https://www.facebook.com/886658854532496/

Pann Pyo Let - ပန်းပျိုးလက်, Kyaunk-tan Village, Bago (2026)

22/04/2026

လူငယ်ဘက်စုံ ဖွံ့ဖြိုးမှုသင်တန်း ဖွင့်လှစ်......................................................

- ပန်းပျိုးလက်ဆရာတော်၊ အောင်မြေဘုံစံဆရာတော်နှင့် ဓမ္မရောင်ခြည်ဓမ္မဒါနဖောင်ဒေးရှင်းတို့ ပူးပေါင်းစီစဥ်ကျင်းပသော လူငယ်ဘက်စုံဖွံ့ဖြိုးမှုသင်တန်းကို (၂၀၂၆ ခုနှစ်၊ ဧပြီလ - ၂၃ရက်) မှ (၂၀၂၆ ခုနှစ်၊ မေလ - ၂၁ ရက်) အထိ ဝေဠုဝန်စာသင်တိုက် ပန်းပျိုးလက်ဘုန်းတော်ကြီးသင် ပညာရေးပရဟိတကျောင်းတွင် တစ်လတာဖွင့်လှစ်သွားမည် ဖြစ်ပါသည်။

- သင်ကြားမည့်ဘာသာရပ်များမှာ ရုံးလုပ်ငန်းသုံး ကွန်ပျူတာပညာရပ်၊ အင်္ဂလိပ်စာ အရေး, အဖတ်, အပြော ၊ ကိုယ်ရည်ကိုယ်သွေးမြှင့်တင်ခြင်း ၊ ခေါင်းဆောင်မှုနှင့် အထွေထွေဗဟုသုတ၊ ယဥ်ကျေးလိမ္မာ စသည်တို့ ဖြစ်ပါသည်။

22/04/2026

ပန်းပျိုးလက်၏ (၂၂)ကြိမ်မြောက် သင်္ကြန်တွင်းတရားစခန်း
အောင်မြင်စွာ ကျင်းပပြီးစီး...........................................................
- ဝေဠုဝန်စာသင်တိုက် ပန်းပျိုးလက်ဘုန်းတော်ကြီးသင် ပညာရေးပရဟိတကျောင်း၏ (၂၂)ကြိမ်မြောက် သင်္ကြန်တွင်းတရားစခန်း အောင်မြင်စွာကျင်းပပြီးစီးခြင်း စခန်းသိမ်းအောင်ပွဲဲအခမ်းအနားကို ၂၀၂၆ ခုနှစ်၊ ဧပြီလ (၁၈) ရက်နေ့က ပန်းပျိုးလက်ကျောင်းအတွင်းရှိ သဒ္ဓမ္မဇောတိကဓမ္မာရုံံတော်ကြီးအတွင်း ဆင်ယင်ပြုလုပ်ခဲ့ပါသည်။

- အခမ်းအနားတွင်-
- ပဏ္ဍိတာရာမ ရွှေတောင်ကုန်းသာသနာ့ရိပ်သာများ၏ မဟာနာယက ကော်ချဲဆရာတော်ဘုရားကြီးက သီလပေးသြဝါဒကထာများ မိန့်ဆိုဟောကြားတော်မူခြင်း၊
-ပန်းပျိုးလက်ဆရာတော် ဒေါက်တာအရှင်ပညောဘာသက သြဝါဒတရားတော် ချီးမြှင့်ဟောကြားခြင်း၊
-ပဏ္ဍိတာရာမ ရွှေတောင်ကုန်းတောစခန်းရိပ်သာ၏ ဝန်ဆောင်ဆရာတော် ကမ္မဋ္ဌာနာစရိယ အရှင်အာစာရာလင်္ကာရမှ ဩဝါဒမိမိန့်ကြားခြင်း၊
- ကမ္မဋ္ဌာနာစရိယဆရာတော်များအား တရားစခန်းဝင်ယောဂီများမှ ဓမ္မပူဇာများ ဆက်ကပ်လှူဒါန်းခြင်း၊
-ပန်းပျိုးလက်ဆရာတော်၏ စံကျောင်းတော်ဆောက်လုပ်နေမှုအတွက် တရားစခန်းဝင်ယောဂီများဖြစ်ကြသော ဦးအောင်ဆန်းဦး+ဒေါ်ကျော့မိုးဝါ (မိုးမြင့်ကိုကုမ္ပဏီ - မိသားစု)တို့က ငွေကျပ်သိန်းတစ်ထောင် ဆက်ကပ်လှူဒါန်းခြင်း၊
-ပန်းပျိုးလက်ဆရာတော်၏ သာသနာပြု ပရဟိတလုပ်ငန်းများတွင် သုံးစွဲရန် တရားစခန်းဝင်ယောဂီ ဒေါက်တာဒေါ်နီလာထွန်း (ပါမောက္ခ-ငြိမ်း) မိသားစုမှ နဝကမ္မအလှူတော် ငွေကျပ်သိန်းသုံးဆယ် ဆက်ကပ်လှူဒါန်းခြင်း၊
-ယောဂီများမှ ဝမ်းမြောက်ပီတိစကား လျှောက်ကြားခြင်း၊
-ဒေါက်တာဒေါ်နီလာထွန်း (ပါမောက္ခ-ငြိမ်း) မိသားစုမှ တရားစခန်းဝင် ယောဂီများ, ဝေယျာဝစ္စကုသိုလ်ရှင်များ, ဧည့်သည်တော်များအား ဘုရားဆင်းတုတော် အဆူ (၅၀)ကို မဲဖောက်လှူဒါန်း ကုသိုလ်ပြုခြင်း၊
-တရားစခန်းကာလအတွင်း ပန်းပျိုးလက်ဆရာတော်အမှူးပြု၍ ဒါယကာ/ဒါယိကာမ အလှူရှင်များ၏ ဆွမ်းစရိတ်နှင့် အထွေထွေကုန်ကျမှု စုစုပေါင်း ကျပ်သိန်း နှစ်ရာငါးဆယ်ဝန်းကျင် ကုသိုလ်ဒါနပြုမှုအပါအဝင် ဓမ္မဒါနကုသိုလ်ကောင်းမှုအစုစုတို့အတွက် ရေစက်သွန်းချ အမျှပေးဝေခြင်းတို့ကို ပြုလုပ်ဆောင်ရွက်ခဲ့ကြပါသည်။

