USDP Kachin State

22/05/2026

22/05/2026

မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံအမတ်ကြီးအား ပြည်သူ့လွှတ်တော်ဥက္ကဋ္ဌဦးခင်ရီ လက်ခံတွေ့ဆုံ

နေပြည်တော် မေ ၁၉
ပြည်သူ့လွှတ်တော်ဥက္ကဋ္ဌ ဦးခင်ရီသည် မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံအမတ်ကြီး H.E. Ms. Ma Jia အား ယနေ့နံနက် ၁၀ နာရီတွင် နေပြည်တော်ရှိ လွှတ်တော်အဆောက်အအုံ ပြည်သူ့လွှတ်တော်ဆောင်ဧည့်ခန်းမ၌ လက်ခံတွေ့ဆုံသည်။
တွေ့ဆုံစဉ် ပြည်သူ့လွှတ်တော်ဥက္ကဋ္ဌက တရုတ်နိုင်ငံအနေဖြင့် ကမ္ဘာ့မျက်နှာစာတွင် မြန်မာနိုင်ငံအပေါ် အစဉ်အမြဲအားပေးထောက်ခံခဲ့ပါကြောင်း၊ မန္တလေးငလျင်ကြီးဖြစ်ပွားခဲ့ပြီးနောက် ပထမဆုံးလာရောက်ကူညီထောက်ပံ့ပေးခဲ့သည်များကိုလည်း ကျေးဇူးတင်အသိအမှတ်ပြုလျက်ရှိပါကြောင်း၊ တရုတ်-မြန်မာ နှစ်နိုင်ငံသည် မဟာဗျူဟာမြောက်မိတ်ဖက်ဆက်ဆံရေး အေးအတူပူအမျှ အသိုက်အဝန်းတစ်ရပ် တည်ထောင်ရေးလုပ်ငန်းများကိုထောက်ခံပါကြောင်း၊ တရုတ်- မြန်မာ နှစ်နိုင်ငံလွှတ်တော်အချင်းချင်း ပိုမိုရင်းနှီးနီးကပ်စွာ ပူးပေါင်းဆောင်ရွက်သွားမည်ဖြစ်ပါကြောင်း။
မိမိတို့လွှတ်တော်အနေဖြင့် ၂၀၂၅ ခုနှစ်တွင် လွတ်လပ်၍ တရားမျှတသော ရွေးကောက်ပွဲမှတစ်ဆင့် ဥပဒေပြုရေး၊ အုပ်ချုပ်ရေးနှင့် တရားစီရင်ရေးမဏ္ဍိုင်(၃)ရပ်ပေါ်ထွက်လာခဲ့ပြီး မိမိအနေဖြင့် ဥပဒေပြုရေးမဏ္ဍိုင်ဖြစ်သည့် လွှတ်တော်တွင် လွှတ်တော်ဥက္ကဋ္ဌအဖြစ် ရွေးချယ်ခံရပါကြောင်း၊ လွှတ်တော်သည် သက်ဆိုင်ရာမဲဆန္ဒနယ်အသီးသီးမှ ပြည်သူတို့၏ဆန္ဒနှင့်အညီ ရွေးချယ်တာဝန်ပေးအပ်ထားသည့် ပြည်သူ့ကိုယ်စားလှယ်များနှင့် ဖွဲ့စည်းထားသောနေရာတစ်ခုဖြစ်ပါကြောင်း၊ ပြည်သူ့လွှတ်တော်တွင် အဓိကတာဝန်ကြီး(၄)ရပ် ရှိပြီး လွှတ်တော်ဥက္ကဋ္ဌ၊ ဒုတိယဥက္ကဋ္ဌနှင့် ဒုတိယသမ္မတများကို ရွေးချယ်ပေးရခြင်း၊ ဥပဒေပြုရေးလုပ်ငန်းစဉ်များဆောင်ရွက်ရခြင်း၊ နိုင်ငံတော်ဖွံ့ဖြိုးတိုးတက်ရေးနှင့် ပြည်သူများအေးချမ်းလုံခြုံစွာနေထိုင်နိုင်ရေးတို့အတွက် မဏ္ဍိုင်ကြီး (၃)ရပ်အကြား အချင်းချင်းအပြန်အလှန် ပေါင်းစပ်ညှိနှိုင်း ဆောင်ရွက်ခြင်း၊ နိုင်ငံတော်အစိုးရ၏မူဝါဒများကို ပြည်သူများနားလည်ပူးပေါင်း ဆောင်ရွက်နိုင်စေရန် ပြည်သူကိုကိုယ်စားပြု၍ ကြားခံဆောင်ရွက်ပေးခြင်းတို့ကို လုပ်ဆောင်ရပါကြောင်း။
