T 50 පනහේ කල්ලිය

26/07/2026

Seahorse Air Ceylon සමාගම විසින් සිරස් අතට ගුවන්ගත විය හැකි සහ ගොඩබැස්විය හැකි (VTOL) ගුවන්යානා නිෂ්පාදන මධ්‍යස්ථානයක් ශ්‍රී ලංකාව තුළ පිහිටුවීම සඳහා යෝජනාවක් ඉදිරිපත් කර ඇත. සමාගමේ නියෝජිතයන් සිවිල් ගුවන් සේවා අධිකාරියේ අධ්‍යක්ෂ ජනරාල් සහ ප්‍රධාන විධායක නිලධාරී Capt. දමින්ද රඹුක්වැල්ල මහතා හමුවී මෙම සැලසුම් සාකච්ඡා කර ඇත.

Seahorse Air Ceylon ආයතනය දැනටමත් ශ්‍රී ලංකා ආයෝජන මණ්ඩලයේ (BOI) ලියාපදිංචි වී ඇත ව්‍යාපෘතියේ පර්යේෂණ, සංවර්ධන සහ පරීක්ෂණ අදියර ආරම්භ කිරීම සඳහා අවශ්‍ය නියාමන අනුමැතිය ලබා ගැනීමට සමාගම දැනට කටයුතු කරමින් සිටී ජාතික සහ ජාත්‍යන්තර ප්‍රමිතීන්ට අනුකූලව ගුවන් සේවා ආරක්ෂාව, සුරක්ෂිතතාව සහ නියාමන අධීක්ෂණය පවත්වාගෙන යාමේ වැදගත්කම සිවිල් ගුවන් සේවා අධිකාරිය අවධාරණය කර ඇත.

VTOL ගුවන්යානා සඳහා සාමාන්‍ය ධාවන පථ අවශ්‍ය නොවන අතර, කෙටි දුර මගී ප්‍රවාහනය සහ අනෙකුත් ගුවන් සේවා සඳහා ලෝකය පුරා මෙම තාක්ෂණය භාවිත වේ.මෙම ව්‍යාපෘතිය මගින් ශ්‍රී ලංකාවේ ගුවන් සේවා කර්මාන්තය නවීන Advanced Air Mobility (AAM) ක්ෂේත්‍රය වෙත යොමු කිරීමට බලාපොරොත්තු වේ.

26/07/2026

ශ්‍රී ලාංකේය සිනමාවට ජාත්‍යන්තරයෙන් තවත් අභිමානවත් ජයග්‍රහණයක් හිමිව තිබේ.

ප්‍රවීණ රංගන ශිල්පී මහේන්ද්‍ර පෙරේරා, මැලේසියානු අන්තර්ජාතික සිනමා උළෙලේදී 'රිවර්ස්ටන්' (Riverstone) චිත්‍රපටයේ විශිෂ්ට රංගනය වෙනුවෙන් හොඳම නළුවා සම්මානය දිනාගෙන ඇත.

මෙම සම්මානය සඳහා දේශීය හා විදේශීය ප්‍රබල රංගන ශිල්පීන් රැසක් නිර්දේශ වී සිටියද, ඔවුන් අභිබවා යමින් මෙම ජාත්‍යන්තර ගෞරවය හිමිකර ගැනීමට මහේන්ද්‍ර පෙරේරා සමත් විය. ඔහු මීට පෙරද සිංගප්පූරු අන්තර්ජාතික සිනමා උළෙලේදී ජාත්‍යන්තර සම්මානයකින් පිදුම් ලැබූ රංගන ශිල්පියෙකි.

එමෙන්ම, 'රිවර්ස්ටන්' චිත්‍රපටයේ රංගනය වෙනුවෙන් ප්‍රියන්ත සිරිකුමාර හොඳම සහාය නළුවා සම්මානයද දිනාගත් අතර, එම චිත්‍රපටය ශ්‍රී ලංකා සිනමාව ජාත්‍යන්තරය හමුවේ තවත් වරක් ඉහළට ඔසවා තැබීමට සමත් විය.

