صفحة الفوهيري/صوت الساكنة

07/08/2026

واااا الريس قرار العزل راه تم الامضاء عليه ايوا اش كتسنا.
ياكما نخرجوك بالطبالة و الغياطة اخويا كان عليك تقاد امورك و تحط استقالتك بلا متخرج مذلول.
ولا بالصح الذل راك عايش فيه

04/08/2026

بالنسبة للإخوان اللي دائما كيسولوني على أي حاجة كيسمعوها بخصوص بوكدرة و كيبغيو يتأكدو من صحة الخبر غادي نجاوبكم على هاد الاتفاقية اللي بصراحة غادي تكون فال خير على بوكدرة.
الشراكة كتشمل 09 ديال الاطراف من بينهم جماعة بوكدرة اللي هي المستفيدة من هاته الاتفاقية و كيف ما لاحظتو على وثيقة الإمضائات يالله كتواجد التأشيرة ديال مجلس جهة مراكش/آسفي و يوم الخميس غادي تكون دورة استثنائية بمجلس بوكدرة للتداول و الموافقة و التأشير على هاته الاتفاقية و من بعد غادي تسلك الطريق ديالها باش يتم التأشير عليها من جميع الاطراف و هاد العملية لا نعرف كم من الوقت ستستغرق باش يتم التأشير عليها من جميع الأطراف ومن بعد غادي يبداو في الإجراءات باش يشوفو الشركات اللي غادي طيح عليها الصفقة و من بعد يبداو الاشغال ديالهم ببوكدرة حتال هنا مزيان و لكن السؤال المطروح واش هاد الاشغال غادي تبدأ في 2026 او 2027 او 2028 مزال ماعرفنا اللي عرفنا هو أنها غادي تكون بين سنتي 2026 و 2028 ربما المجلس القادم هو من سيسهر على هاته الاشغال نظرا لتواجد عدة أطراف بهاته الاتفاقية ووذلك يتطلب وقت لإنهاء المسائل الإدارية و القانونية.
و لكن الاهم عندنا نحن كساكنة بوكدرة هو أن حوالي 8 مليار غادي تصلح بيها المداخل الاربعة لبوكدرة غادي تكون قفزة زوينة بزااااف لبوكدرة تقدر تكون فيها :
يDouble voix للمداخل الاربعة
البنية التحتية
الإنارة العمومية
الأرصفة
ربما مساحات خضراء
انا مزال معنديش الاتفاقية باش نقوليكم بالضبط اشنو غادي يكون فيها يعني اشنو غادي يديرو في بوكدرة بهاد 8 مليار .
نطلبو من الله عز و جل أن الاشغال متبدا حتال الولاية الماجية يكون شي مجلس زوين مفيهش آكلي المال العام و آكلي مال اليتامى و المحكوم عليهم بإختلاس أموال عمومية.

04/08/2026

بغيت نقوليكم راني في 2023 استقلت من الحزب و هياكله ولا تربطني به أية علاقة

.
في ظل الظروف التي يعيشها المشهد السياسي باقليم آسفي وخاصة جماعة بوكدرة لما تعانيه من سوء التدبير والعشوائية في التسيير وكذلك عزلي من عضويتي ببوكدرة قررت أن أستقيل من العمل السياسي بصفة عامة لأتفرغ لحياتي الشخصية.
ولكم مني أسمى الاحترام والتقدير

01/08/2026

يشرفني سيدي العامل أن أضع بين أيديكم بعض التحولات المفاجئة بخصوص موظفي الجماعة و نلتمس منكم معرفة الحقائق وراء هاته الانتقالات.
#أولا
لماذا ثم استبعاد التقني المتمرس عزيز من جماعة بوكدرة؟

لأنه و بكل بساطة مبغاش يكون ضمن لجنة تفويت عقارات تابعة للجماعة.
وأبعده بحجة عدم الكفاءة فهل صحيح أن هذا الأخير غير كفؤ بشغل منصب تقني على الرغم من أن هذا التقني يعمل بجماعة بوكدرة منذ أكثر من 30 سنة و له رصيد غني من الخبرة في مجاله و هو يعلم بخبايا بوكدرة التقنية.
و سمعنا أنه سيستبدله بتقني من جماعة شهدة بإلحاقه مع نقل المنصب المالي مع العلم أن التقني الذي ثم استبعاده مازال يتقاضى أجره من جماعة بوكدرة و كيفما جاء على لسان السيد الرئيس أن الجماعة فقيرة فكيف لجماعة فقيرة أن تنفق أجر بقيمة حوالي مليون شهريا على موظف تقني يعمل لصالح جهة أخرى غير تابعة لجماعة بوكدرة و تستغني عن خدماته.
#ثانيا
لماذا سيتم إعفاء مديرة المصالح من مهامها بحجة عدم الكفاءة؟

