09/10/2022
⚜️`` အဘိဓမ္မာအခါတော်နေ့ ´´⚜️
``အကြောင်း သိကောင်းစရာများ´´
✍️✍️✍️✍️✍️✍️✍️✍️✍️✍️✍️✍️
အဘိဓမ္မာတရားတော်ကို မြတ်စွာဘုရား
သည် ၆ ဝါ အလွန် ၇ ဝါ အရောက် သက်
တော် ၄၂ နှစ် အရွယ်တွင် တာဝတိံသာ
နတ်ပြည်၌ ဟောကြားခဲ့ပါသည်။
မယ်တော်မိနတ်ကိုကျေးဇူးဆပ်လိုသောရည်ရွယ်ချက်ဖြင့် ဟောကြားတော်မူပါ
သည်။
မယ်တော်မိနတ်အမှူးပြုသောနတ်ဗြဟ္မာ
ပရိသတ် တို့အား ဟောကြားခဲ့ပါသည်။
ဓမ္မသင်္ဂနီ ကျမ်း~~~~~~~~~ ၁၂ ရက်။
ဝိဘင်း ကျမ်း ~~~~~~~~~~ ၁၂ ရက်။
ဓာတုကထာ ကျမ်း ~~~~~~~ ၆ ရက်။
ပုဂ္ဂလပညတ် ကျမ်း ~~~~~~~ ၇ ရက်။
ကထာဝတ္ထု ကျမ်း ~~~~~~~ ၈ ရက်။
ယမိုက် ကျမ်း ~~~~~~~~~~ ၂၀ ရက်။
ပဌာန်း ကျမ်း ~~~~ ~~~~~~ ၂၅ ရက်။
ဝါတွင်းသုံးလ ရက်ပေါင်း ၉၀ ကြာမျှ
ဟောကြားတော်မူခဲ့ပါသည်။
မြတ်စွာဘုရားသည် နတ်ဗြဟ္မာပရိသတ်
တို့အား အကျယ်နည်းဖြင့် ဟောကြား၍
အရှင်သာရိပုတ္တရာအားအကျဉ်းနည်းဖြင့် ဟောကြားတော်မူပါသည်။
အရှင်သာရိပုတ္တရာက လင်းနို့သား ဖြစ်ခဲ့
ဖူးသော ရဟန်း ငါးရာ တို့အား မကျဉ်းမ
ကျယ်အလယ်အလတ်နည်းဖြင့်ဟောကြား
တော်မူပါသည်။
သုတ္တန် တရားတို့ထက် သာလွန် ထူးခြား
သောတရားဖြစ်၍“အဘိဓမ္မာ”ခေါ်ပါသည်။
အဘိဓမ္မာသည်“ဓမ္မသင်္ဂဏီ၊ဝိဘင်း၊ဓာတု
ကထာ၊ပုဂ္ဂလပညတ်၊ကထာဝတ္ထု၊ ယမိုက်၊
ပဋ္ဌာန်း” ဟူ၍ အရေအတွက် ၇ ကျမ်း ရှိပါ
သည်။
ကုသိုလ်၊ အကုသိုလ် စသော တရားတို့ကို
အကျဉ်းချုပ် အားဖြင့် ဟောကြားတော်မူ
သောကျမ်းကို “ဓမ္မသင်္ဂဏီ” ကျမ်းဟု ခေါ်
ပါသည်။
ခန္ဓာစသောတရားတို့ကိုသုတ္တန်နည်း အဘိ
ဓမ္မာ နည်း တို့ဖြင့် အမေး အဖြေ ပြု၍ အ
ကျယ်ဝေဖန် ဟောကြားသောကျမ်းကို “ဝိ
ဘင်းကျမ်း”ဟု ခေါ်ပါသည်။
ဓာတ်အမျိုးမျိုးဟောကြားသောကျမ်းကို
“ဓာတုကထာ” ကျမ်းဟု ခေါ်ပါသည်။
ပုဂ္ဂိုလ်အမျိုးမျိုးတို့ကို ခွဲခြား သတ်မှတ်အ
မည်တပ်၍ဟောကြားသောကျမ်းတို့ကို “ပု
ဂ္ဂလပညတ်ကျမ်း”ဟုခေါ်သည်။
အယူဝါဒ နှင့်ဆိုင်သော စကားတို့၏တည်
ရာဖြစ်၍ အဘိဓမ္မာအနှစ်သာရတို့နှင့်ပြည့်
စုံသောကျမ်းကို“ကထာဝတ္တုကျမ်း”ဟုခေါ်
