18/10/2026
ကျုံပျော်ခရိုင်
ကျုံပျော်မြို့နယ်
၂၀၂၆ အောက် ၁၈ ၁၀၀၀ နာရီအချိန် ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်၏ ညွှန်ကြားမှု၊ ခရိုင်စီမံခန့်ခွဲရေးနှင့် အုပ်ချုပ်ရေး ကော်မတီ ဥက္ကဌ၏ အနီးကပ်ကြီးကြပ်မှုဖြင့် မြို့နယ်အတွင်း ဘေးအန္တရာယ်ကင်းဝေးစေရေးအတွက် အသံမစဲမဟာပဌာန်းရွတ်ဖတ်ပူဇော်ပွဲ ပိတ်ပွဲ(အောင်ပွဲ) အခမ်းအနားအား ကျုံပျော်မြို့၊ အောင်ဆန်းရပ်ကွက်၊ ဧရာမင်းခန်းမ၌ ကျင်းပပြုလုပ်ခဲ့ရာ အခမ်းအနားသို့ ခရိုင်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဌ ဦးစောထွန်းဝင်း၊ ခရိုင်အထွေထွေအုပ်ချုပ်ရေးဦးစီးဌာန ဒု-ခရိုင်အုပ်ချုပ်ရေးမှူး ဒေါ်ယဉ်ဝင်းစောနှင့် ဝန်ထမ်းများ၊ ခရိုင်မိခင်နှင့်ကလေးစောင့်ရှောက်မှု ကြီးကြပ်ရေးအဖွဲ့ ဥက္ကဌ ဒေါ်နမ့်သီတာချိုစင်နှင့် အဖွဲ့ဝင်များ၊ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဌ ဦးမြင့်ထွန်းနှင့် အဖွဲ့ဝင်များ၊ မြို့နယ် အမျိုးသမီးရေးရာအဖွဲ့ ဥက္ကဌ ဒေါ်ဆွေဆွေနှင့် အဖွဲ့ဝင်များ၊ မြို့နယ်အဆင့်ဌာနဆိုင်ရာများ၊ ဖိတ်ကြားထားသည့် မြို့မိမြို့ဖ ဧည့်သည်တော်များ တက်ရောက်ခဲ့၊ အခမ်းအနားအား နမောတဿ သုံးကြိမ်ရွတ်ဆိုဘုရားကန်တော့၍ အခမ်းအနားဖွင့်လှစ်ခြင်း၊ မစိုးရိမ်ကျောင်းတိုက်ဆရာတော် ဘဒ္ဒန္တစန္ဒာဝရမှ အနုမောဒနာဂါထာရွတ်ဆိုပူဇော်ခြင်း၊ အောင်ဇမ္ဗူကျောင်းတိုက်ဆရာတော် ဘဒ္ဒန္တဝေပုလ္လာစာရထံမှ ကိုးပါးသီလခံယူဆောက်တည်ခြင်း၊ ဆရာတော်များနှင့် သီလရှင်ဆရာကြီးများအား နဝကမ္မဝတ္ထုငွေလှူဒါန်းခြင်းနှင့် လှူဒါန်းမှု အစုစုတို့ကို ရေစက်ချတရားနာယူကြည်ညိုခြင်း၊ မှော်သေးကျောင်းတိုက်ဆရာတော် ဘဒ္ဒန္တသောဘနမှ ဖိတ်ကြားထားသော နတ်ဗြဟ္မာများအား ပြန်ပို့ရန်ဂါထာရွတ်ဆိုပူဇော်ခြင်း၊ ကြွရောက်လာကြသည့် ဆရာတော်များနှင့် သီလရှင် ဆရာကြီးများမှ ဗုဒ္ဓသာသနံ စိရံတိဌတု သုံးကြိမ်ရွတ်ဆို၍ အခမ်းအနားရုပ်သိမ်းခြင်းအား ဆောင်ရွက်ခဲ့၊ ဆက်လက်၍ ပင့်သံဃာတော်များနှင့် သီလရှင်ဆရာကြီးများအား နေ့ဆွမ်း ဆက်ကပ်လှူဒါန်းခြင်း၊ မြို့နယ်အဆင့်ဌာနဆိုင်ရာများနှင့် မြို့မိမြို့ဖ ဧည့်သည်တော်များအား နေ့လည်စာဖြင့် ဧည့်ခံခြင်းများ ဆောင်ရွက်ခဲ့ကြောင်း သိရှိရသည်။
