02/08/2026
ရက်စွဲ ။ ၂၀၂၆ခုနှစ် ဩဂုတ်လ ၂ ရက်နေ့
#မြိုင်မြို့နယ်စစ်ဘေးရှောင်များသွားရောက်ကူ
ပုလဲမြို့နယ် ပြည်သူ့အုပ်ချုပ်ရေးအဖွဲ့ ခေါင်းဆောင်၊ အမျိုးသမီးတာဝန်ခံ၊ လူစာနာတာဝန်ခံ နှင့် တိုက်နယ် ၇ ပကဖ တာဝန်ခံတို့သည် မြိုင်မြို့နယ်အတွင်း အကြမ်းဖက်စစ်တပ်မှ စစ်ကြောင်းထိုးပြီး ရွာများမီးရှို့ခြင်း ၊ ဒေသခံတော်လှန်ရေးတပ်ဖွဲ့များနှင့်တိုက်ပွဲများဖြစ်ပွါးနေခြင်း ၊ စကစဘက်မှလေယာဉ်များဖြင့် ဗုံးကျဲနေခြင်းတို့ကြောင့် စစ်ကြောင်းအနီးမှကျေးရွာများရှိပြည်သူများ ပုလဲမြို့နယ် နှင့်အနီးတဝိုက်ကျေးရွာများသို့စစ်ဘေးရှောင်ရောက်နေသောနေရာများသို့ သွားရောက် တွေ့ဆုံပြီး ရိက္ခာများထောက်ပံ့ပေးခဲ့ကြပါသည်။
ပအဖခေါင်းဆောင်နှင့်အဖွဲ့တို့သည် စစ်ဘေးရှောင်လက်ခံထားသော ကျေးရွာများမှ တာဝန်ရှိသူများ မှ စစ်ရှောင်ပြည်သူများအား ချက်ပြုတ်ကျွေးနေသော အခြေအနေများအားကြည့်ရှု့ခြင်း ၊ စစ်ဘေးရှောင်ပြည်သူများ နေရာများအား သွားရောက်ပြီး အားပေးစကားများပြောကြားခြင်း ၊ လေကြောင်းရန်ကာကွယ်ရေးနှင့် လက်နက်ကြီးအန္တရာယ်တို့ အကြောင်းများ ဆွေးနွေးခြင်း၊ ကျန်းမာရေးနှင့် လုံခြုံရေး ဂရုစိုက်ကြရန် ပြောကြားပေးခဲ့ကြပါသည်။
ပြည်သူ့အုပ်ချုပ်ရေးအဖွဲ့
ပုလဲမြို့နယ်
#မြိုင်မြို့နယ်စစ်ဘေးရှောင်များသွားရောက်ကူ
#ပုလဲမြို့နယ်ပအဖခေါင်းဆောင်နှင့်အဖွဲ့
#ရိက္ခာထောက်ပံ့
#လေကြောင်းရန်