အဆိုပါလွှတ်တော်ကို အားဖြည့်ဆောင်ရွက်ပေးသည့် အမြဲတမ်းကော်မတီ(၄)ရပ်ရှိပါကြောင်းနှင့် လာမည့်လွှတ်တော်ကာလတွင်လည်း ယာယီကော်မတီများဖွဲ့စည်း၍ ဆောင်ရွက်သွားမည်ဖြစ်ပါကြောင်း၊ လိုအပ်ပါကလည်း ကော်မရှင်နှင့်အဖွဲ့များဖွဲ့စည်းဆောင်ရွက်သွားမည်ဖြစ်ပါကြောင်း၊ ယခုအခါ နိုင်ငံတော်အစိုးရအနေဖြင့် ပြည်သူလူထုအတွက် ရက် ၁၀၀ စီမံကိန်းချမှတ်၍ အားသွန်ခွန်စိုက် ကြိုးပမ်းဆောင်ရွက်လျက်ရှိရာ မိမိတို့လွှတ်တော်အနေဖြင့်လည်း လိုအပ်သည့်နေရာမှ ပေါင်းစပ်ပါဝင်ဆောင်ရွက်သွားမည်ဖြစ်ပါကြောင်း၊ နိုင်ငံတော်အစိုးရအနေဖြင့် အွန်လိုင်းလိမ်လည်မှုများ နှင့်ပတ်သက်၍ ဖော်ထုတ်ဖမ်းဆီးမှုများကို စဉ်ဆက်မပြတ် ဆောင်ရွက်လျက်ရှိပြီး အွန်လိုင်းလိမ်လည်မှုများနှင့်ပတ်သက်၍ ထိထိရောက်ရောက် တားဆီးနှိမ်နင်းနိုင်ရေး အတွက် အွန်လိုင်းလိမ်လည်မှုတိုက်ဖျက်ရေးဥပဒေမူကြမ်းရေးဆွဲ၍ ဆောင်ရွက်ထားပြီးဖြစ်သည့်အပြင် လွှတ်တော်အနေဖြင့်လည်း ယခုကျင်းပမည့် ဒုတိယပုံမှန်အစည်းအဝေးတွင် အဆိုပါအွန်လိုင်းလိမ်လည်မှုတိုက်ဖျက်ရေး ဥပဒေမူကြမ်းအား ဥပဒေအဖြစ်ပြဋ္ဌာန်းနိုင်ရေး ဦးစားပေးဆောင်ရွက်သွားမည်ဖြစ်ပါကြောင်း ဆွေးနွေးပြောကြားသည်။
မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံအမတ်ကြီးက ယခုနှစ်တွင် စတင်မည့် (၁၅)ကြိမ်မြောက် နှစ်နိုင်ငံပူးပေါင်းဆောင်ရွက်ခြင်း ငါးနှစ်စီမံကိန်း(၂၀၂၆-၂၀၃၀) နှင့်အညီ ပူးပေါင်းဆောင်ရွက်မှုများတိုးမြှင့်ပြီး တရုတ်-မြန်မာ နှစ်နိုင်ငံအကြား အေးအတူပူအမျှ အသိုက်အဝန်း တစ်ရပ် ဆက်လက်အကောင်အထည်ဖော် ဆောင်ရွက်သွားမည်ဖြစ်ပါကြောင်း၊ တရုတ်နိုင်ငံအနေဖြင့် မြန်မာနိုင်ငံအပေါ် အစဉ်အမြဲအားပေးထောက်ခံခဲ့ပါကြောင်း၊ ယခု ရွေးကောက်ပွဲမှတစ်ဆင့် ပေါ်ပေါက်လာသည့် လွှတ်တော်များကို တရုတ်ပြည်သူ့ အမျိုးသားကွန်ဂရက်မှ ဦးစွာဝမ်းမြောက်ကြောင်း သဝဏ်လွှာပေးပို့၍ ထောက်ခံခဲ့ပါကြောင်း၊ ဆက်လက်ပြီး နှစ်နိုင်ငံလွှတ်တော်များအကြား ဆက်ဆံရေးပိုမိုနက်ရှိုင်းစွာ တည်ဆောက်နိုင်ရေး ကြိုးပမ်းဆောင်ရွက်သွားမည်ဖြစ်ပါကြောင်း ဆွေးနွေးပြောကြားသည်။
အဆိုပါတွေ့ဆုံပွဲသို့ ပြည်သူ့လွှတ်တော်ဥက္ကဋ္ဌနှင့်အတူ ပြည်သူ့လွှတ်တော် ဒုတိယဥက္ကဋ္ဌ ဦးမောင်မောင်အုန်း၊ ပြည်သူ့လွှတ်တော်ရုံးမှ တာဝန်ရှိသူများနှင့် တရုတ်နိုင်ငံသံရုံးမှတာဝန်ရှိသူများ တက်ရောက်ကြသည်။

