Consumer Protection and Empowerment Community - CPEC

05/08/2026

လူငယ်များအတွက် စီးပွားရေးနှင့် အသက်မွေးဝမ်းကြောင်းဆိုင်ရာ ပံ့ပိုးကူညီရေးအစီအစဉ်အဖြစ် FEG၊ Transform With Me တို့နှင့် ပူးပေါင်းကျင်းပခဲ့သည့် Professional Selling and Digital Marketing Class သင်တန်းဆင်း ရုပ်သံမှတ်တမ်းလေးပဲ ဖြစ်ပါတယ်။ 🎥✨
​ဒီသင်တန်းမှာတော့ Digital Marketing နယ်ပယ်ထဲ လက်တွေ့အသုံးဝင်မဲ့ အရောင်းနှင့် ဈေးကွက်ချဲ့ထွင်ရေး နည်းဗျူဟာများအပြင် စားသုံးသူများ၏ ရပိုင်ခွင့် အခွင့်အရေးနှင့် စားသုံးသူကာကွယ်ရေး အယူအဆများကိုပါ စနစ်တကျ ဝေမျှဆွေးနွေးပေးခဲ့တာဖြစ်ပါတယ်။

​သင်တန်းကာလတစ်ခုလုံးမှာ တက်ကြွစွာ ပါဝင်လေ့လာပြီး မိမိတို့ရဲ့ အရည်အချင်းများကို မြှင့်တင်နိုင်ခဲ့ကြသည့် သင်တန်းသူ၊ သင်တန်းသားများ၏ သင်တန်းဆင်း နှုတ်ဆက်စကားများကို ပီတိဖြစ်ဖွယ် မြင်တွေ့ရမှာပါ။ ကြိုးစားအားထုတ်မှုများအတွက် သင်တန်းသူ၊ သင်တန်းသားများ အားလုံးကို အထူးပင် ဂုဏ်ယူဝမ်းမြောက်မိပါတယ်။ 🌟💡

​Consumer Protection and Empowerment Community - CPEC
(CPEC သည် Together With Me Group ၏ အဖွဲ့အစည်း ၁ ခုဖြစ်ပြီး နယ်ပယ်အသီးသီးမှ စားသုံးသူများအတွက် အကာအကွယ်ရရှိရေးနှင့် ဖွံ့ဖြိုးတိုးတက်ရေးတို့အတွက် ရည်ရွယ်၍ ဖွဲ့စည်းထားသော အဖွဲ့အစည်းဖြစ်ပါသည်။)
​

20/07/2026

Consumers Protection and Empowerment Community (CPEC) ပါဝင်လေ့ကျင့်သင်ကြားပေးခဲ့သော ​“နည်းပညာအခြေပြု ဒစ်ဂျစ်တယ်မားကတ်တင်းနှင့် အရောင်းပညာရပ်ဆိုင်ရာ အထူးသင်တန်း” အောင်မြင်စွာပြီးဆုံးခြင်း မှတ်တမ်း ✨

​အမျိုးသမီးများ၊ LGBTQIA+ များ၊ နေရပ်စွန့်ခွာရသူများနှင့် မသန်စွမ်းလူငယ်များ၏ စွမ်းဆောင်ရည်ကို မြှင့်တင်ပေးနိုင်ရန် ရည်ရွယ်၍ FEG Institute Mandalay ရဲ့ ကြီးမှူးစီစဉ်မှုအောက်မှာ Transform With Me မှ ပူးပေါင်းပါဝင်ကာ ဖင်လန်နိုင်ငံအခြေစိုက် လူမှုအကျိုးပြုအဖွဲ့အစည်းတစ်ခု၏ ပံ့ပိုးကူညီမှုဖြင့် ဖွင့်လှစ်ခဲ့သည့် “နည်းပညာအခြေပြု ဒစ်ဂျစ်တယ်မားကတ်တင်းနှင့် အရောင်းပညာရပ်ဆိုင်ရာ အထူးသင်တန်း” သည် အောင်မြင်စွာ ပြီးမြောက်သွားခဲ့ပြီ ဖြစ်ပါသည်။

