Aung Thu

Aung Thu Contact information, map and directions, contact form, opening hours, services, ratings, photos, videos and announcements from Aung Thu, Kale.

❝ ပန်းရောင်းသူများ ❞ ဆိုရိုးစကား တစ်ခုရှိတယ်လက်သမားတစ်ယောက်ရဲ့အိမ်တံခါးတွေဟာအပျက်တွေချည်းပဲတဲ့။ပန်းရန်ဆရာတစ်ယောက်ရဲ့၀န်ခ...
06/09/2024

❝ ပန်းရောင်းသူများ ❞

ဆိုရိုးစကား တစ်ခုရှိတယ်
လက်သမားတစ်ယောက်ရဲ့
အိမ်တံခါးတွေဟာ
အပျက်တွေချည်းပဲတဲ့။

ပန်းရန်ဆရာတစ်ယောက်ရဲ့
၀န်ခံချက်ကတော့
ဟိုတယ်မှာ တစ်ခါမှ
မတည်းခိုဖူးတဲ့ အကြောင်း။

မိမိမှာ
စေ့စပ်လက်စွပ် မရှိပါ လို့
ပန်းထိမ်ဆရာတစ်ယောက်က
ထွက်ဆိုဖူးတယ်။

လယ်သမားကြီးတစ်ယောက်
ဒေါ်လာဆိုတာ
ဘယ်လိုဟာမျိုးလဲလို့
မေးနေရှာလေရဲ့။

ကိုယ့်ပုံတူကို
ကိုယ်ပြန်ဆွဲဖို့
တစ်သက်လုံး မေ့လျော့နေခဲ့တာ
ပန်းချီဆရာတစ်ယောက်ပေါ့။

ဘာပဲဖြစ်ဖြစ်
ဖဲ့ထုတ်ခံရတဲ့
သစ်သားစတွေ မပါဘဲနဲ့တော့
ပန်းပုရုပ် တစ်ရုပ်
ဖြစ်မလာနိုင်ဘူးလေ။ ။

▪️မင်းလူ

အဖြူရောင်ခေါ်သံ(အောင်ဝေး)မျက်လုံးတွေ...။ဒီမျက်လုံးတွေကိုကြောက်လန့်နေတယ်ဆိုရင်သင်ဟာစစ်ခွေးဖြစ်နေတုန်းပဲ။ဒီမျက်လုံးတွေအတွက...
04/08/2024

အဖြူရောင်ခေါ်သံ
(အောင်ဝေး)

မျက်လုံးတွေ...။

ဒီမျက်လုံးတွေကို
ကြောက်လန့်နေတယ်ဆိုရင်
သင်ဟာ
စစ်ခွေးဖြစ်နေတုန်းပဲ။

ဒီမျက်လုံးတွေအတွက်
နောင်တရကြေကွဲမိပြီဆိုရင်တော့
သင်က
အလံဖြူထောင်သူပေါ့။

"နိုင်ငံရေးလုပ်တယ်ဆိုတာ
ရန်သူကိုမိတ်ဆွေဖြစ်အောင်လုပ်တာပဲ"
[ဒဂုန်တာရာ]

အောက်ချင်းငှက်တွေနဲ့အတူ
ပျံသန်းလိုက်ကြ။

တောင်ဇလပ်ပန်းတွေနဲ့အတူ
နွေဦးကိုခေါ်လိုက်ကြ။ ။

အောင်ဝေး
(၇၊ ၂၈၊ ၂၀၂၄)

ရှင်သန်ခြင်းရှင်းတမ်း #ခက်သီသူရဲကောင်းလည်း မဖြစ်ချင်ဘူးအာဇာနည်လည်းမဖြစ်ချင်ဘူးပျော့ညံ့သွေးကြောင်သူလည်း မဖြစ်ချင်ဘူး ။မို...
29/07/2024

ရှင်သန်ခြင်းရှင်းတမ်း
#ခက်သီ

သူရဲကောင်းလည်း မဖြစ်ချင်ဘူး
အာဇာနည်လည်းမဖြစ်ချင်ဘူး
ပျော့ညံ့သွေးကြောင်သူလည်း မဖြစ်ချင်ဘူး ။

မိုက်ရူးရဲလည်း မဖြစ်ချင်ဘူး
တွေဝေခြောက်ခြားသူလည်း မဖြစ်ချင်ဘူး
ကိုယ့်ကိုယ်ကို ပြန်အရှက်ရသူလည်း မဖြစ်ချင်ဘူး ။

လျာဖြတ်ခံရတဲ့ပြောရေးဆိုခွင့်ကို ကြုံဖူးတယ်
အကျဉ်းချခံရတဲ့ လူ့အခွင့်အရေးတွေ နေဖူးတယ်
သားကြောဖြတ်ခံရတဲ့ နေရက်တွေနဲ့ ရှင်သန်ဖူးတယ်
ငါတို့ ငရဲကို ငါတို့နဲ့ပဲ အဆုံးသတ်ချင်တယ် ။

ရေပေါ်ဆီ နိုင်ငံရေးသမားမဖြစ်ချင်ဘူး
စိတ်ကူးယဉ်ကဗျာဆရာ မဖြစ်ချင်ဘူး
အဓမ္မဝါဒကို ထောက်ခံတဲ့လူတယောက်မဖြစ်ချင်ဘူး ။

