13/07/2026
#ရခိုင်တွင် မိုးဆက်တိုက်ရွာသွန်းမှုကြောင့် မြောက်ဦး၊ မင်းပြား၊ ကျောက်တော်၊ ပုဏ္ဏားကျွန်း၊ ဘူးသီးတောင်၊ တောင်ကုတ်နဲ့ မောင်တော မြို့နယ်(၇)ခုတွင် နေအိမ်ထောင်နဲ့ချီ ရေနစ်မြုပ်၊ လူတစ်သိန်းခန့် သဘာဝဘေးဒုက္ခရောက်နေတဲ့အတွက်-[ (2026): Due to continuous rains, thousands of houses have been flooded in Mrauk-U, Minbya, Kyauktaw, Ponnagyun, Buthidaung, Taungkot and Maungdaw townships (7), and about 100,000 people are in danger of natural disasters!!!]👉
အရေးအကြီးဆုံးက "သောက်ရေသန့်၊ ဆန်၊ မိုးကာ၊ ဆေး" ဖြစ်ပြီး နောက် (၂၄)နာရီအတွင်း အရောက်ပို့နိုင်ဖို့ အရေးကြီးဆုံးပါ။ ပြည်သူ့အသက်တွေကို ကယ်နိုင်ဖို့ နိုင်ငံရေး၊ အုပ်ချုပ်ရေးနဲ့ နယ်မြေစိုးမိုးမှု ကိစ္စတွေကို ဘေးဖယ်ပြီး ပြည်နယ်အစိုးရအနေနဲ့လည်း လက်ရှိသမ္မတက တိုင်းဒေသကြီး(သို့မဟုတ်)ပြည်နယ်အချို့ကို လုပ်ပိုင်ခွင့်လွတ်လပ်စွာပေးထားတယ်လို့ သတင်းတွေက ကြားသိရလို့ နိုင်ငံတကာအကူအညီတွေဖြစ်တဲ့ ICRC(နိုင်ငံတကာကြက်ခြေနီ)၊ ကုလသမဂ္ဂအေဂျင်စီများ(WFP, UNICEF, OCHA)တို့ကို သူတို့ရဲ့ ရေဘေးကူညီရေး ပစ္စည်းတွေ ပို့ဆောင်ခွင့်ကို လွတ်လပ်စွာ ခွင့်ပြုပေးသင့်ပါတယ်။
နိုင်ငံတကာအဖွဲ့အစည်းတွေအနေနဲ့လည်း လူသားချင်းစာနာမှုအရ လက်ရှိအစိုးရ၊ အာရက္ခတပ်တော်(AA)တို့နဲ့ တိုက်ရိုက်ညှိနှိုင်းပြီး စစ်ကိုင်းဘက်ကနေ(သို့မဟုတ်) ဘင်္ဂလားဒေ့ရှ်နယ်စပ်ကနေ အကူအညီတွေ အမြန်ဆုံးသွင်းယူနိုင်မလားဆိုတာ စူးစမ်းသင့်ပါတယ်။ ➖[ဥပမာ- စစ်တွေ-မြောက်ဦး ရေလမ်းကြောင်း သို့မဟုတ် အိန္ဒိယ/ဘင်္ဂလားဒေ့ရှ်မှ အကူအညီများ မောင်တောဖက်သို့ ဝင်ရောက်ခွင့်]
လက်ရှိ ရခိုင့်ရေဘေးသင့် အရေးပေါ်အခြေအနေများအရ အာဆီယံနှင့်ဒေသတွင်းအင်အားကြီးနိုင်ငံများအနေဖြင့် ဤနေရာတွင် "နိုင်ငံရေးမဆောင်ဘဲ အသက်ကယ်ရေးကိုသာ ဦးတည်သည်"ဟူသော လူသားချင်းစာနာမှုဆိုင်ရာ ယာယီရပ်နားရေး(humanitarian pause)ကို သဘောတူထားရန် အမြန်ဆုံးကြားဝင် စေ့စပ်ညှိနှိုင်းပေးသင့်သည်။
