π‘π€π™π€π…πˆπ‡π€π‘πˆπ’πŽπ π€π§ππ«π’πšπ¦πšπ§πšπ§π­πžπ§πš

  • Home
  • Madagascar
  • Ampanihy
  • π‘π€π™π€π…πˆπ‡π€π‘πˆπ’πŽπ π€π§ππ«π’πšπ¦πšπ§πšπ§π­πžπ§πš

π‘π€π™π€π…πˆπ‡π€π‘πˆπ’πŽπ π€π§ππ«π’πšπ¦πšπ§πšπ§π­πžπ§πš Contact information, map and directions, contact form, opening hours, services, ratings, photos, videos and announcements from π‘π€π™π€π…πˆπ‡π€π‘πˆπ’πŽπ π€π§ππ«π’πšπ¦πšπ§πšπ§π­πžπ§πš, Ampanihy.

Mirary Alahady fahasoava sy fiatombohan'ny herinandro feno hery ho antika Longo iaby !Fa tsy nomen'Andriamanitra fanahy ...
26/07/2026

Mirary Alahady fahasoava sy fiatombohan'ny herinandro feno hery ho antika Longo iaby !

Fa tsy nomen'Andriamanitra fanahy osa isika, fa Fanahy Mahery sy fitiavana ary fahononan-tena.

β€” II Timoty 1 : 7

πŸ”Ή Misaora amin'ny zavatra rehetra – Na dia sarotra aza ny zava-misy, dia misy zavatra tsara maro manodidina anao. Ny fiainana, ny fianakaviana, ny fanantenana. Misaora fa mbola velona ianao.

πŸ”Ή Tohizo ny asanao – Ny Tompo no miara-miasa aminao. Na inona na inona ataonao, dia ataovy ho an'ny voninahinyπŸ™

Prof. RAZAFIHARISON Andriamanantena
Solombavambahoakan'i Ampanihy Andrefana

Mirary soa sy mivavake Ho anareo mpanao Fagnadina Bakalorea Iaby!!Β« L'Γ©ducation est l'arme la plus puissante pour change...
19/07/2026

Mirary soa sy mivavake Ho anareo mpanao Fagnadina Bakalorea Iaby!!

Β« L'Γ©ducation est l'arme la plus puissante pour changer le monde. Β» -Nelson Mandela

« Le succès est la somme de petits efforts, répétés jour après jour. » Robert Collier

Aza matahotra ny fanadinana, fa asehoy ny fahalalana sy ny fahaiza-manao efa nangoninao. Minoa ny tenanao, mivavaha, ary ataovy amim-pahendrena ny valin-teninao. Tsarovy fa ny faharetana, ny finiavana ary ny fahavononana no mitondra amin'ny fahombiazana.

Mirary hery, fahendrena ary fahombiazana ho an'ireo mpianatra Malagasy rehetra hiatrika ny Bakalorea. Mirary vokatra tsara ho anareo rehetra!

Prof. RAZAFIHARISON Andriamanantena
Solombavambahoakan'i Ampanihy Andrefana

Mirary Alahady feno ny fahasoavan'Andriamanitra ho antsika rehetra lahy Longoko iaby e!Ary fantatsika fa ny zavatra rehe...
19/07/2026

Mirary Alahady feno ny fahasoavan'Andriamanitra ho antsika rehetra lahy Longoko iaby e!

Ary fantatsika fa ny zavatra rehetra dia miara-miasa hahasoa izay tia an'Andriamanitra, dia izay voantso araka ny fikasany rahateo.

Romana 8 : 28

Prof. RAZAFIHARISON Andriamanantena
Solombavambahoakan'i Ampanihy Andrefana

"Fiadanana no avelako ho anareo, ny fiadanako no omeko anareo; tsy tahaka ny fanomen'izao tontolo izao no fanomeko anare...
12/07/2026

"Fiadanana no avelako ho anareo, ny fiadanako no omeko anareo; tsy tahaka ny fanomen'izao tontolo izao no fanomeko anareo. Aza malahelo na matahotra ny fonareo."

