Манхан сумын Иргэдийн Төлөөлөгчдийн Хурал, Засаг даргын Тамгын газар

10/07/2026

🤩 НУТГИЙН БАХАРХАЛ🤩
🇲🇳Үндэсний их баяр наадмын Буриад сурын харвааны эмэгтэй төрөлд мөнгөн медаль хүртэж, дэд байр эзэлсэн Манхан сумын уугуул, Жаргалант сумын харьяат, Бүтээмж Тауэр ХХК, Цаст Алтай цогцолбор сургууль, Ховд аймгийн “Уулсын мэргэчүүл” харваачдын холбоо, Шинч мэргэд багийн харваач Батхүүгийн Цэцэгмаа танд Манхан сумын нийт иргэдийн нэрийн өмнөөс чин сэтгэлийн халуун баяр хүргэе.

✅Тэрээр Буриад сурын эмэгтэй төрөлд Ховд аймгаас төрсөн анхны дэд байрын эзэн болж, нутгийнхаа нэрийг улсын хэмжээнд өндөрт өргөлөө.👏👏👏

✅Таны хөдөлмөр, ур чадвар, хичээл зүтгэлийг сурын алтан шар зурхай өнөд ивээж, цэц мэргэн нь улам бүр тодрон хараа хурц, уухай цээл байхын ерөөл өргөе.

✅Манхан нутгийн бахархал болсон танд дахин халуун баяр хүргэж, эрүүл энх, аз жаргал, спортын өндөр амжилтыг хүсэн ерөөе! 🇲🇳🏹

Хүндэтгэсэн:
Манхан сумын Иргэдийн Төлөөлөгчдийн Хурал, Засаг даргын Тамгын газар

10/07/2026

МАНХАНЧУУДДАА ХУРТАЙ САЙХАН ӨГЛӨӨНИЙ МЭНДИЙГ ХҮРГЭЕ☀️
🇲🇳Нутгийн ард иргэд та бүхэндээ Тулгар төрийн 2235, Их Монгол улсын 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 , Ардчилсан хувьсгалын 36 жилийн ой, Үндэсний их баяр наадмын мэнд дэвшүүлье! 👏
🇲🇳Монгол түмний минь хийморь өөдөө байж, эх орон минь энх амгалан, хөгжил дэвшил цэцэглэн мандах болтугай. 🇲🇳
МАНХАН СУМЫН ИТХ, ЗДТГ

09/07/2026

"ТӨРИЙН АЛБАНЫ ТЭРГҮҮНИЙ АЖИЛТАН" цол тэмдэгээр шагнуулсан Байгаль орчны хяналтын Улсын байцаагч Ламсангийн Данзансүрэн танд халуун баяр хүргэе 👏👏👏

09/07/2026

06/07/2026

01/07/2026

✅СУМЫН ИРГЭДИЙН ТӨЛӨӨЛӨГЧДИЙН ХУРЛЫН ЭЭЛЖИТ ЕСДҮГЭЭР ХУРАЛДААН БОЛЛОО✅

📌Манхан сумын Иргэдийн Төлөөлөгчдийн Хурлын ээлжит хуралдаан зохион байгуулагдаж, цаг үеийн нөхцөл байдалтай холбоотой нийт 8 асуудлыг, төлөөлөгчдийн 80.6 хувийн ирцтэйгээр хуралдан хэлэлцлээ.

Хуралдаанаар⤵️
🔸Сумын 2025 оны төсвийн гүйцэтгэлийн тайлан танилцуулах тухай (аудит орсон байдлаар)
🔸Хоршоо хөгжүүлэх сангийн зээлийн мэдээлэл, шинэчлэгдсэн журам танилцуулах, сумын хоршооны гишүүн малчны зээлийн хэрэгжилтийн тухай.
🔸Төгрөг гол багийн Засаг даргын 2025-2026 оны ажлын тайлан мэдээлэл хэлэлцэх тухай.
🔸Манхан сумын малын үржлийн ажлын дунд хугацааны 2026-2040 оны стратеги төлөвлөгөө батлах тухай.
🔸Сумын “Сэнхэр агуйт” ХХК-ийн захирал Төгрөг гол багийн иргэн Д.Шийжавын хүсэлт хэлэлцэх тухай.
🔸Орон нутгийн хөгжлийн сангийн 2026 оны төсөл хөтөлбөрийн зарим нэршил өөрчлөн батлах тухай асуудлуудыг хэлэлцэхээр төлөвлөсөн бол:
📝Хурлын үеэр Иргэдийн Төлөөлөгчдийн Хурлын төлөөлөгч Д.Эрдэнэбатын саналаар "Байгалийн нөөцийн хамтын менежментийн Рашаантын хоёр хүрхрээ" нөхөрлөлийн үйл ажиллагааны тайлан, мэдээллийг нэмэлтээр хэлэлцэж, байгалийн нөөцийг хамгаалах, зохистой ашиглах чиглэлээр хэрэгжүүлж буй үйл ажиллагаа, цаашдын зорилтын талаар мэдээлэл сонслоо.