၁။ #ရှာဖွေကယ်ဆယ်ရေးနှင့် #အသက်ဘေးလွတ်ရာ #ရွှေ့ပြောင်းရေး(ပထမ ၂၄-၄၈ နာရီ)
· လက်ရှိမြေပြင်မှာ လုပ်နိုင်ကိုင်နိုင်စွမ်းရှိသူတွေအနေနဲ့ နီးစပ်ရာမှာရှိနေတဲ့ စက်လှေတွေ၊ ဖောင်တွေ၊ ထရပ်ကားကြီးတွေကို သုံးပြီး ရေနစ်မြုပ်နေတဲ့ ကျေးရွာအုပ်စုတွေကို တစ်အိမ်တက်ဆင်း လိုက်လံကယ်ထုတ်ပါ။
· အထူးသဖြင့် မောင်တော၊ ဘူးသီးတောင်၊ ပုဏ္ဏားကျွန်းလို ဝေးလံခက်ခဲတဲ့ဒေသတွေမှာ ကျန်းမာရေးကောင်းပြီး လုပ်နိုင်ကိုင်နိုင်စွမ်းရှိသူတွေအနေနဲ့ ရေဘေးကယ်ဆယ်ရေးလုပ်ငန်းတွေကို မြေပြင်အခြေအနေနဲ့ အမြန်ဆုံးလိုက်လျောညီထွေ ဆောင်ရွက်နိုင်ပါတယ်။
· ရေဘေးလွတ်ရာစခန်းတွေ အမြန်ဖွင့်လှစ်ပါ။
· ရေဘေးသင့်ရာဒေသက နယ်မြေစိုးမိုးထားတဲ့ ဒေသဆိုင်ရာတာဝန်ရှိသူတွေနဲ့ အလျင်အမြန်ညှိနှိုင်းပြီး ဘုန်းတော်ကြီးကျောင်းတွေ၊ စာသင်ကျောင်းတွေ၊ အစိုးရအဆောက်အဦးတွေကို ယာယီကယ်ဆယ်ရေးစခန်းအဖြစ် ချက်ချင်းသတ်မှတ်ပြီး ရေဘေးသင့်ပြည်သူတွေကို စနစ်တကျပို့ဆောင်ပါ။
· ဒေသအတွင်းမှာရှိနေတဲ့ အရပ်ဘက်အဖွဲ့အစည်းတွေ(CSO)က စခန်းတွေမှာ လူဦးရေစာရင်းကောက်ယူတာ၊ ကလေးသူငယ်နဲ့ သက်ကြီးရွယ်အိုတွေကို ဦးစားပေးစောင့်ရှောက်တာတွေ တာဝန်ယူသင့်ပါတယ်။
၂။ #အရေးပေါ် #ထောက်ပံ့ရေးပစ္စည်းများ #ဖြန့်ဝေခြင်း
· အခြေခံအစားအစာနဲ့ သောက်ရေကို (၂၄)နာရီအတွင်း အရောက်ပို့ပါ။
· ရေဘေးသင့်ရာဒေသက နယ်မြေစိုးမိုးထားတဲ့ ဒေသဆိုင်ရာတာဝန်ရှိသူတွေအနေနဲ့ ကျန်းမာရေးကောင်းပြီး လုပ်နိုင်ကိုင်နိုင်စွမ်းရှိသူတွေကို ကူညီကယ်ဆယ်ရေးအတွက် လွတ်လပ်စွာသွားနိုင်ရေးအတွက် အမြန်ပံ့ပိုးကူညီသင့်ပြီး ဆန်၊ ဆီ၊ ဆား၊ ခေါက်ဆွဲခြောက်၊ စည်သွပ်ဘူးတွေ အမြန်ပို့ဖို့လိုပါတယ်။