https://t.me/usdphqnpw

18/05/2026

၁။ပြည်ခိုင်ဖြိုးပါတီဗဟိုအလုပ်အမှုဆောင်၊ပြည်နယ်ပါတီဥက္ကဌ၊ကချင်ပြည်နယ်လွှတ်တော်ဥက္ကဌဦးရားဝမ်ဂျုံသည်ရေးရာကော်မတီဥက္ကဌများ၊လွှတ်တော်ရုံးမှတာဝန်ရှိသူများလိုက်ပါ၍၈.၅.၂၀၂၆ရက်နေ့မွန်းလွဲ၃း၀၀နာရီခန့်တွင်မြစ်ကြီးနားမြို့မှပူတာအိုမြို့သို့လေကြောင်းခရီးစဥ်ဖြင့်ရောက်ရှိကြရာပူတာအိုခရိုင်အုပ်ချုပ်ရေးမှူးဦးစိုးထွန်းနှင့်ခရိုင်မြို့နယ်တာဝန်ရှိသူများ၊ရဝမ်၊လီဆူ၊ဂျိန်းဖော၊ရှမ်းတိုင်းရင်းသားယဥ်ကျေးမှုအဖွဲ့များကကြိုဆိုကြပါသည်။
၂။၉.၅.၂၀၂၆ရက်နေ့၊၁၀း၀၀နာရီအချိန်၊ပူတာအိုခရိုင်/မြို့နယ်ပါတီခန်းမတွင်ပြုလုပ်သောပါတီဝင်များတွေ့ဆုံပွဲ၊ဖွံ့ဖြိုးရေးဆိုင်ရာလုပ်ငန်းညှိနှိုင်းပွဲနှင့်လွှတ်တော်အတွေ့အကြုံရှင်းလင်းပွဲသို့တက်ရောက်၍အမှာစကား​ပြောကြားပါသည်။တွေ့ဆုံပွဲသို့ပူတာအိုခရိုင်ခေတ္တဥက္ကဌ၊ပြည်နယ်လွှတ်တော်ကစလ၊အစိုးရအာမခံချက်များ၊ကတိများ၊တာဝန်ခံချက်များနှင့်တိုင်ကြားစာ၊အသနားခံစာဆိုင်ရာ စိစစ်ရေးကော်မတီအတွင်းရေးမှူးဦးငွားဒီးယော်၊ပြည်နယ်ကော်မတီဝင်၊ဥပဒေကြမ်းကော်မတီဥက္ကဌဦးမြအုန်း၊ ပြည်နယ်ပါတီအရန်ကော်မတီဝင်၊တိုင်းရင်းသားလူမျိုးအရေးဆိုင်ရာကော်မတီဥက္ကဌဦးချန်းဂျောင်ဆားရ်၊စီမံကိန်း၊ပြည်နယ်ကော်မတီဝင်၊ ဘဏ္ဍာရေးနှင့်ပြည်သူ့ငွေစာရင်းဆိုင်ရာကော်မတီဥက္ကဌဒေါ်မိုးသီတာသိန်း၊ဝိုင်းမော်မြို့နယ်ပြည်ခိုင်ဖြိုးပါတီကော်မတီဝင်၊ လွှတ်တော်ကစလများစိစစ်ရေးကော်မတီဥက္ကဌဦးခေါ်ဆာ၊ပူတာအိုမြို့နယ်ပြည်သူ့လွှတ်တော်ကစလ၊မြို့နယ်ပါတီဥက္ကဌဦးရားနီ၊ခေါင်လန်ဖူးမြို့နယ်ပြည်သူ့လွှတ်တော်ကစလဦးမ
ဖန်းဆင်ဆုန်း၊ အမျိုးသားလွှတ်တော်ကစလဦးဂျာလီရဲ့၊ခေါင်လန်ဖူးမြို့နယ်၊ပြည်နယ်လွှတ်တော်ကစလဦးဖီရမ်ဆားရ်တို့နှင့်ပူတာအိုခရိုင်/မြိုနယ်၊မချမ်းဘောမြို့နယ်ပါတီဥက္ကဌ၊ကော်မတီဝင်များ၊ရပ်ကွက်၊ကျေးရွာပါတီဥက္ကဌများ၊စည်းရုံးရေးမှူးများ၊အောင်နိုင်အဖွဲ့များအင်အား၁၄၅ဦးတက်ရောက်ကြပါသည်။အစီအစဥ်အရပြည်နယ်ပါတီဥက္ကဌကပါတီဌာနချုပ်၏လမ်းညွှန်ချက်များကိုလိုက်နာဆော င်ရွက်ရေးနှင့်​ကျေးဇူးတင်စကားပြောကြားခြင်းနှင့်ကချင် ပြည်နယ်လွှတ်တော်အတွေ့အကြုံရှင်းလင်းခြင်းကို​ဆောင်ရွက်ပါသည်။ထို့နောက်ပြည်သူ့လွှတ်တော်၊အမျိုးသားလွှတ်တော်ကစလများကလည်းကောင်း၊ရေးရာဥက္ကဌများကလည်းကောင်းရှင်းလင်း ဆွေးနွေးကြပါသည်။ဆက်လက်၍အောင်နိုင်ရေးအဖွဲ့များအားကျပ်သိန်း၆၀တန်ဘိုးရှိစားသုံးဆီများကိုပံ့ပိုး၍တွေ့ဆုံပွဲကိုအောင်မြင်စွာရုပ်သိမ်းခဲ့ကြောင်းသတင်းရရှိပါသည်။