β€” Jaona 14 : 27

Anio, Alahady, andro fitsaharana sy fanavaozana ny fanahy. Na dia eo aza ny fanamby, na dia eo aza ny fanapahan-kevitra mavesatra miandry antsika rahampitso, dia misy fiadanana tsy mety levona. Fiadanana tsy avy amin'ny olona, fa avy amin'llay Tompon'ny zavatra rehetra.

Aza matahotra. Aza mihetsi-po. Ny Tompo miaraka aminareo.

Ho an'ny rehetra: Enga anie ity Alahady ity ho famelombelona ny fahazavana ao am-ponareo.

Miaraka isika, miaraka amin'ny finoana !

Prof. RAZAFIHARISON Andriamanantena
Solombavambahoakan'i Ampanihy Andrefana

FIRARIAN-TSOA HO AN'IREO MPIANATRA HIATRINA FANADINANARy mpianatra zanaka dimby sy fara!Amin'izao ankatoky ny fanadinana...
05/07/2026

FIRARIAN-TSOA HO AN'IREO MPIANATRA HIATRINA FANADINANA

Ry mpianatra zanaka dimby sy fara!

Amin'izao ankatoky ny fanadinana izao dia mirary fahombiazana feno ho anareo aho. ManΓ na fahatokisana ny tenanareo, satria ny ezaka nataonareo nandritra ny taom-pianarana no fototra hiatrehanareo izany.

Tsarovy ny ohabolana manao hoe: "Ny hazo no vanon-ko lakana, ny tany naniriany no tsara." Izay niomana sy nianatra tamim-paharetana dia manana antony hatokisana ny vokatra ho azony.

Aza manaiky ho resin'ny tahotra na ny tebiteby. Midira ao anaty efitrano fanadinana amim-pitoniana sy amim-pahatokiana. Vakio tsara ny fanontaniana, valio amim-pahendrena, ary atolory ny tsara indrindra vitanareo.

Tsarovy ihany koa fa "Ny fianarana no lova tsy mety lany." Ny fahalalana sy ny diplaoma azonao anio no hanokatra varavarana maro ho an'ny hoavinao.

Mirary fahendrena, fahasalamana ary fahombiazana ho anareo tsirairay avy aho. Enga anie Andriamanitra hitahy anareo, hanome saina mazava sy hery mandritra ny fanadinana.

Mirary fahombiazana hatrany!

Pr. Razafiharison Andrimanantena
Solombavambahoakan'i Madagasikara

Ireo Sary Fanehoana ny asa nataonay androany tao amin'ny Oniversiten'i AmpanihyAndroany, izaho, Profesora Razafiharison ...
04/07/2026

Ireo Sary Fanehoana ny asa nataonay androany tao amin'ny Oniversiten'i Ampanihy

Androany, izaho, Profesora Razafiharison Andrimanantena, dia nanao asa tao amin'ny Oniversiten'i Ampanihy niaraka tamin'ireo mpampianatra dimy sy ireo mpianatra maromaro.

βœ… Ao anatin'izany ny Mpampianatra GΓ©ographe izay vao nahavita tamim-pahombiazana ny fianarany tamin'ny volana Aprily lasa teo.

βœ… tsara ny mampahafantatra fa ny vague (fotoam-pianarana/fampidirana) manaraka dia hanomboka amin'ny Alatsinainy ho avy.

Izay ahitana sehatra (mention) efatra lehibe:

Β·πŸŽ“Anthropologie – mba hianarantsika ny firafitry ny fiaraha-monina sy ny kolontsaintsika;
Β·πŸŽ“ GΓ©ographie – mba hahafantarantsika ny tany sy ny loharanon-karena voajanahary;
Β· πŸŽ“Agronomie – mba hamokarantsika sakafo sy hampivelarantsika ny tontolo iainana;
Β·πŸŽ“ Mines – mba hitrandrahantsika amim-pahendrena ny harena an-kibon'ny tany.

ETO aho dia mirary soa ho an'ireo mpianatra hiatsika fanadinana rehetraπŸ™πŸ™.

