Pann Pyo Let - ပန်းပျိုးလက်

Pann Pyo Let - ပန်းပျိုးလက် Monastic Education School

ငြိမ်း(Shalom)ဖောင်ဒေးရှင်း ကြားဖြတ် ဘုတ်အဖွဲ့အစည်းအဝေးသို့ပန်းပျိုးလက်ဆရာတော် တက်ရောက်....................................
21/08/2026

ငြိမ်း(Shalom)ဖောင်ဒေးရှင်း ကြားဖြတ် ဘုတ်အဖွဲ့အစည်းအဝေးသို့
ပန်းပျိုးလက်ဆရာတော် တက်ရောက်..................................................................
ကျောက်တန်း၊ မေ (၂၄)
ငြိမ်း(Shalom)ဖောင်ဒေးရှင်း၏ ကြားဖြတ် အကြံပေးဘုတ်အဖွဲ့အစည်းအဝေးကို ၂၀၂၆ ခုနှစ်၊ သြဂုတ်လ (၁၈) ရက်က ရန်ကုန်မြို့၊ Marcure Hotel & Virtual Meeting တွင် ကျင်းပရာ အကြံပေးဘုတ်အဖွဲ့ဝင်တစ်ဦးဖြစ်သည့် ပန်းပျိုးလက်ဆရာတော် ဒေါက်တာအရှင်ပညောဘာသ တက်ရောက်ခဲ့ပါသည်။

- ယခုအစည်းအဝေးသည် အကြံပေးဘုတ်အဖွဲ့ဝင်အချို့ အနားယူခြင်းနှင့် အဖွဲ့ဝင်အသစ်များ အစားထိုးခန့်အပ်ခြင်းကို အတည်ပြု ဆောင်ရွက်ကြခြင်း ဖြစ်ပါသည်။

- ငြိမ်း(Shalom)ဖောင်ဒေးရှင်းကို ၂၀၀၀ ခုနှစ် မေလ (၂၄) ရက်က စတင်ကာ ကချင်ခရစ်ယာန်ဘုန်းတော်ကြီး Rev. Dr. Saboi Jum က တည်ထောင်ခဲ့ခြင်း ဖြစ်ပါသည်။ ဖောင်ဒေးရှင်းသည် ဝန်ထမ်း (၁၅၀) ကျော်ဖြင့် မြန်မာနိုင်၏ ငြိမ်းချမ်းရေးကိစ္စရပ်များအား အဓိကထား ဆောင်ရွက်နေသည့် အဖွဲ့အစည်းတစ်ခု ဖြစ်ပါသည်။ Rev. Dr. Saboi Jum သည် ၂၀၁၇ ခုနှစ်က ဘုန်းတော်ဝင်စားခဲ့ပြီးဖြစ်သော်လည်း ဖောင်ဒေးရှင်းကို အကြံပေးဘုတ်အဖွဲ့ဝင် (၁၆) ဦးတို့၏လမ်းညွှန်အကြံပေးမှု၊ ဒါရိုက်တာအဖွဲ့ဝင်များ၏ ဦးဆောင်မှုဖြင့် ဆက်လက်ဆောင်ရွက်လျှက်ရှိပါသည်။

ပဲခူးမြို့နယ်သံဃနာယကအဖွဲ့(ရွှေကျင်) တွေ့ဆုံပွဲ ပန်းပျိုးလက်တွင် ကျင်ပပြုလုပ်...............................................
19/08/2026

ပဲခူးမြို့နယ်သံဃနာယကအဖွဲ့(ရွှေကျင်)
တွေ့ဆုံပွဲ ပန်းပျိုးလက်တွင် ကျင်ပပြုလုပ်............................................................
ကျောက်တန်း၊ သြဂုတ် (၁၇)။