- နှစ်စဥ်ကျင်းပမြဲဖြစ်သော ပန်းပျိုးလက်သင်္ကြန်တွင်းတရားစခန်းကို (၂၂) ကြိမ်မြောက် အဖြစ် ယခုနှစ်တွင်လည်း ဧပြီလ (၁၁) ရက်မှ (၁၈) ရက်နေ့အထိ ကျင်းပပြုလုပ်ခဲ့ခြင်းဖြစ်ပါသည်။ ယခုနှစ် တရားစခန်းတွင် ရဟန်း၊ သိက္ခာရှင်နှင့် လူပုဂ္ဂိုလ်ယောဂီ စုစုပေါင်း (၁၀၀) ကျော်တို့ တရားဘာဝနာပွားများ ကုသိုလ်ပြုခဲ့ကြပါသည်။

21/04/2026

ကာဒီနယ်လ်ချားလ်ဘို၏ ရဟန်းဖြစ်နှစ် (၅၀)ပြည့်- ရွှေရတုအခမ်းအနားသို့
ပန်းပျိုးလက်ဆရာတော် တက်ရောက်....................................................................

- ကက်သလစ်သာသနာတော်၏ ရန်ကုန်သာသနာတော်ဆိုင်ရာဂိုဏ်းချုပ် ကာဒီနယ်လ်ချားလ်ဘို (His Eminence Cardinal Charles Maung Bo, S.D.B.)၏ ရဟန်းဖြစ်ခြင်းနှစ် (၅၀) ပြည့် - ရွှေရတုအခမ်းအနားကို ရန်ကုန်မြို့ရှိ Lotte Hotel တွင် ဧပြီလ (၁၀)ရက်က ကျင်းပပြုလုပ်ခဲ့ရာ ကာဒီနယ်လ်၏ ဖိတ်ကြားချက်အရ ပန်းပျိုးလက်ဆရာတော် ဒေါက်တာအရှင်ပညောဘာသ တက်ရောက် ဂုဏ်ပြုခဲ့ပါသည်။

- ကာဒီနယ်လ်ချားလ်ဘို၏ ရဟန်းဖြစ်ခြင်း နှစ်(၅၀) ပြည့် - ရွှေရတုအထိမ်းအမှတ်အဖြစ် ပန်းပျိုးလက်ဆရာတော် ဒေါက်တာအရှင်ပညောဘာသ,က မြန်မာမှုသစ်ထွင်းပန်းချီကားချပ်ကိုလည်း ဂုဏ်ပြုလက်ဆောင်အဖြစ် ပေးအပ်ခဲ့ပါသည်။

- ကာဒီနယ်လ်ချားလ်ဘိုသည် ကက်သလစ်သာသနာတော်တွင် မြန်မာလူမျိုးများအနက် ပထမဆုံးသော ဗာတီကန်နန်းတော်ရှိ ပုပ်ရဟန်းမင်းကြီးကို ရွေးချယ်တင်မြှောက်နိုင်သည့် အရည်အချင်းရှိသည့် ကက်သလစ်သာသနာတော်၏ အမြင့်ဆုံး ဘွဲ့ထူးဂုဏ်ထူးရှင်အဖြစ် ချီးမြှင့်ပေးအပ်ခြင်း ခံထားရသူ ဖြစ်ပါသည်။ ရန်ကုန်ဂိုဏ်းချုပ်သာသနာ၏ ဂိုဏ်းချုပ်ဆရာတော် (Archbishop) အဖြစ် တာဝန်ယူထားသလို၊ အာရှတစ်ဝှမ်းလုံးရှိ ကက်သလစ်ဆရာတော်ကြီးများအဖွဲ့ချုပ်၏ ဥက္ကဋ္ဌ (President) အဖြစ်လည်း တာဝန်ထမ်းဆောင်လျက်ရှိပါသည်။

- ကာဒီနယ်လ်ချားလ်ဘိုသည် ယခုအခါ အသက် (၇၈)နှစ်ဝန်းကျင်ရှိပြီ ဖြစ်ပါသည်။ ကက်သလစ်သာသနာတော်၏ ထုံးတမ်းစဉ်လာအရ ဆရာတော်ကြီးများသည် အသက် ၇၅ နှစ်ပြည့်လျှင် အနားယူခွင့် လျှောက်ထားလေ့ရှိသော်လည်း ကာဒီနယ်လ်ချားလ်ဘိုသည် ပုပ်ရဟန်းမင်းကြီး၏ သဘောတူညီချက်ဖြင့် တာဝန်များကို ဆက်လက်ထမ်းဆောင်နေခြင်း ဖြစ်ပါသည်။