لأنها و بصراحة هي الأخرى رفضت أن تكون ضمن لجنة تفويت العقارات. و الأخطر من ذلك ربما أن العلاقة بينهما كرئيس مع مرؤوسه ليست على مايرام و بما أن الرئيس مقبل على العزل في الأيام القليلة القادمة أراد أن يُبعدها لكي لا تستلم المفاتيح عند إصدار القرار العاملي بعزل الرئيس من منصبه و ربما أن هناك أشياء أخطر من ذلك و يريد استبعادها لكي لا تورطه في أعماله الاجرامية في حق الجماعة و المال العام. لأن القانون يمنحها الصفة لإستلام المفاتيح ووهي الوحيدة من الموظفين التي لها الحق بالدخول الى مكتب الرئيس مباشرة بعد عزله الى حين إنتخاب رئيس جديد.
أراد استبعادها بحجة عدم الكفاءة فكيف يُعقل لشخص يتوفر على شهادة إبتدائية أن يقول على مديرة المصالح حاصلة على شهادة الإجازة بأنها غير كفؤ يا سبحان الله والله زمن الرويبضة.

نلتمس منكم سيدي العامل و كلنا أمل بأن تنصفنا نحن كساكنة بوكدرة و تحمي أموالنا و تسهر على راحتنا و طمأنينتنا و تقينا شر من أراد بجماعتنا سوء و لكم منا كل الاحترام والتقدير.

28/07/2026

سي احمد انت مطالب باش تجاوبنا على هاد التدوينة ديال جريدة معكم واش هاد الهضرة بصح أنك مدفوع من طرف جهة معينة و أنك مكنتيش في وعيك نهار خرجتي معانا في مباشر ووالغريب أنك تلتمس العذر من عمالة آسفي على العلم أنك لم تمس العمالة و لو بكلمة واحدة على العكس أنك تشيد بأعمال السيد العامل و هضرتي حتى على السيد رئيس الدائرة و كذا السيد القائد غير بالخير.
سي احمد أظن أن هناك من وراء هاته التدوينة لتلميع صورته و الإطاحة بك و خلق الفتنة بينك و بين العمالة و نحن لا نرضى لك هذا لا طالما كنت شهما عندما خرجت و فضحت الفساد ببوكدرة.
نحن كساكنة نطلب منك الجواب

27/07/2026

مزال موصلاتكش استدعاء حضور حفل الولاء بتطوان عرفتي علاش حيث عندك الحبس النافذ و مكتوفرش فيك الشروط باش تكون من بين الحاضرين في حضرة صاحب الجلالة نصره الله و أيده.
و نوض تشلل ووجمع شطايطك انا الى تعزلت تعزلت بسبب خدمة الساكنة ووالكل يشهد على ذلك أما أنت غادي تمشي للحبس ووتعزل حيث كليتي مال اليتامى و الأرامل ووالضعفاء و المستضعفين ووالدراوش اودي المال العام صعيب عاقبتك والله مغادي تخرج ليك على خير

26/07/2026

مريم وحساة مرشحة الدائرة 03 بجماعة تيزي نسلي/إقليم بني ملال و تشغل منصب الرئيس بنفس الجماعة و برلمانية عن الاقليم.
ماذا فعلت لِتُحِبٌَك الساكنة و يُحِبٌَك المغاربة فلك مني كل الاحترام و التقدير.
سيدتي ممثلة الدائرة 03
سيدتي رئيسة جماعة تيزي نسلي.
سيدتي النائبة البرلمانية عن إقليم بني ملال

25/07/2026

الحمد لله الخطة اللي وضع الرئيس باش النساء ميلوحوش الملابس الداخلية ديالهم عطات الأكل ديالها و العيالات صافي ملاحوش ملابسهم الداخلية.
اودي الله يعطيك العزززز أما الذل راك غارق فيه حتال الودنين

24/07/2026

عشرة مليون صاااافي و ها حنا ناشطين آش بغينا شي تنمية المهم هو النشاط كيفما جاء على لسان السيد الرئيس الموسيقى البارح و اليوم.
و رغم ذالك السيد الرئيس عزازين عليه الطلبة حتى هما جابهم و دار ليهم تكريم بقيادة مول الدراعية الصحراوي سي عبدالعالي مول سكودة البيضاء هههه

24/07/2026

#تذكير