Zomi National Party

Zomi National Party The Zomi National Party (ZNP) exists to restore hope, rebuild our land, and renew the dignity of the Zomi people.

Just as Nehemiah rallied his people to rise and rebuild, we are committed to standing together for unity, peace and reconciliation.

ZNP in Zogam Zomite' Hamsatnate K*mpite' Tungah Gen Tuni October 3, 2026 nitak lam 1:00 PM - 3:30 PM kikal sung party...
03/10/2026

ZNP in Zogam Zomite' Hamsatnate K*mpite' Tungah Gen
Tuni October 3, 2026 nitak lam 1:00 PM - 3:30 PM kikal sung party makai teng leh Pyithut Hluttaw Speaker (ပြည်သူ့လွှတ်​တော်ဥက္ကဌ) & USDP Chairman U Khin Yi in Yangon ah holimna hunnuam nei thei uh hi
ZNP pan in President Pu Thang Sian Khai @ Banzaal Khaipi leh ZNP Peace Ambassador Pu Pu Thang te va kihel thei uh hi

ZNP pan in anuai a thute zong kisung hi

1. Ka gam vuah Kawl galkap te'n gate tampi bawl uh hi. Kawlpi leh Tedim kikal bekbek ah gate 10 val om hi. Gate abawl uh pen thusia hilo a, sum anget uh pen mipi genthei saktuam mahmah hi. Vankham sem tading in ahoih sam hang in mipi in thuak mahmah kahih man un tua thu k*mpite' tungah hong gensak in.

2. Falam leh Tonzang ah phone line ngahkikna ding in nong bawlsak man un lungdam ung. Phone line bek kingah in Internet kingah tuanlo ahih man in Internet zong hong honsak un. Ka naupangte uh k*m tampi sang akahlo uh himawk in Internet kingah kei sawnsawn leh thutheihna kiam mahmah ding hi.

3. Nidang sang in party upadi te khauh tektek zawlai ahih man in tu a bang in paisuak leh atawpna teh USDP leh NUP party 2 bek cian mailo ding ahiam ci'n agen omta hi. Ko minam party neute ka din zawhna ding un thukhun in hong huh hong dal leh lunggulh ung.

4. USDP party sung pan ka mipihte mah un thu hongbawl himah tase leh guptuam paihtuam neilo in thuman thutak tawh thu akikhen nading in ma nong pan man un lungdam mahmah hi ung.

Cihte kigen thei hi

"Chatham House Rule zui ding" cih meeting thukimna om ahih man in midangte' thugente leh ama' hong dawnkiknate kong genkhiat theihloh uh mipi in nong telsiam nading un hong thuum ung.

Ih hanciam toto ding a, mual ah ih suakkhawm liailiai ding hi

Takkheh Zomi !!!

စာအမှတ် - ဇအပ (၁၀/၂၆) ထ-၁ရက်စွဲ - ၃ အောက်တိုဘာ ၂၀၂၆ခန့်အပ်တာဝန်ပေးခြင်းဇိုမီးအမျိုးသားပါတီ၏ အရေးအရာတို့တွင် ပါတီကိုယ်စား...
03/10/2026

စာအမှတ် - ဇအပ (၁၀/၂၆) ထ-၁
ရက်စွဲ - ၃ အောက်တိုဘာ ၂၀၂၆

ခန့်အပ်တာဝန်ပေးခြင်း

ဇိုမီးအမျိုးသားပါတီ၏ အရေးအရာတို့တွင် ပါတီကိုယ်စား ပြောရေးဆိုခွင့်ရှိသူ အဖြစ်ဖြင့် အောက်ပါ ပုဂ္ဂိုလ်အားတာဝန်နှင်းအပ်လိုက်သည်။

အမည် - ဒေါ်ကျိန်ငိုက်မန်
ဖုန်း - ၀၉ ၂၆၀ ၄၃၁ ၀၉၉
ပါတီ - ဇိုမီးအမျိုးသားပါတီ
အီးမေးလ် - [email protected]

ပုံ
ဥက္ကဋ္ဌ
ဇိုမီးအမျိုးသားပါတီ

MIPI TUNGAH GENCIANNANimit: 28 Sept 2026 ZNP makai leh member khatpeuh in, ama social media khatpeuh tungah thu agen...
28/09/2026

