أجي تفهم

أجي تفهم Contact information, map and directions, contact form, opening hours, services, ratings, photos, videos and announcements from أجي تفهم, Social service, Es-Smara, Agadir.

‏والخيلُ تعلمُ والفوارِسُ أنه.. شيخُ الحُرُوب وكهلُها وفتاها!
27/08/2026

‏والخيلُ تعلمُ والفوارِسُ أنه.. شيخُ الحُرُوب وكهلُها وفتاها!

24/08/2026

القضايا ديال السمارة خصها تبقى مطروحة وسط قبة البرلمان ،لهذا سيدي صالح غادي يستمر فهادشي .


#السمارة

20/08/2026

أجي تفهم.. علاش هاد المداخلة خاصها تبقى فالبال؟

هادشي ماشي جديد، والمداخلة راه دازت من مدة. ولكن دابا، مع رجوع الحديث على السياحة والاستثمار فالسمارة، بغينا غير نفتحو الأرشيف ونفكرو الناس.

من داخل البرلمان، كان سيدي صالح الإدريسي كيهضر على واحد الإقليم اللي عندو مؤهلات سياحية كبيرة، ولكن خاصو النقل، الاستثمار، والتعريف به باش يقدر ينافس وجهات بحال مرزوكة.

وكان كيطالب كذلك بأن تكون السمارة حاضرة فالاتفاقيات والبرامج اللي كتفتح المجال أمام الاستثمار السياحي، خصوصاً وأن شباب الإقليم عندهم أفكار ومشاريع ولكن محتاجين الظروف اللي تخليهم ينجحو.

والجملة اللي كتختصر الموقف كامل: بغيناك تنجحي… حيث الفشل ديالك ماشي النجاح ديالنا.

هي رسالة بسيطة: نجاح أي مسؤول فخدمة السمارة، هو قبل كلشي ربح للسمارة.

أجي تفهم… حنا غير كنذكرو، والذاكرة ما خاصهاش تكون قصيرة

أجي تفهم.. علاش سيدي صالح الإدريسي ما كانش بحال أي نائب فالسمارة؟فالسمارة، تعودنا نربطو النائب بالميزانية، بالمشاريع وبا...
19/08/2026

أجي تفهم.. علاش سيدي صالح الإدريسي ما كانش بحال أي نائب فالسمارة؟

فالسمارة، تعودنا نربطو النائب بالميزانية، بالمشاريع وبالتسيير. ولكن تجربة سيدي صالح الإدريسي كانت مختلفة شوية.

هو اختار ما يدخلش فالتسيير، واختار يكون صوت المدينة فـالبرلمان وفاللقاءات الرسمية، ويدافع على ملفات السمارة ويقلب على الاتفاقيات والشراكات لي تقدر تخدم المدينة.

ولكن الحاجة لي يمكن تكون مختلفة أكثر، هي داك المقر لي فتحو لمدة خمس سنين، وبقى الباب ديالو محلول للشباب والنساء والجمعيات وكل واحد عندو مبادرة ولا فكرة.

والرسالة كانت واضحة:

هاكو المفاتيح… ديرو لي بغيتو.

أجي تفهم شنو كتعني هاد الجملة؟

كتعني ببساطة أن المقر ما كانش ملك شخص، ولكن كان فضاء مفتوح للناس. ما كانش خاصك تستنى شي حد باش تدخل، ولا تبقى كتقلب على الإذن باش تدير نشاط ولا اجتماع.

الشباب لقاو فين يتحركو، الجمعيات لقات فين تجتمع، والنساء لقاو فضاء للتكوين والمبادرات.

وهنا كيبان الفرق بين واحد كيشوف السياسة غير فالمشاريع والميزانيات، وواحد كيشوفها حتى فالثقة لي كيمنحها للناس.

خمس سنين، الباب محلول والمفاتيح فمتناول الجميع.

واليوم، يمكن السؤال الحقيقي ما بقاش: شنو دار لينا؟

ولكن:

شكون غادي يحل الباب من بعدو؟

18/08/2026

أجي تفهم شنو قال الإدريسي فخرجتو الأخير

فخروجتو الإعلامية الأخيرة، وكما عودنا دائما على التواصل المستمر والقريب من المواطنين، خرج سيدي صالح الإدريسي باش يوضح مجموعة من النقط المرتبطة باختياره السياسي الأخير، ويضع حد لعدد من التأويلات و القيل والقال لي كثر فهاد المرحلة.

سيدي صالح الإدريسي أعلن بشكل واضح التحاقو بـحزب التجمع الوطني للأحرار، مؤكدا أن هاد القرار ماجاش بالصدفة، وإنما جا عن قناعة وبعد تفكير عميق، وبالأساس انطلاقا من قناعة بأن المرحلة الحالية كتفرض تغليب المصلحة العامة، سواء ديال البلاد أو ديال مدينة السمارة.

وأوضح أن من بين الدوافع كذلك هو تشجيع الشباب على دخول المجال السياسي، والمشاركة فيه، والتعبير على أفكارهم وقناعاتهم، مؤكدا أن الباب ديالو غيبقى مفتوح أمام جميع مكونات المجتمع، وبمختلف هياكلو وأطيافو، سواء كانوا منخرطين فحزب الأحرار أو لا.

بل أكثر من ذلك، أكد أن أي فكرة أو مقترح يقدر يفيد المدينة والمواطنين، غادي يحاول يدافع عليه ويدخلو ضمن تصورو وبرنامجو الانتخابي، لأن الهدف بالنسبة ليه ماشي الانتماء الحزبي فحد ذاتو، وإنما شنو يمكن يتقدم للسمارة وساكنتها.