​မိမိတို့ Consumers Protection and Empowerment Community (CPEC) အနေဖြင့်လည်း စီးပွားရေးနှင့် မားကတ်တင်းနယ်ပယ်အတွင်းသို့ ဝင်ရောက်မည့် လူငယ်များအတွက် “စားသုံးသူဗဟိုပြု မားကတ်တင်းချဥ်းကပ်မှုများ Consumer-Centric Marketing” နှင့် “စားသုံးသူကာကွယ်ရေးနှင့် စီးပွားရေးကျင့်ဝတ်များ Consumer Protection & Ethical Business” အကြောင်းအရာများကို ဦးဆောင်၍ စနစ်တကျ ထည့်သွင်းဆွေးနွေး သင်ကြားပေးခဲ့ပါသည်။
​
​သင်တန်းကာလတလျှောက်လုံးတွင် စိတ်အားထက်သန်စွာဖြင့် မဆုတ်မနစ် ကြိုးစားအားထုတ်ခဲ့ကြသည့် သင်တန်းသူ၊ သင်တန်းသား လူငယ်တစ်ဦးချင်းစီတိုင်းကို အထူးပင် ဂုဏ်ယူမိပါသည်။ 🎉

​"Skills Have No Boundaries" ⚡

လူငယ်များ၏ စွမ်းဆောင်ရည်၊ ကျင့်ဝတ်နှင့် အရည်အချင်းများသည် မည်သည့်အတားအဆီးမျှမရှိဘဲ ပိုမိုတောက်ပလာမည်ဟု မိမိတို့ အခိုင်အမာယုံကြည်ပါသည်။
​ယခုသင်တန်း အောင်မြင်စွာပြီးဆုံးနိုင်အောင် ပံ့ပိုးပေးခဲ့ကြသော မိတ်ဖက်အဖွဲ့အစည်းများ၊ ဆရာ၊ ဆရာမများနှင့် တက်ကြွစွာ ပါဝင်ခဲ့ကြသည့် သင်တန်းသူ၊ သင်တန်းသားများ အားလုံးကို အထူးပင် ကျေးဇူးတင်ရှိပါသည်။
​သင်တန်းအတွင်း ဖြတ်သန်းခဲ့ကြရသည့် တက်ကြွပျော်ရွှင်စရာ အမှတ်တရပုံရိပ်လေးများကို အတူတကွ ရှုစားအားပေးနိုင်ရန် မျှဝေပေးလိုက်ရပါသည်။ 👇✨

​ #အခမဲ့သင်တန်း #အလုပ်အကိုင်အခွင့်အလမ်း #လူငယ်စွမ်းဆောင်ရည်မြှင့်တင်ရေး #စားသုံးသူကာကွယ်ရေး

21/06/2026

✨အမျိုးသမီးများ၊ LGBTQIA+ များနှင့် မသန်စွမ်းလူငယ်များအတွက် နည်းပညာအခြေပြု ဒစ်ဂျစ်တယ်မားကတ်တင်းနှင့် အရောင်းအထူးသင်တန်း (မန္တလေးမြို့)

​ဖင်လန်နိုင်ငံအခြေစိုက် လူမှုအကျိုးပြုအဖွဲ့အစည်းတစ်ခု၏ ပံ့ပိုးကူညီမှုဖြင့် ဤအစီအစဉ်ကို FEG Institute Mandalay နှင့်အတူ မိတ်ဘက်အဖြစ် Transform With Me တို့မှ ဂုဏ်ယူစွာ ပူးပေါင်းစီစဉ်‌ဝေမျှတင်ဆက်လိုက်ပါသည်။ CPEC အနေဖြင့် သင်ရိုးပိုင်းဆိုင်ရာကူညီပံ့ပိုးမှုများတွင် စာသုံးသူရေးရာဆိုင်ရာသတင်းအချက်အလက်များပံ့ပိုးကူညီပေးခြင်းဖြင့် အားဖြည့်ပါဝင်ထားပါသည်။

အသေးစိတ်သင်တန်းအချက်အလက်များကို အောက်ပါ Post အောက်တွင် ကြည့်ရှုနိုင်မည်ဖြစ်ပါသည်။
​
​ #အခမဲ့သင်တန်း #အလုပ်အကိုင်အခွင့်အလမ်း #လူငယ်စွမ်းဆောင်ရည်မြှင့်တင်ရေး

🔨 အမျိုးသမီးများ၊ LGBTQIA+ များနှင့် မသန်စွမ်းလူငယ်များအတွက် နည်းပညာအခြေပြု ဒစ်ဂျစ်တယ်မားကတ်တင်းနှင့် အရောင်းအထူးသင်တန်း

