BEHS Kanthaya-Bilin

09/04/2021

တကယ်တော့ ခင်ဗျားတို့တွေက
စာသင်ခန်းတွေမှာကတည်းက စတင်မှားယွင်းခဲ့ကြတာ

"ခွဲခြားခြင်း"ကို မလုပ်သင့်တဲ့အရာလို့မမြင်ခဲ့ကြတာ...

အရမ်းဝနေတဲ့ကလေးတွေဆို "ဝက်မ"လို့နောက်ကြမယ်
အရမ်းပိန်နေရင် "ငါးဖောင်ရိုး"
အရပ်ပုနေရင် "ဂျပု"
နည်းနည်းနွဲ့နေရင် "အခြောက်" "ဂျီပုန်း"လို့ စကြမယ်

တတန်းလုံးပျော်ဖို့အတွက်
တစုံတယောက်ကအီလည်လည်နဲ့
အစအနောက်ခံပေးရတဲ့စနစ်မှာ
ခင်ဗျားတို့ကြီးပြင်းလာခဲ့တာ

မျက်လုံးတစ်ဖက်မရှိတဲ့သူကို "တဖက်လပ်"
ခြေထောက်မသန်သူကို "ထော့ကျိုး"
မျက်မှန်တပ်ထားနေရသူကို "အကန်း" "လေးလုံး" စသဖြင့်
အမျိုးမျိုးခွဲခြားခေါ်ဝေါ်လှောင်ပြောင်ရင်း
မသိလိုက်မသိဖာသာ ဖြတ်သန်းခဲ့ကြတာပေါ့...

ကျောင်းမတက်ခင် ဘုရားရှိခိုးခဲ့ရတယ်
၃၈ဖြာမဂ်လာကဗျာတွေအလွတ်ရခဲ့ကြတယ်
ဆရာဆိုတာ ဘုရားနဲ့တဂိုဏ်းထဲလို့သင်ယူခဲ့ရတယ်

ဒါပေမယ့် ကိုယ်ချင်းစာတရားကို
ထိရောက်အောင်မသင်ယူခဲ့ကြဘူး
"ခွဲခြားခြင်း"ဆိုတာ
စာမေးပွဲကျတာထက်ပိုကြောက်စရာကောင်းတယ်ဆိုတာ
မြင်လာအောင်မသင်ကြားပေးနိုင်ခဲ့ကြဘူး

အဆင့်၁ရဖို့သာအသည်းအသန်သင်ယူနေခဲ့ကြတဲ့စနစ်မှာ
"လူအားလုံးအတူတူပဲ"ဆိုတာကို မသင်ယူခဲ့ကြဘူး

သမိုင်းအလီမ်တွေကို အလွတ်ကျက်ရင်း
တိုင်းရင်းသားတွေတကယ်ရင်ဆိုင်ခဲ့ရတဲ့ သမိုင်းအစစ်တွေဟာ
အမှတ်ပေးစည်းမျဉ်းအောက်မှာ ပျောက်ကွယ်ကုန်တယ်

မြန်မာစကားတောင် သေချာနားမလည်တဲ့တိုင်းရင်းသားတွေဟာ
ဘာသာစုံ အဂ်လိပ်လိုသင်ရတဲ့စာတွေကို မြန်မာစာနဲ့ရှင်းပြတာကို
နားလည်လည်မလည်လည်ထိုင်ကျက်ခဲ့ရတယ်
ဒါ့ကြောင့်မြန်မာလိုသိပ်မပြောတတ်တဲ့တိုင်းရင်းသားတွေဟာ
အတန်းထဲမှာ ရယ်စရာဖြစ်လာတယ်