- ပဲခူးမြို့နယ်သံဃနာယကအဖွဲ့၊ ရပ်/ကျေးအုပ်စု သံဃနာယကအဖွဲ့(ရွှေကျင်) ဥက္ကဋ္ဌ/အကျိုးတော်ဆောင် ဆရာတော်များ တွေ့ဆုံပွဲအခမ်းအနားကို ယခု၂၀၂၆ ခုနှစ်၊ သြဂုတ်လ (၁၇)ရက်တွင် ဝေဠုဝန်စာသင်တိုက် ပန်းပျိုးလက်ဘုန်းတော်ကြီးသင် ပညာရေးကျောင်း တိုက်တွင် ကျင်းပပြုလုပ်ခဲ့ပါသည်။

- အခမ်းအနားသို့ နိုင်ငံတော်​ဗဟိုသံဃာ့ဝန်ဆောင် သာသနာ့မဏ္ဍိုင်ပါဠိတက္ကသိုလ် တိုက်အုပ်ဆရာတော်၊ တိုင်းဒေသကြီးသံဃနာယကဥက္ကဋ္ဌ ကြခတ်ဝိုင်းကျောင်းတိုက် တိုက်အုပ်ဆရာတော်၊ တိုင်းဒေသကြီးသံဃနာယကအဖွဲ့ဝင် ရွှေချောင်းတောရဆရာတော်၊ မြို့နယ်သံဃနာယကဥက္ကဋ္ဌ ဒက္ခိဏသာခါရာမဆရာတော်၊ ဒုတိယဥက္ကဋ္ဌ ပန်းပျိုးလက်ဆရာတော်၊ အကျိုးတော်ဆောင် ရွှေဂူဆရာတော်၊ တွဲဖက်မကျိုးတော်ဆောင် ဝင်းနိမ္မိတာရုံဆရာတော်တို့နှင့် မြို့နယ်သံဃနာယကအဖွဲ့ဝင် ဆရာတော်များ၊ ရပ်/ကျေးအုပ်စု (၂၃) စုမှ ဥက္ကဋ္ဌနှင့် အကျိုးတော်ဆောင် ဆရာတော်များ ကြွရောက်ခဲ့ကြပါသည်။
- အခမ်းအနားသို့ ကြွရောက်လာကြသော ဆရာတော်ဘုရားများအတွက် ပဲခူးမြို့နယ်သံဃနာယကအဖွဲ့(ရွှေကျင်) ဒုတိယဥက္ကဋ္ဌ ပန်းပျိုးလက်ဆရာတော် ဒေါက်တာအရှင်ပညောဘာသက တစ်ပါးလျှင် ခရီးစရိတ်နဝကမ္မအလှူ တစ်သိန်းကျပ်စီကို ကပ္ပိယကာရကများထံ လှူဒါန်းပေးခြင်း၊ ကိုပြည့်စုံဝင်း + မချစ်စုလွင် မိသားစုက "မချစ်စုလွင်၏ ၄၁ နှစ်ပြည့် မွေးနေ့မင်္ဂလာ အထိမ်းအမှတ်အဖြစ်" ဆွမ်းဆက်ကပ်လှူဒါန်းခြင်း၊ ဦးကျော်စိုးသန့် + ဒေါ်ခင်အေးမော် - ဂုဏ်သီရိပုံနှိပ်တိုက် မိသားစုက "တိပိဋကဓရ ဓမ္မဘဏ္ဍာဂါရိက ယောဆရာတော်တော်ဘုရားကြီး၏ သီမာသင်္ကရဝိနိစ္ဆယနှင့် ဘိက္ခုနီဝိနိစ္ဆယ"စာအုပ်ကို ဓမ္မဒါနပြုလှူဒါန်းခြင်း စသည့် ကောင်းမှုကုသိုလ်များကိုလည်း ပြုလုပ်ခဲ့ကြပါသည်။

ပန်းပျိုးလက်တွင် ကုသိုလ်ဖြစ် မျက်စိစမ်းသပ်ခြင်းနှင့် မျက်မှန်ပြုလုပ်ပေးခြင်း ဆောင်ရွက်.....................................
06/08/2026