- ပြီးခဲ့သည့် ၂၀၂၅ ခုနှစ်၊ ဇူလိုင်လကပင် Religions For Peace (RFP) ငြိမ်းချမ်းမေတ္တာအဖွဲ့မှ ဦးဆောင်၍ ဂျပန်နိုင်ငံ၊ တိုကျိုမြို့ Prince Hotel တွင် ကျင်းပပြုလုပ်ခဲ့သော "စစ်ပွဲများ၏တစ်ဖက် အမျိုးသားပြန်လည်ရင်ကြားစေ့ရေးအတွက် ဘာသာရေးခေါင်းဆောင်များ၏ စကားဝိုင်းဆွေးနွေးပွဲ"၌ ကက်သလစ်ခရစ်ယာန်ဘာသာရေးခေါင်းဆောင်အနေဖြင့် ကာဒီနယ်လ်ချားလ်ဘိုသည်လည်းကောင်း၊ ဗုဒ္ဓဘာသာခေါင်းဆောင်အနေဖြင့် ပန်းပျိုးလက်ဆရာတော်သည်လည်းကောင်း အတူတကွ တက်ရောက်ဆွေးနွေးခဲ့ကြပါသည်။ ထို့ပြင် ကာဒီနယ်လ်ချားလ်ဘိုနှင့် ပန်းပျိုးလက်ဆရာတော်တို့သည် နိုင်ငံတွင်း ဘာသာပေါင်းစုံချစ်ကြည်ရေး၊ ငြိမ်းချမ်းရေးနှင့် လူသားချင်းစာနာထောက်ထားမှုဆိုင်ရာကိစ္စရပ်များတွင်လည်း အတူတကွလက်တွဲဲဆောင်ရွက်မှုများ ပြုလုပ်လျက်ရှိသည်။

04/04/2026

ပန်းပျိုးလက်၏ နွေရာသီ အင်္ဂလိပ်စာနှင့် ကွန်ပျူတာသင်တန်း
ကျောင်းသား/သူ (၇၀) ကျော်တက်ရောက်သင်ကြား ..........................................................................................................
- ဝေဠုဝန်စာသင်တိုက် ပန်းပျိုးလက်ဘုန်းတော်ကြီးသင် ပညာရေးပရဟိတကျောင်းတိုက်တွင် ဖွင့်လှစ်သင်ကြားသော
နွေရာသီ တစ်လတာ အင်္ဂလိပ်စာနှင့် ကွန်ပျူတာသင်တန်းတွင် ကျောင်းသား/ကျောင်းသူပေါင်း (၇၀) ကျော် တက်ရောက် သင်ကြားခဲ့ကြပြီး သင်တန်းဆင်းပွဲ အခမ်းအနားကို ပြီးခဲ့သည့် ဧပြီလ (၁) ရက်က ပန်းပျိုးလက်ကျောင်းရှိ စုပေါင်းကျောင်းဆောင်တွင် ကျင်းပပြုလုပ်ခဲ့ကြပါသည်။

- ယင်းသင်တန်းကို ပန်းပျိုးလက်ဆရာတော်နှင့် စင်ကာပူအခြေစိုက်ပညာရေးပရဟိတအဖွဲ့တစ်ဖွဲ့ဖြစ်သော ရန်ကုန်မြို့ရှိ ပညာစမ်းရေအဖွဲ့တို့ ပူးပေါင်းပြုလုပ်ခဲ့ကြခြင်း ဖြစ်ပါသည်။ သင်တန်းကို ပညာစမ်းရေအဖွဲ့မှ ဆရာ/ဆရာမ (၆) ဦးတို့က ကြီးကြပ်သင်ကြားပေးခဲ့ကြပြီး၊ G -(5) မှ G (12) အထိ ပညာသင်ကြားနေကြသော ရှင်သာမဏေများ၊ သိက္ခာရှင်ဆရာလေးများ၊ ကယားပြည်နယ်မှ ပန်းပျိုးလက်သို့ သင်တန်းကာလ ကျောင်းအိပ်ကျောင်းစားလာရောက်သင်ကြားကြသည့် ကျောင်းသား/ကျောင်းသများ၊ ပန်းပျိုးလက်ဘုန်းတော်ကြီးသင်ပညာရေးကျောင်းမှ ကျောင်းသား/ ကျောင်းသူများ အသီးသီးတို့က သက်ဆိုင်ရာသင်ခန်းစာတို့ကို တစ်လတာသင်ယူခဲ့ကြခြင်း ဖြစ်ပါသည်။

- သင်တန်းအောင်မြင်သူ ကျောင်းသား/ကျောင်းသူများကို ဧပြီလ (၁) ရက်နေ့က ပန်းပျိုးလက်ဆရာတော်ဦးဆောင်၍ သင်တန်းဆင်းပွဲပြုလုပ်ကာ သင်တန်းဆင်းလက်မှတ်နှင့် သင်တန်းအောင်အမှတ်တရဆုများ ပေးအပ်ခဲ့ကြပါသည်။

03/04/2026

ပန်းပျိုးလက် သင်္ကြန်တွင်းအထူးတရားစခန်း
ဧပြီ (၁၁) ရက် စတင်မည်.....................................................................
ကျောက်တန်း၊ ဧပြီ (၃)။

ဝေဠုဝန်စာသင်တိုက်၊ ပန်းပျိုးလက်ဘုန်းတော်ကြီးသင်ပညာရေး ပရဟိတကျောင်းတိုက်တွင် နှစ်စဥ်ကျင်းပပြုလုပ်မြဲ ဖြစ်သော သင်္ကြန်တွင်းအထူးတရားစခန်းကို (၂၂) ကြိမ်မြောက်အဖြစ် -