MIPI TUNGAH GENCIANNA
Nimit: 28 Sept 2026
ZNP makai leh member khatpeuh in, ama social media khatpeuh tungah thu agente, ZNP policy ki sakha pahpah ahih man in, hih gencianna kong nei uh hi.
Mimal suahtakna leh freedom of speech (suakta tak in thugenkhiat theihna) pen ZNP in ki thupi ngaihsut mahmah hi. Tua ahih man in ZNP makai khat ahizong in, ZNP member khatpeuh in ahizong in, ama social media platform tungah suakta tak in a muhna leh angaihsutnate agenkhiat ding phalna ki pia hi.
Ahi zong in, Mipite in tuate pen mimal muhna leh mimal ngaihsutna bangin koihsak in, ZNP muhna leh ngaihsutna hilo hi cih, nong khentel sak na ding un, itna leh zahtakna lianpi tawh, “hih gencianna” kong nei uh hi.
ZNP in Zomite leh Zomi min tawh kipawlna a omsa khempeuh tawh, Zogam Zomi khantohna ding - gup leh paih nei lo- khut kilen in, nasep khop ding cih pen, ih lunggulhpi khat ahi hi.

Itna leh zahtakna tawh,
ZOMI NATIONAL PARTY

22/09/2026

ZNP Pan Zogam Khantohna Ding Hanciamna Pawlkhat
ZNP in gambup MP mi 3 ih ngah lak ah a thum un gambup committee thupi tuamtuam ah hong kihel thei uh ahih man in ih angtang mahmah hi.
Adiak in Pu Nang Khen Zam @ Sia Khen Zam pen ih gam ih lei ading hamphatna tampi apiangsak thei ding gambup committee te ah hong kihel thei ahih man in ih lungdam phadiak hi. Ama' kihelna munte:

1. Pilna Lam Committee (ပညာ​ရေး​ကော်မတီ)
Hih Committee ah lutang pen Shan state CM lui U Kyaw Tun hi a, member 15 pha uh hi. Gambup pilna lam khantohna ding a encik ding leh kisapnate avaihawm ding committee ahi hi.

2. ပညာ​ရေးဝန်ကြီးဌာနနှင့် သိပ္ပံနှင့်နည်းပညာဝန်ကြီးဌာန ရ​ငွေသုံး​​ငွေများစိစစ်​ရေးပူး​ပေါင်းအဖွဲ့ (Joint Committee for Scrutinizing the Receipts and Expenditures of the Ministry of Education and the Ministry of Science and Technology)
Hih Committee pen gambup ဝန်ကြီးဌာန (ministry) 2 te' sum ngahnate leh sum zatnate a sittel ding committee ahih man in deuleu hetlo hi.

Pu Nang Khen Zam pen B.Ed angah ngiat khat ahih ban ah pilna lam zum ah pension alak d**g citak tak in asem ngiatngiat khat ahih man in k*mpite in muang mahmah uh hi.

Tu in Tedim gam leh Tonzang gam ah Pu Khen Zam leh ZNP pan MP teng in anuai a bang in sanginn thakte amanlang in akilamna ding nakpi in kihanciam hi.

Tedim gam

1. Tedim အလက (ခွဲ) ၅
Hih sang pen 1977 k*m pek a kilam hi a, laih huai mahmah ta hi. Taihinn thak RCC 140'×30" dawl nih in lam ding in ih gel hi.

2. Tedim အထက (ခွဲ) ၅
Hih sanginn pen 1994 k*m a kilam hi a, Taihinn thak RCC 140'×30" dawl nih in lam ding in ih gel hi.

3. Laaitui အမက (၂)
Hih sang lamna ding budget akiasa himah leh gal leh sa hang tawh ki khawl phot ahih man in amanlang theipen in akilam zawhna ding ih hanciam laitak hi. Taihinn ding mah hi.

4. Tuilang အလက leh 5. Tuithang အလက te zong taihinn mah tawh laih ding in ih gel hi.

Adangte zong mipite tawh ki thuza toto a, kisapna om bang in ih hanciamto ding hi.

Tonzang gam

Tonzang sangpi ah taihinn thak khat leh Tuimui ah zong taihinn thak khat lam ding in ih gel phot hi
Khuadangte zong mipi tawh ki k*m toto in ih hanciam tohtoh ding ahi hi.

Takkheh Zomi !!!

