Sri Lanka Land Development Corporation

Sri Lanka Land Development Corporation Sri Lanka Development Corporation (SLLDC) was initially a body corporate duly established under the Colombo District (Low Lying Areas)

The Corporation is a member of National Construction Association of Sri Lanka (NCASL) and Green Building Council of Sri Lanka as well. The Cooperation has been also certified as a ISO 9001:2008 organization. SLLRDC is backed by a well-qualified and experienced staff consisting of Engineers in various Engineering disciplines such as Civil, Mechanical, Electrical, and Chemical Engineering, Architect

ures, Quantity Surveyors and allied professionals such as legal and other finance. The Corporation is in possession of all necessary equipment, machinery and related resources to the construction, Drainage & Reclamation Sector. SLLR&DC has been engaged in design of drainage plans for marshy lands and structural designs for multi storeyed buildings & hydraulic structures for the last 40 years. SLLR&DC has acquired specialized knowledge on hydrology & hydraulics required for design and analysis of storm water drainage systems in Sri Lanka. SLLR&DC is the State agency which grants permission for the public to fill marshy land subject to provision of storm water drainage as per designs prepared by SLLR&DC. It is continuously involved in the preparation of Master Drainage Plans for catchments and sub catchments identifying lowlands which could be allowed for reclamation after leaving detention areas and improving storm water drainage [email protected]

ශ්‍රී ලංකා ඉඩම් සංවර්ධනය කිරීමේ සංස්ථාවේ අභිනව සාමාන්‍යාධිකාරි ඉංජිනේරු එ.එච්. තුෂාරි මහත්මිය 2026.04.09 එනම් අද දින සිය...
09/04/2026

ශ්‍රී ලංකා ඉඩම් සංවර්ධනය කිරීමේ සංස්ථාවේ අභිනව සාමාන්‍යාධිකාරි ඉංජිනේරු එ.එච්. තුෂාරි මහත්මිය 2026.04.09 එනම් අද දින සිය ධූරයෙහි වැඩ භාරගැනීමේ කෙටි උත්සවයේ විශේෂ අවස්ථා කිහිපයක්.

09/04/2026

ශ්‍රී ලංකා ඉඩම් සංවර්ධනය කිරීමේ සංස්ථාවේ අභිනව සාමාන්‍යාධිකාරිතුමිය ලෙස ඉංජිනේරු එ.එච්. තුෂාරි මහත්මිය අද (09) නව තනතුරේ පත්වීම් ලැබුවාය. ඇයට සංස්ථා සභාපතිතුමා, ඉහළ කළමනාකාරීත්වය හා සියලුම සේවක මහත්ම මහත්මීන් ඇතුළු මාධ්‍ය ඒකකයේ අප සියලු දෙනාගේම සුභාශිංසනය පිරි නමමු..

03/04/2026

තෙවසරක ස්ථිරසාර සැලැස්මක් යටතේ සිදු කරනු ලබන කොළොන්නාව වැසි ජල අපවහන හා පරිසරය වැඩි දියුණු කිරීමේ ව්‍යාපෘතිය පිළිබඳව මාධ්‍යයන් හි පළ වූ ප්‍රවෘත්ති...

කොළොන්නාව ගංවතුර අවම කිරීමට ස්ථිරසාර විසඳුමක්..කොළොන්නාව ප්‍රදේශයේ නිරන්තරයෙන් ඇතිවන ගංවතුරට ස්ථිරසාර විසඳුමක් ලබා දීම ස...
02/04/2026

කොළොන්නාව ගංවතුර අවම කිරීමට ස්ථිරසාර විසඳුමක්..