· သောက်ရေသန့် (သို့) ရေသန့်ဆေးပြားတွေ အမြောက်အမြား ဖြန့်ဝေပါ။ ရေကြီးတာကြောင့် ရေတွင်း၊ရေကန်တွေ ညစ်ညမ်းကုန်တဲ့အတွက် ဝမ်းပျက်ဝမ်းလျှောရောဂါ ကာကွယ်ဖို့ အရေးကြီးပါတယ်။
· အရပ်ဘက်အဖွဲ့တွေနဲ့ အလှူရှင်တွေကို ရေဘေးသင့်ရာဒေသက နယ်မြေစိုးမိုးထားတဲ့ ဒေသဆိုင်ရာတာဝန်ရှိသူတွေအနေနဲ့ စနစ်တကျ ညှိနှိုင်းပေးပါ။
· လက်ရှိမှာ အလှူငွေနဲ့ ပစ္စည်းတွေက စစ်ဖြစ်အရေးပေါ်ထိန်းချုပ်ထားရာ ဒေသတွေကနေ ဝင်ဖို့ခက်ခဲပြီး လမ်းပန်းဆက်သွယ်ရေးပြတ်တောက်တာတွေ ရှိနိုင်ပါတယ်။
· ဒါကြောင့် ရေဘေးသင့်ရာဒေသက ကျန်းမာရေးကောင်းပြီး လုပ်နိုင်ကိုင်နိုင်စွမ်းရှိသူတွေအနေနဲ့ နယ်မြေစိုးမိုးထားတဲ့ ဒေသဆိုင်ရာတာဝန်ရှိသူတွေတိုက်တွန်းပြီး ကူညီကယ်ဆယ်ညှိနှိုင်းရေးဆုံရပ်တစ်ခုကို ဒေသခံCSOနဲ့လူငယ်အဖွဲ့အစည်းတွေ၊ နိုင်ငံတကာအဖွဲ့တွေနဲ့ တိုက်ရိုက်ဆက်နိုင်အောင် ထောက်ပံ့ပစ္စည်းတွေ လက်ခံတာ၊ အချိန်နဲ့တစ်ပြေးညီ ခွဲဝေတာတွေ လုပ်ပေးသင့်ပါတယ်။
၃။ #ကျန်းမာရေးနှင့် #ကူးစက်ရောဂါ #ကာကွယ်ရေး
· ကျန်းမာရေးကောင်းပြီး လုပ်နိုင်ကိုင်နိုင်စွမ်းရှိသူဒေသခံတွေအနေနဲ့ နယ်မြေစိုးမိုးထားတဲ့ ဒေသဆိုင်ရာတာဝန်ရှိသူတွေနဲ့ အမြန်ညှိနှိုင်းပြီး ရေဘေးသင့်ဒေသမှာ မိုဘိုင်းဆေးခန်းတွေ ချက်ချင်းဖွင့်ဖို့ လိုပါတယ်။
· ဘာကြောင့်လဲဆိုတော့ ရေကြီးပြီးတဲ့နောက်မှာ ငှက်ဖျား၊ သွေးလွန်တုတ်ကွေး၊ ဝမ်းပျက်ဝမ်းလျှောနဲ့ မြွေဆိပ်တက်တာတွေ ဖြစ်လာနိုင်ပါတယ်။ လုပ်နိုင်ကိုင်နိုင်စွမ်းရှိသူဒေသခံတွေအနေနဲ့ ဆေးရုံတွေ၊ ကျေးလက်ကျန်းမာရေးဌာနတွေကို ရေဘေးသင့်အရပ်သားတွေအတွက် ဖွင့်ပေးပြီး နိုင်သမျှဆေးဝါး ဖြည့်တင်းမှုတွေ ဆောင်ရွက်ရမှာပါ။
· နောက် ဒေသခံCSO တွေအနေနဲ့ ရေဘေးသင့်ဒေသက ကိုယ်ဝန်ဆောင်မိခင်၊ ကလေးငယ်နဲ့ နာတာရှည်လူနာတွေရဲ့ စာရင်းကို ရေဘေးသင့်ဒေသက ကျန်းမာရေးနားလည်တတ်ကျွမ်းအသိရှိသူတွေနဲ့ ညှိနှိုင်းပြီး ဦးစားပေးကုသပေးဖို့ ကူညီဆောင်ရွက်သင့်ပါတယ်။