✍ မြန်မာနှစ် ၁၃၈၇ ခုနှစ်၊နှောင်းတန်ခူးလဆုတ် (၁၀)ရက် ( ခရစ်နှစ် ၂၀၂၆ ခုနှစ်၊ ဧပြီလ (၁၁) ရက်)၊ စနေနေ့ စတင်ကာ -

✍ မြန်မာနှစ် ၁၃၈၈ ခုနှစ်၊ ကဆုန်လဆန်း (၃) ရက် ( ခရစ်နှစ် ၂၀၂၆ ခုနှစ်၊ ဧပြီလ (၁၈) ရက်)၊ စ‌နေနေ့အထိ ဖွင့်လှစ်သွားမည်ဖြစ်သည်။

- ဆက်သွယ်ရန် - ၀၉၉၄၆၅၆၅၆၂၂

12/02/2026

မဟာဗောဓိဂိုဏ်းချုပ်ဆရာတော်ဘုရားကြီးနှင့် တွဲဖက်ဂိုဏ်းချုပ်ဆရာတော်ဘုရားကြီးတို့အား
ဘွဲ့ပုံလက်မှတ်နှင့် ဘွဲ့စည်းတံဆိပ်များ ဆက်ကပ်ပူဇော်............................................................................................................................................
ကျောက်တန်း၊ ဖေဖော်ဝါရီ (၁၁)။

- ရွှေကျင်နိကာယ မဟာဗောဓိဂိုဏ်းချုပ် အပြည်ပြည်ဆိုင်ရာပဏ္ဍိတာရာမ ရွှေတောာင်ကုန်းသာသနာ့ရိပ်သာများ၏ မဟာနာယက ကော့ချဲဆရာတော်ဘုရားကြီး ဘဒ္ဒန္တဝိဇ္ဇောတအရှင်သူမြတ်နှင့် တွဲဖက်ဂိုဏ်းချုပ် ဗြူးကုန်းတောရစာသင်တိုက် ပဓာနနာယကဆရာတော်ဘုရားကြီး ဘဒ္ဒန္တကဝိသေဋ္ဌအရှင်သူမြတ်တို့အား ဂိုဏ်းဝင်သံဃာတော်များက ဂိုဏ်းချုပ်နှင့် တွဲဖက်ဂိုဏ်းချုပ် ဘွဲ့ပုံလက်မှတ်၊ ဘွဲ့စည်းတံဆိပ်များ၊ လှူဖွယ်ဝတ္ထုအစုစုများကို ယနေ့ (၁၁. ၂. ၂၀၂၆)၊ ၁၃၈၇ - ခု၊ တပို့တွဲလပြည့်ကျော် (၁၀) ရက်၊ ဗုဒ္ဓဟူးနေ့တွင် ဆက်ကပ်ပူဇော်ကြပါသည်။

- ပန်းပျိုးလက်ဆရာတော် ဒေါက်တာပညောဘာသ၏ တာဝန်ယူ စီစဉ်ဆောင်ရွက်မှုဖြင့် ဘွဲ့ပုံလက်မှတ်၊ ဘွဲ့စည်းတံဆိပ်တော်များကို ဝေဠုဝန်စာသင်တိုက် ပန်းပျိုးလက်ဘုန်းတ်ကြီးသင် ပညာရေးပရဟိတကျောင်းတိုက်၌ ကျင်းပပြုလုပ်လျက်ရှိသော (၇၉) ကြိမ်မြောက် ရွှေကျင်နိကာယ မဟာဗောဓိဂိုဏ်းလုံးဆိုင်ရာ ဝိနည်းစာတော်ပြန်ပွဲ သံဃာ့အစည်းအဝေးကြီးတွင် ကပ်လှူပူဇော်ခဲ့ကြခြင်း ဖြစ်ပါသည်။

- ဆရာတော်ဘုရားကြီးများအား ဘွဲ့ပုံလက်မှတ်၊ ဘွဲ့စည်းတံဆိပ်တော် ဆက်ကပ်ပူဇော်ပွဲတွင် ဆရာတော်ဘုရားကြီးနှစ်ပါးအား ဂိုဏ်းဝင်သံဃာတော်များက ပူဇော်ကန်တော့ခြင်း၊ မဟာဗောဓိဂိုဏ်းအုပ် ဒါးပိန်မြို့ ဇောတိကာရုံရွှေကျင်စာသင်တိုက်ဆရာတော် ဒေါက်တာဘဒ္ဒန္တဩဘာသအရှင်သူမြတ်နှင့် မဟာဗောဓိဂိုဏ်းထောက် အင်းစိန်မြို့ အာသောကာရုံရွှေကျင်စာသင်တိုက်ဆရာတော် ဘဒ္ဒန္တနန္ဒသာရအရှင်သူမြတ်တို့မှ ဘွဲ့ပုံလက်မှတ်များ ဆက်ကပ်ခြင်း၊ မဟာဗောဓိဂိုဏ်းအလုပ်အမှုဆောင် ပန်းပျိုးလက်ဆရာတော်ဘုရားနှင့် တပည့်ဒါယကာများက ဘွဲ့စည်းတံဆိပ်များ ဆက်ကပ်ခြင်း၊ အာသောကာရုံရွှေကျင်စာသင်တိုက်ဆရာတော် ဘဒ္ဒန္တနန္ဒသာရက ဂုဏကိတ္တနဂါထာ အမွှန်းတင်ဂုဏ်ပြုလွှာကို ရွတ်ဖတ်ပူဇော်ခြင်း၊ တပည့်ဒါယကာ/ဒါယိကာမများက ဆရာတော်ဘုရားကြီးနှစ်ပါးအား လှူဖွယ်ဝတ္ထု အစုစုတို့ကို ဆက်ကပ်လှူဒါန်းခြင်းတို့ဖြင့် ကျင်းပဆောင်ရွက်ခဲ့ကြပါသည်။