23/04/2026

ဝိုင်းမော်မြို

(၂၃ •၄ •၂၀၂၆)ရက်နေ့နံနက်(၁၀း၀၀အချိန်)ကချင်ပြည်နယ်၊ ဝိုင်းမော်မြို့၊ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီရုံးခန်းမ၌ အမျိုးသားလွှတ်တော်ကိုယ်စားလှယ် ပြည်ထောင်စုအတိုင်ပင်ခံကောင်စီဝင် ဒေါ်ဒွဲဘူ အပါအဝင် ကိုယ်စားလှယ်(၈)ဦးတို့က ပြည်သူလူထုများအား လွှတ်တော်အတွေ့အကြုံရှင်းလင်းပွဲကို ပြုလုပ်ခဲ့သည်။

ရှင်းလင်းပွဲအခမ်းအနားသို့ ဝိုင်းမော်မြို့နယ် အမျိုးသားလွှတ်တော်ကိုယ်စားလှယ် ဒေါ်ဒွဲဘူ (ပြည်ထောင်စုအတိုင်ပင်ခံကောင်စီဝင်)၊ ဝိုင်းမော်မြို့နယ် ပြည်သူ့လွှတ်တော်ကိုယ်စားလှယ် ဦးကျော်ကျော်အောင်၊ ဝိုင်းမော်မြို့နယ် ပြည်နယ်လွှတ်တော်ကိုယ်စားလှယ်အမှတ် (၁ )ဒေါ်မိုးသီတာသိန်း၊ ဝိုင်းမော် လွှတ်တော်ကိုယ်စားလှယ် အမှတ်(၂ )ဦးချန်းဂျောင်ဆားရ်၊ ပူတာအိုမြို့နယ်လွှတ်တော်ကိုယ်စားလှယ် ဦးခေါ်ဆာ၊ တနိုင်းမြို့နယ် အမျိုးသားလွှတ်တော်ကိုယ်စားလှယ် ဒေါ်မီမီကျော်ထွန်း၊ မံစီမြို့နယ် လွှတ်တော်ကိုယ်စားလှယ် ဦးဂျာဂွန်းတန်(PPP) ဝိုင်းမော်မြို့နယ် အမျိုးသားလွှတ်တော်ကိုယ်စားလှယ် ဦးမင်းမင်းထွန်း(တဆည) ဌာနဆိုင်ရာများ၊ ပါတီဝင်များနှင့် ပါတီဝန်းရံပြည်သူများ တက်ရောက်ခဲ့ကြသည်။

အခမ်းအနားတွင် လွှတ်တော်ကိုယ်စားလှယ်များက လွှတ်တော်၏ လုပ်ငန်းဆောင်ရွက်ပုံများ၊ ဥပဒေပြုရေးဆိုင်ရာ လုပ်ငန်းစဉ်များ၊ မေးခွန်းမေးမြန်းခြင်း၊ အဆိုတင်သွင်းခြင်းနှင့် ပြည်သူ့အကျိုးပြု လုပ်ငန်းများဆောင်ရွက်ရာတွင် ရရှိခဲ့သည့် အတွေ့အကြုံများကို တစ်ဦးချင်း ရှင်းလင်းတင်ပြခဲ့ကြသည်။