Ary farany, manentana antsika rolahy, amin'ny maha-mpitarika sy mpiaro ny fanabeazana ahy, ny ray aman-dreny rehetra manana zanaka vao nahavita ny Bacc mba tsy hisalasala amin'ny fampidirana azy ireo ao amin'ity oniversite tsika ity. Vonona ny handray sy hampiofana azy ireo izahay eto Ampanihy.






03/07/2026

Ho fiarovana sy fampandrosoana an'i Ampanihy Andrefana, dia nametraka ireto fangatahana manaraka ireto tamin'ireo Minisitra voakasika aho :

πŸ”Ή Tamin'ny Minisitry ny Fanajariana ny Tany
Nangatahina ny fanavaozana sy fanamafisana ny Sampan-draharahan'ny Fananantany ao amin'ny Distrikan'Ampanihy.

πŸ”Ή Tamin'ny Minisitry ny Fampianarana Ambony
Nangatahina ny fanatsarana ny foto-drafitrasa ho fanohanana ny fampianarana ambony sy ny fanofanana arak'asa eto amin'ny distrika.

πŸ”Ή Tamin'ny Minisitry ny Fanabeazam-pirenena
Nangatahina ny:
β€’ Famatsiana fitaovam-pianarana (latabatra, seza, sy ireo fitaovana ilaina hafa) ho an'ireo sekoly.
β€’ Fandraisana ho mpampianatra raikitra ireo mpampianatra FRAM mahafeno ny fepetra.

πŸ”Ή Tamin'ny Minisitry ny Rano
Nangatahiko ny fanarenana ireo foto-drafitrasa momba ny rano simba, mba hiverenan'izy ireo hiasa sy hahafahan'ny vahoaka misitraka rano fisotro madio.

πŸ”Ή Tamin'ny Minisitry ny Harena Ankibon'ny Tany
Nangatahiko ny fananganana komity mpanara-maso ny asan'ireo orinasa mpitrandraka harena ankibon'ny tany, mba hiantohana fa tena hahazo ny anjara tombontsoany amin'izany harena izany ny vahoaka.

πŸ”Ή Tamin'ny Minisitry ny Angovo
Nangatahiko ny fampandehanana ireo foto-drafitrasa momba ny angovo izay mbola tsy ampiasaina, mba hahafahan'ny mponina misitraka tolotra angovo mendrika.

🀝 Izaho, amin'ny maha Solombavambahoakan'i Ampanihy Andrefana ahy, dia hanohy hatrany ny fitondrana ny hetahetan'ny vahoaka eny anivon'ny Governemanta sy ny andrim-panjakana rehetra. Ny tanjoko dia ny hitondra vahaolana mivaingana sy fampandrosoana maharitra ho an'ny Distrikantsika.

MITOHY NY ASA ETY AMIN'NY ANTENIMIERAM-PIRENENA !Anio, asa roa lehibe miandry anay ato:1. Fandinihana ny tolo-dalΓ na feh...
02/07/2026

MITOHY NY ASA ETY AMIN'NY ANTENIMIERAM-PIRENENA !

Anio, asa roa lehibe miandry anay ato:

1. Fandinihana ny tolo-dalΓ na fehizoro laharana faha-015-2025/PL – mikasika ny Filankevitra ara-toekarena, ara-tsosialy ary ara-kolotsaina.
2. Fifanatrehana amin'ny Governemanta – mba hampifandraisana ny asan'ny Antenimiera sy ny fampandrosoana ny firenena.

Miasa ho an'ny vahoaka isika isan'andro.

Bonne journΓ©e – tsika iaby !

Prof. RAZAFIHARISON Andriamanantena
Solombavambahoakan'i Ampanihy Andrefana

FANDINIHANA LALΓ€NA MAROMARO ATO AMIN'NY ANTENIMIERAM-PIRENENAAndroany, miara-mandinika volavolan-dalΓ na sy tolo-dalΓ na m...
01/07/2026

FANDINIHANA LALΓ€NA MAROMARO ATO AMIN'NY ANTENIMIERAM-PIRENENA

Androany, miara-mandinika volavolan-dalΓ na sy tolo-dalΓ na maromaro izahay mba hanamafisana ny fototry ny fandrosoana sy ny fiarovana ny vahoaka.