وفيما يخص ترشحو، قال سيدي صالح إن الظروف فرضات عليه يدخل هاد الاستحقاق الانتخابي، خصوصا مع كثرة الكلام والتأويلات، وبالتالي كان خاصو يخرج ويوضح الصورة بشكل مباشر للمواطنين، بدل ما تبقى الساحة مفتوحة أمام الإشاعات والتخمينات.

وشدد كذلك على أن المواطن هو الأساس، وهو اللي كيعطي الثقة وهو اللي كيحاسب، وقال بوضوح إنه ماعندو حتى خصم سياسي، وأن الخصم الحقيقي بالنسبة ليه هو الفقر والهشاشة وكل ما يمكن يعيق تنمية المدينة وتحسين ظروف عيش ساكنتها.

وبلغة واضحة، أكد أن الهدم ساهل، ولكن البناء هو الصعيب، والبناء كيحتاج الوقت والصبر والعمل طوبة بطوبة، وبسواعد أبناء المدينة، بعيدا عن التشويش والحسابات الضيقة.

كما وجه رسالة مفادها أن المنافسة الانتخابية خاصها تبقى فإطارها الديمقراطي، لأن الانتخابات مرحلة كتدوز، ومن بعد كتعود العلاقات بين أبناء المدينة طبيعية، بحال الخوت، مهما كان الاختلاف السياسي.

وأكد أن الطموح ديالو هو يكون يوم 23 شتنبر عرس ديمقراطي لجميع المغاربة، وعرسا خاصا بمدينة السمارة، عنوانو التنافس الشريف والاختيار الحر واحترام إرادة المواطن.

وفي رسالة واضحة، شدد على أن المرحلة المقبلة خاصها تكون بعنوان كاملين من أجل مصلحة المدينة، ويد فاليد، وأن اللي غادي ينجح خاصو من بعد الانتخابات يكون خدام على مصلحة المواطن، وبعيد على الحسابات السياسية اللي ما عندها حتى معنى أمام المصلحة العامة.

وفي القريب العاجل، أكد أن مقرات الحزب غادي تكون واجدة ومفتوحة أمام المواطنين، باش يتم تقديم البرنامج الانتخابي للحزب، وكذلك شرح التصور الانتخابي الخاص بالسمارة، والاستماع لانتظارات واقتراحات الساكنة.

وفي الأخير، تمنى سيدي صالح الإدريسي التوفيق والنجاح للجميع، وجدد التأكيد على أن الاستحقاق الانتخابي خاصو يدوز فجو ديمقراطي، وباحترام كامل لإرادة المواطنين.

علاش حزب التجمع الوطني للأحرار؟ وعلاش سيدي صالح الإدريسي اختار يكمل المشروع السياسي ديالو من داخل الأحرار؟حيت السياسة با...
17/08/2026

علاش حزب التجمع الوطني للأحرار؟ وعلاش سيدي صالح الإدريسي اختار يكمل المشروع السياسي ديالو من داخل الأحرار؟

حيت السياسة بالنسبة لسيدي صالح الإدريسي ماشي تبديل ألوان ولا بحث على موقع، وإنما قناعة بمشروع سياسي شبابي حداثي وديمقراطي، واللي كيقلب عليه هو الإطار اللي يقدر من خلالو يواصل هاد المشروع ويعطيه نفس جديد.

اختياره للأحرار ما جاس غير هكك ؛ وانما لقى فيه فضاء سياسي كيمنح للشباب مكانة حقيقية، وكيعطي للعمل الميداني، للكفاءة، للتأطير، وللقرب من المواطنين أهمية كبيرة.

سيدي صالح ما اختارش غير حزب… اختار مساحة جديدة باش يكمل نفس الطريق، ولكن بأدوات أقوى وأفق أوسع.

والرهان الحقيقي من دابا ماشي على الانتماء الجديد، وإنما على شنو غادي يقدم هاد المشروع للسمارة وساكنتها، وكيفاش غادي يتحول الطموح الشبابي إلى ممارسة سياسية حقيقية، حداثية، ديمقراطية وقريبة من الناس.

المشروع باقي هو هو… غير المحطة تبدلات.

‎
#الشباب
#البرلمان

17/08/2026

مرحبا سيدي صالح

مرحبا بالأخ سيدي صالح الإدريسي فحزبو الجديد، حزب التجمع الوطني للأحرار، وألف مبروك ليه على اختيارو منسق إقليمي للحزب بمدينة السمارة.

سيدي صالح شاب برلماني عرفناه قريب من المدينة ومن ساكنتها، وخدام على الملفات والقضايا ديال السمارة، واليوم قدامو مسؤولية جديدة ورهان أكبر.

السمارة محتاجة لأبنائها، ومحتاجة لطاقات شابة تؤمن بالمدينة وبمستقبلها. وخصنا كاملين نكونو داعمين لأي واحد كيدافع على مصالح السمارة وكيخدم عليها بجدية.

مرحبا بيك سيدي صالح، وبالتوفيق فهاد المرحلة الجديدة، وإن شاء الله تكون مرحلة خير وعطاء للسمارة وساكنتها.

Address

Es-Smara
Agadir
72000

Website

Alerts

Be the first to know and let us send you an email when أجي تفهم posts news and promotions. Your email address will not be used for any other purpose, and you can unsubscribe at any time.

Shortcuts

Share

Category