කොළොන්නාව ප්‍රදේශයේ නිරන්තරයෙන් ඇතිවන ගංවතුරට ස්ථිරසාර විසඳුමක් ලබා දීම සඳහා තෙවසරක දිගුකාලීන සැලැස්මක් ක්‍රියාත්මක කෙරේ. ඒ පසුගියදා නාගරික සංවර්ධන නියෝජ්‍ය අමාත්‍ය එරංග ගුණසේකර මහතාගේ ප්‍රධානත්වයෙන් ශ්‍රී ලංකා ඉඩම් සංවර්ධනය කිරීමේ සංස්ථාවේ පැවති හමුවේ දී ඉදිරිපත් වූ යෝජනා ක්‍රියාත්මක කිරීමේ ඉදිරි පියවරකි.
ඒ අනුව මෙම වැඩපිළිවෙළෙහි සමාරම්භක උත්සවය අද (02) නාගරික සංවර්ධන නියෝජ්‍ය අමාත්‍ය එරංග ගුණසේකර මහතාගේ ප්‍රධානත්වයෙන් මුල්ලේරියාව මදීනාවත්ත සම්බෝධි ජයන්ති මහා විහාරස්ථානය අසලදී පැවැත්විණි. ඒ සඳහා කොටිකාවත්ත මුල්ලේරියාව ප්‍රාදේශීය සභාවේ සභාපතිතුමා සහ එහි උප සභාපතිතුමා, කොළොන්නාව නගර සභාවේ සභාපතිතුමා සහ එහි උප සභාපතිතුමා, නාගරික කොට්ඨාස මන්ත්‍රීවරුන්, කොළොන්නාව ප්‍රාදේශීය ලේකම්තුමා, ශ්‍රී ලංකා ඉඩම් සංවර්ධනය කිරීමේ සංස්ථාවේ සභාපති ඉංජිනේරු සමන් ශ්‍රී සෙනෙවීර, සාමාන්‍යාධිකාරී ඉංජිනේරු ඊ. එච්. තුෂාරි ඇතුළු ඉහළ කළමනාකාරීත්වයේ නිලධාරීන් කිහිපදෙනෙක් සහභාගී විය.
මෙම තුන් අවුරුදු සැලැස්ම යටතේ කිලෝමීටර් 3.85 ක් දිගින් යුත් දහම්වෙළ ඇළ, කිලෝමීටර් 4.5 ක් දිගින් යුත් පස්සැන්න ඇළ, කිලෝමීටර් 3.25 ක් දිගින් යුත් සැළලිහිණි මාවත ඇළ සහ කිලෝමීටර් 1.5 ක් දිගින් යුත් දඬුතොට ඇළ යනාදී ඇළ මාර්ග ප්‍රතිසංස්කරණය කිරීමට නියමිත ය. එසේම ඒ ආශ්‍රිත පාලම්, බෝක්කු 50 කට අධික ප්‍රමාණයක් ප්‍රතිසංස්කරණය කිරීම ද සිදු වේ. මෙම ව්‍යාපෘතිය සඳහා මිලියන 10000 කට අධික පිරිවැයක් වැය වේ.
තෙවසරක සැලැස්ම යටතේ විවේකාරාම ජල රැඳවුම් තටාකය මෙන්ම තුප්පාවෙල, කොටිකාවත්ත, බැලගම, ගොඩැල්ල, සිරිපැරකුම් මාවත සහ නිර්මාවෙල ජල රැඳවුම් තටාක ඇතුළු ජල රැඳවුම් තටාක 7 ක් ඉදි කිරීමටත් එම ජල රැඳවුම් තටාක ආශ්‍රිතව ප්‍රදේශවාසීන්ගේ විනෝදාස්වාද කටයුතු සඳහා ඇවිදින මංතීරු, ළමා උද්‍යාන සහ විවේකීව ගත කිරීමට එළිමහන් ස්ථාන යනාදිය ද සකස් කෙරේ.
එසේම තත්පරයට ඝන මීටර් 2 ක ධාරිතාවයකින් යුත් වැසි ජල පොම්පාගාරයක් සැළලිහිණි මාවත ඇළ සඳහා ද, තත්පරයට ඝන මීටර් 3 ක ධාරිතාවයකින් යුතු වැසි ජල පොම්පාගාරයක් දඬුතොට ඇළ මෝය කට ආශ්‍රිතව ඉදි කිරීමට සැලසුම් සකස්ව ඇත.
ඒ අනුව මෙම ව්‍යාපෘතියේ සියලුම ඉංජිනේරුමය සැලසුම් සකස් කිරීම මෙන්ම සියලුම ඉදිකිරීම් කටයුතු ශ්‍රී ලංකා ඉඩම් සංවර්ධනය කිරීමේ සංස්ථාවේ ඉංජිනේරුවන් විසින් සිදු කෙරේ.

