Direction Régionale Industrialisation et Commerce BOENY

28/02/2025

Efa miparitaka eny amin'ny tsena ny vary amin'ny vidiny 750 Ar araka ny fampanantenan'ny Filohampirenena araka ny hezaka ataon'ny Fitaleavam-paritry ny Ministeran'ny Commerce . Hita eny amin'ireo mpanijara eny amin'ny tsenan'ny marolaka,mahabibo,morafeno sy Tsaramandroso ireo vary nafarana ireo amin'ny vidiny 750Ar ny kapoaka

15/03/2023

28/06/2022

HETSIKA HO FIAROVANA NY MPANJIFA

Talohan'ny fetin'ny 26 jona 2022 iny dia nanao hetsika fanaraha-maso ny fitaovam-pandanjana sy ireo entana lany daty eny amin'ireo mpivarotra ny ekipan'ny DRICC BOENY.
1) Fanaraha-maso ny fitaovam-pandanjana tao amin'ny bazary Morafeno sy Mahabibo :
- Bazary MORAFENO : mpivarotra miisa 75 no voaentana. Nisy vato mizana miisa 33 izay tsy nanaraka ny fenitra takiana nampiasain'ireo mpivarotra ary dia nogiazana avy hatrany izany. Miisa 13 ireo mpivarotra nahazo taratasy fampiantsoana.

- Bazary MAHABIBO : Miisa 15 ireo mpivarotra filao voaentana ary nahitana vatomizana 2 tsy ara-dalàna. Olona miisa 2 kosa no nahazo taratasy fiantsoana.

2) Fanaraha-maso ireo entana lany daty tao amin'ny SHOPRITE, stations-service ary tsena Mahabibo : amin'ny ankapobeny dia tsy nahitana entana lany daty tamin'ireo mpivarotra izay nandalovan'ny ekipa. Nisy ihany anefa ny boissons COLA izay tsy hita mazava ny daty misoratra eo aminy izay hita tao amin'ny grande surface iray. Tsy maintsy niroso tamin'ny fanagehazana ireo boissons ireo ny ekipa.

Ankoatr'izay, momba ny siramamy Namakia dia nidina tany amin'ny orinasa OUEST SUCRE ao Namakia ny ekipa nanara-maso ny tahiry sy nitsara ireo fitaovam-pandanjana ampiasain'izy ireo amin'ny famikarana ny siramamy. Mbola maro ny tahiry ao Namakia ary mitohy hatrany ny famokarana.

23/04/2022

HETSIKA FAMERANA NY VIDIN’ENTANA ny zoma 22 sy asabotsy 23 aprily 2022 :

Nanohy avy hatrany ireo hetsika amin’ny fampiharana ny fepetra napetraky ny Fanjakana momba ny famerana ny vidin’entana ambony indrindra sy ny tombony azon’ny mpivarotra alaina eo amin’ny entana ilaina andavan'andro (PPN) ny Fitaleavam-paritra Boeny.

Arak'izany dia didina ifotony ary nanantona ireo mpandraharaha ara-barotra voakasika izany dia ny mpamokatra siramamy eto an- toerana, ireo mpanafatr'entana mbola manana tahiry ary ireo mpamongady sy mpaninjara eny amin' ny tsena Mahabibo, Marolaka , Sotema, Tsaramandroso, Mahaboky sy Mazava huile ny ekipa ka nampahafantatra azy ireo ny fepetra sy ny vidin'entana voarakitra ao anatin'ny annexe.
Miisa 6 ireo mpanafatr'entana voentana, 10 ny mpamongady ary 60 ny mpaninjara.

Nantonina manokana ihany koa ireo lehiben'ny tsena ka nampahafantarina sy nentanina ihany koa amin'ny famporisihana ireo mpivarotra hanaraka ny vidin'entana napetraka.

Nisy ihany koa ny fangatahana fiaraha-miasa amin'ireo lehiben'ny Distrika 5 ankoatry ny eto Mahajanga I (Marovoay, Soalala, Mitsinjo, Ambato Boeny ary Mahajanga II). Nampitaina tamin'izy ireo ny vidin'entana farany ambony ary nentanina izy ireo mba hampahafantatra mialoha ireo mpivarotra. Mbola hisy ny fidinana eny anivon'ny Distrika Marovoay sy Ambato Boeny amin’ny herinandro manaraka io.

23/04/2022: Ankoatr'izay dia nohon'ny fangatahan'ny BIANCO Mahajanga dia nitondra fanazavana manokana mikasika ny lalàna mifehy ny varotra sy ny tamberin'andraikitry ny DRICC manoloana ny fiarovana ny mpanjifa teny amin'ny haino aman-jery DON BOSCO eto an-toerana. Nararaotina nampahafantarina ny famerana ny vidin'entana farany ambony sy ny fisian'ny taniketsa indostrialy.