- မဟာဗောဓိဂိုဏ်းချုပ် ကော့ချဲဆရာတော်ဘုရားကြီးသည် သက်တော် (၉၀) နှစ်၊ သိက္ခာတော် (၇၀) ဝါ ရှိတော်မူပြီး ရတ္တညူမဟာနာယကဂုဏ်၊ ဝိနယဂရုကပရိယတ္တိဝိသာရဒပဋိပတ္တိမာမကဂုဏ်၊ ကမ္မဋ္ဌာနာစရိယဂုဏ်၊ ဗဟုဇနမနောဘာဝနီဂရုကာတဗ္ဗဂုဏ်၊ ခမာဇာဂရိဂုဏ်၊ သဒေသနိဇသံဃသမာဒပကဂုဏ်၊ ရွှေကျင်နိကာယမာမကမဟုဿုက္ကဂုဏ်၊ ရွှေကျင်နိကာယမဟာဗောဓိဂဏပါမောက္ခဂုဏ်၊ ဌာနာဌာနကောသလ္လဗာဟုသစ္စဂုဏ်၊ ဂဏဗဟုပကာရဂုဏ်၊ လဇ္ဇီပေသလသိက္ခာကာမ စသောဂုဏ်တို့နှင့် ပြည့်စုံတော်မူသည်ဖြစ်တော်မူခြင်းကို ရည်မှန်း၍ ဂိုဏ်းဝင်သံဃာတော်များက ယခုကဲ့သို့ ဆက်ကပ်ပူဇော်ကြခြင်း ဖြစ်ပါသည်။

- မဟာဗောဓိတွဲဖက်ဂိုဏ်းချုပ် ဗြူးကုန်းတောရဆရာတော်ဘုရားကြီးသည်လည်း သက်တော် (၈၂) နှစ်၊ သိက္ခာတော် (၆၂) ဝါ ရှိတော်မူပြီး ရတ္တညူမဟာနာယကဂုဏ်၊ ဝိနယဂရုကပရိယတ္တိဝိသာရဒဂုဏ်၊ ဒွိပိဋကဓရဓမ္မဘဏ္ဍာဂါရိဂုဏ်၊ ဗဟုဇနမနောဘာဝနီဂရုကာတဗ္ဗဂုဏ်၊ ခမာဇာဂရိဂုဏ်၊ သဒေသနိဇသံဃသမာဒပကဂုဏ်၊ ရွှေကျင်နိကာယမာမကမဟုဿုက္ကဂုဏ်၊ ရွှေကျင်နိကာယမဟာဗောဓိဂဏပါမောက္ခဂုဏ်၊ ဌာနာဌာနကောသလ္လဗာဟုသစ္စဂုဏ်၊ ဂဏဗဟုပကာရဂုဏ်၊ လဇ္ဇီပေသလသိက္ခာကာမ စသောဂုဏ်တို့နှင့် ပြည့်စုံတော်မူသည်ဖြစ်တော်မူခြင်းကို ရည်မှန်း၍ ဂိုဏ်းဝင်သံဃာတော်များက ယခုကဲ့သို့ ဆက်ကပ်ပူဇော်ကြခြင်း ဖြစ်ပါသည်။

12/02/2026

(၇၉) ကြိမ်မြောက် မဟာဗောဓိ ဝိနယစာတော်ပြန်ပွဲကြီး
ပဉ္စမမြောက်နေ့၊ သံဃာတော်များ စာပြန်ဆိုတော်မူကြသည့်နေ့ မှတ်တမ်း..................................................................................................................................
ကျောက်တန်း၊ ဖေဖော်ဝါရီ (၁၁)။

- ယနေ့ ဖေဖော်ဝါရီလ (၁၁) ရက်၊ ၁၃၈၇ ခုနှစ် တပို့တွဲလဆုတ် (၁၀) ရက်၊ (၁၁. ၂. ၂၀၂၆) ဗုဒ္ဓဟူးနေ့သည် (၇၉) ကြိမ်မြောက် ရွှေကျင်နိကာယ မဟာဗောဓိ ဝိနယစာတော်
ပြန်ပွဲနှင့် စာမေးပွဲကြီး ပဉ္စမမြောက်နေ့ ဖြစ်ပါသည်။ ယနေ့တွင် ဝေဠုဝန်စာသင်တိုက် ပန်းပျိုးလက်ဘုန်းတော်ကြီးသင် ပညာရေးပရဟိတကျောင်းရှိ သဒ္ဓမ္မဇောတိကဓဇဓမ္မရုံတော်ကြီးအတွင်း ရဟန်းနှင့် ရှင်သာမေဏ စုစုပေါင်း သံဃာတော် (၂၁၆) ပါး စာပြန်ဆိုတော်မူကြပါသည်။