ကလေးတွေရဲ့ စာရိတ္တတွေကို သင်ကြားပေးချင်ပေမယ့်လည်း
ဆရာတစ်ယောက်ဟာကျောင်းသား၇၀လောက်ကို
ဘယ်လမှာဘယ်နှစ်ခန်းပြီးအောင်သင်ရမယ်ဆိုတဲ့
ဗဟိုဦးစီးစနစ်ရဲ့ချုပ်ကိုင်မှုအောက်မှာ လက်လျှော့လိုက်ရတယ်

မှားယွင်းတဲ့စနစ်အောက်မှာ ၁၁နှစ်တာဖြတ်သန်းရင်း
နောက်ဆုံး ၁၀တန်းမှာ အမှတ်ကောင်းအောင်ကြိုးစားရင်း
ဘာအသိမှမပါဘဲ တက္ကသိုလ်တွေရောက်လာကြတော့တာပဲ...
တကယ်တော့ အစအဆုံး အကုန်မှားယွင်းခဲ့ကြတာ....

ကမ္ဘာ့အနိမ့်ကျဆုံးပညာရေးစနစ်မှာ ဘွဲ့ရပညာမတတ်တွေဟာ
အားကစားလည်းမထူးချွန်ခဲ့ကြသလို
အနုပညာလည်း ဘောင်မဝင်ကြတော့ဘူး
အတွေးတွေးဖို့ခွင့်မပြုတဲ့ပညာရေးမှာ ကိုယ်ချင်းစာတရားတွေနည်းပါးလာကြသလို
စဉ်းစားနိုင်စွမ်းတွေ သိပ်မရှိကြတော့ဘူး

"အမျိုးသားစည်းကမ်းအစ စာသင်ကျောင်းက "တဲ့
"ပညာရေးဖြင့်ခေတ်မီဖွံ့ဖြိုးတိုးတက်သောနိုင်ငံတော်ကြီး
တည်ဆောက်အံ့" တဲ့
တချိန်ကကျောင်းတွေမှာတွေ့ခဲ့ရတဲ့စာသားလေးတွေ
အခုအချိန်ပြန်တွေးရင် ပြုံးမိတယ်

ကိုယ်ချင်းစာတတ်ဖို့ ငါတို့လိုအပ်ခဲ့ပါလား
လူအားလုံးအတူတူပဲလို့တွေးဖို့ မေ့လျော့ခဲ့ပါလား
တခြားတပါးသူရဲ့ယဉ်ကျေးမှုကို လက်ခံအားနည်းခဲ့ပါလား
စနစ်တကျပိပိရိရိလိမ်ညာခဲ့တဲ့မြန်မာ့သမိုင်းဆိုတာကြီးကို
အမှတ်ပြည့်ရဖို့အလွတ်ကျက်ရင်း mindsetတွေလွဲခဲ့ကြပါလားလို့
ဆင့်ကာဆင့်ကာတွေးရင်း သက်ပြင်းတွေချမိတယ်

တို့တွေရဲ့သားသမီးတူသားမောင်မယ်တွေရဲ့ခေတ်မှာ
ဒါမျိုးတွေပျောက်ကွယ်ပါစေလို့ဆုတောင်းရင်း ကြိုးစားကြဦးစို့......

Credit: Min Yel Kyaw Swar

07/02/2021

သူတို့အသံ၊ သူတို့သဘောထား။

26/01/2021

Career Pathways and Universities program ကို မနက်ဖြန် (27.1.2021) နေ့လည် 2 နာရီကနေစပြီး Page ကနေ live လွှင့်ပေးသွားမှာဖြစ်ပါတယ်။ ကိုယ့်ရဲ့၊ ကိုယ့်သားသမီးရဲ့၊ ကိုယ်တပည့်ရဲ့ တက္ကသိုလ်ရွေးချယ်ရေးမှာ ပို အဆင်ပြေစေဖို့ live ကို ကြည့်ဖြစ်အောင်ကြည့်ဖို့မမေ့ပါနဲ့နော်။