21/03/2022

Taoarinan'ny fivoriana niarahana tamin'ireo mpanao M**O dia nisy ny fidinana ifotony izay niompana sy nifandraika tamin'ny resaka nifanaovana tamin'ireo mpandraraha eo amin'ny sehatra M**O ary fanentanana ny tsirairay mba hanao ny asa araka ny lalàna mifehy izany sehatra izany:

➡Ny mba hanajana ny lanja araka ny tokony ho izy ,
➡Ny fametrahana hatrany ny vidin'ny M**o ho hitan'ny mpanjifa
➡Ny tokony hitsarana hatrany ny fitaovam-pandajana
➡Ny hanatanterahana ireo andraikitra rehetra araka ny lalàna velona hatrany toy ny

Izany no natao dia ho fitsonjovana hatrany ny mpanjifa sy ho tombotsoan'ny vahoaka araka ny vina izay efa napetraky ny Ministeran' ny fampiroboroboana ny Indostria, ny Varotra sy ny Fanjifana

DRICC BOENY

25/02/2022

Anisan'ny anjara asan'ny sampan-draharam-paritry ny varotra ny manara-maso ny kalitaon'ireo vokatra ahondrana mankany ivelany. Izany dia mba hisian'ny Kalitao voafehy sy ho antoka amin'ny tsena mirindra sy maharitra.
Lalampihariana sangany amin’ny vokatra fanondrana aty amin’ny faritra Boeny ny lojy fotsy :“Black eyes beans”.
Ny poste de controle du conditionnement, ao @ DRICC Boeny no misahana ny fanaraha-maso ny kalitaon’ny vokatra fanondrana. 27.000 taonina eo ho eo ny vokatra voahondrana tamin’ny 2021.
Ambato Boeny, Tsaramandroso, Anjiajia, Manerinerina, Ambondromamy ary Andranomamy no kaominina hivoahan’ny vokatra lojy fotsy be indrindra eto Boeny.
Hatramin’ny 2018 no nisy ny fampanaraham-penitra ny vokatra lojy fotsy fanondrana. Maro ny ezaka efa natao. Napetraka ireo rafitra miankina sy tsy miankina mba handrindra ny lalampihariana, hisian’ny 3P ary ny fifanakalozan-kevitra.
Vinavinaina hivelatra ho amin’ny vomaina fanondrana hafa ny fampanaraham-penitra ho amin’ity taona 2022 ity.

18/01/2022

Ho fitsinjovana ny mpanjifa mandritra izao vanim- potoana maitso ahitra izao dia nitsidika ny distrika AMBATO BOENY ny ekipan'ny DRICC BOENY ny zoma faha 14 janoary 2022.

Nahitana fiakarana ny PPN sy PAPN teny an-toerana: menaka=6500 - 7000Ar/l , Siramamy= 3800Ar/kg, lafarinina: 3000Ar/kg, Vary : 550-600Ar/kpk (nanomboka ny herinandron'ny 7 janoary 2022 nilatsahan'ny orana).

Araka ny fanadihadihana dia nahitana fiakarana ny saram-mpitaterana.
Hita taratra tamin'izany koa ny tsy fametahana ny vidin'entana izay endrika mety isehoan'ny fanararaotana.

Raha mahakasika ny simenitra manokana dia mpaninjara 3 no mpamatsy ka 43000 Ar sy 44000Ar ny gony iray. Marika "GLOBAL " irery ihany no amidin'izy ireo. Raha 38500-39000Ar ny "prix d'achat ".
Mandoa 100Ar/kg ny frais avy amin'ny transbordement 500Ar/sac ny docker. Tsara marihana fa tsy maintsy atao déchargement ny entana rehetra mihoatra 5 tonnes raha hiampita bac ka manatombo ny frais dockers.

Eto am-pamaranana, raha mahita tranga fanararaotana na fandikana lalàna momba ny varotra, dia aza misalasala ny manantona ny DRICC BOENY.

07/01/2022

Anisan’ny andraikitry ny sampan-draharaham-paritry ny Varotra eto Boeny ny manara-maso ireo entana ilaina amin’ny fiainana andavanandro rehetra (toy ny menaka, siramamy, vary, lafarinina, ciment, …) ny amin’ny vidiny, ny kalitaony sy ny fe-potoana ahafahana mampiasa sy mihinanana izany mba ho fiarovana ny mpanjifa tsirairay avy. Ho fanatanterahana izany dia misy ny fidinana ifotony farafahakeliny in-droa isan-kerinandro eny amin‘ireo tsena rehetra ( Marolaka, Mahabibo, Majunga be, Tsaramandroso, Sotema, Tsararano, …) ho fanarahamaso ny tahiry sy ny vidin’ entana ilaina amin’ny fiainana andavanandro.

05/01/2022

Am-pifaliana no hiarahabana antsika rehetra nahatratra ity taona vaovao 2022 ity.
Nosokafana ity pejy ity mba ho fampahafantarana antsika rehetra (mpanjifa, mpandraraharaha, sampan-draharaha isan-tsokajiny,...) ny asa aman'andraikitra izay sahaninay ato amin'ny Fitalevam-paritry ny Fampiroboroboana ny Indostria, ny Varotra sy ny Fanjifana eto BOENY sy ny fizarana ny fehim-baovao eo anivon'ny Ministera foibe.
Koa dia faly mifandray amintsika ary manasa antsika hazoto hitsidika ny pejy.
Etoana dia manararaotra sahady mampatsiahy ireo anjara andraikitra manandrify antsika tsirairay mahakasika ny fanjifana.

Fiarovana ny zon'ny mpanjifa
Samy manana ny anjara andraikitra tandrify azy eo amin'ny fiarovana ny zon'ny mpanjifa ny Minisiteran'ny Fampiroboroboana ny Indostria sy ny Varotra ary ny Fanjifana, ny Minisiteran'ny Fahasalamam-bahoaka amin'ny alalan'ny ACSQDA (Agence de Contrôle de la Sécurité Sanitaire et de la Qualité des Denrées Alimentaires), ny mpandraharaha ara-barotra rehetra ary koa ny mpanjifa. Fantaro ireo andraikitra ireo