍රාදේශීය ලේකම් කාර්යාලයකටම අනුබද්ධිත සමාජ සේවා නිළධාරීන් 2 කු සේවය කරයි. ඒ් නිළධාරීන් අඩු ආදායම් සහිත රෝගීන් සඳහා සහන ගණනාවක් ලබා දෙයි.

මීට අමතරව ඉන්දිරා පිළිකා භාරය වැනි ආයතන පිළිකා රෝගීන් සඳහා විශාල සමාජ සත්කාර වැඩපිළිවෙලක වෙදී සිටියි.

ඊට අමතරව බරපතල රෝග වලින් පෙළෙන අය සඳහා සහන සැළසීමට විශාල වශයෙන් රෝහල් සමග අත් වැල් බැඳ ගෙන ඉන්නා පරිත්‍යාගශීලීන් ඇත. උදා. මහනුවර ජාතික රෝහල, මහියංගනය මූළික රෝහල

මෙවන් අසරණ රෝගීන්ට උපකාර කිරීම සඳහා අප සියළු දෙනා ජාතික මෙහෙවරක් ලෙස සළකා අත්වැල් බැඳ ගත යුතු වේ

තම කුසේ උපන් එකම දරුවා අකාලයේ මිය යාම ගැන දැඩි ලෙස කම්පණයකින් පසු වූ කිසා ගෝතමිය එම දරුවා මිය ගිය බව පිළිගන්නට අකමැති වූ...
28/08/2026

තම කුසේ උපන් එකම දරුවා අකාලයේ මිය යාම ගැන දැඩි ලෙස කම්පණයකින් පසු වූ කිසා ගෝතමිය එම දරුවා මිය ගිය බව පිළිගන්නට අකමැති වූ අතර ඒ දරුවා ට නැවත පන ගැන්වීම ගැන විශාල බලාපොරොත්තුවකින් යුතුව විවිධ අයගෙ පිහිට පැතුවාය.

එක් අවස්තාවක ඇය බුදුන් වහන්සේට සම්මුඛ වූවාය. සිදුව ඇති දේ තේරුම් ගත් නමුත් ඈ ඒ මොහොතේ සිටි තත්ත්වය තේරුම් ගත් බුදුන් වහන්සේ දරුවා මිය ගොස් ඇති බව තේරුම් ගන්නැයි ඇයට නොකීහ.

ඇගේ දුක් ගැනවිලිවලට සන්සුන්ව ඇහුම්කන් දුන් බුදුන්වහන්සේ දරුවාට ප්‍රතිකාර කිරීම සඳහා කිසිවකු නොමළ ගෙයකින් අබ මිටක් ගෙන එන මෙන් කාරුණිකව දැන්වූ විට ඈ නිවෙස් ගණනාවක් කරා ගිය බවත් එවන් නිවසක් හමු නොවූයෙන් කරුණු තේරුම් ගෙන නැවත බුදුන් කරා ආවිට උන්වහන්සේ ඇයට අනිත්‍ය පහදා දුන් බවත් බෞද්ධ ඉතිහාසයේ සඳහන් වේ

මෙය මනෝ උපදේශනයේ ආරම්භකයක් ලෙස ඇතැම් වියතුන් විස්තර කරයි

පිළිකාව හෝ වෙනත් රෝගයකට බරපතල ලෙස ගොදුරුවී ඇති රෝගියකුට, පවුලේ සමීපතමයන්ට හා රෝගියා රැකබලාගන්නන්ගේ මානසික සුවය ලබා දිය හ...
28/08/2026

පිළිකාව හෝ වෙනත් රෝගයකට බරපතල ලෙස ගොදුරුවී ඇති රෝගියකුට, පවුලේ සමීපතමයන්ට හා රෝගියා රැකබලාගන්නන්ගේ මානසික සුවය ලබා දිය හැක්කේ වෘත්තීමය මනෝ උපදේශකයන්ට ය.

අවශ්‍ය අයකුට මනෝ උපදේශනය ලබා ගැනීමට පහසුම ක්‍රම ගණනාවක් ඇත.

ඉන්දිරා පිළිකා භාරයේ ක්ෂණික දුරකතන සේවය (0112363211) සෑම දිනකම පෙරවරු 7 සිට පස්වරු 7 දක්වා සේවය ලබා දෙයි.