#ဆောင်ရွက်ညီညာကန်သာယာ

25/01/2021

Hello!
အ.ထ.က ကန်သာယာ ကျောင်း‌တော်ကြီး page ကနေပြီး တက္ကသိုလ်၀င်တန်းအောင်ထားတဲ့ ညီလေး ညီမလေး‌တို့အတွက် တက္ကသိုလ်ရွေးချယ်ရ ပိုလွယ်ကူအောင် Youth Power:Youth Blog နဲ့ ပေါင်းပြီး program လေးတစ်ခုလုပ်ထားပါတယ်။

Career Pathways and Universities (Program Content)
မကြာခင်မှာ တက္ကသိုလ်စတက်မယ့် မောင်လေး၊ ညီမလေးတွေအတွက် "Career Pathways and Universities" ၇ရက်တာ Programရဲ့ Registration Formကို ဖွင့်ပေးလိုက်ပါပြီ။

ဒီProgramမှာ ယခုနှစ် ဆယ်တန်းဖြေပြီးထားတဲ့မောင်လေး၊ ညီမလေးတွေ ကိုယ်တက်ချင်တဲ့ တက္ကသိုလ်တွေအကြောင်းနဲ့ ဒီတက္ကသိုလ်တွေကနေ ကျောင်းပြီးသွားတဲ့အခါ ကိုယ့်careerအတွက် ဘယ်လိုမျိုး အလုပ်အကိုင်၊ အခွင့်အလမ်းတွေ ရှိမလဲဆိုတာကို ပြည့်ပြည့်စုံစုံ သိရှိခွင့်ရမှာဖြစ်ပါတယ်။ မကြာခင် ဆယ်တန်းဖြေပြီး ကိုယ်ဘယ်တက္ကသိုလ် တက်ချင်လဲဆိုတဲ့ မောင်လေး၊ ညီမလေးတွေလည်း ကြိုတင်ပြင်ဆင်မှုအနေနဲ့ ဒီProgramကို လာjoinလို့ရပါတယ်။ လာနားထောင်လို့ရပါတယ်နော်။

မြန်မာနိုင်ငံမှာရှိတဲ့ University (14)ကျောင်းက စီနီယာအစ်ကို၊အစ်မတွေနဲ့ ဆရာ၊ ဆရာမတွေကို ဒီ၇ရက်တာ Programကနေတဆင့် မောင်လေး၊ ညီမလေးတို့ကို တွေ့ဆုံခွင့်ပေးမှာ ဖြစ်ပါတယ်။ ကျောင်းအကြောင်းတွေလည်း စုံစုံလင်လင်သိခွင့်ရမယ်။ ကျောင်းပြီးရင် ဘယ်လိုအလုပ်အကိုင်တွေပါ ရနိုင်လဲဆိုတာတွေပါ သိရမှာဆိုတော့ ဒီProgramက မောင်လေး၊ ညီမလေးတို့အတွက် တကယ်အဖိုးတန်ပါတယ်။☺️

ဒီProgramမှာ ပါ၀င်ဖို့ဆိုရင်

၁။ ဒီFormမှာ 👉 (https://bit.ly/3og5dD9) ပြည့်ပြည့်စုံစုံဖြည့်ပေးပါ။

၂။ ကိုယ်နဲ့အတူ ဒီprogramတက်မယ့် သူငယ်ချင်းတွေကို tagလုပ်ပေးပါ။

၃။ လို့ ရေးပြီး shareလုပ်ပေးဖို့ တောင်းဆိုပါတယ်နော်။

ဒါဆို ဒီprogramမှာ ပါ၀င်ခွင့်ရသွားပါပြီ။ ပြီးရင် မောင်လေး၊ ညီမလေးတို့ရဲ့ emailကနေတဆင့် Zoom Linkနဲ့အတူ Zoomအသုံးပြုနည်းနဲ့ အချိန်စာရင်းကိုပါ ပို့ပေးသွားမှာဖြစ်လို့ emailလေးတွေကို စောင့်ကြည့်ဖို့လည်း မမေ့ပါနဲ့နော်။