ထို့ပြင် လွှတ်တော်ကိုယ်စားလှယ်များနှင့် ဒေသခံပြည်သူများအကြား ပူးပေါင်းဆောင်ရွက်မှု၏ အရေးပါမှု၊ ပြည်သူ့အသံကို လွှတ်တော်အတွင်း ထိရောက်စွာ ထည့်သွင်းနိုင်ရေးနှင့် ဒေသဖွံ့ဖြိုးတိုးတက်ရေးအတွက် လိုအပ်ချက်များကိုလည်း ဆွေးနွေးခဲ့ကြသည်။
တက်ရောက်လာသူများကလည်း မိမိတို့ကြုံတွေ့ရသော အခက်အခဲများ၊ ဒေသလိုအပ်ချက်များနှင့် လွှတ်တော်မှတဆင့် ဖြေရှင်းပေးစေလိုသည့် အချက်များကို တင်ပြခဲ့ကြသည်။

ဒေသခံများ၏ တင်ပြမှုများကို ပြည်ထောင်စုအတိုင်ပင်ခံကောင်စီဝင် ဒေါ်ဒွဲဘူက ပြန်လည်ဆွေးနွေးဖြေကြားပေးခဲ့ပြီးနောက် ယခုပြုလုပ်မည့် ရက် ၁၀၀ စီမံကိန်းတွင် ပါဝင်နိုင်ရန်အတွက်လည်း ကြိုးစားသွားမည်ဖြစ်ကြောင်း နှင့်ဝိုင်းမော်မြို့နယ်ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီရံပုံငွေကျပ်ဆယ်သိန်းကိုဝိုင်းမော်မြို့နယ်ပါတီဥက္ကဌဦးထွန်းညွန့်ထံပေးအပ်၍အခမ်းအနားကို၁၂း၀၀အချိန်တွင်အောင်မြင်စွာပြီးမြောက်ကြောင်းသတင်းရရှိပါသည်

21/04/2026

အစိုးရအဖွဲ့အနေဖြင့် ယနေ့မှစ၍ရက်ပေါင်း ၁၀၀ အတွင်းဆောင်ရွက်ပေးသွားမည့်ကိစ္စရပ်များ။

03/04/2026

22/01/2026

ရွေးကောက်ပွဲတွင်ပါတီအလိုက်အနိုင်ရရှိထားရှိမှုအခြေအနေ ၂၀ •၁၂•၂၀၂၆ UECထုတ်ပြန်ချက်

21/01/2026