“Metro Uplift” මහල් නිවාස සංකීර්ණ නවීකරණ ව්‍යාපෘතියේ සමාරම්භක උත්සවය 2026 මාර්තු 31 වන දින සාලමුල්ල ලක්සඳ සෙවන මහල් නිවා...
31/03/2026

“Metro Uplift” මහල් නිවාස සංකීර්ණ නවීකරණ ව්‍යාපෘතියේ සමාරම්භක උත්සවය 2026 මාර්තු 31 වන දින සාලමුල්ල ලක්සඳ සෙවන මහල් නිවාස සංකීර්ණ පරිශ්‍රයේදී නාගරික සංවර්ධන නියෝජ්‍ය අමාත්‍ය එරංග ගුණසේකර මහතාගේ ප්‍රධානත්වයෙන් පැවැත්විණි.

මෙම ව්‍යාපෘතිය යටතේ හානි වූ විදුලි සෝපාන අලුත්වැඩියා කිරීම, නව විදුලි සෝපානයක් ස්ථාපනය කිරීම, දෝෂ සහිත ගිනි නිවන පද්ධති අලුත්වැඩියා කිරීම, හානියට පත් නිවාස අලුත්වැඩියා කිරීම, ළමා උද්‍යාන වැඩිදියුණු කිරීම, B සහ C ගොඩනැගිලිවල පොදු කවුළු වැට අලුත්වැඩියා කිරීම හා ගේට්ටු සවිකිරීම, A ගොඩනැගිල්ලේ කොරිඩෝ සඳහා නව කානු පද්ධතියක් ස්ථාපනය කිරීම, ගොඩනැගිලිවල බාහිර බිත්ති පින්තාරු කිරීම ඇතුළු නවීකරණ කටයුතු රැසක් සිදු කිරීමට නියමිතය.

තවද CCTV කැමරා පද්ධති සහ ආරක්ෂක සේවා ක්‍රියාත්මක කිරීම මෙන්ම ප්‍රජා සවිබල ගැන්වීම වෙනුවෙන් සමාජ සජීවීකරණ වැඩසටහන් ක්‍රියාත්මක කිරීමද මෙම ව්‍යාපෘතියේ අරමුණ වේ.

Clean Sri Lanka ව්‍යාපෘතිය හරහා මුල්‍ය ප්‍රතිපාදන වෙන්වූ ඝණ අපද්‍රව්‍ය කළමනාකරණය යටතේ ඇලමාර්ග පද්ධතියට අපද්‍රව්‍ය බැහැර කිරීම වැළැක්වීම උදෙසා ගන්නා ලද පියවරක් ලෙස ශ්‍රී ලංකා ඉඩම් සංවර්ධනය කිරීමේ සංස්ථාව විසින් කසල කළමනාකරණය ප්‍රවර්ධනය කිරීම සඳහා කසල බඳුන් ලබාදීමත්, දිරන අපද්‍රව්‍ය, ප්ලාස්ටික් හා කඩදාසි ලෙස කසල වෙන්කොට බැහැර කිරීම පිළිබඳ දැනුවත් කිරීමේ උපදේශනයක්ද මෙහිදී ලබා දෙන ලදී.

මෙම අවස්ථාවට සංස්ථාවේ ඉහළ කළමනාකාරීත්වය, නිලධාරී මහත්ම මහත්මීන් සහ අනෙකුත් පාර්ශව රැසක් සහභාගී වූහ.