ဒါ့အပြင် Youth Power:Youth Blogရဲ့ pageကနေတဆင့် တိုက်ရိုက်Liveလွှင့်ပေးသွားမှာ ဖြစ်လို့ pageကနေလည်း သူငယ်ချင်းတွေကိုကြည့်ဖို့ ဖိတ်ခေါ်ပေးပါဦး။

Link here...

https://www.facebook.com/youthpoweryouthblog/

အခြေခံပညာအထက်တန်းကျောင်း ကန်သာယာ ဘီးလင်းမြို့ (BEHS Kanthaya-Bilin)pageကနေလည်း Liveလွှင့်ပေးသွားမှာဖြစ်ပါတယ်။

Link here... https://www.facebook.com/behskanthaya/

ကဲ.... ဘယ်သူတွေ ပါ၀င်အားဖြည့်ပေးတာလဲဆိုတာ ကြည့်လိုက်ကြပါဦး။

# form ဖြည့်တဲ့သူတွေသာ zoom ထဲကို ၀င်ရောက်နားထောင်နိုင်မှာဖြစ်ပါတယ်။
Page ကနေ လည်း live လွှင့်ပေးမှာပါ။

24/01/2021

ယနေ့ (24.1.2021) အ.ထ.က ကန်သာယာ ၏ ဆဋ္ဌမအကြိမ်မြောက် မြတ်ဆရာပူဇော်ပွဲ ပုံရိပ်များ။

ဒီနှစ်တော့ Covid ကြောင့် အိမ်တိုင်ရာရောက် လိုက်လံ ကန်တော့ပြီး အကျဉ်းချုပ်သာဆောင်ရွက်ဖြစ်ပါသည်။

19/01/2021

||သားသား၊မီးမီးတို့နဲအတူ အိမ်မှာနေရင်း သင်ယူနိုင်ဖို့အတွက် “DBE LMS” Android Application ကို (https://bit.ly/3kbNgUa) မှရယူပြီး ၂၀၂၁ ခုနှစ်၊ ဇွန်လအထိ မိုဘိုင်းဒေတာအခမဲ့ (Zero Data Charges) ဖြင့် လေ့လာသင်ယူနိုင်ပါကြောင်း သတင်းကောင်းပါးအပ်ပါတယ်||

COVID ကာလမှာ သင်ကြားသင်ယူမှုတွေ မရပ်တန့်သွားစေဖို့ (no learning loss) ကအရေးကြီးပါတယ်... မိဘအုပ်ထိန်းသူတွေ ရဲ့ကဏ္ဍနဲ့ ထိန်းကျောင်းပံ့ပိုးမှုက ကျောင်းတွေပြန်မဖွင့်နိုင်သေးချိန်မှာ အဓိကပါ။

MPT, Telenor, Ooredoo, & MyTel တို့ကိုပညာရေးဝန်ကြီးဌာနက အထူးကျေး ဇူးတင်ရှိပါတယ်။

17/01/2021

၂၀၂၀ ပြည့်နှစ်၊ တက္ကသိုလ်၀င်စာမေးပွဲ၊ အ.ထ.က ကန်သာယာ (ဘီးလင်း) မှ အောင်မြင်သော ကျောင်းသား/ကျောင်းသူ များ၏ အမှတ်စာရင်း။

#ဆောင်ရွက်ညီညာကန်သာယာ


*စာရင်းဝိုင်း၀န်းကူညီပေးသော ဆရာမများကို အထူးကျေးဇူးတင်ပါသည်။

16/01/2021

မနက်ဖြန် (၁၇၊၁၊၂၀၂၀)
မနက် ၉ နာရီမှစ၍
၂၀၂၀ တက္ကသိုလ်၀င်တန်း စာမေးပွဲ အမှတ်စာရင်း
သိရှိနိုင်ပါမည်။

16/01/2021