Negombo Municipal Council

07/08/2026

මීගමුව මහ නගර සභාවේ නියෝජ්‍ය නගරාධිපති ලෙස නීතීඥ ෆසීර් මොහොමඩ් මන්ත්‍රීතුමා 2026.08.06වන දින මීගමුව සම්බන්ධීකරණ කමිටු සභාපති ක්‍රීඩා නියෝජ්‍ය අමාත්‍ය ගරු සුගත් තිලකරත්න මහතා සහ ගරු නගරාධිපතිතුමා ඉදිරියේ දිවුරුම් දී සිය ධුරයේ වැඩ භාරගන්නා ලදී.

2025 වර්ෂයේ පැවති පළාත් පාලන මැතිවරණයේදී ජාතික ජන බලවේගය නියෝජනය කරමින් පෝරුතොට කොට්ඨාසයේ මන්ත්‍රීවරයා ලෙස තේරී පත් වූ නීතීඥ ෆසීර් මොහොමඩ් මැතිතුමා, මීගමුව මහ නගර සභාවේ සභා දේපළ පිළිබඳ ස්ථාවර කාරක සභාවේ සභාපතිවරයා ලෙසද කටයුතු කරයි.

නියෝජ්‍ය නගරාධිපති ධුරයේ සිය වගකීම් සාර්ථකව ඉටු කරමින් මීගමුව නගරයේ ජනතාවගේ සුබසාධනය හා නගරයේ අභිවෘද්ධිය වෙනුවෙන් විශිෂ්ට සේවාවක් ඉටු කිරීමට ශක්තිය, ධෛර්යය සහ සාර්ථකත්වය ලැබේවායි මීගමුව මහ නගර සභාවේ සුභාශිංසන එක් කරමු.

05/08/2026

මීගමුව මහා නගර සභාවේ සෞඛ්‍ය දෙපාර්තමේන්තුවේ සේවයේ යෙදී සිටි ටී.ජී.රොෂාන් සම්පත් මහතාගේ හදිසි අභාවය පිළිබඳව ගරු නගරාධිපතිතුමා, නාගරික කොමසාරිස්තුමිය ඇතුළු සමස්ථ කාර්ය මණ්ඩලයේ සාතිශය සංවේගය පළකර සිටිමු.

30/07/2026

අද දින මීගමුව මහ නගර සභාවේ නව නගරාධිපතිවරයා ලෙස දුලිප් චාමර ප්‍රනාන්දු මහතා හා නවක නාගරීක මන්ත්‍රී ලෙස දිනේෂ් සුලෝචන‍ ප්‍රනාන්දු මහතා දිවුරුම් දී වැඩභාරගත් අතර, මෙම අවස්තාවට ක්‍රීඩා නියෝජ්‍ය අමාත්‍ය සුගත් තිලකරත්න මහතා, කම්කරු නියෝජ්‍ය අමාත්‍ය මහින්ද ජයසිංහ මහතා, නාගරීක මන්ත්‍රීවරුන් ඇතුළු මීගමුව මහ නගර සභාවේ කොමසාරිස් නුවනි සුදුසිංහ මහත්මිය සහ කාර්‍යමණ්ඩලයද සම්බන්ද විය..

16/07/2026

මීගමුව මහ නගර සභාවේ ගරු නගරාධිපති රොබට් හීන්කෙන්ද මැතිතුමා සිය ධූරයෙන් ඉල්ලා අස්වීම නිමිත්තෙන් නගර සභා කාර්ය මණ්ඩලයේ සහභාගීත්වයෙන් පැවති විශේෂ අවස්ථාව.

මීගමුව පුරවරයේ ජනතාවගේ සුබසිද්ධිය උදෙසා තිරසාර සංවර්ධන වැඩපිළිවෙළක් කරා ගමන් කළ තීරණාත්මක කාලසීමාව තුළ, නගරයේ සංවර්ධනය හා මහජන යහපත වෙනුවෙන් කැපවීමෙන් යුතුව සුවිශේෂී නායකත්වයක් සහ මෙහෙවරක් ඉටු කළ ඔබතුමාට අපගේ ගෞරවණීය ස්තූතිය පුද කරමු.