කඩුවෙල-අඹතලේ කැලණි ගෙඟ් ජල පාලන වේල්ල ප්‍රතිසංස්කරණය ඇරඹේ....!----------------------------------------------------------...
31/03/2026

කඩුවෙල-අඹතලේ කැලණි ගෙඟ් ජල පාලන වේල්ල ප්‍රතිසංස්කරණය ඇරඹේ....!
------------------------------------------------------------------------
අඹතලේ ජල පාලන වේල්ලේ දීර්ඝ කාලීනව පැවති ජල කාන්දු තත්වයට ස්ථිර විසඳුම් ලබාදෙමින් එහි ප්‍රතිසංස්කරණ කටයුතු පසුගිය 26 දින ආරම්භ කෙරිණ. කැලණි ගෙඟ් ජල ධාරිතාව අධික වීමත් සමඟ නිරන්තරයෙන් ඇතිවන ජලකාන්දුවට විසඳුම් ලබා දීම සඳහා තිරසර ප්‍රතිසංස්කරණ ව්‍යාපෘතියක් මේ වන විට ක්‍රියාත්මක කරමින් පවතී....!

ජාතික ගොඩනැගිලි පරීක්ෂණ ආයතනයේ භූ විද්‍යාත්මක වාර්ථා පදනම් කර ගනිමින් අප ආයතනය වන ශ්‍රී ලංකා ඉඩම් සංවර්ධනය කිරීමේ සංස්ථාව මගින් (SLLDC) ජල තෙරපුමට දරාගත හැකි පරිදි වේල්ල ආරක්ෂිත කරලීමේ ව්‍යාපෘතිය වෙනුවෙන් රුපියල් මිලියන 41 ක් වෙන්කොට ඇති අතර මාස හතරක කාලයක් ඇතුලත මෙය අවසන් කිරීමට බලාපොරොත්තු වේ ....!

නව ප්‍රතිසංස්කරණ ක්‍රියාවලිය යටතේ ජල කාන්දු ප්‍රදේශයේ ආරක්ෂාවට මීටර් 40 ක් දිගැති කොන්ක‍්‍රීට් බැම්මක් ස්ථාපිත කිරීමට සැලසුම් කර ඇත. වර්ෂාවෙන්, ජල ගැලීම් සහ මිනිස් ක්‍රියාකාරකම් වලින් සිදුවන පාංශු ඛාදනය වලක්වා අලූතෙන් කාණු පද්ධතියක් මගින් ජල බස්නා ක්‍රියාවලිය විදිමත් කිරීමෙහි ලා සැලසුම් සකස් කර ඇත...!

ප්‍රතිසංස්කරණ සිදුකරන කඩුවෙල වැලිවිට වැලිපිල්ලෑව ප්‍රදේශයේ පවතින අවදානම් තත්වය සම්පූර්ණයෙන් අවසන් කිරීමත් ඉදිරි ආපදා තත්වයකදී දරාගත හැකි ලෙස ප්‍රමිතිගත ප්‍රතිසංස්කරණ කටයුතු සිදු කරන ආකාරය පිළිබඳව නිළධාරීන් හා අප සංස්ථාවේ ඉහළ කළමනාකාරීත්වය ඇතුලූ නිලධාරීන් මෙහි දී සාකච්ඡා කෙරුණි ....!

කැළණි ගඟේ සුළු ගංවතුර මට්ටම දක්වා කොළොන්නාව ප්‍රදේශයේ වැසි ජල ගැලීම් අවම කර ගැනීමේ සහ පරිසරය වැඩි දියුණු කිරීමේ අරමුණින්...
26/02/2026