මෙරට සිනමාවට ජාත්‍යන්තර කීර්තියක් ගෙන ආ මහේන්ද්‍ර පෙරේරා, ප්‍රියන්ත සිරිකුමාර සහ 'රිවර්ස්ටන්' කණ්ඩායමට උණුසුම් සුබ පැතුම්!

25/07/2026

25/07/2026

අවුරුදු 20කට වඩා එකට හිටපු ජෝඩු හතරක් එකතු වෙලා ටෙක්සාස් වල ලානෝ ගඟ (Llano River) කිට්ටුව "Bestie Row" කියලා පුංචි ගෙවල් ටිකක් හදලා තියෙනවා. එයාලට ඕනේ වයසට යනකම්ම මේ විදියටම එකට ඉන්නයි.

ආර්කිටෙක්ට් (Architect) Matt Garcia තමයි මේක ඩිසයින් කරලා තියෙන්නේ. පරිසරයට හිතකාමී විදියට හදපු මේ තැන, වර්ග අඩි 350ක පුංචි කැබින් (ගෙවල්) හතරක් තියෙනවා. වැසි ජලය එකතු කරගන්න පුළුවන් වෙන විදියට සමනලයෙක්ගේ හැඩේට හදපු නිල් පාට වහලවල් එක්ක සෝලා පැනල් පවා මේවයේ තියෙනවා. ඒ වගේම, හැමෝටම එකතු වෙලා කෑම කන්නයි, මතකයන් එකතු කරගන්නයි වර්ග අඩි 1500ක ලොකු පොදු තැනකුත් හදලා තියෙනවා.

ටෙක්සාස් හිල් කන්ට්‍රි (Texas Hill Country) පැත්තේ ගඟක් අයිනේ තියෙන මේ නිස්කලංක තැන නිකන් "ඩිස්නි ෆිල්ම් එකක්" වගේලු. සත්තුයි, ලස්සන දර්ශනයි එක්ක මේක මාරම ලස්සනයි.
මේක යාළුකමටයි, පරිසරයට ආදරය කරන එකටයි දෙන්න පුළුවන් සුපිරිම උදාහරණයක්!

copied

25/07/2026

පාසල් අවසන් වීමෙන් පසු ගාල්ල මධ්‍යම බස් නැවතුම්පොළට පැමිණෙන පාසල් සිසුන් නිකරුණේ බස් නැවතුම්පොළේ රැඳී සිටීම වැළැක්වීම සහ ඔවුන් ආරක්ෂිතව නිවෙස් බලා පිටත් කිරීමේ අරමුණින් ගාල්ල පොලිසිය විශේෂ වැඩසටහනක් ආරම්භ කර තිබේ.

මෙම වැඩපිළිවෙළ යටතේ පොලිස් නිලධාරීන් බස් නැවතුම්පොළ තුළ රැඳී සිටින සිසුන් නිරීක්ෂණය කර ඔවුන් ගමන් කළ යුතු බස් රථවලට කඩිනමින් යොමු කරන අතර, බස් රථ නොමැතිව නිකරුණේ රැඳී සිටින සිසුන්ට ද උපදෙස් ලබාදෙන බව පොලිසිය සඳහන් කරයි.

ගාල්ල බස් නැවතුම්පොළට දිනපතා දිස්ත්‍රික්කයේ විවිධ ප්‍රදේශවල පාසල්වලින් සිසුන් විශාල පිරිසක් පැමිණෙන අතර, ඇතැම් අවස්ථාවල ඔවුන් කණ්ඩායම් වශයෙන් රැඳී සිටීම හේතුවෙන් බහින්බස්වීම් සහ ගැටුම් ඇතිවීම පිළිබඳ පැමිණිලි ලැබී තිබේ. එමෙන්ම ඇතැම් සිසුන් පාසල් අවසන් වූ පසු දීර්ඝ වේලාවක් බස් නැවතුම්පොළේ රැඳී සිටීම දෙමාපියන්ගේ සහ පාසල් බලධාරීන්ගේ ද අවධානයට ලක්ව තිබූ බව පොලිස් ආරංචි මාර්ග සඳහන් කරයි.