ရှင်သန်မှုဟာ တမိနစ်ပဲကျန်တော့မယ်ဆိုရင်
အဲ့ဒီတမိနစ်ကိုတောင် လိပ်ပြာသန့်သန့်နေချင်တယ် ။ ။

#ခက်သီ
14.2.2021

တရားတဲ့သူသာ နိုင်ကြေး•••••• တဲ့~~ကိုယ်တိုင်ရေးတဲ့ကဗျာတွေ~~♦♦♦♦♦♦♦♦♦♦ကာရန်တွေ၊နဘေတွေစည်းတွေ၊ဘောင်တွေ ‌ပေါပြည့်လွန်းလှကဗျာ...
27/07/2024

တရားတဲ့သူသာ နိုင်ကြေး•••••• တဲ့

~~ကိုယ်တိုင်ရေးတဲ့ကဗျာတွေ~~
♦♦♦♦♦♦♦♦♦♦

ကာရန်တွေ၊နဘေတွေ
စည်းတွေ၊ဘောင်တွေ ‌ပေါပြည့်လွန်းလှ

ကဗျာကောင်းတစ်ပုဒ်အတွက်
စိုက်ထုတ်လိုက်ရတဲ့ အားတွေဆိုတာ
ပြောမဆုံးပေါင် စောဘုန်းခေါင်ပါပဲ

ကာယလား၊ဥာဏလား••••?
သတ္တိလား၊ဗျတ္တိလား•••••?
ဇွဲ၊လုံ့လနဲ့ဝီရိယတွေလား•••• ?
အရာအားလုံး လက်မှတ်မဲ့ပေါ့

သီကုံးခဲ့သူတွေရဲ့ကောက်ကြောင်းမှာ
ချွေးတွေသွေးတွေနဲ့
ဇီဝိန်တွေကြွေခဲ့ရပုံများ
မိသားစုထမင်းဝိုင်းကလေးတောင် ငိုလို့

သွေးနဲ့ရေးတဲ့သွေးသစ္စာ
ပြန်မလာတော့ရင် ခွင့်လွှတ်ပါ ••တဲ့
ကဗျာစာသားလေးချိုသလောက်
မရှိခဏတွေအတွက်
အရာသာကခါးလွန်းပါရဲ့

သြော်••••••
အတိတ်ကိုမျက်စောင်းထိုးပြီး
အနာဂတ်ကိုမှန်းမျှော်ကြည့်လိုက်မှ
````ပစ္စုပ္ပန်"''နေ့ရက်တွေကိုတောင်
ဟိုး •••ငယ်ရွယ်ချိန်အထိ
`````ပြန်ဆုတ်ပစ်'''''လိုက်ချင်မိ

ရေးလက်စကဗျာလေးမို့
အနာဂတ် ကျောရိုးမဲ့မှာပူဆွေးရင်း
နောက်ထပ်အသက်တွေ
ဘယ်လောက်များများ စတေးကြရအုံးမှာလဲ••?

စိုးရိမ်ခဲ့
ပူပန်ခဲ့
ဝမ်းနည်းခဲ့
ကြေကွဲခဲ့
အကြိမ်ကြိမ်ဆန်းစစ်ကြည့်ခဲ့ ••••

သေချာတာကတော့
ကိုယ်တိုင်ရေးတဲ့ကဗျာ‌တွေမို့
ဘယ်အသက်တစ်ချောင်းကမှ
စျေးမပေါခဲ့တာသေချာတယ် ။ ။

ဒီလိုင်း(ခေတ္တလူ့ပြည်)

ဒီနေ့အတွက် အကောင်းဆုံးရလဒ်သေနတ် ကို ...လက် တစ်ဖက်က ကိုင်ထားရင် နောက် ...လက်တစ်ဖက် က စာအုပ် ကို ကိုင်ဗျ။ခင်ဗျားတို့ ...သေ...
25/07/2024

ဒီနေ့အတွက် အကောင်းဆုံးရလဒ်

သေနတ် ကို ...လက် တစ်ဖက်က ကိုင်ထားရင်
နောက် ...လက်တစ်ဖက် က စာအုပ် ကို ကိုင်ဗျ။
ခင်ဗျားတို့ ...သေနတ်ကြီး ကိုင်ပြီး စာမဖတ်ရင်
အကုန် ဓားပြတွေ ဖြစ်ကုန်လိမ့်မယ် ။
အေး ...စာချည်း ဖတ်နေရင်လဲ
အကုန် လူပျော့တွေ ဖြစ်ကုန်လိမ့်မယ် ။

★ [ ပဒိုစောသမိန်ထွန်း ] ★

08/07/2024

``ပွဲတော်တွေဟာလည်း

ပျော်စရာမကောင်းတော့ပါဘူး

ဒို့ခေါင်းပေါ်မှာ ကောင်းကင်ကြီးဟာ

လွတ်လွတ်လပ်လပ်မှမဟုတ်တာ”

-မောင်ချောနွယ်-

Address

Kale

Website

Alerts

Be the first to know and let us send you an email when Aung Thu posts news and promotions. Your email address will not be used for any other purpose, and you can unsubscribe at any time.

Shortcuts

Share