Creative Europe Desk MK

26/05/2026

GreenBeat Nexus: Анкета!!!

Ве известуваме дека проектот GreenBeat Nexus објави анкета за учество во истражување за одржливост во музичкиот сектор, а претставниците на македонскиот музички сектор се поканети да земат активно учество во неа.

Оваа иницијатива, поддржана од Европската Унија преку програмата „Креативна Европа“ и „Музиката ја движи Европа“ (Music Moves Europe), има цел да идентификува ставови и искуства од музички уметници, организации и здруженија од земјите на „Креативна Европа“, со цел да се поттикне зелената транзиција во европскиот музички екосистем.

Истражувањето ги опфаќа сите сегменти – од локални иницијативи и едукација, до фестивали, турнеи и дигитални платформи.

Анкетата можете да ја пополните на следниов ЛИНК:
https://on-the-move.org/news/greenbeat-nexus-survey-about-your-needs-and-ideas-accelerate-green-transition-european-music

Краен рок за пополнување е 31 мај 2026 година.

26/05/2026

Одбележан Денот на Европа во „Дом на млади“ во Штип

https://ced.mk/kreativna_evropa/260526-odbelezhan-denot-evropa-dom-mladi-shtip

По повод одбележувањето на Денот на Европа, на 21 мај 2026 година во амфитеатарот при „Дом на млади“ во Штип се одржа настан под мотото „Европа е за можностите“. Целта на настанот беше да им ги доближи европските перспективи за образование, мобилност и меѓународна размена на младите од Штип и од регионот.
Во рамките на програмата се одржа „Саем на ЕУ-можности – студии, мобилност и размена во Европа“, на кој учествуваа претставници од: Националната агенција за европски образовни програми и мобилност, амбасади на земји членки на ЕУ, факултетите при Универзитетот „Гоце Делчев“, програмите „Еразмус+“ и „Креативна Европа“, како и граѓански организации што работат со млади и студенти. Програмата продолжи со младински дијалог на тема „Можности без граници: млади, Еразмус+ и ЕУ“ и заврши со концерт изведен од бендот на Факултетот за музичка уметност при Универзитетот „Гоце Делчев“.
Канцеларијата на Креативна Европа беше претставена со информативен штанд каде што преку разговори и индивидуални консултации, посетителите имаа можност да добијат подетални информации за поддршката и инструментите што ги нуди програмата, со особен фокус на акциите наменети за мобилност на младите.

26/05/2026

Се одржа второто издание на Contemporary Dance Showcase

https://ced.mk/kultura/260526-odrzha-vtoroto-izdanie-contemporary-dance-showcase

Од 13 до 16 мај 2026 година во Нови Сад, Србија, се одржа второто издание на Контемпорари денс шоукејс/Contemporary Dance Showcase на платформата Мувинг Балканс/Moving Balkansшто е финансиски поддржана од програмата „Креативна Европа“. Настанот обедини автори на иновативни танцови продукции, млади таленти и водечки професионалци од Балканот и од Европа креирајќи услови за промоција, професионална размена и меѓународно вмрежување во областа на современиот танц.

Програмата опфати селекција на современи танцови продукции од Балканот, професионални средби и презентации кои се одржуваа на седум различни сцени во градот. Меѓу најдобрите 10 селектирани продукции за 2026 година се најде и претставата од Македонија „Мокументари“ во кореографија на Адријана Данчевска Ровчанин, а во продукција на „Скопје танцовиот театар“ и културниот центар „Интерарт“.

Со цел поттикнување долгорочна, координирана и транснационална поддршка на современиот танц беше организирана панел-сесија „Мувинг Балканс: Современиот танц како заеднички културен простор“, на која учествуваа носители на политики, културни работници и претставници на јавни и меѓународни културни институции. Во рамките на дискусијата беа презентирани согледувања за современата танцова сцена и беше истакнато значењето на меѓусекторската и регионалната соработка во создавањето одржлива уметничка продукција, меѓународна циркулација и професионален развој на уметниците и културните работници. На настанот, вклучително и на панел-сесијата учествуваа канцелариите на Креативна Европа на Република Северна Македонија и на Србија.

26/05/2026

Форум „Култура за развој“ и состанок „Satellite BEYOND“

https://ced.mk/kultura/260526-forum-kultura-za-razvoj-sostanok-satellite-beyond

Во организација на „Хартефакт“ (Србија), а во соработка со „Клубтура/Clubture“ (Хрватска), регионалната платформа „Кооператива“, „Фондацијата за култура А25/A25 Cultural Foundation“ (Бугарија) и „Еурадија/Euradia (Италија), од 13 до 16 мај 2026 година во Скопје се одржаа форумот „Култура за развој“ и состанокот „Satellite BEYOND“ на европската мрежа „Културна акција на Европа“. Настанот обедини уметници, културни работници, активисти и претставници на европски културни мрежи од Северна Македонија, Западен Балкан и од Европа.

