Општина Шуто Оризари - официјална страница / Municipality of Shuto Orizari

08/09/2026

🇲🇰 Честит 8 Септември – Денот на независноста на Република Македонија!

Од името на Општина Шуто Оризари, како прва и единствена општина со ромски градоначалник, упатувам искрени честитки до сите граѓани на Република Македонија, а особено до сите Роми кои живеат во нашата заедничка татковина.

Денес, на Денот на независноста, со гордост се потсетуваме дека Ромите отсекогаш биле лојални граѓани на оваа држава. Ја почитувале, ја сакале и со своето присуство, труд и придонес биле и остануваат дел од нејзината историја и иднина.

Од Шуто Оризари испраќаме јасна порака: Ромите во Македонија живееле, живеат и ќе живеат сложно, сплотено и со почит кон сите наши сограѓани. Нашата сила е во единството, а нашата иднина во заедничката посветеност кон државата во која сите заедно го градиме нашиот дом.

Без разлика на етничката, верската или друга припадност, Македонија е наша заедничка држава. И секогаш ќе бидеме подготвени да придонесуваме, да работиме и да бидеме во служба на интересите на нашата држава и на сите нејзини граѓани.

🇲🇰 Нека ни е честит Денот на независноста!

Да живее Република Македонија!
Да живеат сите нејзини граѓани!
Да живее ромската заедница – сложно, сплотено и достоинствено! 🇲🇰🤝

08/09/2026

🤝 Шуто Оризари – пример дека Ромите можат да водат, да создаваат и да градат

Денес Општина Шуто Оризари имаше чест да биде домаќин на ромски политичари и претставници од Црна Гора, Србија, Унгарија, Романија, Словачка, Молдавија и Бугарија.

Целта на посетата беше гостите одблиску да се запознаат со функционирањето на единствената општина во Европа со ромски градоначалник, ромско мнозинство во Советот и ромска општинска администрација, како и со предизвиците со кои се соочуваме, но и со успесите што ги постигнавме.

За време на посетата ги запознавме со нашата општина, со плоштадот, градинката, основното и средното училиште, како и со дел од инфраструктурните проекти и подобрувањата реализирани во изминатите осум години.

Особено значајна беше размената на искуства. Од разговорите и изјавите на нашите гости можевме да заклучиме дека, и покрај тоа што дел од нив доаѓаат од земји членки на Европската Унија, ромските заедници во нивните средини сè уште се соочуваат со основни проблеми – пристап до вода и електрична енергија, локална инфраструктура и нерешени станбени прашања.

Тоа ни покажа дека предизвиците на ромските заедници не познаваат граници.

Но, истовремено, Шуто Оризари покажува дека со политичка волја, институционална одговорност и континуирана работа може да се постигне напредок.

Токму затоа Општина Шуто Оризари е препознаена како пример за ромско политичко учество и локално лидерство.

Голема благодарност до организаторите на настанот – REF, ERIAC, Roma for Democracy, REDI и сите партнери кои ја препознаа важноста на Шуто Оризари и одлучија токму нашата општина да биде дел од оваа важна размена на искуства.

Шуто Оризари не е само општина. Таа е пример дека Ромите можат да бидат носители на одлуки, да управуваат со институции и, пред сè, да ја менуваат својата заедница. 👊

17/07/2026

https://sutoorizari.gov.mk/?p=5866

С О О П Ш Т Е Н И Е Општина Шуто Оризари на 20 јули ја започнува првата форумска сесија во соработка со МЛС, УНДП и Швајцарската агенција за развој и соработка (SDC) Општи...

21/05/2026

16/05/2026

27/04/2026

https://www.facebook.com/share/p/18nXoyrJ4P/?mibextid=wwXIfr

04/12/2025

Денес на мое големо задоволство, за гости во нашата општина ги имавме г-дин Реџеп Али Чупи, директор на Реф Балкан, како и неговите партнери од Ромскиот Едукативен Фонд од седум балкански држави.

Оваа посета беше уникатна прилика за размена на искуства и добри практики во областа на успешното образование на Ромите. Бевме горди што можевме да им ја претставиме Општина Шуто Оризари не само како домаќин, туку и како жив пример и предводник во регионот за постојан развој и иновации во образовните процеси.

Разговаравме за нашите достигнувања, но и предизвиците со кои се соочуваме и визиите за иднината. Уверен сум дека оваа средба ќе биде плодна основа за идни соработки и зајакнување на нашиот заеднички пат кон општество со уште подеднакви можности за сите.

Ви благодарам на посетата, г-дине Чупи и на целиот тим од Реф Балкан!

Заедно кон подобра иднина! 🤝