ශ්‍රී ලංකා සුමිත්‍රයෝ හි 0112696666 දුරකතන මාර්ගික මනෝ උපදේශන සේවය පෙරවරු 09 සිට පස්වරු 08 දක්වා ක්‍රියාත්මකයි.

මීට අමතරව රජයේ ප්‍රධාන රෝහල් ගණනාවක වෘත්තීය මනෝ උපදේශකවරු සේවය කරති.

එමෙන්ම සෑම ප්‍රාදේශීය ලේකම් කාර්යාලයකම මනෝ උපදේශකවරු එක් අයකු හෝ දෙදෙනකු සිටිති.

එසේම පෞද්ගලික අංශයෙන් ද චැනල් සේවාවෙන් මනෝ උපදේශන සහය ලබා ගත හැකිය.

බරපතල රෝගයකින් පෙළෙන රෝගියකුට, පවුලේ අයට හා රැක බලාගන්නන්ට මානසික සුවය ලබා දීම ඉතා වැදගත්ය. ඉන් වන යහපත පිළිබඳව මෙයට පෙර සටහනින් පැහැදිලි කර ඇත.

බරපතල රෝගයකට ලක්ව සිටින අයකුගේ මානසික සුවය ඉතා වැදගත් ය. ඒ් සඳහා ඥාතීන්ට ද රැකබලාගන්නන්ටද විශාල වගකීමක් ඇත. අනෙක් අතට ඔව...
27/08/2026

බරපතල රෝගයකට ලක්ව සිටින අයකුගේ මානසික සුවය ඉතා වැදගත් ය. ඒ් සඳහා ඥාතීන්ට ද රැකබලාගන්නන්ටද විශාල වගකීමක් ඇත. අනෙක් අතට ඔවුන් ද විශාල මානසික පීඩාවන්ට ලක්වේ.

බරපතල කායික රෝගයකට ලක් වූ අයකුගේ මනසට දැඩි බියක්, දුකක්, අවිනිශ්චිත බවක්, තරහක්, තනිකමක් මෙන්ම බලාපොරොත්තු සුන්වී යාමක් දැනෙන්නට පුළුවන. එවිට රෝගියා කෑම බීම අත්හරී, ප්‍රතිකාර මග හරී. අන් අය සමග සන්නිවේදනය අඩු කරයි. සමාජයට මුහුණ දිමට නොහැකි වෙයි. වේගයෙන් රෝගියාගේ සෞඛ්‍ය තත්වය පිරිහෙයි.

රෝගියාගේ හිත ශක්තිමත් කළ විට රෝගියාට තම ප්‍රතිකාර නිසි අයුරින් ගැනීමට හැකියාව ලැබේ. කෑම-බීම නිසි පරිදි ගනී. අන් අයට තම ගැටළු, අවශ්‍යතා නිසි පරිදි කියා සිටින්නට හැකියාව ලැබේ. සමාජයේ තම ආත්ම ගරැත්වය රැක ගෙන කටයුතු කරයි. නිවසේදී, වැඩපොලේ දී, කාර්යාලයේදී බොහෝ දුරට හොඳින් කටයුතු කිරීමට ශක්තිය ලැබේ. අනාගතයේදී වඩාත් සක්‍රීය දිවියක් ගත කිරීමට හැකියාව ලැබේ. රෝගය හමුවේ ඔවුත් ශක්තිමත් වේ

රෝගියාගේ ඥාතීන්ගේ ද රැක බලාගන්නන්ගේ ද මානසික පීඩාවන් සමනය කල විට ඔවුන් රෝගියාගේ තත්වය තේරුම් ගනී, පිළි ගනී. ඒ මගින් ඔවුන්ගේ බිය, අවිනිශ්චිත භාවය, දුක, බලාපොරොත්තු සුන්වී යාම සමනය වේ. එවිට ඔවුන් රෝගියා සමග වඩා හොඳින් සන්නිවේදනය කරයි. තම පවුලේ සාමාජිකයන් හා සෞඛ්‍ය කාර්ය මණ්ඩලය, රැකබලාගන්නන් ඇතුළු විවිධ පාර්ශ්වයන් සමග වඩාත් ඵලදායී ලෙස කටයුතු කරයි. රෝගියාට අදාළ සියළු කටයුතු වලදී පෙරට වඩා හොඳින් කටයුතු කරයි. මෙම තත්වය පෙරලා රෝගියා ශක්තිමත් කරයි. රෝගියා හොඳින් ඉන්නා විට පවුලේ අයට විශාල සහනයක් වේ. එය ධනාත්මක චක්‍රයක් ලෙස ක්‍රියාත්මක වේ.