Канцеларијата на Креативна Европа учествуваше на работните сесии во рамките на настанот, а заедно со претставници на „Хартефакт“, „Културна акција на Европа“, „Кооператива“, „Клубтура“ и Јавната установа „Јадро“ учествуваше на панел-сесијата на тема: „Намалување на просторот за културата и заедничките/регионалните културни пејзажи“ што се одржа на 14 мај 2026.

Дискусиите беа фокусирани на уметничката слобода, одржливата поддршка за независната култура, пристапот до јавни културни простори и зајакнувањето на регионалната и европската соработка. Учесниците разговараа и за актуелните предизвици со кои се соочува културниот сектор низ Европа.

Конференцијата ја истакна улогата на културата како простор за солидарност, граѓански ангажман и општествени промени, а воедно беше остварен дијалог за нови иницијативи за јакнење на секторот и унапредување на прекуграничната соработка.

Една од главните пораки беше дека Западен Балкан треба активно да учествува во обликувањето на европските културни политики, со посебен акцент на потребата од подостапна и поодржлива поддршка за независните културни организации и младите културни работници.

Повеќе информации може да најдете на следниов линк:

https://heartefact.org/en/european-and-regional-cultural-actors-gathered-in-skopje/

08/05/2026

https://ced.mk/kultura/260508-forum-kultura-za-razvoj-sostanok-beyond-satelitot-za-jie

Форум „Култура за развој“ и „Состанок на BEYOND – Сателитот за Југоисточна Европа при мрежата Culture Action Europe/Културна акција на Европа“, 14 – 16 мај 2026 година, Скопје

Од 14 до 16 мај 2026 година во Скопје ќе се одржи форумот „Култура за развој“, значаен регионален настан посветен на зајакнување на независната културна сцена во Западен Балкан и во Европа. Форумот е организиран од „Хартефакт“ (Heartefact), во соработка со „Клубтура“ (Clubture), платформата „Кооператива“ (Platforma Kooperativa), A25 и „Еурадија Италија“ (Euradia Italia).

Настанот ќе ги обедини независните културни работници и уметници кои се соочуваат со сè поголеми предизвици – ограничени јавни политики, намалено финансирање и неизвесни европски рамки. Преку заеднички дијалог и прекугранична соработка, форумот има цел да ја потврди улогата на независната култура како јавно добро и клучен фактор за развој на отпорно и инклузивно општество.

Како дел од програмата, BEYOND – Сателитот за Југоисточна Европа во рамките на европската советодавна мрежа Culture Action Europe (CAE) – ќе создаде простор за усогласување на регионалните приоритети и дефинирање на заедничките политики со цел засилување на колективниот глас на регионот и негово поактивно учество во европските културни политики.

Форумот ќе прерасне од простор за дискусија во иницијатива што ќе поттикне конкретни системски промени – од подобрување на работните услови и пристапот до финансирање, до унапредување на мобилноста и долгорочната одржливост на независниот културен сектор.

Повеќе информации и детали за настаните може да најдете на следниве линкови:

https://heartefact.org/mk/beyond-borders-%d0%bf%d1%80%d0%b8%d0%b4%d1%80%d1%83%d0%b6%d0%b5%d1%82%d0%b5-%d0%bd%d0%b8-%d1%81%d0%b5-%d0%b2%d0%be-%d0%be%d0%b1%d0%bb%d0%b8%d0%ba%d1%83%d0%b2%d0%b0%d1%9a%d0%b5%d1%82%d0%be-%d0%bd/

https://cultureactioneurope.org/events/culture-for-development-forum-south-east-satellite-beyond/

06/05/2026

GreenBeat Nexus - Анкета за зелена транзиција во музичкиот сектор!!!

Доколку сте дел од музичката индустрија – музичар, организатор, претставник на здружение или културна организација – ова е можност да го споделите вашето мислење и искуство преку анкетата на проектот „GreenBeat Nexus“, поддржан од програматa „Креативна Европа“ и акцијата „Музиката ја движи Европа“ (Music Moves Europe) и да придонесете за одржлива иднина на европскиот музички екосистем.

📝 Пополнете ја анкетата тука:
https://on-the-move.org/news/greenbeat-nexus-survey-about-your-needs-and-ideas-accelerate-green-transition-european-music

⏳ Краен рок: 31 мај 2026 г.
Вашиот глас е важен – придонесете за одржлива иднина на музичкиот екосистем!

Answer the GreenBeat Nexus initiative survey on the transition of the music sector towards greener practices to help us prepare better information tools, capacity programmes and funding support.

05/05/2026

Се одржа „ Сесија за музичката сцена“

На 30 април 2026 година, „Лабораториум“ во Скопје беше домаќин на панел-дискусија посветена на тоа како се движи музиката од Балканот кон Европа — и кои сè фактори го ограничуваат тој пат.

