Weligama Urban Council - වැලිගම නගර සභාව

01/09/2026

දකුණු පළාත් ප්‍රධාන ලේකම් කාර්යාලය මගින් සකස් කරන ලද මාර්ගගත නිවාඩු කළමණාකරණ පද්ධතිය, දකුණු පළාත් ප්‍රධාන ලේකම් චන්දිම සී. මුහන්දිරම්ගේ මැතිතුමා විසින් වැලිගම නගර සභාවේ ගරු සභාපතිතුමා වෙත නිල වශයෙන් භාරදීම අද දින උදෑසන සිදු කරන ලදී.

තාක්ෂණය භාවිතයෙන් කාර්යාලීය ක්‍රියාවලීන් වඩාත් කාර්යක්ෂම, විධිමත් හා වේගවත් කිරීමත්, සේවක නිවාඩු කළමණාකරණය පහසු කිරීමත් මෙම පද්ධතිය හරහා අපේක්ෂා කෙරේ.

ඩිජිටල්කරණය ඔස්සේ කාර්යක්ෂම රාජ්‍ය සේවාවක් වෙනුවෙන් වැලිගම නගර සභාව තවත් එක් පියවරක් ඉදිරියට... 🚀🇱🇰

31/08/2026

ප්ලාස්ටික් සහ පොලිතීන් වැනි දෑ පිළිස්සීමෙන් වාතයට එකතු වන විෂ රසායනික ද්‍රව්‍ය, ඔබේ නිරෝගී සෞඛ්‍ය සම්පන්න දිවියට බරපතල ලෙස බලපාන බව ඔබ දැන සිටියාද?

ප්ලාස්ටික් හා පොලිතීන් පිළිස්සීමේදී ඩයොක්සින් (Dioxins), ෆියුරාන් (Furans) සහ කාබන් මොනොක්සයිඩ් (Carbon Monoxide) වැනි විෂ සහිත රසායනික ද්‍රව්‍ය අවට පරිසරයට නිකුත් වී, ඔබ හුස්ම ගන්නා වාතය දූෂණය කරයි.

මෙම නොපෙනෙන විෂ වායු ඔබේ පෙනහළු තුළට ඇතුළු වීමෙන් දිගුකාලීනව බරපතල සෞඛ්‍ය ගැටලු ඇතිවේ. පිළිකා, ශ්වසන ආබාධ සහ ස්නායු පද්ධතියට සිදුවන හානි ඒ අතරින් ප්‍රධාන වේ.

එමනිසා, කසළ පිළිස්සීම වෙනුවට කසළ වර්ගීකරණය කිරීම, ප්‍රතිචක්‍රීකරණයට යොමු කිරීම සහ කාබනික අපද්‍රව්‍ය කොම්පෝස්ට් කිරීම හොඳම විසඳුමයි

19/08/2026

13/08/2026

වැලිගම නගරයේ තවත් සංවර්ධන කටයුත්තකට අදියරක් තැබේ! 🏗️✨
ජනතාවගේ දෛනික ජීවිතයට පහසුකම් සැලසීමත්, ප්‍රදේශයේ යටිතල පහසුකම් තවදුරටත් සංවර්ධනය කිරීමත් අරමුණු කරගනිමින් අළුත්වැඩියා මාර්ග බෝක්කුව ඉදිකිරීමේ ව්‍යාපෘතිය යටතේ වල්ලිවල නැගෙනහිර අග්‍ර⁣බෝධි මාවත බෝක්කුව ඉදිකිරීම අද ආරම්භ කෙරිණි.
📌 ව්‍යාපෘති වටිනාකම: රු. 2,936,116.80
📅 ආරම්භය: 2026.08.13
📅 අවසන් කිරීමට නියමිත දිනය: 2026.12.13
මෙම ව්‍යාපෘතියේ මූලිකත්වය ගෙන කටයුතු කරමින් සමාරම්භක අවස්ථාවට ගරු සභාපති මොහොමඩ් අෆ්රාස් මහතා සහභාගී වූ අතර, ව්‍යාපෘතියේ මූලික කටයුතු සාර්ථක කර ගැනීම සඳහා විශාල කැපවීමකින් හා උනන්දුවකින් කටයුතු කළ කොට්ඨාස මන්ත්‍රී ගරු නිහාල් සේරසිංහ මහතා ද මෙම අවස්ථාවට එක්විය.
🤝 ජනතාවගේ අවශ්‍යතා හඳුනාගෙන, ප්‍රදේශයේ යටිතල පහසුකම් නංවාලමින් සුරක්ෂිත, පහසු සහ සංවර්ධිත වැලිගමක් බිහිකිරීමේ අරමුණින් මෙවැනි සංවර්ධන කටයුතු අඛණ්ඩව ඉදිරියට ගෙන යාම අපගේ අපේක්ෂාවයි.
ජනතා අවශ්‍යතා වෙනුවෙන් — සංවර්ධනයේ නව පියවරක්! ❤️