ပန်းပျိုးလက်တွင် ကုသိုလ်ဖြစ် မျက်စိစမ်းသပ်ခြင်းနှင့် မျက်မှန်ပြုလုပ်ပေးခြင်း ဆောင်ရွက်......................................................................
ကျောက်တန်း၊ သြဂုတ် (၂)။
- ပန်းပျိုးလက်ဆရာတော် ဒေါက်တာအရှင်ပညောသ၏ ဦးဆောင်စီစဥ်ပံ့ပိုးမှုဖြင့် ကျောက်တန်း​ကျေးရွာအုပ်စု ဒေသခံများအား ပထမအကြိမ် ကုသိုလ်ဖြစ် မျက်စိစမ်းသပ်ခြင်းနှင့် မျက်မှန်ပြုလုပ်ပေးခြင်းတို့ကို ဆောင်ရွက်ခဲ့ကြပါသည်။

- ဝေဠုဝန်စာသင်တိုက် ပန်းပျိုးလက်ဘုန်းတော်ကြီးသင် ပညာရေးပရဟိတကျောင်း၌ ပြီးခဲ့သည့် ဇူလိုင် (၂၆) ရက်နေ့တွင် မျက်မှန်ပညာရှင်များက လာရောက် မျက်စိစမ်းသပ်ပေးခြင်းများ ပြုလုပ်ခဲ့ပြီး၊ ယခု သြဂုတ်လ (၂) ရက်တွင် စမ်းသပ်ချက်အရ မျက်မှန်ပြုလုပ်ရန် လိုအပ်သည့် ကျောက်တန်းကျေးရွာအုပ်စု ဒေသခံ (၁၁၀)တို့အား မျက်မှန်များ ပြုလုပ်ပေးအပ်လှူဒါန်းခဲ့ခြင်း ဖြစ်ပါသည်။

- ဤသို့ကုသိုလ်ဖြစ် မျက်စိစမ်းသပ်ခြင်းနှင့် မျက်မှန်ပြုလုပ်ပေးခြင်းတို့ကို ရန်ကုန်မြို့ရှိ ငါးလုပ်ငန်းရှင် မိသားစုများ၊ DAS Family Group၊ ကိုကျော်စိုးဦးနှင့် မိတ်ဆွေသူငယ်ချင်းများက စုပေါင်းစီစဥ် ကုသိုလ်ဒါနပြုခဲ့ကြခြင်း ဖြစ်ပါသည်။

- ယခုကုသိုလ်ဖြစ် မျက်စိစမ်းသပ်ခြင်းနှင့် မျက်မှန်ပြုလုပ်ပေးခြင်းသည် ပထမအကြိမ်ဖြစ်ပြီး၊ နောက်ပိုင်းတွင်လည်း (၆) လတစ်ကြိမ် ဆောင်ရွက်ကုသိုလ်ဒါနပြုလုပ်သွားမည် ဖြစ်ပါသည်။

ပန်းပျိုးလက်မိုးရာသီသစ်ပင်စိုက်ပျိုးမှု၂၀၂၆ ခုနှစ် - မှတ်တမ်း (၉)(ရွှေအိုးဆေးဆိုင်များ ဓမ္မမိသားစု)........................
03/08/2026

ပန်းပျိုးလက်မိုးရာသီသစ်ပင်စိုက်ပျိုးမှု
၂၀၂၆ ခုနှစ် - မှတ်တမ်း (၉)
(ရွှေအိုးဆေးဆိုင်များ ဓမ္မမိသားစု)....................................................................
ကျောက်တန်း၊ သြဂုတ် (၁)။

