Calai Khawpi

Calai Khawpi Calai Khawpi Khur le Ram

Thlacam thiam tiaw zum hnohno hrang
17/08/2024

Thlacam thiam tiaw zum hnohno hrang

04/02/2024

Minung ih
Ţha kan ti mi zate cu PATHIAN duhdaan(duhnak) a si ţheh ringring lo men thei nan PATHIAN ih duhdaan(duhnak)cu ziangtik khalah a Ţha ţheh ringring

Cucun sokhaw PATHIAN lo cun ziangkhal kan rak si lo ziar ti in theihfeng ter ringring ţheu

04/02/2024

Leitlun ah lungawinak an um tam zet nun pem diriam thei an tling lo cu asi (Leitlun ih um zate tep ţheh tu Siangphahrang Solomon : Thusimtu 1:1-2)

``Ka sinak thuhla thei ţheh tui thu hi ra ngai ve hnik uh MESSIAH rori a si´´Mai sinak hman hngilh khop ih kumkhaw lungawi diriamnak co ngah riai tu (Samaria nunau nu : John 4:29)

``Na lungawinak cu JESUH KHRIH(ruangah) thawih a pehpar awk lawng ah kumkhua na di a riam ding,cucu na palh lo riai tinak asi´´

02/02/2024

Famkim lo minung in
Famkim lo in innsang kan din
Famkim lo kawhhran ah kan um
Famkim lo in PATHIAN kan biak(bia)
Asinan
Famkim KHRIH thawng in Famkim PATHIAN kan bia thei ih Famkim van ram co tu in si ter ih Mi famkim sinak in pek .........AmenAmenAmen
Zumtu hi lungawi lo thei kan si riai lo!!!

RAWL ULH THLACAM (FASTING)Kan Bible ah rawl ulh thu tam zet a lang.Bible ih thupi zet a si mi zumtu ih tuah tengteng ţul...
27/01/2024

RAWL ULH THLACAM (FASTING)

Kan Bible ah rawl ulh thu tam zet a lang.
Bible ih thupi zet a si mi zumtu ih tuah tengteng ţul mi baptisma lak thu vai(75)hrawng a lang.
Ih Bible ah rawl ulh thlacam thu vai(77)leng lo a lang cucu Bible in thupi zet ih in zirh mi asi ti kan hmu thei.Baptism hnak in Rawl ulh a lang tam sawn.
( Zum lo tu khal in an nei ve.)

Bible ih zirh daan

Bible in zumtu rawl kan ulh tik ah, kan thlarau lam ţhan liannak, ţhansonak hrang hmuitin mi pakhatkhat neih tengteng ding tumtah ih thlacam asi.Cucu rawl ulh thlacam ih sullam cu asi.
Cucu a ni,a thla,a caan bikhiah a um lo.
Mah le Pathian hmai ih ulh kha asi ko.

Rawl Ulh Daan A Phunphun

lawng ulh (a normal fast) : Cucu rawl lawng ulh a si ih tidai cu an in ţheu(Rawl ulh tidai in sian asi). *Mathai 4:2; Luka 4:2 - Jesuh Khrih ni(40) rawl a ulh lai ah Bible in a ril a rawn thu a lang ih a ti haal thu a sim lo ruangah cerhti a rak in ti kan zum.

le in ulh hleice nei (a partial fast) : Cucu ei le in phun khatkhat ei lo ih ulh a si ih an ulh lo mi ei le in ţheu mi an nei. *Daniel 1:12 - Daniel te rual vah za in zu le sa an ul ih hanghnah hangrah lawng an ei. Mathai 3:4 - Qui ti zu le kharbok lawng a ei.

ulh (an absolute fast) : Cucu ei le in,ti le rawl a pumhlum ih ulh ţheh asi.
*Ezra 10:6 ; Esther 4:16 ; Dungthlun 9:9.

rawl ulh (supernatural fast) : Cucu minung zuamnak thazaang le thil ti theinak lam si lo'n PATHIAN in mangbangza ih rawl a ulh pit mi an si. *Daanpek 9:9 ; 1 Sgph 19:8 - Sinai tlang ah cirh ti um lo,ei in um lonak ah PATHIAN in mangbangza in rawl a ulh pit.

pak ih ulh (A private fast) : Cucu mahte a pak asilole a hrante ih rawl ulh,mi dang theih ter lo lawlaw. *Mathai 6:16-18.

ih ulh (Congregational fast) : Cucu a burpi asilole mi bur ih rawl ulh tlang a si.
*Joel 2:15-16 ; Dungthlun 13:2.