Pasian in ZNP Gualzawhna Hongpia Leuleu Zomi minsel party khatbek ih neihsun ahi ZNP abei mang ding in nasiatak in th...
15/09/2026

Pasian in ZNP Gualzawhna Hongpia Leuleu
Zomi minsel party khatbek ih neihsun ahi ZNP abei mang ding in nasiatak in thu hong kibawl himah leh Pasian in September 14, 2026 ni in gualzawhna hong pia hi.
Thu hong kibawlna thu 3 lak ah 2 te pen party kiphiatmai in abeisiang nading deihna hi a, a thumna pen ZNP pan Chin state hluttaw akah MP mi 4 teng akiatna ding ngimna ahi hi.
Party sihna ding ngimna tawh thu hong kibawlnate teci kician omlo ahih man in thukhen zum masa ah tua tegel ZNP in zopah hi.
State MP mi 4 teng kiat theihna ding thu pen zumpi kitunto hi.
August 28, 2026 ni in tua thu tawh kisai thu tawh kiselna nunung အပြီးသတ်​လျှောက်လဲချက် (final argument) kibawl a, alang leh alang pan in thu tawh kiselna nasia tak in kinei hi. Tua pen thukhenmangpi teng' thukhen khopna စုံခုံရုံး (full tribunal) kici a, thukhen mangpi 15 tak tu ngimngiam in thu ngai uh hi.

Hih pen athulu:
ရွေးကောက်ပွဲကန့်ကွက်လွှာအယူခံအမှတ်(၂/၂၀၂၆) Election Objection Appeal No. 2/2026 kici hi.

Tu ciangciang hih dan thu kibawlna 2 bek ompan a, akhat pen Ko Ko Gyi' makaih People's Party te ahi hi. Amau' a pen ရွေးကောက်ပွဲကန့်ကွက်လွှာအယူခံအမှတ်(၁/၂၀၂၆) Election Objection Appeal No. 1/2026 hi a, nung September ni 8 ni in thu kikhen khin hi. People' Party in lel ahih man in Tanintharyi Region pan in MP mi 2 zakia pah lian hi.

Pasian' Khutma
ZNP tangthu atom in ih et ciang in Party min mahmah zong National tawh kingah zolo ding hi cih mi tampi' upna om himah leh kingahzo hi. Khuahun siatna tawh ZNP phuat khiat taktak ding ciang in suaikai ngam ding mi haksa ban ah sum le pai leh hun leh nite kigak mahmah kawmkal ah ahunlap liailiai in ki suakta to liamliam hi.
August 7, 2025 ni in party matpongtin kingah a, tua zawh kha 4 ciang in kitelna ah lut kul hipah hi. Khual kizin theilo ban ah launa linna tawh ih kidim hun hi a, MP dem ding ami nangawn ngah ding hamsa mahmah taleh ahun lap liailiai in ih ngahzo leuleu hi.
December 28, 2025 ni in Tedim ah kitelna om ding hita ahih man in tua kiim a om thatawite in mipi in vote apiak ngamlohna ding in nakpi in hanciam uh hi. Ahizong in thauvui thautang kawmkal mah ah mipite hangsan takin hong paikhia in vote hong piak uh ciang un akuama peuh in lamdang kisa mahmah hi. Mipite' itna, veina, leh hangsanna hang in tangthu ah ih neih zawh ngei nailoh mipi' palai MP 7 ih nei zopah hi.

Lam-et Loh Thu
Pasian' tung leh mipite' tungah lungdamna ko ding in ih kithawi kiamkiam laitak in atung a ih gensa bang in thu hong kibawl hiau ahih man in ih lungdam dingzah in ki lungdam thei nailo suak hi.

Thukhen Mangpi
Thukhen mangte' thukhenmangpa Pasian in thuman tak in thu akhen ding mi nakoih ahih man in gualzawhna angah ih hi hi.
ZNP in Zomi ahih nak leh party leh kipawlna minte enlo in Zogam Zomi' ading amapang peuhmah tha ihpia hi.

Mual ah ih suakkhawm liailiai ding hi

Takkheh Zomi !!!