- ပန်းပျိုးလက်ဆရာတော် ဒေါက်တာအရှင်ပညောဘာသ၏ ဦးဆောင်စီစဉ်ပံ့ပိုးမှုဖြင့် ရွှေအိုးဆေးဆိုင်များ ဓမ္မမိသားစု ဝန်ထမ်းသည် ယခုသြဂုတ်လ (၁) ရက်နေ့တွင် မိုးရာသီသစ်ပင်စိုက်ပျိုးမှုအဖြစ် ပန်းပျိုးလက် သစ်ပင်စိုက်ကွက်အတွင်း အကေးရှားမျိုး အပင် (၁,၀၀၀) ကို စိုက်ပျိုးခဲ့ကြပါသည်။

ပန်းပျိုးလက်တွင် ဓာတ်မှန်ဆရာဝန်ကြီးများမှUSG နှင့် X'ray ရိုက်ကူးပေးပြီး ကျန်းမာရေးစောင့်ရှောက်မှု ပြုလုပ်.................
03/08/2026

ပန်းပျိုးလက်တွင် ဓာတ်မှန်ဆရာဝန်ကြီးများမှ
USG နှင့် X'ray ရိုက်ကူးပေးပြီး ကျန်းမာရေးစောင့်ရှောက်မှု ပြုလုပ်...................................................................
ကျောက်တန်း၊ ဇူလိုင် (၂၉)။

- ပန်းပျိုးလက်ဆရာတော် ဒေါက်တာအရှင်ပညောဘာသ၏ ဦးဆောင်စီစဥ်ပံ့ပိုးမှုဖြင့် ရန်ကုန်မြို့မှ ဓာတ်မှန်ဆရာဝန်ကြီးများက ကျောက်တန်းကျေးရွာအုပ်စု ဒေသခံများအား ဓာတ်မှန်ရိုက်ကူးခြင်းနှင့် ကျန်းမာရေးစောင့်ရှောက်မှုပြုလုပ်ပေးခြင်းတို့ကို ပြီးခဲ့သည့် ဇူလိုင်လ (၂၉)ရက်နေ့က ဝေဠုဝန်စာသင်တိုက် ပန်းပျိုးလက်ဘုန်းတော်ကြီးသင် ပညာရေးပရဟိတကျောင်းတွက် ဆောင်ရွက်ပေးခဲ့ကြပါသည်။

‎-ဓါတ်မှန်ဆရာဝန်ကြီးများဖြစ်ကြသော ဒေါက်တာဒေါ်‎​အိခိုင်ထွေး(မြောက်ဥက္ကလာပဆေးရုံကြီး၊ ဒေါက်တာဒေါ်‎အိအိခိုင်(အရိုးအထူးကုဆေးရုံ-ကြည့်မြင်တိုင်)တို့ဦးဆောင်သော ဓါတ်မှန်ဆရာဝန်များ၊ ဆရာ/ဆရာမများသည် ကျောက်တန်းဒေသခံ လူနာ (၁၁၆)ဦးတို့အား USG နှင့် X'ray( CXR, Cervical& Lumbar Spine, Shoulder , knee, Elbow, Ankle,Pelvis) ရိုက်ကူးပေးခြင်းနှင့် ကျန်းမာရေးစောင့်ရှောက်မှု ကုသိုလ်ပြုခြင်းတို့အား ဆောင်ရွက်ပေးခဲ့ခြင်း ဖြစ်ပါသည်။

- ယင်းသို့ ဓာတ်မှန်ရိုက်ကူးခြင်းနှင့် ကျန်းမာရေးစောင့်ရှောက်မှုပြုလုပ်ပေးနိုင်ရန် လိုအပ်သော ခေတ်မီစက်ပစ္စည်းသစ်ကြီးများကို Sea Lion Company မှ ပံ့ပိုးကူညီတပ်ဆင် ပါဝင်ကုသိုလ်ပြုခဲ့ကြပါသည်။
‎
‎

ပန်းပျိုးလက်မိုးရာသီသစ်ပင်စိုက်ပျိုးမှု၂၀၂၆ ခုနှစ် - မှတ်တမ်း (၇)(PEB Steel Myanmar Limited)...............................
02/08/2026