​ဖင်လန်နိုင်ငံအခြေစိုက် လူမှုအကျိုးပြုအဖွဲ့အစည်းတစ်ခု၏ ပံ့ပိုးကူညီမှုဖြင့် ဤအစီအစဉ်ကို FEG Institute Mandalay နှင့်အတူ မိတ်ဘက်အဖြစ် Transform With Me တို့မှ ဂုဏ်ယူစွာ ပူးပေါင်းစီစဉ်‌ဝေမျှတင်ဆက်လိုက်ပါသည်။

​လုပ်ငန်းခွင်ဝင်ရောက်ရန် ပြင်ဆင်နေသူများအနေဖြင့် ယနေ့ခေတ်တွင် အလွန်ရေပန်းစားပြီး ဝယ်လိုအားမြင့်မားနေသော ဆိုလာနှင့် လျှပ်စစ်နည်းပညာများ၊ အခြေခံဆောက်လုပ်ရေးပစ္စည်းကိရိယာများအကြောင်းကို "နည်းပညာအခြေပြု" ဘာသာရပ်များအဖြစ် စနစ်တကျ သင်ယူရမည်ဖြစ်ပါသည်။ ထို့အပြင် ခေတ်ပြိုင်စီးပွားရေးလုပ်ငန်းခွင်တွင် မရှိမဖြစ်လိုအပ်သော ဒစ်ဂျစ်တယ်မားကတ်တင်း၊ အရောင်းနှင့် ဖောက်သည်ဆက်သွယ်ရေး ကျွမ်းကျင်မှုများကို Transform With Me မှ တာဝန်ရှိ ကျွမ်းကျင်သူများကိုယ်တိုင် ဦးဆောင်၍ ဖိဖိစီးစီး သင်ကြားပေးသွားမည်ဖြစ်ပါသည်။

​အမျိုးသမီးများ၊ LGBTQIA+ များနှင့် မသန်စွမ်းပုဂ္ဂိုလ်များ (PwDs) ၏ လုပ်ငန်းခွင်ဝင်ရောက်နိုင်မှု အခန်းကဏ္ဍကို အထူးအလေးပေး မြှင့်တင်ပေးနိုင်ရန် ရည်ရွယ်ထားသောကြောင့် သင်တန်းကြေး လုံးဝ အခမဲ့ဖြစ်သည့်အပြင် သင်တန်းကာလတစ်လျှောက် သွားလာရေးနှင့် စားသောက်စရိတ် (Stipend) များကိုလည်း ထောက်ပံ့ပေးသွားမည်ဖြစ်ပါသည်။

​သင်တန်းကာလအတွင်း လုပ်ငန်းခွင်လေ့လာခြင်း (Site Visit)၊ တိုက်ရိုက်အလုပ်အင်တာဗျူးခြင်း (Job Matching) နှင့် ရေရှည်ပံ့ပိုးမှု (Follow-up) အစီအစဉ်များပါဝင်ပြီး အလုပ်အကိုင်အခွင့်အလမ်းများနှင့် စနစ်တကျ ချိတ်ဆက်ပေးသွားပါမည်။

​📅 သင်တန်းအချက်အလက်များ

✓​နေရာ - FEG Mandalay – ၅၈ ဘီလမ်း၊ (၂၂ အေ x ၂၂ ဘီ) ကြား၊ အောင်မြေသာစံမြို့နယ်။
​လူဦးရေ: ၁၀ ဦး (ကန့်သတ်ထားပါသည်)

✓​ကာလ - ရက်ပေါင်း ၂၀ (စုစုပေါင်း ၁၂၀ နာရီ)

✓​စတင်မည့်ရက် - ၂၂ ဇွန်၊ ၂၀၂၆

✓​ကုန်ကျစရိတ် - အခမဲ့ (သွားလာရေးနှင့် စားစရိတ် Stipend များ ထောက်ပံ့ပေးပါမည်)

​🎯 ဦးစားပေးတက်ရောက်နိုင်သူများ

​အသက် (၁၈ မှ ၂၄ နှစ်) အတွင်းရှိ လူငယ်များ
​အမျိုးသမီးများ၊ LGBTQIA+ များ၊ မသန်စွမ်းသူများ (PwDs) နှင့် နေရပ်စွန့်ခွာရသူများကို အထူးဦးစားပေး ရွေးချယ်သွားပါမည်။

