Sendikan'ny Mpiasan'ny Fambolena sy ny Fiompiana

31/07/2026

Vita soa aman-tsara ny famindram-pitantanana teo amin'ny Filoha teo aloha RATOVO ALITERA Serge sy ny Filoha vaovao SEMPIFAFI ANDRIAMAHERIARISOA Lazahasina Jocelyn anio zoma 31jolay 2026.
Isaorana ny solo-tenan'ny "Solidarité Syndicale de Madagascar" izay nisoloan'Andriamatoa Sekretera Jeneraly sy ny mpisahana ny lafiny serasera tena nanome voninahitra izany.

Ankasitrahana tanteraka ny Filoha teo aloha tamin'ny asa vitany sy ny ezaka nataony teo anivon'ny birao SEMPIFAFI.
Nitso-drano ny birao vaovao izy hahaleo hahalasana.

Nankasitraka ny asa vitany kosa ny Filoha vaovao ary nanome toky fa hanao ny ezaka rehetra hanatrarana ireo tanjona kendren'ny Fikambanana sendikaly.

Nitso-drano ny birao vaovao koa ny Sekretera Jeneraly SSM ary nilaza fa zava-dehibe ny fisian'ny Fikambanana sendikaly eo anivon'ny Minisitera.
Tsy mpanao fahagagana hoy izy ny birao sendikaly fa manao dingana tsikelikely ary tena zava-dehibe ny miezaka manampitra ireo dingana fifampiresahana rehetra rehefa manao fitakiana.

31/07/2026

https://meet.google.com/rfo-hoqp-mpu
Indro alefa amintsika ny rohy hanarahantsika ny famindram-pitantanana Filoha SEMPIFAFI anio Zoma 31 jolay ao amin'ny trano fivoriana MIASA, PPI teo aloha, Anosy, Antananarivo.

30/07/2026

FAMINDRAM-PITANTANANA PREZIDA TEO ALOHA SY NY VAOVAO RAHAMPITSO ZOMA 31 JOLAY 2026 AMIN'NY 10 ORA PPI ANOSY

28/07/2026

Ny birao mpanatanteraka SEMPIFAFI dia faly miantso indray antsika mpikambana fa hotontosaina ny Zoma 31 jolay 2026 amin'ny 10 ora maraina izao ny famindram-pitantanana (passation) eo amin'ny Filoha teo aloha sy ny vaovao izay atao ao amin'ny trano fivoriana PPI teo aloha, Minisitera ny Fambolena sy ny Fahaleovantena ara-tsakafo, Anosy, Antananarivo.

Hisy ihany koa fampitana vaovao amintsika mpikambana ka irariana indrindra ny fanatrehantsika izany.

Hisy ny rohy (lien) alefa amintsika any amin'ny Faritra ahafahantsika manaraka izany.

Araka ny lany tao amin'ny Filan-kevitry ny Minisitra dia Andro fisalorana fitafy Malagasy ny Zoma ka entanina isika izay afaka manao izany na lamba Malagasy fotsiny ihany aza hianjaika izany amin'ny andron'ny famindram-pitantanana io ho fanehoana fireharehana fa MALAGASY.

Mankasitraka indrindra amin'ny fanarahana ny pejy SEMPIFAFI.
Mirary soa.

25/07/2026

Satria ny kolikoly no toy ny homamiadana mikiky sy manimba ny Firenena dia zava-dehibe ny miady aminy sy mametraka paik'ady mahomby momba izany.

Na eo aza ny politika sy paik'ady dia miankina amin'ny fahatongavan-tsain'ny tsirairay ny fahombiazan'ny ady amin'ny kolikoly.

Ny feon'ny fieritreretana sy ny fitiavana fahamarinana no fanalahidy satria izay miasa ao anaty fahamarinana no tia ny Fireneny.

Manentana ny mpiasa sy ny mpisehatra amin'ny Fambolena sy ny Fiompiana foana ny SEMPIFAFI hitandro ny fahamarinana ary hiasa madio ho tombontsoa ambonin'ny Firenena.

24/07/2026

Misokatra ho anareo mpisehatra rehetra amin'ny Fambolena sy ny Fiompiana ny SEMPIFAFI satria ny tanjona dia ny hampiroborobo ny tontolo ambanivohitra.

Aza misalasala, andao hiara-hientana amin'ny Mpiasan'ny Fambolena sy ny Fiompiana hanandratra avo ireo sehatra ireo mba ho tafapaka marina any aminareo ny asa iandreketany Minisitera roa tonta ka ho tantsaha manana ny maha-Izy azy ny tantsaha Malagasy.

23/07/2026

22/07/2026

Ho anareo mpanala baka. Tsy misy miova fandaharam-potoana.
Mirary anareo ho afa-panadinana soa aman-tsara ny SEMPIFAFI.

📌 FAMPAHAFANTARANA MOMBA NY FANADINANA BAKALOREA

https://www.mesupres.gov.mg/actualites/detail/521

22/07/2026