- ယနေ့ ဖေဖော်ဝါရီ (၁၀) ရက်တွင် စာတော်ပြန်ပွဲကျင်းပရာ ဝေဠုဝန်စာသင်တိုက် ပန်းပျိုးလက်ဘုန်းတော်ကြီးသင် ပညာရေးပရဟိတကျောင်းတိုက်တွင် ကြွရောက် သီတင်းသုံးတော်မူနေကြသော ဆရာတော်ကြီးများနှင့်တကွ သံဃာတော်အရှင်သူမြတ်များ အပါး (၃၀၀) ဝန်းကျင်၊ ဧည့်ပရိတ်သတ်များနှင့် ပန်းပျိုးလက်ပညာရေးကျောင်းရှိ ကျောင်းသား/သူ (၂၀၀) ဝန်းကျင်အတွက် ဆွမ်းအလှူရှင်များအဖြစ် -

အရုဏ်ဆွမ်းနှင့် အာဟာရအလှူရှင် - ဒေါက်တာဝင်းမြင့် + ဒေါက်တာယုယုဝေ (တော်ဝင်ဆေးရုံ - မန္တလေးမြို့)နှင့် မိုးကုတ်တော်ဝင်ဓမ္မမိတ်ဆွေများ ။

နေ့ဆွမ်း၊ အာဟာရနှင့် ရေခဲမုန့်အချိုပွဲအလှူရှင် - ဦးဆန်းဦး + ဒေါ်ခင်စံပယ်ဌေး၊ သား - မောင်ပိုင်ငြိမ်းချမ်း၊ သမီး - မနှိုင်းထက်ရတီ မိသားစု၊ နဝဒေးအိမ်ယာ၊ လှိုင်သာယာမြို့နယ်၊ ရန်ကုန်မြို့။
- တို့မှ ဆက်ကပ်လှူဒါန်း ဒါနကုသိုလ်ပြုကြပါသည်။

- ယနေ့ မဟာဗောဓိဂိုဏ်းချုပ်ဖြစ်တော်မူသော ကော့ချဲဆရာတော်ဘုရားကြီးနှင့် တွဲဖက်ဂိုဏ်းချုပ်ဖြစ်တော်မူသော ဗြူးကုန်းတောရစာသင်တိုက်ဆရာတော်ဘုရားကြီးတို့အား ဂိုဏ်းဝင်သံဃာတော်များက ဂိုဏ်းချုပ်နှင့်တွဲဖက်ဂိုဏ်းချုပ် ဘွဲ့ပုံလက်မှတ်၊ ဘွဲ့စည်းတံဆိပ်များ၊ လှူဖွယ်ဝတ္ထုအစုစုများဖြင့် ဆက်ကပ်လှူဒါန်း ပူဇော်ခဲ့ကြပါသည်။

- ယနေ့ညတွင် စာတော်ပြန်ပွဲနှင့် လွန်တော်မူပြီးသော ဝေဠုဝန်စတုတ္ထဆရာတော်ဘုရားကြီး ဘဒ္ဒန္တဉာဏ၏ သက်တော်ရာပြည့်ပူဇော်ပွဲအထိမ်းအမှတ် အထူးဓမ္မသဘင်၏ တတိယညအဖြစ် -
ဇောတိကာရုံရွှေကျင်စာသင်တိုက် စာချဆရာတော် အရှင်ဇနိန္ဒ (ဓမ္မာစရိယ၊ ဝိနယဝိဒူ)၊ ဒါးပိန်မြို့ - မှ တရားရေအေးအမြိုက်ဆေးကို တိုက်ကျွေးဟောကြားတော်မူပါသည်။

စာတော်ပြန်ပွဲကျင်းပရေးကော်မတီ
- ပန်းပျိုးလက်

11/02/2026

(၇၉) ကြိမ်မြောက် မဟာဗောဓိ ဝိနယစာတော်ပြန်ပွဲအထူးဓမ္မသဘင်တွင်
ကျောက်မဲဆရာတော်ဘုရားကြီး တရားဟောကြားချီးမြှင့်........................................................................................................................
ကျောက်တန်း၊ ဖေဖော်ဝါရီ (၁၀)။

- ဝေဠုဝန်စာသင်တိုက် ပန်းပျိုးလက်ဘုန်းတော်ကြီးသင် ပညာရေးပရဟိတကျောင်းတိုက်တွင် ကျင်းပပြုလုပ်လျက်ရှိသော (၇၉) ကြိမ်မြောက် ရွှေကျင်နိကာယ မဟာဗောဓိ ဝိနယစာတော်ပြန်ပွဲ - စာမေးပွဲကြီးနှင့် လွန်တော်မူပြီးသော ဝေဠုဝန်စတုတ္ထဆရာတော်ဘုရားကြီး ဘဒ္ဒန္တဉာဏ၏ သက်တော်ရာပြည့်ပူဇော်ပွဲကြီး အထိမ်းအမှတ် အထူးဓမ္မသဘင်၏ ဒုတိယညအဖြစ် ယနေ့ဖေဖော်ဝါရီလ (၁၀)ရက်တွင် ကျောက်မဲဆရာတော် ဒေါက်တာဘဒ္ဒန္တစန္ဒနသာရ (နိုင်ငံတော်ဩဝါဒါစရိယ၊ နိုင်ငံတော်သံဃမဟာနာယက - ဒုဥက္ကဋ္ဌ(ငြိမ်း)၊ အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ၊ ပိဋကတ်တစ်ပုံအောင်) ဆရာတော်အရှင်သူမြတ်ကြီးမှ တရားရေအေးအမြိုက်ဆေးကို တိုက်ကျွေးဟောကြားတော်မူပါသည်။