​📚 အဓိကသင်ကြားမည့် ဘာသာရပ်များ

​၁။ အဆောက်အအုံလျှပ်စစ်၊ ဆိုလာစနစ်နှင့် ဆောက်လုပ်ရေးပစ္စည်းများ အခြေခံ

✓​အခြေခံဝါယာရိန်း၊ မီးသီး/မီးချောင်းနှင့် မိန်းဘုတ်တပ်ဆင်ခြင်း (DB Installation)
✓​လျှပ်စစ်အန္တရာယ်ကင်းရှင်းရေးနှင့် တိုင်းတာရေးကိရိယာများ အသုံးပြုနည်း
✓​ဆိုလာပြား၊ ဘက်ထရီ၊ အင်ဗာတာစနစ် ချိတ်ဆက်ခြင်းနှင့် အခြေခံဒီဇိုင်းတွက်ချက်ခြင်း

​၂။ ဒစ်ဂျစ်တယ်မားကတ်တင်းနှင့် အရောင်းကျွမ်းကျင်မှု

✓​Facebook & TikTok မားကတ်တင်းဗျူဟာများနှင့် စာသား (Copywriting) ရေးသားနည်း
✓​Canva & CapCut သုံး၍ ထုတ်ကုန်ဓာတ်ပုံ/ဗီဒီယို ဖန်တီးတည်းဖြတ်နည်း
✓​စားသုံးသူ ဗဟိုပြု အကျိုးဖန်တီးမှု၊ ဝယ်သူနှင့် ထိရောက်စွာ ပြောဆိုဆက်သွယ်နည်း၊ အရောင်းဗျူဟာများနှင့် ကိုယ်ပိုင်လုပ်ငန်းစတင်ခြင်းအခြေခံ

​💼 လက်တွေ့ကွင်းဆင်းမှုနှင့် အလုပ်အကိုင်ချိတ်ဆက်ခြင်း

✓​Site Visit အဖြစ် နာမည်ရ ဆိုလာကုမ္ပဏီများ၊ Hardware နှင့် ဆောက်လုပ်ရေးပစ္စည်း အရောင်းစင်တာကြီးများသို့ သွားရောက်၍ လုပ်ငန်းခွင်ကို လက်တွေ့လေ့လာခြင်း။
✓​Job Matching အဖြစ် သင်တန်းပြီးဆုံးပါက CV များ ကြိုတင်မျှဝေ၍ လုပ်ငန်းရှင်များနှင့် တိုက်ရိုက် Interview ကာ အလုပ်အကိုင်ရရှိအောင် ပံ့ပိုးပေးခြင်း။
✓​ရေရှည်ပံ့ပိုးမှုအဖြစ် လုပ်ငန်းခွင်ထဲ အဆင်ပြေစေရန် Follow-up နှင့် Reflection Workshop များဖြင့် စဉ်ဆက်မပြတ် ပံ့ပိုးပေးခြင်း။

​📝 လျှောက်ထားရန်

✓​Online - ပေးထားသော Google Form Link သို့မဟုတ် ပုံပါ QR Code မှတစ်ဆင့် ဝင်ရောက်ဖြည့်စွက်နိုင်ပါသည်။
✓​လူကိုယ်တိုင် - အောက်ဖော်ပြပါ ဖုန်းနံပါတ်များသို့ ဆက်သွယ်၍ လူကိုယ်တိုင် လာရောက်လျှောက်ထားနိုင်ပါသည်။

​⚡ Skills Have No Boundaries - FEG Mandalay & Transform With Me

​📞 အသေးစိတ်စုံစမ်းမေးမြန်းရန်

✓​ဖုန်း - 09765155373
✓​Website - www.fegedumm.com
✓​Email - [email protected]
✓​လိပ်စာ - 58Bth Street, Between (22A x 22B), Aungmyaytharsan Township, Mandalay