රෝගියාගේ, පවුලේ අයගේ හා රැක බලාගන්නන්ගේ මානසික ශක්තිය ඉහල නැංවීමට කළ හැක්කේ කුමක්ද? ඔබේ අදහස්, අත්දැකීම් සටහන් කරන්න

කිසිම රෝගියකු දුක් විඳිය යුතු නැත එය සහන සත්කාරයේ මූළ ධර්මයකි. 📌️ඒ අනුව කිසියම් බරපතළ රෝගාබාධයකට ලක් වූ අයකු එම රෝගයට අම...
26/08/2026

කිසිම රෝගියකු දුක් විඳිය යුතු නැත
එය සහන සත්කාරයේ මූළ ධර්මයකි.

📌️ඒ අනුව කිසියම් බරපතළ රෝගාබාධයකට ලක් වූ අයකු එම රෝගයට අමතරව
01 කායික පීඩා
02 මානසික ගැටලු
03 ආධ්‍යාත්මික පීඩා
04 සාමාජයීය ගැටලු

යන 4 වර්ගයේ ප්‍රශ්ණවලට මුහුණ පාන අතර ඒවා
- රෝගියාගෙන් රෝගියාට වෙනස් වන අතර
- එකම රෝගියාගේ වුවත් කාලයත් සමගම වෙනස් වේ

📌️මොනවාද මේ කායික පීඩා?
වේදනාව, ආහාර අරුචිය, මළ බද්ධය, නින්ද නොයෑම, තෙහෙට්ටුව, හතිය, ඔක්කාරය, වමනය, ඇඳ වණ, දෛනික වැඩ කටයුතු කිරීමේ අපහසුතා යනාදී ගැටළු මේ ගණයට ඇතුලත් ය.

📌️මේ සියලු පීඩා සමනය කිරීම සෞඛ්‍ය කාර්ය මණ්ඩලයට කළ හැකිය. මෙහිදී අවශ්‍ය වන්නේ රෝගියාගේ කායික පීඩා සෞඛ්‍ය කාර්ය මණ්ඩලය වෙත නිසි පරිදි සන්නිවේදන වීමයි. සෞඛ්‍ය කාර්ය මණ්ඩලය, රෝගියා මෙන්ම රෝගියගේ ඥාතීන්ට ද ඒ රෝගියාගේ කායික අපහසුතා පිළිබඳ ව සන්නිවේදනය කළ හැකිය.

📌️රෝහලකදී නම් රෝහල් කාර්ය මණ්ඩලයද ඔත්පල රෝගීන්ට ගමේ රෝහලට අනුයුක්ත මහජන සෞඛ්‍ය හෙද නිළධාරිණිය විසින් ද (නිවසටම ගොසින්) එම සේවා ලබා දෙයි.

📌️අතීතයේ දී සෞඛ්‍ය කාර්ය මණ්ඩලය හුදෙක්ම රෝග සුවපත් කිරීම පිළිබඳව ම අවධානයකින් කටයුතු කළ නිසා රෝගීන් අත්විඳින පීඩාවන් පිළිබඳව ඔවුනගේ අවධානය අඩු බව නිරීක්ෂණය කරමින් විවිධ විද්වතුන් අදහස් පළ කිරීමෙන් අනතුරුව පසු කාලයේ සෞඛ්‍ය කාර්ය මණ්ඩලය මේ පිළිබඳ නිසි අවධානය යොමු කිරීම ආරම්භ කරන ලදී

Address

555/5, Elvitigala Mawatha
Narahenpita
00500

Telephone

+94112368627

Website

Alerts

Be the first to know and let us send you an email when National Cancer Control Programme Sri Lanka posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to National Cancer Control Programme Sri Lanka:

Shortcuts

Share

Category