කැළණි ගඟේ සුළු ගංවතුර මට්ටම දක්වා කොළොන්නාව ප්‍රදේශයේ වැසි ජල ගැලීම් අවම කර ගැනීමේ සහ පරිසරය වැඩි දියුණු කිරීමේ අරමුණින් පවතින ගැටළු, අදහස් සහ යෝජනා සාකච්ඡා කිරීමේ වැඩසටහනක් නාගරික සංවර්ධන නියෝජ්‍ය අමාත්‍ය එරංග ගුණසේකර මහතාගේ ප්‍රධානත්වයෙන් අද (26) ශ්‍රී ලංකා ඉඩම් සංවර්ධනය කිරීමේ සංස්ථාවේ දී පැවැත්විණි.
මෙම අවස්ථාවට ප්‍රදේශයේ ප්‍රාදේශීය සහ පළාත් පාලන ආයතනවල නියෝජිතයින්, ශ්‍රී ලංකා ඉඩම් සංවර්ධනය කිරීමේ සංස්ථාවේ සභාපති සමන් ශ්‍රී සෙනෙවීර මහතා සහ එහි ඉහළ කළමනාකාරීත්වයේ නිලධාරීන් ඇතුළුව විශාල පිරිසක් සම්බන්ධ වී සිටියහ.
එහිදී මෙතෙක් සංස්ථාව කොළොන්නාව ප්‍රදේශයේ ගංවතුර පාලනය කිරීමට ගෙන ඇති ක්‍රියාමාර්ග සහ ඒ සම්බන්ධව සිදු කර ඇති ව්‍යාපෘති පිළිබඳව විස්තරාත්මක ඉදිරිපත් කිරීමක් සිදුකළ අතර ඉදිරියේ දී ක්‍රියාවට නැංවීමට අවශ්‍ය ව්‍යාපෘති සහ ඒ සඳහා ඇති ගැටළු මෙන්ම අනවසර ඉදිකිරීම් සම්බන්ධව පවතින ගැටළු ද සාකච්ඡාවට බඳුන් විය. අනතුරුව පැමිණ සිටි පිරිසට සිය ගැටළු ඉදිරිපත් කිරීමට ඉඩ සලසමින් ඔවුන්ගේ අදහස් හා යෝජනා ද ලබා ගන්නා ලදී. පසුව නියෝජ්‍ය අමාත්‍යවරයා ඇතුළු පිරිස මෙම ප්‍රදේශවල නිරීක්ෂණ චාරිකාවක ද නිරත විය.

20/02/2026

2026-02-18 |රූපවාහිනී 17.55 සිංහල ප්‍රවෘත්ති.

ජල මාර්ගයන්හි පාවෙන අපද්‍රව්‍ය ඉවත් කරමින් පිරිසිදු පරිසරයක් දැයට දායාද කිරීම වෙනුවෙන් MAS Foundation for Change ආරම්භ ක...
18/02/2026

ජල මාර්ගයන්හි පාවෙන අපද්‍රව්‍ය ඉවත් කරමින් පිරිසිදු පරිසරයක් දැයට දායාද කිරීම වෙනුවෙන් MAS Foundation for Change ආරම්භ කරන ලද පාවෙන පාලිත බාධක (Ocean Strainer) හි තවත් සුවිසල් සංධිස්ථානයක් සනිටුහන් කරමින් අද (18) එහි 100 වන ඒකකය කොළඹ Havelock City අසල වැල්ලවත්ත ඇළ පරිශ්‍රයේ ස්ථාපිත කරන ලදී.
Ocean Strainer ඒකක පිහිටුවීමේ මෙම ව්‍යාපෘතිය ප්‍රථමවරට ආරම්භ කරන ලද්දේ 2020 වසරේ දී දෙහිවල ඇළ කේන්ද්‍ර කරගනිමිනි. මෙම ව්‍යාපෘතිය මඟින් පළමු වසර තුළදී පමණක් පාවෙන අපද්‍රව්‍ය කිලෝග්‍රෑම් 67000 කට අධික ප්‍රමාණයක් සාගරයට එක්වීම වැළකී ඇත.
මෙම අවස්ථාවට මේ සඳහා සුවිශාල සහයෝගයක් දක්වන ශ්‍රී ලංකා ඉඩම් සංවර්ධනය කිරීමේ සංස්ථාව ඇතුළු සංවර්ධන නියෝජිතායතන, රාජ්‍ය නොවන සංවිධාන, සමාගම් සහ රාජ්‍ය ආයතනවල ඉහළ නිලධාරීහු එක්ව සිටියහ. එහිදී අදහස් දක්වමින් ශ්‍රී ලංකා ඉඩම් සංවර්ධනය කිරීමේ සංස්ථාවේ සභාපතිතුමා දැඩි පාරිසරික අභියෝගයන්ට මුහුණ දීමේදී රාජ්‍ය - පෞද්ගලික හවුල්කාරීත්වයේ ඵලදායී බව මනාව ප්‍රදර්ශනය වන බවත් මෙම සහයෝගීතාවය තුළින් අපගේ අනාගත පරපුර උදෙසා ජල සම්පත සහ සාගර පරිසර පද්ධතිය ආරක්ෂා කිරීම වෙනුවෙන් රටපුරා අවශ්‍ය ඵලදායී ක්‍රියාමාර්ග ක්‍රියාත්මක කිරීමට අපට හැකි වී ඇති බවත් ප්‍රකාශ කළේ ය.