​ #အခမဲ့သင်တန်း #အလုပ်အကိုင်အခွင့်အလမ်း #လူငယ်စွမ်းဆောင်ရည်မြှင့်တင်ရေး

02/04/2026

Consumer Protection and Empowerment Community CPEC အဖွဲ့အစည်းအနေဖြင့် ငလျင်ဘေးဒဏ်ခံခဲ့ကြရသော မန္တလေးမြို့ရှိလူငယ်များအတွက် TVET သက်မွေးပညာအဖြစ် "ကွန်းတန့်အကြောင်းအရာဖန်တီးခြင်းနှင့် ဒီဂျစ်တယ်ဆိုင်ရာ ဈေးကွက်ဗျူဟာသင်တန်း" ပေးခြင်း အစီအစဉ်မှာ FEG Institute နှင့်အတူ ပူးပေါင်းပါဝင်ခွင့်ရရှိခဲ့သည့်အတွက် လွန်စွာ ဝမ်းမြောက်ဂုဏ်ယူရပါသည်။ နိုင်ငံတကာ အဆင့်မီသင်ရိုးများကို အခြေခံ၍ မြန်မာနိုင်ငံ၏ ဈေးကွက်အခြေအနေနှင့်လိုက်ဖက်‌လျော်ညီအောင်ပြင်ဆင်ကာ သင်တန်းသူ၊ သင်တန်းသားများနှင့် ကိုက်ညီစေမည့် သင်ကြားနည်းစနစ်များဖြင့် အရည်အသွေးပြည့်ဝစွာ သင်ယူတတ်မြောက်နိုင်စေရေး ဦးစားပေး အလေးထားလုပ်ဆောင်ဖြစ်ခဲ့ကြသည့်အပြင် ဒီဂျစ်တယ်စားသုံးသူများကို ဘက်စုံမှ အလေးပေးဂရုစိုက်စေရန်အတွက်ပါ စနစ်တကျသင်ကြားမှုများပြုလုပ်ခဲ့ကြခြင်းကြောင့် များစွာထိရောက်အကျိုးရှိမည်ဟု ယုံကြည်မျှော်လင့်ပါသည်။ CPEC စားသုံးသူရေးရာအဖွဲ့အစည်းအနေဖြင့် အခြား TWM Group အောက်မှအဖွဲ့အစည်းများ၊ မိတ်ဘက်အဖွဲ့အစည်းနဲ့ အတူ စားသုံးသူများအားလုံးကို ပိုမိုကောင်းမွန်သော အနာဂတ်များဖန်တီးပေးနိုင်ရန်နှင့် ဘေးကင်းလုံခြုံစွာ ကာကွယ်ပေးနိုင်ရန် အမြဲအဆင်သင့်ရှိနေမည်ဖြစ်ပါသည်။

27/03/2026

Consumer Protection and Empowerment Community - CPEC အဖွဲ့အစည်းသည် Together With Me Group အောက်ရှိ အဖွဲ့အစည်း ၁၃ ခုအနက်မှ ၁ ခုဖြစ်ပြီး ၂၀၂၆ ခုနှစ် မတ်လ ၁၃ ရက်နေ့တွင် စတင်တည်ထောင်ခဲ့သော အဖွဲ့အစည်းဖြစ်ပါသည်။ နယ်ပယ်အသီးသီးမှ စားသုံးသူများအတွက် အကာအကွယ်ရရှိရေးနှင့် ဖွံ့ဖြိုးတိုးတက်ရေးတို့အတွက် ရည်ရွယ်၍ဖွဲ့စည်းထားသော အဖွဲ့အစည်းတစ်ခုဖြစ်ပါသည်။

အောက်ဖော်ပြပါ ရုပ်သံမှတ်တမ်းသည် CPEC အဖွဲ့အစည်း တည်ထောင်ပြီးကြောင်း ကြေညာပြီးနောက် ပထမဦးဆုံး ပူးပေါင်းပါဝင်ခွင့်ရရှိခဲ့သည့် လူငယ်များအတွက် စီးပွားရေးနှင့် အသက်မွေးဝမ်းကြောင်းဆိုင်ရာ ပံ့ပိုးကူညီရေးအစီအစဉ်တစ်ခုမှ လူငယ်များ၏ သင်တန်းဆင်းနှုတ်ဆက်စကားပြောကြားခဲ့ကြသည့် ရုပ်သံဖိုင်ဖြစ်ပါသည်။ အဆိုပါအစီအစဉ်ကို FEG နှင့် TWM အပါအဝင် အခြား အဖွဲ့အစည်းတို့ပူးပေါင်းပြီး ပြုလုပ်စီစဉ်ခဲ့ကြခြင်းဖြစ်ကာ အစီအစဉ် အစိတ်အပိုင်းတစ်ခုအဖြစ် Digital Marketing နယ်ပယ်တွင် စားသုံးသူကာကွယ်ရေး အယူအဆများကို CPEC အနေဖြင့် ဝေမျှခွင့်ရရှိခဲ့သည့်အတွက် အထူးပင် ကျေနပ်အားရမိကာ သင်တန်းသူ၊ သင်တန်းသားများအတွက်လဲ အလွန်တရာ ဂုဏ်ယူဝမ်းမြောက်မိပါသည်။