Говьсүмбэр аймгийн Хүүхэд, гэр бүлийн хөгжил, хамгааллын газар

02/08/2026

📍 Говьсүмбэр аймгийн Сүмбэр сумын Малх багийн өдөрлөгт Хүүхэд хамгааллын явуулын үйлчилгээг зохион байгууллаа.

🔰Өдөрлөгийн хүрээнд хүүхэд, гэр бүл, иргэдэд хүүхэд хамгааллын чиглэлээр зөвлөгөө, мэдээлэл хүргэж, хүүхдийн эрхийг хамгаалах, эрсдэлээс урьдчилан сэргийлэх талаарх мэдлэг ойлголтыг нэмэгдүүлэх үйл ажиллагааг зохион байгуулан ажиллалаа.

🤝 Мөн Хамтарсан багийн үйл ажиллагаа, үзүүлж буй үйлчилгээ, иргэн бүрийн оролцооны ач холбогдлыг сурталчилж, иргэдийн санал хүсэлтийг сонсож, мэдээлэл солилцов.

✨ Хүүхэд бүрийн аюулгүй, хамгаалагдсан орчин нь бид бүгдийн хамтын оролцооноос эхэлдэг.

#ХүүхэдХамгаалал #ЯвуулынҮйлчилгээ #ХамтарсанБаг #Говьсүмбэр #СүмбэрСум #МалхБаг

31/07/2026

✅ “ХАЛУУН АМ БҮЛ” төслийн “Жаргалтай гэр бүл” хөтөлбөрийн хүрээнд зохион байгуулагдаж буй “Дүрслэх урлаг ба сэтгэл зүйн гэр бүлийн арга хэмжээ”-ний сургалтын үйл явцаас.

#ХалуунАмБүл #ЖаргалтайГэрБүл #ГэрБүлийнХөгжил

31/07/2026

✅ “ХАЛУУН АМ БҮЛ” төслийн “Жаргалтай гэр бүл” хөтөлбөрийн хүрээнд зохион байгуулагдаж буй “Дүрслэх урлаг ба сэтгэл зүйн гэр бүлийн арга хэмжээ” хоёр дахь өдрөө амжилттай зохион байгуулагдлаа.

🔰Арга хэмжээний хүрээнд Creative House Mongolia урлагийн сэтгэл заслын төвийн лектор, чиглүүлэгч багш Г. Золжаргал “Хүүхэд хүмүүжлийн эерэг арга” сэдвээр лекц уншиж, эцэг, эх, асран хамгаалагчид болон төрийн байгууллагуудын Эцэг эхийн зөвлөлийн төлөөллүүдийг хамруулан хүүхдийн хөгжил, хүмүүжлийн онцлог, эерэг харилцааг төлөвшүүлэх арга барилын талаар мэдлэг, мэдээлэл хүргэлээ.

🔰Лекцийн дараа оролцогчдын дунд бүлгийн ярилцлага зохион байгуулж, хүүхэдтэйгээ үр дүнтэй харилцах арга барил, эерэг хүмүүжлийн ач холбогдол, гэр бүлийн халуун дулаан уур амьсгалыг бүрдүүлэх арга замын талаар санал бодлоо солилцон, өөрсдийн туршлагаа хуваалцлаа.

🔰Энэхүү арга хэмжээ нь эцэг, эх, асран хамгаалагчдын хүүхдээ ойлгон дэмжих ур чадварыг нэмэгдүүлэх, гэр бүлийн эерэг харилцааг бэхжүүлэхэд чиглэсэн үр өгөөжтэй уулзалт болж өндөрлөлөө.

30/07/2026

⚖️Аймгийн Хүүхдийн эрхийн хууль зүйн хорооны ээлжит хурал зохион байгуулагдлаа.

✅Аймгийн Хүүхдийн эрхийн хууль зүйн хорооны ээлжит хурлыг 2026 оны 07 дугаар сарын 30-ны өдөр 76.9 хувийн ирцтэйгээр зохион байгууллаа. Хурлаар дараах асуудлуудыг хэлэлцлээ. Үүнд:
🔰Хүүхдийн эрхийн хууль зүйн хорооны гишүүдэд хүүхэд хамгааллын чиглэлээр хэрэгжиж буй үйл ажиллагаа, цаг үеийн асуудлын талаар мэдээлэл өгөх
🔰Хүүхдийн эрхийн хууль зүйн хорооны 2026 оны үйл ажиллагааны төлөвлөгөөний эрчимжүүлэх шаардлагатай арга хэмжээний талаар танилцуулах
🔰Хүүхдийн эрхийн хууль зүйн хороогоор 2 кейс мэдээллийг танилцуулж, цаашид авч хэрэгжүүлэх арга хэмжээний талаар хэлэлцэн шийдвэрлэлээ.