ප්‍රවාහන, මහාමාර්ග හා නාගරික සංවර්ධන අමාත්‍යංශයේ අමාත්‍යවරයාගේ වෘත්තීය සමිති සම්බන්ධීකරණ ලේකම් එස්. පී. විතාන මහතා පසුගි...
11/02/2026

ප්‍රවාහන, මහාමාර්ග හා නාගරික සංවර්ධන අමාත්‍යංශයේ අමාත්‍යවරයාගේ වෘත්තීය සමිති සම්බන්ධීකරණ ලේකම් එස්. පී. විතාන මහතා පසුගිය 6 වනදා ශ්‍රී ලංකා ඉඩම් සංවර්ධනය කිරීමේ සංස්ථාවේ යාන්ත්‍රික අංශයේ නිරීක්ෂණ චාරිකාවක නිරත විය. එහිදී ඔහු විසින් සේවකයන් මුහුණ දෙන ඔවුන්ගේ රැකියා තනතුරු සම්බන්ධ සහ නවාතැන් පහසුකම් ආදීය පිළිබඳ ඇති ගැටළු රැසක් සාකච්ඡා කළේ ය.

ගොවිජන සංවර්ධන දෙපාර්තමේන්තුව සතුව භාවිතයෙන් ඉවත්කර තිබූ ඩෝසර් යන්ත්‍රයක් ශ්‍රී ලංකා ඉඩම් සංවර්ධනය කිරීමේ සංස්ථාවේ යන්ත්...
23/01/2026

ගොවිජන සංවර්ධන දෙපාර්තමේන්තුව සතුව භාවිතයෙන් ඉවත්කර තිබූ ඩෝසර් යන්ත්‍රයක් ශ්‍රී ලංකා ඉඩම් සංවර්ධනය කිරීමේ සංස්ථාවේ යන්ත්‍රෝපකරණ අංශය විසින් ලබාගෙන නැවත ප්‍රතිනිර්මාණය කර සේවය සඳහා ‍යොමු කිරීමේ කෙටි උත්සවයක් අද (23) සභාපතිතුමාගේ සහභාගීත්වයෙන් පැවත්විණි. මෙම යන්ත්‍රය අලුත්වැඩියා කිරීම සඳහා විශාල පිරිවැයක් දැරීමට සිදුවීම නිසා ගොවිජන සංවර්ධන දෙපාර්තමේන්තුව විසින් භාවිතයෙන් ඉවත්කර තිබූ අතර මෙම නව යන්ත්‍රයක වෙළෙඳපොළ වටිනාකම මිලියන 70 කි. මෙම ඩෝසර් යන්ත්‍රය යන්ත්‍රෝපකරණ අංශය විසින් මිලියන 1.4 කින් අලුත්වැඩියා කර ඇත. එම අංශයේ ජ්‍යේෂ්ඨ ඉංජිනේරුවරුන්ගේ මගපෙන්වීම යටතේ අංශයේ නඩත්තු කණ්ඩායමේ අප්‍රතිහත ධෛර්යයෙන් හා කැපවීමෙන් ආරම්භ කළ මෙම ප්‍රතිසංස්කරණ ව්‍යාපෘතිය අවසන් කර නැවත මෙම යන්ත්‍රය සේවය සඳහා යොදවන ලදී.

Address

No 3, Sri Jayawardanapura Mawatha, Welikada
Rajagiriya
10100

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00

Telephone

+94112861488

Website

Alerts

Be the first to know and let us send you an email when Sri Lanka Land Development Corporation posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Sri Lanka Land Development Corporation:

Shortcuts

Share

Category