India K*mpi' Sap Lak Ah ZNP Zong Kihel India k*mpi' vaihawm siamna tawh India te' gam thukhun leh gam thu vaihawm zi...
02/09/2026

India K*mpi' Sap Lak Ah ZNP Zong Kihel
India k*mpi' vaihawm siamna tawh India te' gam thukhun leh gam thu vaihawm ziate ava enkhia leh kankhia ding in Kawlgam pan in gambup MP 30 te September 1, 2026 ni in Yangon pan in va kuankhia ta uh hi
Tua gambup MP 30 te lak ah ZNP pan in zong 1 kihel thei ih hih man in ih angtang hi. ZNP pan in India tawh akinahvawh deuh ahi Pu Pau Lun Min Thang vapai thei hi.
Gambup MP ih neihzawh man in hidan hamphanate zong angah kha ih hi pah hi. Mailam ah zong hidan hamphatna tuamtuam tampi hong omto lai ding hi. Tulaitak ZNP in gambup MP mi 3 ih nei hi.
Thusinna leh thukanna pen September ni 8 ni d**g ding ahi hi.

Yangon vanleng tualpi ah ZNP President Pu Khaipi Banzaal makai in va kikha hi.

Mainawt Zomi !!!

24/08/2026

Lungdam Pihna Laipi

Lungdam Pihna leh Kam Kupna Tuni August 24, 2026 zingsang nai 7:00 AM a kipan in Kawlpi, Tat-oo Thida veng, Ahnawrah...
24/08/2026

Lungdam Pihna leh Kam Kupna
Tuni August 24, 2026 zingsang nai 7:00 AM a kipan in Kawlpi, Tat-oo Thida veng, Ahnawrahta lampi tung a ZNP zum ah Lungdam pihna, Kamkupna, leh ankuang umkhopna hun manpha kinei thei hi.

Lungdam Pihna
ZNP makai khat ahi Pu SK Gin Khan Pau in honorary Doctor of Social Service hongngah ahih man in party mintawh lungdam pihna laipi kipia hi. Tua laipi simkhiatna video ettheih ding in hih ZNP Page pan in atuam in kong khah uh hi.

Kam Kupna
ZNP makai a omthei teng, party member sung pan makai deuh teng ban ah MP Pu Pau Lun Min Thang leh Pu Dal Lam Mung te in ZNP mailam kalsuan zia ding tawh kisai lungkim huai tak in holimna neithei uh hi.

Ankuang Umkhopna
ZNP makaipi khat ahi Pu Do Cin Thang te innkuan in zingsang kiallap (breakfast) kician mahmah hong vak uh a, MP Pu Pau Lun Min Thang te innkuan in sun-an lim mahmah hong vak lai uh hi.

Mailam ah Zogam khuapite ah zong hih dah kimuh khopnate abanban in ih neih tohtoh zawhna ding in lunggulhna lianpi ih nai hi.

'Z' Zomite hanlung ciam khangto diam !!!

ZNP In Panmun Gina Khat Ngah August 17, 2026 ni in Naypyitaw a NSPNC zum ah matpongtin anei party teng kikaih khopna...
18/08/2026

ZNP In Panmun Gina Khat Ngah
August 17, 2026 ni in Naypyitaw a NSPNC zum ah matpongtin anei party teng kikaih khopna leh thu kikupna thupi mahmah khat kinei hi. NSPNC pen National Solidarity and Peacemaking Negotiation Committee (အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုညှိနှိုင်းရေးကော်မတီ) acihna hi.
Tua thu kikupna ah party 56 om lak ah party lutang 55 vakah thei hi. ZNP pan in zong President Pu Thang Sian Khai @ Banzaal Khaipi vakah thei hi.
Hih thu kikupna pan in mailam Kawlgam ah kilemna a om theihna ding in vaihawm pawl khat ahi Party te' Kipawlna (နိုင်ငံရေးပါတီအစုအဖွဲ့) kiphuan khia hi. Tua kipawlna thak ah panmun hawmna anuai a bang in kinei hi.

1. MP 6 pan atungsiah angah party 13 te pan palai mi 14
2. MP 1 pan 5 d**g angah party 18 sung pan palai mi 11
3. MP 1 zong angahlo party te' tangmi mi 7

Vekpi gawm palai mi 32 tawh kipawlna kiphuan hi.

Zomite' kithutuanna hang leh Pasian' thupha tawh Zomi Party ZNP in tatadih MP 7 nei ih hih man in panmun khat angah pah lian ih hi hi. USDP in bel panmun 2 ngah hi tualo MP 6 val anei party teng in panmun khatta kingah hi.

Hih Partyte' Kipawlna In Bangteng Sem Ding?