30/07/2026

10/07/2026

🦟 ඩෙංගු මර්දනය සඳහා එක්වෙමු – සුරක්ෂිත වැලිගමක් වෙනුවෙන්! 💚

අද දින වැලිගම නගරය තුළ ඩෙංගු මදුරුවන් බෝවන ස්ථාන හඳුනාගෙන පරීක්ෂා කිරීමේ සහ ජනතාව දැනුවත් කිරීමේ විශේෂ වැඩසටහනක්, වැලිගම සෞඛ්‍ය වෛද්‍ය නිලධාරී කාර්යාලය,වැලිගම නගර සභාව,වැලිගම ප්‍රා⁣දේශිය ලේකම් කාර්යාලය මූලිකත්වයෙන්, ශ්‍රී ලංකා යුධ හමුදා නිලධාරීන්ගේ සහයෝගයෙන් සාර්ථකව ක්‍රියාත්මක කරන ලදී.

මෙම වැඩසටහන සඳහා වැලිගම නගර සභාවේ ගරු සභාපති මොහොමඩ් අෆ්රාස් මහතා ද එක්වී ක්ෂේත්‍ර නිරීක්ෂණ කටයුතු සඳහා සෘජුවම සහභාගී වූ අතර, ඩෙංගු මර්දන වැඩපිළිවෙළ තවදුරටත් ශක්තිමත් කිරීමේ අවශ්‍යතාව අවධාරණය කරන ලදී.

ඩෙංගු රෝගයෙන් තොර, සෞඛ්‍ය සම්පන්න වැලිගමක් ගොඩනැගීම සඳහා ඔබගේ නිවස සහ පරිසරය පිරිසිදුව තබාගෙන, මදුරුවන් බෝවන ස්ථාන ඉවත් කිරීමට ඔබත් වගකීමෙන් කටයුතු කරමු.

"පිරිසිදු පරිසරයක් – නිරෝගී හෙටක්!" 🌿

30/06/2026

🌧️ වර්ෂා සමයේ ජනතාව පීඩාවට පත් කළ ගැටලුවකට ස්ථිර විසඳුමක්...

වර්ෂා සමයේදී ජින්නා පාර ප්‍රදේශයේ ජනතාවට දිගු කලක් තිස්සේ පීඩාකාරී වූ ජල බැසයාමේ ගැටලුවට විසඳුමක් ලෙස නව කාණු පද්ධතියක් ඉදිකිරීමේ කටයුතු කොට්ඨාස මන්ත්‍රීනි නදී තරංගා මහත්මියගේ ඉල්ලීමකට අනුව ආරම්භ කර ඇති අතර, ගරු සභාපති මොහොමඩ් අෆ්රාස් මහතාගේ පූර්ණ අධීක්ෂණය හා මඟපෙන්වීම යටතේ කාර්යක්ෂමව සිදු කෙරෙමින් පවතී

ජනතාවගේ දෛනික ජීවිතය පහසු කරමින්, අනාගත වර්ෂා සමයන්හි ජල ගැලීම් අවම කිරීමේ අරමුණින් ක්‍රියාත්මක වන මෙම ව්‍යාපෘතිය ප්‍රදේශයේ යටිතල පහසුකම් සංවර්ධනයේ තවත් වැදගත් පියවරකි.

"ජනතා අවශ්‍යතා හඳුනාගෙන, තිරසාර සංවර්ධනයක් කරා..."

30/06/2026

රබිනෙල්ගේ වත්ත රණවිරු ලයනල් මාවතේ ඉතිරි මාර්ග කොටස කොන්ක්‍රීට් අතුරා සංවර්ධනය කෙරේ
රබිනෙල්ගේ වත්ත, රණවිරු ලයනල් මාවතේ ඉතිරිව තිබූ මාර්ග කොටස, කොට්ඨාස භාර මන්ත්‍රී නිහාල් මහතාගේ ඉල්ලීම හා ගරු සභාපති මොහොමඩ් අෆ්රාස් මහතාගේ මැදිහත්වීමෙන් කොන්ක්‍රීට් අතුරා සංවර්ධනය කිරීමේ කටයුතු සාර්ථකව සිදු කරන ලදී.
මෙම සංවර්ධන ව්‍යාපෘතිය මඟින් ප්‍රදේශවාසීන්ගේ දෛනික ගමනාගමනය වඩාත් පහසු වන අතර, මාර්ගයේ පැවති අපහසුතා අවම කරමින් ආරක්ෂිත හා කල්පවත්නා මාර්ග පහසුකම් ලබාදීමට හැකි වනු ඇත.
වැලිගම නගරයේ ජනතාවගේ යහපත වෙනුවෙන් තවත් සංවර්ධන කටයුතු රැසක් ඉදිරියටත් ක්‍රියාත්මක කරනු ලැබේ.