මෙම තත්ත්වය පාලනය කිරීම සඳහා පාසල් අවසන් වන වේලාවන්හි පොලිස් නිලධාරීන්ගේ සංචාර සහ නිරීක්ෂණ වැඩි කර ඇති අතර, සිසුන්ට අනවශ්‍ය ලෙස බස් නැවතුම්පොළේ රැඳී නොසිට තමන්ගේ ගමනාන්තයට යන බස් රථවලට වහාම ගොඩවන ලෙස දැනුම් දෙනු ලබයි.

ඒ අනුව (23) පස්වරුවේ ගාල්ල බස් නැවතුම්පොළේ රාජකාරියේ නිරතව සිටි උප පොලිස් පරීක්ෂකවරියක් අතේ වේවැලක් ද රැගෙන සිසුන් බස් රථ වෙත යොමු කරන අයුරු දැකගත හැකි වූ අතර, එම ඡායාරූප සමාජ මාධ්‍ය ඔස්සේ ද පුළුල් ලෙස සංසරණය විය.

පොලිසිය පවසන්නේ මෙම වැඩපිළිවෙළේ අරමුණ සිසුන්ට ද ඬුවම් කිරීම නොව, ඔවුන්ගේ ආරක්ෂාව තහවුරු කිරීම, ගැ ටුම් සහ අනවශ්‍ය සිදුවීම් වළක්වා ගැනීම සහ බස් නැවතුම්පොළ තුළ විනයගරුක පරිසරයක් පවත්වාගෙන යාම බවයි. මෑත කාලයේ පොදු ප්‍රවාහන මධ්‍යස්ථානවල මගී ආරක්ෂාව සහ විනය ඉහළ නැංවීම සඳහාද බලධාරීන් වැඩි අවධානයක් යොමු කර තිබේ.

24/07/2026

කන්තලේ ගයාෂාන් පතිරණ 2026.07.23 වන දින කන්තලේ කිතුල් උතුව ප්‍රදේශයේදි සංචාරක පිරිසක් ගමන් ගත් කාර් රථයක් සහ කන්තලේ ගයාෂාන් පතිරණ සහෝදරයා පැදවු යතුරු පැදිය එකිනෙක ගැටි සිදුවු අනතුරෙන් යතුරුපැදි කරු බරපතළ තුවාල ලබා කන්තලේ මුලික රෝහලට ඇතුලත් කෙරුනි.

ඔහුගෙ තත්වය බරපතළ හේතුවෙන් කඩිනමින් මූලික ප්‍රතිකාර ලබාදී පසුව අනුරාධපුර රෝහලට ඇතුලත් කෙරුණු පසුව අනුරාධපුර රෝහලේදි ඔහු අවාසනාවන්ත ලෙස මි|ය ගියේය.... බයික් පදින කොල්ලන්ගෙන් මේ ඉල්ලිම කරන්නෙ පරිස්සමෙන්.. කන්තලේ පතිරණ සුපර් මාර්කට් හි හිමිකරුගේ පුතෙකු වෙන ගයාෂාන් පතිරණ නුබට අජරාමර නි ව න් සුවය ලැබේවා උපදින කිසිම භවයක මෙවන් අකල් ම|රණයක් නුබට හිමි නොවේවා !

24/07/2026

"මගේ පුතා ඔටිසම් තත්ත්වයෙන් පෙළෙනවා. මට ලෝකයේ කිසිම වත්කමක් නැති වුණත්, ඒ වෙනුවට මගේ පුතා සම්පූර්ණයෙන්ම නීරෝගී වෙනවා නම් මම ඒ තීරණය කිසිම පැකිලීමකින් තොරව භාර ගන්නවා."

මේ වදන්වල හිමිකරු වන්නේ පිටියේ දක්ෂතා නිසා ලොව පුරා ප්‍රසිද්ධියට පත් ක්‍රීඩකයෙක් පමණක් නොව, සිය පුතා වෙනුවෙන් අසීමිත ආදරයක් දරන පියෙක් ද වේ.

