20/05/2026
🎯 БАНКААР ДАМЖУУЛАН ОЛГОХ ЖИЖИГ ЗЭЭЛ
💰 ХЭН ХАМРАГДАХ БОЛОМЖТОЙ ВЭ?
✅ Хувиараа хөдөлмөр эрхлэгч — татварын албанд бүртгэлтэй, бие даан аж ахуй эрхлэгч
✅ Малчин — мал аж ахуй үндсэн орлогын эх үүсвэр болсон иргэн
✅ Бичил үйлдвэрлэл, үйлчилгээ эрхлэгч — 50 сая хүртэлх хөрөнгө/орлоготой аж ахуйн нэгж, иргэн
✅ Нөхөрлөл, хоршоо байгуулах иргэн — улсын бүртгэлд бүртгэгдсэн, бүртгүүлэхээр мэдүүлсэн эрх бүхий төлөөлөгч
✅ Гадаадаас буцаж ирсэн иргэн — суралцахаас бусад зорилгоор 6+ сар гадаадад ажиллаж амьдарч байгаад эх орондоо ирээд 48 сар хүрээгүй иргэн
🏦 ЗЭЭЛИЙН НӨХЦӨЛ
Жилийн 7%-ын хүүтэй 36 сарын хугацаатайгаар
- Хувиараа хөдөлмөр эрхлэгч, малчин 20 сая₮ хүртэл
- Нөхөрлөл/хоршоо, гадаадаас ирсэн 40 сая₮ хүртэл
- Бичил үйлдвэрлэл, үйлчилгээ эрхлэгч 50 сая₮ хүртэл
🏛️ Банк: Төрийн банк болон Хаан банкаар дамжуулан олгоно
✅ ЗЭЭЛ ХҮСЭГЧИД ТАВИХ ШААРДЛАГА
Дараах нөхцлийг бүгдийг хангасан байх шаардлагатай:
🔹 Өрийн мэдээллийн нэгдсэн сан болон Зээлийн мэдээллийн санд хугацаа хэтэрсэн зээлийн үлдэгдэлгүй байх
🔹 Жижиг, дунд үйлдвэрийг хөгжүүлэх сан, Сум хөгжүүлэх санд хугацаа хэтэрсэн зээлгүй байх
🔹 Шүүхийн шийдвэрээр тогтоогдсон төлбөрийн өргүй байх
🔹 Татвар болон нийгмийн даатгалын шимтгэлийн хугацаа хэтэрсэн өргүй байх
📋 БҮРДҮҮЛЭХ БАРИМТ БИЧИГ
1. Зээл хүссэн өргөдөл (батлагдсан загварын дагуу)
2. Иргэний үнэмлэхийн хуулбар / Аж ахуйн нэгжийн гэрчилгээний хуулбар
3. Зээлийн мэдээллийн санд хугацаа хэтэрсэн зээлгүй тухай тодорхойлолт
4. Төлбөртэй этгээдийн бүртгэлд бүртгэгдээгүй тухай шүүхийн шийдвэр гүйцэтгэх байгууллагын тодорхойлолт
5. Татвар, нийгмийн даатгалын өргүй тухай тодорхойлолт
6. ЖДҮХС, ХАААДС-д хугацаа хэтэрсэн зээлгүй тухай тодорхойлолт
7. Барьцаа хөрөнгийн өмчлөх/эзэмших эрхийн гэрчилгээ, газрын гэрээ, кадастрын зургийн хуулбар
8. Шаардлага хангасан бизнесийн төсөл
📌 ТӨСӨЛД ТАВИХ ШААРДЛАГА
Бизнесийн төсөл нь дараах 5 нөхцлийг хангасан байна:
1️⃣ Зорилт, үр дүн тодорхой тусгагдсан байх
2️⃣ Ажиллах хүч, тоног төхөөрөмж, үйл ажиллагааны орчин тооцоолсон байх
3️⃣ Орон нутгийн онцлог, давуу талд тулгуурлан өртөг шингэсэн бүтээгдэхүүн үйлдвэрлэх/үйлчилгээ үзүүлэхээр төлөвлөсөн байх
4️⃣ Хүссэн зээлийн дүнгийн 40%-иас доошгүй барьцаа хөрөнгөтэй байх
5️⃣ Төслийн хүрээнд байнгын ажлын байр бий болгож, цаашид хадгалах боломжтой байх
⭐ ДАВУУ ЭРХ
🐑 "Цагаан алт" хөдөлгөөн — арьс, шир, ноос, ноолуур боловсруулах бизнест давуу эрх олгоно
🔄 Дахин зээлд хамрагдах боломж — өмнө нь ХЭДС-аас зээл аваад зориулалтын дагуу зарцуулж, тодорхой үр дүнд хүрсэн, хугацаандаа төлсөн иргэн, аж ахуйн нэгж дахин хамрагдаж болно
📞 ХААНА ХАНДАХ ВЭ?
👉 Хөдөлмөр, халамжийн үйлчилгээний газар 108 тоот
👉 Сумын хөдөлмөр эрхлэлтийн асуудал хариуцсан мэргэжилтэн
🌐 bayankhongor.hudulmur-halamj.gov.mn
📱70442923
📢 Ажлын байр шинээр бий болгох, өргөтгөх, хадгалах зорилготой бол энэ боломжийг бүү алдаарай!
#ЖижигЗээл #ХөдөлмөрЭрхлэлт #БичилБизнес #ХЭДС #ТөрийнБанк #ХаанБанк
