An ganz Europa gëtt all Joer eng Freedom Not Fear (Freiheit statt Angst) Demonstration organiséiert vir géint d'verdachtsonofhängeg Iwwerwaachung vun all Bierger ze protestéieren. D'Facebook Event:
https://www.facebook.com/events/1494026164161239/
Eisen Twitter Account:
https://twitter.com/fnfLU
Eis Fuederungen
==========
En Ofbau vun der momentaner Iwwerwaachung! E Stopp vun der Vorratsdaten
speicherung
Nach ëmmer ginn a Lëtzebuerg d’Kommunikatiouns- a Verbindungsdonnéeën vun all Telefon, Handy an Internetverbindung ouni Verdacht fir 6 Méint gespäichert. Dës Praxis ass en schwéieren Agrëff an d’Privatsphär, d’informationell Selwerbestëmmung an ass inkompatibel mat der Onscholdsvermuddung. D’Vorratsdatenspeicherung ass an Däitschland an Tschechien dowéinst schonn als verfassungswiddereg erklärt ginn. Mir fuerderen d’lëtzebuerger Regierung an eis EU-Députéiert op, d’Vorratsdatenspeicherung ze stoppen. Géint Iwwerwaachung, och op EU Niveau! D’lëtzebuerger Regierung muss sech an der EU fir méi Privatsphär an Dateschutz asetzen. Projete wéi den Austausch vu Passagéierdaten tëscht der EU an den USA (PNR – Passenger Name Record) oder den Informatiounsaustausch mat Drëttlänner ouni Kontrollméiglechkeeten (z.B. gestoppt ginn. Fuerschungsprojeten, déi d’Ziel hunn weider Iwwerwaachungsmesurë géint all EU Bierger op ze bauen (z.B. INDECT) dierfen net vun der EU finanzéiert ginn! E Stopp vun weideren Iwwerwaachungsmesuren! Schülerdatebank
Den Gesetzprojet iwwert d’Schülerdatebank geséit vir Profiler vu Schüler ze erstellen. Et ass op kee Fall akzeptabel, datt esou detailléiert Profiler vun net kriminellen Persounen erstallt gëtt. Dowéinst fuerderen mir en direkten Stopp vum Projet! ACTA 2.0
Mat groussen Campagnen huet d’europäesch Bevëlkerung gewisen, dat se net mat ACTA averstanen ass an huet et gepackt d’Ofkommen ze kippen. Dëse Wonsch gëllt et ze respektéieren. All weider Texter déi Elementer vun ACTA erëmhuelen mussen ofgeleent ginn! Vernetzung vun Datebanke mat perséinlechen Informatiounen
D’Regierung plangt ëmmer méi Datebanke mat ëmmer méi perséinlechen Informatiounen, déi och ënnereneen verbonn solle ginn. Nieft dem geplangten nationalen a kommunale Persouneregister solle Schüler a Studenten an der Schülerdatebank kategoriséiert ginn a biometresch Donnéeën op enger elektronescher Carte d’Identité gespäichert ginn. Besonnesch kritesch ass d’Vernetzung vun Datebanken, déi fir d’Erstelle vu ganze Perséinlechkeetsprofiler benotzt kënne ginn. Mir fuerderen en Iwwerdenke vun der aktueller Politik an d’Iwwerschaffe vun de Gesetzprojeten an dësem Beräich! Videoiwwerwaachung am ëffentlechen Raum
Den ëffentlechen Raum gëtt ëmmer méi staark a permanent videoiwwerwaacht. Technologien ewéi beispillsweis biometresch Gesiichtserkennung bréngen eng Rëtsch Geforen mat sech déi d’Politik thematiséieren muss. Eng Verbreedung vun der Videoiwwerwaachung am ëffentlechen Raum muss verhënnert ginn. Et muss méiglech sinn, sech onageschränkt am ëffentleche Raum ze beweegen ouni iwwerwaacht ze ginn! Zensur am Internet
Et muss weider méiglech sinn, seng Meenung frei an anonym auszedrécken. Et dierf net ob Drock vu groussen Firmen eng Zensur vum Internet agefouert ginn! Eng Evaluatioun vun den momentanen Iwwerwaachungsmesuren! D’Bierger an den ëffentlechen Raum ginn ëmmer méi iwwerwaacht. Beweiser fir eng erhéichten Sécherheet existéieren awer net! Mir fuerderen dowéinst eng Iwwerpréifung vun de momentanen Iwwerwaachungssystemer. Rechter schützen! Milliounen Datesätz ginn dagdeeglech vu privater an ëffentlecher Stell gesammelt. Dës Datesammlerei muss gestoppt, den Datenaustausch tëscht Administratiounen an Drëttlänner hannerfrot an d’informationell Selwerbestëmmung gestärkt ginn. D’Perséinlechkeetsrecht, d’Recht iwwer informationell Selwerbestëmmung an d’Onscholdsvermuddung gouffen staark vernoléissegt. Dës Rechter mussen nees méi respektéiert ginn an dierfen net weider ënnert dem Deckmantel vun der Bekämpfung vun Kriminialitéit an Terrorismus léiden.