Mbola miasa izahay fa mbola tsy miala !

βœ… Volavolan-dalΓ na nΒ° 025/2026 – Fanomezan-dΓ lana ny fifanarahana fampindramam-bola amin'ny Banky Iraisam-pirenena ho an'ny tetikasa fanatsarana ny fahazoana rano fisotro madio (PAEP). Ny rano dia zo fototra ho an'ny rehetra, indrindra any amin'ny faritra Atsimo.

βœ… Tolo-dalΓ na nΒ° 005-2026/PLP – natolotry ny solombavambahoaka Seth RAJOELINA, momba ny fifidianana olona voatendry sy olona ara-dalΓ na ao amin'ny fahefana mpanatanteraka.

βœ… Volavolan-dalΓ na nΒ° 015/2026 – Fanitsiana ny lalΓ na momba ny ady amin'ny famotsiam-bola sy ny famatsiam-bola ny fampihorohoroana, mba hanamafisana ny fahadiovam-bola sy ny lazam-pirenena.

βœ…nandinika ny tolo-dalΓ na laharana faha-004-2026/PL izahay, natolotry ny solombavambahoaka Atoa Thierry RANDAINASOLONIAKO.

Ity tolo-dalΓ na ity dia mikendry ny hamindra amin'ny fanjakana Malagasy ny fananana raikitra (immobilisations) an'ny orinasa sy ny entana ara-barotra iraisam-pirenena sy vahiny maneran-tany.

Ny lalΓ na rehetra lany dia tsy maintsy ho tombo-tsoa ho an'ny vahoaka sy fanorenana ny firenena.

Mbola hanohy ny ady ho an'ny fahamarinana sy ny fandrosoana aho. Ho an'i Ampanihy Andrefana. Ho an'i Madagasikara.

Miaraka isika !

Prof. RAZAFIHARISON Andriamanantena
Solombavambahoakan'i Ampanihy Andrefana

yo

FIANDOHAN'NY HERINANDRO !"Aza matahotra ianao, fa momba anao Aho; Ary aza miherikerika foana, fa Izaho no Andriamanitrao...
29/06/2026

FIANDOHAN'NY HERINANDRO !

"Aza matahotra ianao, fa momba anao Aho; Ary aza miherikerika foana, fa Izaho no Andriamanitrao; Mampahery anao Aho sady mamonjy anao; Eny, mitantana anao amin'ny tanana ankavanan'ny fahamarinako Aho."

β€” Isaia 41 : 10

Ry havana sy ry namako, ry vahoaka Ampanihy Andrefana, ry Malagasy rehetra,

Manomboka herinandro vaovao isika.
Mety ho maro ny zavatra tsy fantatsika hitranga. Mety ho sarotra ny sasany. Fa misy antoka iray tsy miova: Tsy irery isika.

Andriamanitra miaraka amintsika. Ary isika koa, miaraka amin'ny tsirairay. Na inona na inona, dia ho tafavoaka isika.

Enga anie ity herinandro ity:

Β· Hanome antsika hery vaovao
Β· Hanokatra varavarana tsy ampoizina
Β· Hanasitrana ny marary
Β· Hampihavana ny samy hafa
Β· Hampandroso ny asantsika

Arahabaina ary miaraka amintsika ny fitahiana !

Prof. RAZAFIHARISON Andriamanantena
DΓ©putΓ© d'Ampanihy Andrefana

Address

Ampanihy

Website

Alerts

Be the first to know and let us send you an email when π‘π€π™π€π…πˆπ‡π€π‘πˆπ’πŽπ π€π§ππ«π’πšπ¦πšπ§πšπ§π­πžπ§πš posts news and promotions. Your email address will not be used for any other purpose, and you can unsubscribe at any time.

Shortcuts

Share