ඔහු සිය කොණ්ඩය දිගට වවාගෙන යන්නේද විශේෂ හේතුවක් නිසාය. "මගේ පුතා මගේ දිග කොණ්ඩයට ගොඩක් කැමතියි. දවසක එයාට මාව අමතක වුණත්, මේ කොණ්ඩය දැක්කම හරි මාව හඳුනාගන්න පුළුවන් වෙයි කියලා මම හිතනවා," යැයි ඔහු සංවේදීව ප්‍රකාශ කර තිබේ.

ජයග්‍රහණ රැසක් අත්කරගත් ක්‍රීඩකයෙක් වුවද, ඔහුගේ විශිෂ්ටතම භූමිකාව වන්නේ ආදරණීය පියෙකු වීමයි. දරුවෙකු වෙනුවෙන් පියෙකුගේ ආදරය සහ කැපවීම කොතරම් අසීමිතද යන්න ඔහුගේ මෙම වදන් නැවත වරක් ලොවට සිහිපත් කරයි.

24/07/2026

ශ්‍රී ලංකාවේ දෙමළ සරණාගත පවුලකින් පැවත එන බ්‍රිතාන්‍යයේ ස්ට්‍රැට්ෆෝඩ් ඇන්ඩ් බෝ පාර්ලිමේන්තු මන්ත්‍රී උමා කුමරන්, බ්‍රිතාන්‍ය විදේශ, පොදුරාජ්‍ය මණ්ඩලීය සහ සංවර්ධන කටයුතු අමාත්‍යාංශයේ (FCDO) පාර්ලිමේන්තු නියෝජ්‍ය රාජ්‍ය ලේකම්වරිය ලෙස පත්වී තිබේ.

මෙම පත්වීමත් සමඟ බ්‍රිතාන්‍ය පාර්ලිමේන්තු ඉතිහාසයේ අමාත්‍ය ධුරයකට පත් වූ ප්‍රථම ශ්‍රී ලාංකේය දෙමළ සම්භවයක් සහිත පුද්ගලයා ලෙස ඇය ඉතිහාසයට එක්වී ඇත.

සිය නව වගකීම පිළිබඳ අදහස් දක්වමින් උමා කුමරන් ප්‍රකාශ කළේ, ලෝකය අභියෝග රැසකට මුහුණ දෙන මෙවැනි කාලයක එක්සත් රාජධානියට සේවය කිරීම විශාල ගෞරවයක් බවයි.

ඇය පිළිබඳ වැදගත් කරුණු කිහිපයක්:

• උපත ලැබුවේ නැගෙනහිර ලන්ඩනයේ වන අතර, ඇගේ දෙමාපියන් ශ්‍රී ලංකාවේ සිවිල් යුද්ධය හේතුවෙන් බ්‍රිතාන්‍යයට පැමිණි සරණාගතයන් වේ.

• ලේබර් පක්ෂයේ ජෙරමි කෝබින්ගේ මැදිහත්වීම මත ඔවුන්ට බ්‍රිතාන්‍යයේ පදිංචිය හිමි වූ බව වාර්තා වේ.

• ලන්ඩන් ක්වීන් මේරි විශ්වවිද්‍යාලයෙන් දේශපාලන විද්‍යාව පිළිබඳ ප්‍රථම උපාධියක් සහ රාජ්‍ය ප්‍රතිපත්ති පිළිබඳ MSc උපාධියක් ලබා ඇත.

• මීට පෙර ලන්ඩන් නගරාධිපති සාදික් ඛාන් සහ අග්‍රාමාත්‍ය කීර් ස්ටාමර් සමඟ දේශපාලන කටයුතුවල නිරතවී ජාත්‍යන්තර අත්දැකීම් රැසක් ලබාගෙන ඇත.

ශ්‍රී ලාංකික සම්භවයක් ඇති කාන්තාවක් බ්‍රිතාන්‍ය දේශපාලනයේ ඉහළම තනතුරකට පත්වීම පිළිබඳ ඔබේ අදහස කුමක්ද?