ДПД Виница / VFD Vinica

23/08/2026

На терен во село Бигла 🚒🔥

ДПД Виница со 16 пожарникари е на терен во село Бигла, Делчевско, во борба со огнената стихија.

Екипите се распоредени на терен и активно учествуваат во гаснењето и спречувањето на ширењето на пожарот. Од вкупно 16 пожарникари, тим од 7 пожарникари остана до доцна во вечерните часови, продолжувајќи со ангажманот и во текот на ноќта.

22/08/2026

🔥 Еден тим. Една мисија. До крај!

Со храброст, пожртвуваност и тимски дух, рамо до рамо со останатите екипи – таму каде што е најпотребно.

17/08/2026

Заедно за побезбедна заедница

Од 10 до 12 август 2026 година, при ОО Црвен крст Виница се одржа летен младински камп на тема „Заштита во случај на катастрофи“.

Во рамки на кампот, младите имаа можност да стекнат нови знаења, вештини и практични искуства за постапување и заштита во случај на различни катастрофи и вонредни ситуации.

ДПД Виница со особено задоволство ја поддржа реализацијата на активностите, придонесувајќи со своето знаење, искуство и практична поддршка.

🤝 Благодарност до ОО Црвен крст Виница за одличната соработка и довербата.

🚒 ДПД Виница – секогаш подготвени да помогнеме, да обучиме и да заштитиме.

30/07/2026

Почитувани граѓани,

Во период на високи температури и суво време, секое палење на стрништа, сува трева, отпад или оган на отворено може да предизвика пожар со огромни последици. Пожарите го загрозуваат човечкиот живот, домовите, шумите, земјоделските површини и животинскиот свет.

❌ НЕ ПАЛЕТЕ:

* Стрништа и ниви
* Сува трева и гранки
* Отпад на отворено
* Оган во близина на шума

✅ АКО ЗАБЕЛЕЖИТЕ ПОЖАР:

📞 Веднаш пријавете на 112 / 193

15/07/2026

Тим од 10 членови на ДПД Виница учествуваше на состанок организиран од Дирекцијата за заштита и спасување (ДЗС), во рамки на подготовките за учество во тимот на ТБО.

Состанокот беше насочен кон координација, организација и подготовка на членовите за идните активности и задачи.

ДПД Виница – Храброста ја зајакнува заедницата!

10/07/2026

ДПД Виница упатува искрена благодарност до Технички преглед LIKEJ – Виница за нивната несебична поддршка и професионална помош при регистрацијата на нашиот противпожарен камион.

Со вашата поддршка придонесовте нашето возило навремено да биде ставено во функција и подготвено за интервенции во служба на граѓаните.

Со почит,
ДПД Виница 🚒

09/07/2026

🚒 Нова донација за ДПД Виница

Со огромна благодарност ве известуваме дека ДПД Виница доби вредна донација од нашиот сограѓанин Гоце Рајка, кој живее и работи во Италија.

Донацијата опфаќа пожарникарски шлемови, заштитни одела и чизми, опрема што ќе придонесе за поголема безбедност и подобра подготвеност на нашите доброволци при секоја интервенција.

Упатуваме искрена благодарност до Гоце Рајка за неговата хуманост, несебична поддршка и грижата што ја покажува кон своето родно место и кон ДПД Виница. Ваквите гестови се од непроценливо значење и претставуваат поттик за сите нас да продолжиме уште посветено да ѝ служиме на заедницата

08/07/2026

Пламенот не ја победува храброста.

Секој повик е наша должност. Секоја интервенција е борба за нечиј живот, дом и иднина.

Ние не ветуваме дека ќе биде лесно. Ветуваме дека секогаш ќе бидеме таму кога е најпотребно.

ДПД Виница 🚒
Храброста ја зајакнува заедницата.

06/07/2026

19/06/2026

🏆 Големо признание за ДПД Виница!

Со особена чест и гордост, ДПД Виница го доби признанието „Општествено најодговорна институција во Источниот регион за 2025 година“, доделено од Регионалниот актив на новинари „Исток“.

Ова признание е потврда за нашата посветеност, професионалност и несебична работа во служба на граѓаните, како и за континуираниот придонес во заштитата и безбедноста на заедницата.

Благодарност до сите членови, поддржувачи и граѓани кои се дел од нашите успеси. Ова признание е мотив да продолжиме уште посилно, посветено и одговорно во интерес на сите граѓани.

🚒 ДПД Виница – секогаш во служба на граѓаните!