📌Түүнчлэн Иргэдийн Төлөөлөгчдийн Хурлын төлөөлөгч Х.Алтангэрэлийн саналаар САТ-1 хэв шинжийн шүлхий өвчний тархалт нэмэгдэж буй цаг үеийн нөхцөл байдалтай холбогдуулан холбогдох мэдээллийг сумын Засаг дарга П.Мягмарсүрэн танилцуулав. Энэ үеэр аймаг, сумын хэмжээнд өвчний тархалтыг хязгаарлах, урьдчилан сэргийлэх, хорио цээрийн дэглэмийг мөрдүүлэх, тандалт, хяналт, ариутгалын ажлыг эрчимжүүлэх зэрэг авч хэрэгжүүлж буй арга хэмжээний талаар дэлгэрэнгүй мэдээлэл өгч, цаашид төр, мэргэжлийн байгууллага, малчдын хамтын ажиллагааг сайжруулан ажиллах шаардлагатай талаар санал солилцлоо.

📌Сумын "Сэнхэр агуйт" ХХК-ийн захирал, Төгрөг гол багийн иргэн Д.Шийжавын гаргасан хүсэлтийг хэлэлцэх үеэр сумын газрын даамал Ц.Нансалмаа, Ховд аймгийн Газрын харилцаа, барилга, хот байгуулалтын газрын холбогдох мэргэжилтнүүд оролцож, тухайн асуудалтай холбоотой газрын харилцааны хууль тогтоомж, эрх зүйн зохицуулалт болон шийдвэрлэх боломжийн талаар төлөөлөгчдөд дэлгэрэнгүй мэдээлэл өгч, асуултад хариулан санал солилцлоо.

🖋️Хуралдаанд оролцсон төлөөлөгчид хэлэлцсэн асуудал тус бүрээр санал, зөвлөмж гарган, холбогдох тогтоол, шийдвэрүүдийг баталж, хэрэгжилтэд хяналт тавин ажиллахаар шийдвэрлэлээ.✅

28/06/2026

Сумын ИТХ-ын ээлжит хуралдаан маргааш буюу 2026.06.29-ны 09:00 цагаас ЗДТГ-ын иргэний танхимд нээлттэй болох тул сонирхсон иргэд, хөдөлмөрчид та бүхнийг урьж байна.

26/06/2026

ГАЗРЫН ҮЙЛЧИЛГЭЭНИЙ КИОСК МАШИНЫГ ХҮЛЭЭН АВЧ, АШИГЛАЛТАД ОРУУЛЛАА✅

🔸Тус ажлыг Орон нутгийн хөгжлийн сангийн 19.9 сая төгрөгийн хөрөнгө оруулалтаар хэрэгжүүлж, "Эрхэт инновац" ХХК нийлүүлэн суурилуулж, ашиглалтад хүлээлгэн өглөө.

🔸Газрын харилцааны үйлчилгээний киоск машин нь газрын харилцаатай холбоотой мэдээлэл, лавлагааг цахимаар авах боломжийг иргэдэд бүрдүүлж байгаа юм.

🔸Иргэд газрын нэгж талбарын мэдээлэл, кадастрын зураг, газар эзэмших, ашиглах эрхтэй холбоотой зарим төрлийн лавлагаа мэдээллийг хялбар байдлаар авах боломжтой боллоо.

🔸Мөн төрийн байгууллагын ачааллыг бууруулж, иргэдийн цаг хугацаа, зардлыг хэмнэх давуу талтай юм. Цахим үйлчилгээний хүртээмж нэмэгдсэнээр иргэд шаардлагатай мэдээллээ шуурхай авч, үйлчилгээний чанар, үр нөлөө сайжрах нөхцөл бүрдэж байна.

🌐Цаашид иргэдийг цахим үйлчилгээг өргөнөөр ашиглаж, төрийн үйлчилгээг илүү хялбар, түргэн шуурхай авахыг уриалж байна.👏👏👏