ပန်းပျိုးလက်မိုးရာသီသစ်ပင်စိုက်ပျိုးမှု
၂၀၂၆ ခုနှစ် - မှတ်တမ်း (၇)
(PEB Steel Myanmar Limited)....................................................................
ကျောက်တန်း၊ ဇူလိုင် (၂၉)။

- ပန်းပျိုးလက်ဆရာတော် ဒေါက်တာအရှင်ပညောဘာသ၏ ဦးဆောင်စီစဉ်ပံ့ပိုးမှုဖြင့် PEB Steel Myanmar Limited ဝန်ထမ်းမိသားစုများသည် ယခုဇူလိုင်လ (၂၉) ရက်နေ့တွင် မိုးရာသီသစ်ပင်စိုက်ပျိုးမှုအဖြစ် ပန်းပျိုးလက် ရတနာကန်သစ်ပင်စိုက်ကွက်အတွင်း အကေးရှားမျိုး အပင် (၅၀၀) ကို စိုက်ပျိုးခဲ့ကြပါသည်။

ပန်းပျိုးလက်မိုးရာသီသစ်ပင်စိုက်ပျိုးမှု၂၀၂၆ ခုနှစ် - မှတ်တမ်း (၈)( i - engineering myanmar)................................
02/08/2026

ပန်းပျိုးလက်မိုးရာသီသစ်ပင်စိုက်ပျိုးမှု
၂၀၂၆ ခုနှစ် - မှတ်တမ်း (၈)
( i - engineering myanmar)....................................................................
ကျောက်တန်း၊ ဇူလိုင် (၃၀)။

- ပန်းပျိုးလက်ဆရာတော် ဒေါက်တာအရှင်ပညောဘာသ၏ ဦးဆောင်စီစဉ်ပံ့ပိုးမှုဖြင့် i - engineering myanmar အဖွဲ့ဝင်များသည် ယခုဇူလိုင်လ (၃၀) ရက်နေ့တွင် မိုးရာသီသစ်ပင်စိုက်ပျိုးမှုအဖြစ် ပန်းပျိုးလက် ရတနာကန်သစ်ပင်စိုက်ကွက်အတွင်း အကေးရှားမျိုး အပင် (၅၀၀) ကို စိုက်ပျိုးခဲ့ကြပါသည်။

ပန်းပျိုးလက်တွင် ပဲခူးတိုင်းရင်းဆေးမှ ကွင်းဆင်းကုသပေး......................................................................
01/08/2026

ပန်းပျိုးလက်တွင် ပဲခူးတိုင်းရင်းဆေးမှ ကွင်းဆင်းကုသပေး.......................................................................
ကျောက်တန်း၊ ဇူလိုင် (၁၉)။

- ပန်းပျိုးလက်ဆရာတော် ဒေါက်တာအရှင်ပညောဘာသ၏ စီစဥ်ပံ့ပိုးမှုဖြင့် ပဲခူးတိုင်းဒေသကြီး တိုင်းရင်းဆေးပညာဦးစီးဌာန၊ တိုင်းဦးစီးမှူး ဒေါ်သိန်းသန်းဦးနှင့် ဆေးရုံအုပ်ကြီး ဦးအောင်စိုးလွင်(သမားတော်ကြီး)တို့ ဦးဆောင်သော တိုင်းရင်းဆေးပညာဦးစီးဌာန၊ ကုတင်(၅၀)ဆန့် တိုင်းရင်းဆေးရုံကြီး - မှ တိုင်းရင်းဆေးပညာသမားတော်ကြီးများ၊ ဆရာ/ဆရာမများသည် ဝေဠုဝန်စာသင်တိုက် ပန်းပျိုးလက်ဘုန်းတော်ကြီးသင် ပညာရေးပရဟိတကျောင်းတွင် ကျောက်တန်းကျေးရွာအုပ်စု ဒေသခံ လူနာ (၂၂၀)ဦးအား ကျန်းမာရေးအသိပညာပေး ဟောပြောခြင်း၊ ကျန်းမာရေးစောင့်ရှောက်ကုသခြင်း၊ တိုင်းရင်းဆေးဝါးများ အခမဲ့ဖြန့်ဝေခြင်းတို့ကို ပြီးခဲ့သည့် ဇူလိုင်လ (၁၉) ရက်နေ့က ပြုလုပ်ဆောင်ရွက် ကုသိုလ်ပြုခဲ့ကြပါသည်။