၄။ #လမ်းပန်းဆက်သွယ်ရေး #ပြန်လည်ဖွင့်လှစ်ခြင်းနှင့် #လုံခြုံရေး
· ကျန်းမာရေးကောင်းပြီး လုပ်နိုင်ကိုင်နိုင်စွမ်းရှိသူဒေသခံတွေအနေနဲ့ ရေဘေးကြောင့် လမ်းတွေ၊ တံတားတွေ ယာယီပြုပြင်တာကို ဦးဆောင်သင့်ပါတယ်။
· မြောက်ဦး-ကျောက်တော်-ပုဏ္ဏားကျွန်း လမ်းကြောင်း၊ ဘူးသီးတောင်-မောင်တောလမ်းကြောင်းတွေ ရေလျှံပြတ်တောက်နေတဲ့အတွက် ယာယီတံတားထိုးတာ၊ မြေဖို့တာတွေ အမြန်လုပ်သင့်ပါတယ်။
· နောက် ကျန်းမာရေးကောင်းပြီး လုပ်နိုင်ကိုင်နိုင်စွမ်းရှိသူဒေသခံတွေအနေနဲ့ ရေဘေးသင့်နယ်မြေတွေမှာ နယ်မြေစိုးမိုးထားတဲ့ ဒေသဆိုင်ရာတာဝန်ရှိသူတွေနဲ့ ညှိနှိုင်းပြီး အကူအညီပစ္စည်းတွေ လုယက်ခံရတာမျိုး၊ အခွင့်ကောင်းယူတာမျိုး မဖြစ်ရအောင် မည်သည့်အရပ်ဘက်အဖွဲ့အစည်းတွေကိုမဆို လွတ်လပ်စွာ သွားလာခွင့်ပြုဖို့ ဆောင်ရွက်ထားသင့်ပါတယ်။
၅။ #ပြန်လည်ထူထောင်ရေးအတွက် #ကြိုတင်ပြင်ဆင်ခြင်း
· ကျန်းမာရေးကောင်းပြီး လုပ်နိုင်ကိုင်နိုင်စွမ်းရှိသူဒေသခံတွေအနေနဲ့ ရေပြန်ကျသွားတဲ့အခါမှာ နေအိမ်ပြန်လည်ဆောက်လုပ်ရေး၊ လယ်ယာမျိုးစေ့ထောက်ပံ့ရေး၊ စိတ်ပိုင်းဆိုင်ရာအားပေးမှုတွေ ဆက်လုပ်ဖို့လိုပါတယ်။ ဒါပေမယ့် အခုအချိန်မှာ အသက်ကယ်ဖို့က အရေးအကြီးဆုံးပါ။
အထက်ဖော်ပြ ရခိုင်ရေဘေးသင့်ကူညီကယ်ဆယ်ထောက်ပံ့ရေးများကို လက်ရှိမြေပြင်မှာ လုပ်နိုင်ကိုင်နိုင်စွမ်းရှိသူတွေအနေနဲ့ ရှိနေတဲ့အရပ်ဘက်အဖွဲ့တွေရဲ့ လူထုစည်းရုံးရေး၊ ကျန်းမာရေးစောင့်ရှောက်မှုနဲ့ ပေါင်းစပ်ပြီး “အသက်ကယ်-ထောက်ပံ့-ကာကွယ်” ဆိုတဲ့ အဆင့်သုံးဆင့်ကို တစ်ပြိုင်တည်းချက်ချင်းလုပ်ဆောင်နိုင်မှသာ ရေဘေးသင့်ပြည်သူတစ်သိန်းအတွက် အကျိုးရှိမယ့် အမြန်ဆုံးကူညီမှုဖြစ်ပါလိမ့်မယ်..။✍️ Tin Htoo Aung Tin Htoo Aung Arakan National Network-ရခိုင်အမျိုးသားကွန်ရက်
ပြည်သူ့အကျိုးမျှော်ကိုးလျက်-
တင်ထူးအောင်
#ရခိုင်ရေဘေး(၂၀၂၆) (2026) /