11/02/2026

(၇၉) ကြိမ်မြောက် မဟာဗောဓိ ဝိနယစာတော်ပြန်ပွဲကြီး
စတုတ္ထမြောက်နေ့၊ သံဃာတော်များ စာဖြေဆိုတော်မူကြသည့်နေ့ မှတ်တမ်း..................................................................................................................................
ကျောက်တန်း၊ ဖေဖော်ဝါရီ (၁၀)။

- ယနေ့ ဖေဖော်ဝါရီလ (၁၀) ရက်၊ ၁၃၈၇ ခုနှစ် တပို့တွဲလဆုတ် (၉) ရက်၊ (၁၀. ၂. ၂၀၂၆) အင်္ဂါနေ့သည် (၇၉) ကြိမ်မြောက် ရွှေကျင်နိကာယ မဟာဗောဓိ ဝိနယစာတော်
ပြန်ပွဲနှင့် စာမေးပွဲကြီး စတုတ္ထမြောက်နေ့ဖြစ်ပါသည်။ ယနေ့တွင် ဝေဠုဝန်စာသင်တိုက် ပန်းပျိုးလက်ဘုန်းတော်ကြီးသင် ပညာရေးပရဟိတကျောင်း၊ ရေပြာဥယျာဉ်ရှိ ရွှေမဉ္ဇူခန်းမဆောင်ကြီးအတွင်း ရဟန်းနှင့် ရှင်သာမဏေ စုစုပေါင်း သံဃာတော် (၁၉၆) ပါးတို့ စာဖြေဆိုတော်မူကြပါသည်။

- ယနေ့ ဖေဖော်ဝါရီ (၁၀) ရက်တွင် စာတော်ပြန်ပွဲကျင်းပရာ ဝေဠုဝန်စာသင်တိုက် ပန်းပျိုးလက်ဘုန်းတော်ကြီးသင် ပညာရေးပရဟိတကျောင်းတိုက်တွင် ကြွရောက် သီတင်းသုံးတော်မူနေကြသော ဆရာတော်ကြီးများနှင့်တကွ သံဃာတော်အရှင်သူမြတ်များ အပါး (၃၀၀) ဝန်းကျင်၊ ဧည့်ပရိတ်သတ်များနှင့် ပန်းပျိုးလက်ပညာရေးကျောင်းရှိ ကျောင်းသား/သူ (၂၀၀) ဝန်းကျင်အတွက် ဆွမ်းအလှူရှင်များအဖြစ် -

အရုဏ်ဆွမ်းနှင့် အာဟာရအလှူရှင် -(ဦးတင်အောင်)အား ရည်စူး၍ ဖွားတိုးကြည်၏ "၈၂" ပြည့် မွေးနေ့မင်္ဂလာအဖြစ် သားသမီးမြေးမြစ် မိသားစု၊ ကျောက်တန်းစံပြရွာ၊ ပဲခူးမြို့နယ်။

အကြော်စုံနှင့် အချိုပွဲအလှူရှင် - ဦးစန်းအေး + ဒေါ်သန်းဌေး မိသားစု၊ ကျောက်တန်းစံပြရွာ၊ ပဲခူးမြို့နယ်။

နေ့ဆွမ်းနှင့် အာဟာရအလှူရှင် - (ဒေါ်တင်စိန်) ကွယ်လွန်ခြင်း (၄) နှစ်ပြည့်အား ရည်စူး၍ ဦးတင်လှိုင် မိသားစု၊ မရမ်းကုန်းမြို့နယ်၊ ရန်ကုန်မြို့။

ရေခဲမုန့်အချိုပွဲအလှူရှင်အဖြစ် - ဒေါက်တာဝင်းမြင့် + ဒေါက်တာယုယုဝေ (တော်ဝင်ဆေးရုံ - မန္တလေးမြို့)နှင့် မိုးကုတ်တော်ဝင်ဓမ္မမိတ်ဆွေများ။
တို့မှ ဆက်ကပ်လှူဒါန်း ဒါနပြုကြပါသည်။

- ယနေ့ညတွင် စာတော်ပြန်ပွဲနှင့် လွန်တော်မူပြီးသော ဝေဠုဝန်စတုတ္ထဆရာတော်ဘုရားကြီး ဘဒ္ဒန္တဉာဏ၏ သက်တော်ရာပြည့်ပူဇော်ပွဲအထိမ်းအမှတ် အထူးဓမ္မသဘင်၏ ဒုတိယညအဖြစ် -

ကျောက်မဲဆရာတော် ဒေါက်တာဘဒ္ဒန္တစန္ဒနသာရ (နိုင်ငံတော်ဩဝါဒါစရိယ၊ နိုင်ငံတော်သံဃမဟာနာယက - ဒုဥက္ကဋ္ဌ(ငြိမ်း)၊ အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ၊ ပိဋကတ်တစ်ပုံအောင်) ဆရာတော်အရှင်သူမြတ်ကြီးမှ တရားရေအေးအမြိုက်ဆေးကို တိုက်ကျွေးဟောကြားတော်မူပါသည်။

10/02/2026

သံဃာတော်အရှင်သူမြတ်များ
အကြည်ညိုခံ ပထမနေ့ကြွရောက်...............................................
ကျောက်တန်း၊ ဖေဖော်ဝါရီ (၁၀)။