-ယင်းကွင်းဆင်းကုသမှုတွင် ပဲခူးတိုင်းဒေသကြီး မြန်မာနိုင်ငံတိုင်းရင်းဆေးဆရာအသင်းခွဲနှင့် ဒေဝယက္ခတိုင်းရင်းဆေးဝါးထုတ်လုပ်ရေး လုပ်ငန်းတို့မှလည်း ပူးပေါင်းပါဝင် ကုသိုလ်ပြုခဲ့ကြပါသည်။

ပန်းပျိုးလက်မိုးရာသီသစ်ပင်စိုက်ပျိုးမှု၂၀၂၆ ခုနှစ် - မှတ်တမ်း (၆)(FIRST NATIONAL INSURANCE)................................
30/07/2026

ပန်းပျိုးလက်မိုးရာသီသစ်ပင်စိုက်ပျိုးမှု
၂၀၂၆ ခုနှစ် - မှတ်တမ်း (၆)
(FIRST NATIONAL INSURANCE)....................................................................
ကျောက်တန်း၊ ဇူလိုင် (၁၈)။

- ပန်းပျိုးလက်ဆရာတော် ဒေါက်တာအရှင်ပညောဘာသ၏ ဦးဆောင်စီစဉ်ပံ့ပိုးမှုဖြင့် FIRST NATIONAL INSURANCE ဝန်ထမ်းမိသာစုများသည် ယခုဇူလိုင်လ (၁၈) ရက်နေ့တွင် မိုးရာသီသစ်ပင်စိုက်ပျိုးမှုအဖြစ် ပန်းပျိုးလက် သစ်ပင်စိုက်ကွက်အတွင်း အကေးရှားမျိုး အပင်များကို စိုက်ပျိုးခဲ့ကြပါသည်။

ပန်းပျိုးလက်မိုးရာသီသစ်ပင်စိုက်ပျိုးမှု၂၀၂၆ ခုနှစ် - မှတ်တမ်း (၅)(AYA Bank)................................................
20/07/2026

ပန်းပျိုးလက်မိုးရာသီသစ်ပင်စိုက်ပျိုးမှု
၂၀၂၆ ခုနှစ် - မှတ်တမ်း (၅)
(AYA Bank)....................................................................
ကျောက်တန်း၊ ဇူလိုင် (၁၇)။

- ပန်းပျိုးလက်ဆရာတော် ဒေါက်တာအရှင်ပညောဘာသ၏ ဦးဆောင်စီစဉ်ပံ့ပိုးမှုဖြင့် AYA Bank ဒုတိယဥက္ကဋ္ဌ ဦးမြင့်ဇော် ဦးဆောင်သော ဘဏ်ဝန်ထမ်းမိသာစုများ(၂၅၀ ဦးခန့်)သည် ယခုဇူလိုင်လ (၁၇) ရက်နေ့တွင် မိုးရာသီသစ်ပင်စိုက်ပျိုးမှုအဖြစ် ပန်းပျိုးလက် ရတနာကန်သစ်ပင်စိုက်ကွက်အတွင်း အကေးရှားမျိုး အပင် (၆၀၀) ကို စိုက်ပျိုးခဲ့ကြပါသည်။

Address

Kyaunk-tan Village
Bago

Website

Alerts

Be the first to know and let us send you an email when Pann Pyo Let - ပန်းပျိုးလက် posts news and promotions. Your email address will not be used for any other purpose, and you can unsubscribe at any time.

Shortcuts

Share

Category