Basotho Action Party - BAP

08/06/2026

Ha re emele ho ba pusong ho kenya maano a kang ana tṣ̌ebetsong. Basotho ba hloka thupelo e matla h**e ba tsebe ho hlahisa.

04/06/2026

04/06/2026

[BAP LEADER Prof. Nqosa Mahao O LI BONA TJENA: KAO MINE RETRENCHMENT]

Phatlalatso ea h**e Kao Mine e tla emisa tšebetso ea eona ka nako e itseng e lokela ho tšoenya Mosotho e mong le e mong.
Eseng ka lebaka la lipolotiki.
Empa ka lebaka la batho.

Ka mora mosebetsi e mong le e mong ho na le lelapa.
Ka mora moputso o mong le o mong ho na le litefello tsa sekolo.
Ka mora mosebetsi e mong le e mong ho na le lelapa le itšetlehileng ka chelete eo.

Litlaleho li bontša h**e basebetsi ba fetang 750 ba tla angoa ke qeto ea Kao Mine ea ho kena boemong bona, ka lebaka la ho phahama ha litšenyehelo tsa tšebetso le mathata a tobaneng le industry ea litaemane lefatšeng ka bophara.

Karabo e bonolo ke ho batla motho eo re ka mo behang molato.
Empa karabo e thata, ebile e molemo haholoanyane, ke ho ipotsa h**e na ketsahalo ena e re ruta eng ka moruo oa rona.
Ka nako e telele haholo, Lesotho e itšetlehile ka makala a fokolang a moruo ho jara moroalo o moholo haholo.

Ha morafo o ba le mathata, sechaba sohle sea ameha.
Ha feme e koaloa, malapa a likete a ameha.
Ha lekala le le leng la moruo le fokola, naha eohle e ba kotsing.
Ke ka lebaka leo ho leng bohlokoa h**e Lesotho le atolose metheo ea moruo oa eona.

Ke ka lebaka leo temo e leng bohlokoa.
Ke ka lebaka leo tlhahiso le lifeme li leng bohlokoa.
Ke ka lebaka leo ho tšehetsa borakhoebo ba Basotho ho leng bohlokoa.

Ke ka lebaka leo ntšetsopele ea litsebo e leng bohlokoa.
Naha e tiileng ha e itšetlehe ka lekala le le leng feela la moruo.
E haha metheo e mengata ea kholo le ntšetsopele.
Basotho Action Party e lumela h**e 'muso o tlameha ho theha tikoloho e lumellang likhoebo ho atleha, basebetsi ho atleha, le sechaba ho mamella mathata a moruo.
Thuto e kholo mona ha se ho nyahama.

Thuto e kholo ke h**e nako ea ho nka mehato e se e fihlile.
Re tlameha ho aha moruo o pharaletseng, o matla, le o mamellang mathata ho feta oo re nang le ona kajeno.

Basebetsi ba anngoeng ke boemo bona ba tlameha ho fumana tšehetso le kutloelo-bohloko ea rona.

Empa naha e boetse e hloka puisano e tebileng mabapi le h**e na re ka theha mesebetsi e tšoarellang joang bakeng sa bokamoso.
Ke makala afe a moruo ao u nahanang h**e Lesotho e tlameha ho tsetela ho ona ka matla lilemong tse leshome tse tlang?

03/06/2026

BAP LEADER Prof. Nqosa Mahao o hopotsa sechaba sa Basotho, seo a se ratang le ho itella sona, h**e 'muso o eteletsoeng pele ke RFP, le kajeno kamora lilemo tse 4 o busa, o ntse o hatile molao o fang Basotho likhoebo tseo ba hoebang ba le bang, melata e sa kene. Ke molao o tummeng ka h**e ke Section 34, o ileng oa feta ka 2021 pusong e ne eteletsoe-pele ke ABC.

RFP kaha lithahasello tsa eona ke ho sebeletsa melata, le kajeno e ntse o hatile holimo. Melata ha tlamehe e be ntse qothisana lehlokoa le baits'ukuli, ka likhoebo tse nyane, tse neng li tlameha h**e se li fuoa Basotho feela. Ho tloha moo re ile ra bona ha puso ena e sheshena mek'huk'hu ea baits'ukuli ka likhofu, e e betsetsa koana, ntle le ho fa Basotho bao moo ba ka ea hoebang teng ha ba tlosoa moo.

29/05/2026

Nalaneng ea Lesotho ha re so be le puso e bolileng joaloka ena e eteletsoeng-pele ke RFP.
E mpe ho feta ka h**e, ehlile ba busang, ho tloha ka matona, ba ipha mosebetsi oa tenders.
Beke le beke ke lihlooho tsa litaba tsa likoranta tse buoang ka bobolu ba matona.
Ka lilemo tse 4 feela puso ena e se nyamelitse bonyane M6 million , eo tonakholo Matekane a iketileng ka ho tla fumane na e ne nyametse kae pusong e fetileng.

Mosotho, maemo ana ke Prof. Mahao feela a ka inolang Lesotho ka hara qhafutso ena. ha ho emong.

28/05/2026

Basotho ba lehlohonolo h**e, e be ka hara selika-likoe sa lipolotiki re na le moetapele ea kang Prof. Nqosa Mahao. Moetapele enoa oa BAP o utloisisa boetapele le tsamaiso ka tsela e felletseng.

Ntate Mahao o boela ke setsebi sa molao, se bileng se hlomphang le ho boulela molao.

Tsena tsohle moo a kile a tṣ̌oara lekala l kapa tsamaiso, o ipakile h**e o tseba le ho li kenya tṣ̌ebetsong.

Mosotho oa heso, iketsetse toka ka 2028, u khethe mopoholosi oa 'nete oa Lesotho, BAP ketellong-pele ea Prof. Nqosa Mahao.

21/05/2026

Happy birthday Mokhoele

20/05/2026

Ha ho na moruo o ka ba hola re sa ts'oare ka matsoho, re sa hlahise. Moruo ha u holisoe ke ho lula litafoleng re buoa Sekhooa. Ke ka hona he, BAP , eleng kapele ho koetlisa Basotho h**e ba tsebe ho itlhahisetsa.

19/05/2026

"BAP IS A TRANSFORMATIONAL POLITICAL OUTFIT" Prof. Nqosa Mahao (2022)

Re mokha o its'etlehileng ka lits'ia tse 3:
1. Puso ea Molao
2. Puso e hloekileng
3. Moruo o akaretsang bohle

Tsena re li fihletse kamora boithuto bo tebileng ba h**e na hantle mathata a naha ena a ho tsoelapele a hokae:

Naha ena e maqakabetsing ke litlolo tsa molao: lipolaeano, bosholu le tse ling. Naha ena e futsanehile ke bobolu, bo hsolu le nepotism. Naha ena moruo o matsohong a ba 'maloa, ha ho kaholimo ho 60% ea basotho ba le tlasa mola oa bofuma.

Ke ka hona re ile ra rala lits'iea tseo, 'me ke tsona tse arabelang mathata a naha ena.

Prof. Mahao (2022): "I can't imagine that there is any party that deserves the support of the nation, given the crisis of the country."