Под наслов „Пробив? Музичка мобилност и структурни бариери на Балканот“, сесијата се фокусираше на различни аспекти од музичкиот екосистем — од можностите што ги нудат програмата Креативна Европа, европските и регионалните мрежи, како и контекстот на Скопје ЕПК 2028, до конкретните предизвици со кои се соочуваат уметниците: недостиг на професионална поддршка и менаџмент, слабо развиени извозни стратегии, ограничени буџети за турнеи и нерамномерен пристап до меѓународни можности.

Панелот обедини претставници од европски и локални институции, европски и регионални мрежи, менаџери на музички фестивали и артисти, создавајќи простор во кој различни перспективи се вкрстија околу едно заедничко прашање — како да се направи музичката мобилност пофер, поотворена и поодржлива.

На „Сесијата за музичката сцена“ свое учество зедоа Малгожата Шлендак, Советник за политики, Генерален директорат за образование, млади, спорт и културa (EAC); Данијела Јовиќ, Проектен службеник, Извршна агенција за образование и култура (EACEA); Рут Јакоби, генерален секретар, Европски Музички Совет (ЕМС); Гвендолен Шарп, основач на The Green Room; Рут Колева, SoAlive Music Conference / Sofia Live Festival; Верџина Бајкова, член на координативносто тело, Скопје Европска престолнина на културата 2028; Тамара Каминска, European Music Exporters Exchange – EMEE; Вејер Балаж, Hangvető, Унгарија; Космин Јонеску, Mastering the Music Business, Overground Music, Романија; Мирена Станева, Бугарска музичка асоцијација, Бугарија; Огнен Стојаноски, Пасворд продукција, Македонија.

Модератори на настанот беа Билјана Прентоска и Владимир Стојчевски од Канцеларијата за Креативна Европа МК и Анера Стопфер од Канцеларијата за Креативна Европа на Хрватска.

„Сесијата за музичката сцена“ беше организирана од Канцеларијата за Креативна Европа МК при Министерството за култура и туризам, во соработка со „Пасворд продукција“ од Скопје. Настанот беше дел од „Форумот за праведност во културната мобилност“, организиран од мрежата „Во движење“ (On The Move) и регионалната мрежа „Кооператива“.

29/04/2026

„Сесија за музичката сцена“ во рамките на „Форумот за праведност во културната мобилност“
https://ced.mk/kultura/260429-sesija-za-muzichkata-scena

Ве известуваме дека Канцеларијата за Креативна Европа МК при Министерството за култура и туризам, во соработка со „Пасворд продукција“ од Скопје, на 30 април 2026 година, со почеток во 9:30 часот, организира тричасовна „Сесија за музичката сцена“, што ќе се одржи во „Лабораториум“ во Скопје.

Сесијата е дел од програмата на „Форумот за праведност во културната мобилност“ (29 – 30 април 2026г.), организиран од меѓународната мрежа „Во движење“ (On The Move), во партнерство со регионалната мрежа „Кооператива“.

Во рамките на сесијата ќе се отвори дискусија за тоа како музичките професионалци од Балканот да развиваат одржливи меѓународни кариери преку турнеи, настапи и соработка, со цел намалување на финансиските ризици и професионалното оптоварување. Воедно ќе бидат презентирани и можностите што ги нуди програмата „Креативна Европа“, како и клучните предизвици во секторот – вклучително поддршката за уметници и менаџмент, буџетирањето на турнеи и развојот на стратегии за извоз на музика.

Во контекст на Скопје – Европска престолнина на културата 2028, сесијата ќе ја истакне важноста на долгорочното планирање и стратешките инвестиции во музиката како значаен културен и економски сектор.

Програмата на македонски јазик за музичката сесија може да ја најдете на следниов линк:
https://ced.mk/sites/default/files/alfa/doc/programa-otm-muzichka-sesija-30-april-2026-skopje_3.pdf

Програма на англиски јазик за музичката сесија:
https://ced.mk/sites/default/files/alfa/doc/final-programme-otm-music-session-30-april-2026_2.pdf

Повеќе информации за Форумот може да најдете на следниов линк:
https://on-the-move.org/about/our-news/cultural-mobility-forum-2026-skopje-republic-north-macedonia

27/04/2026

https://ced.mk/sites/default/files/alfa/doc/programa-otm-muzichka-sesija-30-april-2026-skopje_1.pdf

27/04/2026

https://ced.mk/kultura/260417-forum-za-pravednost-kulturnata-mobilnost-29-300426-skopje

By vladimir , 17 Април, 2026 „Форум за праведност во културната мобилност“, 29-30 април 2026 година, Скопје Култура 17.04.2026 „Форум за праведност во културната мобилност“, 29-30 апр....