ඔබතුමාගේ කැපවීම, නායකත්වය සහ ජනතා සේවය මීගමුවේ ජනතාවගේ මතකයේ සදා රැඳී පවතිනු ඇත.

ඔබතුමාට සාර්ථකත්වයෙන්, නිරෝගීභාවයෙන් සහ සතුටින් පිරි සුබ අනාගතයක් වේවායි හෘදයාංගමව ප්‍රාර්ථනා කරමු.

**ඔබතුමාගේ සේවයට අපගේ ගෞරවණීය ස්තූතිය!** 🙏

08/07/2026

මීගමුව මහා නගර සභාව, ප්‍රාදේශීය ලේකම් කාර්යාලය සහ කටුනායක ගුවන් හමුදා ඒකකය හා එක්ව පවත්වනු ලැබූ ඩෙංගු මර්දන වැඩසටහන

01/07/2026

“City Clean” වැඩසටහන

පිවිතුරු, පරිසර හිතකාමී හා සෞඛ්‍ය සම්පන්න හරිත නගරයක් තේමා කරගනිමින් මීගමුව මහ නගර සභාව විසින් සංවිධානය කළ “City Clean” විශේෂ ශ්‍රමදාන වැඩසටහන 2026.06.23 වන දින මීගමුව නගරයේදී සාර්ථකව පැවැත්විණි.

මෙම වැඩසටහන ගරු නගරාධිපතිතුමා, ගරු උප නගරාධිපතිතුමා, කොමසාරිස්තුමිය සහ නාගරික මන්ත්‍රීවරුන්ගේ ප්‍රධානත්වයෙන් පැවැත්විණි. එමෙන්ම මහජන සෞඛ්‍ය පරීක්ෂකවරුන්, සෞඛ්‍ය කාර්ය මණ්ඩලය, ප්‍රදේශයේ විවිධ සංවිධාන, රාජ්‍ය නිලධාරීන් සහ විශාල ජනතාවක් එක්ව මෙම වැඩසටහන සඳහා ශ්‍රම දායකත්වය ලබා දුනි.

ප්‍රදේශයේ විවිධ ප්‍රජා සංවිධානද මෙම වැඩසටහන සාර්ථක කරගැනීමට විශාල දායකත්වයක් ලබා දුන්හ. ප්‍රදේශයේ පොදු ස්ථාන පිරිසිදු කිරීම සහ ඩෙංගු මර්දනය සඳහා විශේෂ අවධානය යොමු කරන ලදී.

නගරයේ පිරිසිදුකම හා මහජන සෞඛ්‍ය ආරක්ෂාව වෙනුවෙන් සියලු දෙනා එක්ව දැක්වූ මෙම කැපවීම ඉතා අගය කළ යුතුය. මෙම වැඩසටහන සාර්ථක කරගැනීමට දායක වූ සියලු පාර්ශවයන්ට මීගමුව මහ නගර සභාවේ ස්තූතිය පුද කරමු.

23/06/2026

23/06/2026

🚫🦟 ඩෙංගු නවතමු, ජීවිත සුරකිමු!
⚠️ මිනිත්තු 10ක පිරිසිදු කිරීමක්, ඩෙංගු වලින් තොර පරිසරයක් !!

23/06/2026

මීගමුව මහා නගර සභා සීමාව තුළ ඇළවේලි පවිත්‍ර කිරීම ගරු නගරාධිපතිතුමා සහ නාගරික මන්ත්‍රීවරුන් විසින් නිරීක්ෂණය කරන අවාථාව

22/06/2026

මීගමුව හැමිල්ටන් ඇල සහ කලපුව සම්බන්ධවන ස්ථානයේ ජැටිය පිරිසිදු කිරීමේ ශ්‍රමදානයක් ක්‍රියාත්මක කරන ලදී. ඒ සඳහා මීගමුව මහා නගර සභාවේ නගරාධිපති, මීගමුව ප්‍රාදේශීය ලේකම් සහ සම්පත් දායකත්වය සැපයූ ජා-ඇල EL&teel ආයතනයේ ,ඉංජිනේරු වන බ්‍රිතාන්‍ය ජාතික ඇන්ඩෲ මහතා සහ සාගර මහතා ද ශ්‍රී ලංකා ගුවන් හමුදාවේ භට පිරිස් ද සහභාගී වූහ.