huap ulh (National fast) : Cucu ram pumpi huap ih ulh tlang asi.
*Nehemiah 9:1; Esther 4:16 ; Jonah 3:5-8.{American ram sung ra a tho ih an buai zet lai ah presidents John Adams, James Madison le Abraham Lincoln pawl an ţuan cio lai ah ram pumpi huap in rawl an rak ul dah asi.}

khiah kelte ih ulh (Regular fast) : Cucu mah in hitik,cutik ah rawl ka(kan) ul pei ti ih khiah ţheu mi caan tete ih ulh a si.
*Puithiam 16:29-31 ; Zechariah 8:19.

remcaan daan ih zir in ulh(Occasional fast) : Cucu mah ih ţul poimawh le a remcaan daan ih zir in ulh ţheu mi asi.
*Mathai 9:15.

A siartu zate hnen ah PATHIAN thlawsuah um seh........Amen...

22/09/2023

Nauhak Nun Sim Daan

Thufim 22:15
Nauhak thinlung ah atnak a fun aw.Asinan nun simnak fungfek hmang in a hnen ihsin hlatpi ah a dawisuak ding.

Nauhak thinlung ah atnak ṭem a si;
Nun rĕmnak fungfêk in cumi cu a hnen ihsin hlapi ah a dawisuak ding.
Thufim 22:15

Proverbs 22:15
[15]Folly is bound up in the heart of a child,
but the rod of discipline will drive it far away.

သုတ္တံကျမ်း။ 22:15 (MYJ) မိုက်သောသဘောသည် သူငယ်၏ စိတ်နှလုံး ထဲမှာ ထုပ်ထားလျက်ရှိ၏။ သို့သော်လည်း၊ ဆုံးမသော ကြိမ်လုံးသည် ထိုသဘောကို ဝေးစွာ နှင်တတ်၏။

04/09/2023

BIBLE THURIN
*Theological hmin : Bibliology
*Doctrine of Scripture / Bible

1. Bibliology timi hi ziang so asi?
Asullam : Bible Thurin zirnak asi.(Greek țongfang ih sin laksawng mi asi.)

2. Bible hi ziang so a si?
Sonnak :
PATHIAN țongkam asi. (PATHIAN in minung hnen ih hleice''special'' phuanawknak asi.) John 10:35,Hebrew 4:12

3. Bible ziangtin kan ngah,nei thei?
Sonnnak :
PATHIAN Amah rori ih phuanawknak thawng lawng in Bible hi kan ngah,nei thei asi.

4.Tu ih kan hman rero mi Bible hi a sualpalh thei maw?
Sonnak :
Bible leh sawng mi a si ruangah a lettu minung in a sualpalh thei,asinan a hramthok ih (Original manuscript , autographs ) PATHIAN țongkam cu a sualpalh thei hrimhrim lo.

5. Ziangpawl in Bible an khihhmuh, kawhhmuh, hmuhsak ?
Sonnak :
I. Thlalang (James 1:23)
II. Thlaici ( 1 Peter 1:23)
III. Tidai (Efisa 5:26)
IV. Ral Naam (Hebrew 4:12)
V. Mei Inn (Saam 119:105)
VI. Thil Man Nei,Kung - Sui le Nguun (Saam 19:10; 12:06)
VII. Rawl țha(nourishing food) - Hnawiti 'Milk' (1Peter 2:2),Saa 'Meat' (Hebrew 5:12-14), Sangh 'Bread'( John 6:33,35,50-51), Quiti 'honey' (Saam 19:10)
VIII. Sobu (Jermiah 23:29)
IX. Meisa (Jermiah 20:09,Luke 24:32)

6. Ziangtin Bible hi PATHIAN țongkam kan ti thei?
Sonnak :
I . Amah PATHIAN țongkam rori in ca thianghlim hmuahhmuah hi PATHIAN ih thawnkhum mi asi ti in sim.(2Timote 3:16, 2Peter 1:21)

II . Bible sung in simfiangnak (Internal evidence ). Puithiam 4:1,Mipum 9:1,
Jermiah 1:11,Suahlan 4:22;14:1;20:1

III . Bible lenglam simfiangnak (External evidence ).Saam 91:01

7. Phuan langawknak phunziat a um,ziangpawl an si?
Sonnak : Phuan langawknak phun(2) a um.
1. A tlangpi thu ih phuan lnagawknak (General revelation ) le
2. Hleice phuan langawknak (Special revelation ) tla an si.

Address

Yangon
YANGON

Telephone

+959458877225

Website

Alerts

Be the first to know and let us send you an email when Calai Khawpi posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Calai Khawpi:

Shortcuts

Share