30/07/2026

✅ “ХАЛУУН АМ БҮЛ” төслийн “Жаргалтай гэр бүл”хөтөлбөрийн хүрээнд зохион байгуулагдаж буй “Дүрслэх урлаг ба сэтгэл зүйн гэр бүлийн арга хэмжээ”-ний хүрээнд Creative House Mongolia урлагийн сэтгэл заслын төвийн лектор, чиглүүлэгч багш Г. Золжаргал хүүхдүүдэд зориулсан арт зураг зурах сургалтыг амжилттай зохион байгууллаа.

🎨 Сургалтын үеэр хүүхдүүд өөрсдийн төсөөлөл, мэдрэмж, сэтгэл хөдлөлөө зураг урлалаар чөлөөтэй илэрхийлж, бүтээлч сэтгэлгээгээ хөгжүүлэхийн зэрэгцээ хөгжилтэй, үр бүтээлтэй цагийг өнгөрүүллээ.

#ХалуунАмБүл #ЖаргалтайГэрБүл #АртТерапи #ДүрслэхУрлаг #ХүүхдийнХөгжил #БүтээлчСэтгэлгээ #СэтгэлЗүйнДэмжлэг #ГэрБүл #Говьсүмбэр

30/07/2026

✅ “ХАЛУУН АМ БҮЛ” төслийн “Жаргалтай гэр бүл” хөтөлбөрийн хүрээнд зохион байгуулагдах “Дүрслэх урлаг ба сэтгэл зүйн гэр бүлийн арга хэмжээ” эхэллээ. 🎨💙

Бяцхан хүүхдүүд зураг зурж, бүтээлч сэтгэлгээгээ хөгжүүлэхийн зэрэгцээ гэр бүлээрээ хамтдаа аз жаргалтай мөчүүдийг бүтээж байна.

📍 Хаана: Чойр хотын Захирагчийн алба

Та бүхнийг гэр бүлээрээ хүрэлцэн ирж, идэвхтэй оролцохыг урьж байна.

Хамтдаа бүтээж, хамтдаа аз жаргалыг мэдэрцгээе. 💙

#ХалуунАмБүл #ЖаргалтайГэрБүл #ГэрБүлийнХөгжил #ДүрслэхУрлаг

29/07/2026

29/07/2026

📢 МЭДЭЭЛЭЛ

Өчигдөр сураггүй болсон хүү олдлоо. 🙏

28/07/2026

🏕️"ИХ ХААНЫ МӨРӨӨР" ОЛОН УЛСЫН ЖЕМБОРИ-III ЦУГЛАРАЛТ
2026 оны 07 дугаар сарын 26-наас 08 дугаар сарын 01-ний өдрүүдэд Хэнтий аймгийн "Хэрлэн" зусланд "Их хааны мөрөөр" уриан дор Олон улсын Жембори-III цугларалт зохион байгуулагдаж байна. Тус арга хэмжээнд 20 аймаг, 8 дүүрэг болон олон улсын байгууллагын төлөөлөл болох 913 хүүхэд, залуус оролцож, үндэсний өв соёл, түүх, уламжлал, скаутын ур чадварын олон талт хөтөлбөрт хамрагдаж байна.
Говьсүмбэр аймгаас Б.Даариймаа багшаар ахлуулсан скаутын 8 хүүхэд амжилттай оролцож байна.

28/07/2026

🏕️"ИХ ХААНЫ МӨРӨӨР" ОЛОН УЛСЫН ЖЕМБОРИ-III ЦУГЛАРАЛТ
2026 оны 07 дугаар сарын 26-наас 08 дугаар сарын 01-ний өдрүүдэд Хэнтий аймгийн "Хэрлэн" зусланд "Их хааны мөрөөр" уриан дор Олон улсын Жембори-III цугларалт зохион байгуулагдаж байна.

Тус арга хэмжээнд 20 аймаг, 8 дүүрэг болон олон улсын байгууллагын төлөөлөл болох 913 хүүхэд, залуус оролцож, үндэсний өв соёл, түүх, уламжлал, скаутын ур чадварын олон талт хөтөлбөрт хамрагдаж байна.

Говьсүмбэр аймгаас Б.Даариймаа багшаар ахлуулсан скаутын 8 хүүхэд амжилттай оролцож байна.👏🇲🇳