1. Gambup kilemna khawmpi bawlzawhna ding vaihawmpih ding (ပြည်ထောင်စုငြိမ်းချမ်းရေးညီလာခံ ကျင်းပရေးဆိုင်ရာ ကိစ္စရပ်တွေကို ညှိနှိုင်းဆောင်ရွက်ခြင်း)

2. Gamvai kihona ding huang bawl ding leh akisam bang a puah ding (နိုင်ငံရေးဆွေးနွေးရေး မူဘောင် (Political Dialogue Framework) ကို ရေးဆွဲခြင်းနဲ့ ပြင်ဆင်ခြင်း)

3. Local level leh gambup level gamvai kihona lamhilh ding leh encik ding (ဒေသအဆင့်နဲ့ အမျိုးသားအဆင့် နိုင်ငံရေးဆွေးနွေးပွဲတွေကို ကြီးကြပ်လမ်းညွှန်ခြင်း)

4. Kilemna tawh kisai kiciamte sepkhiat theihna ding in mipil misiamte leh apanpih dingte vaihawm sak ding (ငြိမ်းချမ်းရေး သဘောတူညီချက်တွေကို ဖော်ဆောင်ရန်အတွက် လုပ်ငန်းအထောက်အကူပြု အဖွဲ့တွေနဲ့ နည်းပညာအဖွဲ့တွေကို ဖွဲ့စည်းပေးခြင်း)

Tua teng ahih man in vailian mahmah hi.
Zomi te'n minam party neilo hileng hih khawng ah ih tutkhakna ding baih hetlo ding hi.

NCA leh UPDJC
2015 k*m October 15 ni in President U Thein Sein' vaihawm siamna tawh Gambup Kilemna Thukimna (Nationwide Ceasefire Agreement- NCA)
Naypyitaw ah kibawl hi.
Tua ni mah in thukimna anei teng in Union Peace Dialogue Joint Committee - UPDJC (
ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ ) phuan khia uh hi.
Tua UPDJC pen NLD k*mpi in zong zomsuak hi. Tua UPDJC sung ah pawl 3 kigawm in atukhawm uh ahih man in k*m tampi mualmite' lunggulhna khat ahi kiu 3 kituah kihona (သုံးပွင့်ဆိုင်​တွေ့ဆုံ​
​​ဆွေးနွေး​ရေး “tripartite talks”) hi aciliang zong pawlkhat om hi.

Tua UPDJC sung a pawl 3 te

1. K*mpi + Hluttaw + Kawl galkap
2. NCA thukimna ah akihel minam thautawite
3. Agualzo party te

Cih teng kihel hi. NLD hunsung bup Zomi te'n zong ZCD tungtawn in UPDJC ah tutna mun 1 ih ngah hi. K*m 5 sung ZCD aitang in Pu Zam Za Mung vakah hi.

Tutung UPDJC min mah zangsuak ding maw minthak phuak ding maw cih kitel nailo hi.

Bangbang hileh Zomi min tawh party lam pan panmun khat ngahta ih hih man in lungdam huai mahmah a, minam thautawi lam pan zong Zomi hong kihelzo leh hoih sem lai ding hi.

Mainawt Zomi !!!

Laaitui Sanginn Thak Kilam Thei Nailo Laaitui khua ading pi 100 × 30 agol taihinn dawl 2 lamna ding k*mpi lampan in ...
16/08/2026

Laaitui Sanginn Thak Kilam Thei Nailo
Laaitui khua ading pi 100 × 30 agol taihinn dawl 2 lamna ding k*mpi lampan in Kyats million 520 hongpia uh himah leh lei kisiatna hang in kilam theilo in asum ki-apkik phot hi.
Hih vai ih ngahloh suak ding pautawhna tawh ZNP pan MP Pu Thang Sian Thawng in hluttaw ah dotna aneih ciang in, 'Gambup budget tawh anaipen sumk*m ah akingah theihna ding in pilna lamsai zumte na tawsawn ning" ci'n Social Affairs Minister (လူမှု​ရေးဝန်ကြီး) U Sein Tun Hla (ဦးစိန်ထွန်းလှ) in dawngkik hi.

Zogam ading k*mpi lam pan hamphatna ngahtheih khempeuh ngah ding ZNP in ih lunggulhpi khat ahi hi.

Mainawt Zomi !!!

Address

Yangon

Website

Alerts

Be the first to know and let us send you an email when Zomi National Party posts news and promotions. Your email address will not be used for any other purpose, and you can unsubscribe at any time.

Shortcuts

Share

Category