သည်။
အနုလုံ နှင့် ပဋိလုံ၊ ပုစ္ဆာ နှင့် ဝိသဇ္ဇနာ၊သန္နိ
ဋ္ဌာန် နှင့် သံသယ အစုံစုံ ပြု၍ ဟောကြား
တော်မူသော ကျမ်း ကို “ယမိုက်ကျမ်း” ဟု
ခေါ်သည်။
အကြောင်း အမျိုးမျိုး တို့ကို ဟောတော်မူ
သောကျမ်း၊ ကုသိုလ် စသောတရား တို့ကို
၂၄ပစ္စည်းတို့ဖြင့်ဝေဖန်အပ်သောကျမ်းသဗ္ဗ
ညုတဉာဏ်တော်၏ကျက်စားရာဖြစ်သော
ကျမ်းကို“ပဋ္ဌာန်းကျမ်း”ဟုခေါ်ပါသည်။
"အဘိဓမ္မာတရားတော်၏ ထူးခြားချက်”
အဘိဓမ္မာတရားသည်…
-အမိကျေးဇူးဆပ်တရားဖြစ်ခြင်း၊
-နတ်ပြည်၌ ဟောကြားခြင်း၊
-သုံးလကြာမျှဟောရခြင်း၊
-ပကတိဘုရားနှင့် နိမ္မိတဘုရားတို့ တလှည့်
စီဟောကြားခြင်းဟု “ထူးခြားချက်လေးမျိုး”
နှင့် ပြည့်စုံသောတရားဖြစ်သည်။
အဘိဓမ္မာ တရားသည် ပါဠိ၏ နက်နဲခြင်း၊
သဘောအဓိပ္ပါယ်၏ နက်နဲခြင်း၊ဟောကြား
ပုံ အစီအစဉ်၏ နက်နဲခြင်း၊ ဉာဏ်တော်၏
နက်နဲခြင်းဟူသော“ဂမ္ဘီရလေးမျိုး”နှင့် ပြည့်
စုံသော တရားဖြစ်သည်။
အဘိဓမ္မာ တရားတော်ကို ရွတ်ဖတ် ပူဇော်
ခြင်းသင်ယူကြားနာခြင်းကြောင့်လင်းနို့သား
ရဟန်းငါးရာကဲ့သို့နာမရူပပရိစ္ဆေဒဉာဏ်ရင့်
သန်ခြင်း၊ မဂ်ဖိုလ် နိဗ္ဗာန် ရရန်အကြောင်းအ
ထောက်အပံ့ကောင်းဖြစ်ခြင်း၊ဘေးဥပါဒ်အ
န္တရာယ် ကင်းဝေးခြင်း၊ ကျက်သရေ မင်္ဂလာ
အဖြာဖြာနှင့်ပြည့်စုံခြင်းဟူသော အကျိုးထူး
တရားများ ရရှိနိုင်သည်။
နတ်ပြည်မှ လူ့ပြည်သို့ သက်ဆင်းရာ၌
¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡
✤နတ်ပရိသတ်တွေက လက်ယာဘက် ရွှေစောင်းတန်း၊
✤ဗြဟ္မာပရိသတ်တွေက လက်ဝဲဘက် ငွေစောင်းတန်း၊
✤မြတ်စွာဘုရားသခင်က အလယ် ပတ္တမြားစောင်းတန်းမှ
သက်ဆင်းတော်မူပါသည်။
✤မာတလိနတ်သားက မြတ်စွာဘုရားအနီး
ဝဲဘက်တော်မှ ခစားလိုက်ပါပြီး၊
✤ပဉ္စသီခ နတ်သားက စောင်းတီးပူဇော်ရင်း
လိုက်ပါပို့ဆောင်ပါသည်။
✤သိကြားမင်းက ဘုရားနောက်တော်မှထီးမိုးလိုက်ပါပြီး၊
✤သုယာမနတ်သားက ယပ်ခတ်လို့ လိုက်ပါလာ
ပါတယ်။
` first writer ´
`l´
ဘဒ္ဒန္တပညာသာမိ(မာဂဓီ-သာစည်)
ဆရာတော်ဘုရားကြီး၏
“အခါတော်နေ့များမှ”
🙏