- (၇၉) ကြိမ်မြောက် ရွှေကျင်နိကာယ မဟာဗောဓိဂိုဏ်းလုံးဆိုင်ရာ ဝိနယစာတော်ပြန်ပွဲ - စာမေးပွဲကြီးအတွင်း မဟာဗောဓိဂိုဏ်းလုံးဆိုင်ရာ အကြီးအကဲဆရာတော်ကြီးများ၊ ဂိုဏ်းဝင်ကျောင်းထိုင်ဆရာတော်များ၊ စာပြန်-စာဖြေသံဃာတော်များ စုစုပေါင်း သံဃာတော်အပါး (၃၀၀)ကျော်ဝန်းကျင်သည် ယနေ့ (၁၀. ၂. ၂၀၂၆)တွင် ကျောက်တန်းစံပြရွာအတွင်းသို့ အကြည်ညိုခံပထမနေ့အဖြစ် ဆွမ်းဆန်စိမ်းအလှူခံ ကြွရောက်တော်မူကြပါသည်။

စာတော်ပြန်ပွဲကျင်းပရေးကော်မတီ
(ပန်းပျိုးလက်)

10/02/2026

(၇၉) ကြိမ်မြောက် မဟာဗောဓိ ဝိနယစာတော်ပြန်ပွဲ
တတိယမြောက်ရက်၊ သံဃာစုံကြွရောက်သည့်နေ့ မှတ်တမ်း......................................................................................................
ကျောက်တန်း၊ ဖေဖော်ဝါရီ (၉) ရက်။

- ယနေ့ ဖေဖော်ဝါရီလ (၉) ရက်၊ ။ ၁၃၈၇ ခုနှစ် တပို့တွဲလဆုတ် (၈) ရက်၊ (၉. ၂. ၂၀၂၆) တနင်္လာနေ့သည် (၇၉) ကြိမ်မြောက် ရွှေကျင်နိကာယ မဟာဗောဓိ ဝိနယစာတော်
ပြန်ပွဲနှင့် စာမေးပွဲကြီး တတိယမြောက်နေ့ဖြစ်ပြီး မဟာဗောဓိဂိုဏ်းအကြီးအကဲဆရာတော်ကြီးများ၊ နာယကဆရာတော်ကြီးများ၊ ဂိုဏ်းဝင်ကျောင်းထိုင်ဆရာတော်များ၊ ပုစ္ဆကဆရာတော်များ၊ စာဖြေစာပြန်သံဃာတော်များ စုစုပေါင်း သံဃာတော်အပါး (၃၀၀) ဝန်းကျင် ကြွရောက်ကြသော နေ့ဖြစ်ပါသည်။

- ယနေ့ ဖေဖော်ဝါရီ (၉) ရက်တွင် စာတော်ပြန်ပွဲကျင်းပရာ ဝေဠုဝန်စာသင်တိုက် ပန်းပျိုးလက်ဘုန်းတော်ကြီးသင် ပညာရေးပရဟိတကျောင်းတိုက်တွင် ကြွရောက် သီတင်းသုံးတော်မူနေကြသော ဆရာတော်ကြီးများနှင့်တကွ သံဃာတော်အရှင်သူမြတ်များ အပါး (၃၀၀) ဝန်းကျင်၊ ဧည့်ပရိတ်သတ်များနှင့် ပန်းပျိုးလက်ပညာရေးကျောင်းရှိ ကျောင်းသား/သူ (၂၀၀) ဝန်းကျင်အတွက် ဆွမ်းအလှူရှင်များအဖြစ် -

အရုဏ်ဆွမ်းနှင့် အာဟာရအလှူရှင် - ဦးဆန်းထွန်းခိုင် + ဒေါ်နုဝါဝါအောင်၊ သမီး - မစောစန္ဒာလင်း (ဘေးမခဆေးဆိုင်) မိသားစု၊ ဒဂုံမြို့သစ်(မြောက်ပိုင်း)မြို့နယ်၊ ရန်ကုန်မြို့။

နေ့ဆွမ်းနှင့် အာဟာရအလှူရှင် - (ဦးဌေးမောင်) + မယ်တော်ကြီးဒေါ်ငွေသန်း၊ သားသမီးမြေးမြစ် (မုံရွာဘုတ်ဆုံစတီးလ်) မိသားစု၊ ရန်ကုန်မြို့။
တို့မှ ဆက်ကပ်လှူဒါန်း ဒါနပြုကြပါသည်။

- ယနေ့ညတွင် စာတော်ပြန်ပွဲနှင့် လွန်တော်မူပြီးသော ဝေဠုဝန်စတုတ္ထဆရာတော်ဘုရားကြီး ဘဒ္ဒန္တဉာဏ၏ သက်တော်ရာပြည့်ပူဇော်ပွဲအထိမ်းအမှတ် အထူးဓမ္မသဘင်၏ ပထမညအဖြစ် -

အရှင်ဓမ္မာနန္ဒ (တိုက်အုပ်ဆရာတော် - ဥတ္တရာရုံရွှေကျင်စာသင်တိုက်)၊ သာသနဓဇဓမ္မာစရိယ, သဒ္ဒမ္မောဒယဓမ္မာစရိယ၊ သပြုကျေးရွာ၊ ကဝမြို့နယ်က "သာသနာဖြင့် အလှဆင်ပါ" အမည်ဖြင့် တရားတော်ကို ဒါယကာ/ဒါယိကာမများအား ဟောကြားတော်မူပါသည်။

စာတော်ပြန်ပွဲကျင်းပရေးကော်မတီ

(ပန်းပျိုးလက်)

Pann Pyo Let - ပန်းပျိုးလက်

22/04/2026

22/04/2026

21/04/2026

04/04/2026

03/04/2026

12/02/2026

12/02/2026

11/02/2026

11/02/2026

10/02/2026

10/02/2026

Address

Website

Alerts

Shortcuts

Share

Category