24/06/2026

📚СУМЫН ИРГЭДИЙН ТӨЛӨӨЛӨГЧДИЙН ХУРЛЫН ЗӨВЛӨЛ ХУРАЛДАВ.
Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулгын дагуу сумын ИТХ-ын Зөвлөл байгуулагдсан бөгөөд уг Зөвлөл нь хуралдааны шийдвэрийн биелэлтийг хангуулах арга хэмжээг зохион байгуулах, хуралдааны бэлтгэл хангах, хуралдаан хоорондын хугацаанд Хурлын хороо, ажлын хэсгийн үйл ажиллагааг уялдуулан зохицуулах үүрэгтэй ажилладаг.
ИТХ-ын Зөвлөл 2026 оны 06 сарын 22-ны өдөр хурлаа хийлээ.
Тус зөвлөлийн хурлаар:
✅Сумын ИТХ-ын ээлжит есдүгээр хуралдааны тов зарлах тухай
✅Сумын ИТХ-ын есдүгээр хуралдаанаар хэлэлцэх асуудлын төлөвлөгөө батлах тухай асуудлуудыг шийдвэрлэлээ.
Хэлэлцсэн асуудлуудад сумын ИТХ-ын Зөвлөлийн гишүүд өөрсдийн саналуудаа тусгаж, ээлжит хуралдааныг 06 дугаар сарын 29-нд товлож,
1. Сумын 2025 оны төсвийн гүйцэтгэлийн тайлан танилцуулах тухай (аудит орсон байдлаар)
2. Хоршоо хөгжүүлэх сангийн зээлийн мэдээлэл, шинэчлэгдсэн журам танилцуулах, сумын хоршооны гишүүн малчны зээлийн хэрэгжилтийн тухай.
3. Төгрөг гол багийн Засаг даргын 2025-2026 оны ажлын тайлан мэдээлэл хэлэлцэх тухай.
4. Манхан сумын малын үржлийн ажлын дунд хугацааны 2026-2040 оны стратеги төлөвлөгөө батлах тухай.
5. Сумын “Сэнхэр агуйт” ХХК-ийн захирал Төгрөг гол багийн иргэн Д.Шийжавын хүсэлт хэлэлцэх тухай.
6. Орон нутгийн хөгжлийн сангийн 2026 оны төсөл хөтөлбөрийн зарим нэршил өөрчлөн батлах тухай зэрэг асуудлыг хэлэлцэхээр санал нэгдлээ.👏

24/06/2026

ХОВД АЙМГИЙН ЭРҮҮЛ МЭНДИЙН ДААТГАЛЫН ХЭЛТСИЙН АЖЛЫН ХЭСЭГ МАНХАН СУМАНД АЖИЛЛАЛАА✅

✅Ховд аймгийн Эрүүл мэндийн даатгалын хэлтсийн дарга М.Даваасүрэн, мэргэжилтэн Б.Эрдэнэсолонго, Б.Мөнхдолгор нар Манхан суманд ажиллаж, сумын Иргэдийн Төлөөлөгчдийн Хурал, Засаг даргын Тамгын газрын албан хаагчдад эрүүл мэндийн даатгалын тогтолцоо, даатгалын шимтгэлийн хувь хэмжээ, даатгуулагчийн эрх, үүрэг, эрүүл мэндийн даатгал төлснөөр авах боломжтой тусламж, үйлчилгээний талаар дэлгэрэнгүй мэдээлэл өгч, сургалт зохион байгууллаа.

✅Сургалтын үеэр Эрүүл мэндийн даатгалын үндэсний зөвлөлийн 2026 оны 07 дугаар тогтоолын хүрээнд хийгдсэн шинэчлэлүүдийг танилцуулж, эрүүл мэндийн тусламж, үйлчилгээг шатлалын дагуу зөв зохион байгуулах, анхан шатны эрүүл мэндийн байгууллагын үүрэг, оролцоог нэмэгдүүлэх, төрөлжсөн мэргэшлийн эмнэлгүүдийн ачаалал, төвлөрлийг бууруулах зорилгоор нэвтрүүлж буй “хаалга баригчийн тогтолцоо”-ны талаар дэлгэрэнгүй мэдээлэл өглөө.

✅Мөн даатгуулагч иргэд анхан шатны эрүүл мэндийн байгууллагаар дамжин шаардлагатай тохиолдолд лавлагаа шатлалын тусламж, үйлчилгээг авах, жирэмсний хяналтын шинэ зохицуулалт, гэрээт эмнэлэг болон эмийн сангийн үйлчилгээ, хөнгөлөлттэй эм, тусламж үйлчилгээний талаарх мэдээллийг танилцуулсан юм.

📌Түүнчлэн иргэд Эрүүл мэндийн даатгалын шимтгэлээ “Edaatgal” аппликейшнээр хялбархан төлөх, 1818 иргэний хяналтын нэгдсэн порталын AI туслахыг ашиглан эрүүл мэндийн даатгалтай холбоотой мэдээллээ шуурхай авах боломжтой талаар мэдээлэл өгч, зөвлөгөө хүргэлээ.

📌Сургалтын үеэр эрүүл мэндийн даатгал нь зөвхөн шимтгэл төлөхөөс гадна шаардлагатай үед чанартай, хүртээмжтэй эрүүл мэндийн тусламж, үйлчилгээг авах баталгаа болдог талаар онцлон тэмдэглэв. Мөн эрүүл мэндийн байгууллагууд даатгуулагч иргэдэд үзүүлсэн тусламж, үйлчилгээнийхээ зардлыг Эрүүл мэндийн даатгалын сангаас батлагдсан тарифын дагуу нөхөн авдаг тул иргэн бүр даатгалдаа тогтмол хамрагдаж, өөрийн эрхийн хүрээнд эрүүл мэндийн тусламж үйлчилгээг бүрэн хүртэх боломжтой болохыг тайлбарласан юм.

✅Энэхүү сургалт нь албан хаагчдын эрүүл мэндийн даатгалын талаарх мэдлэг, ойлголтыг нэмэгдүүлж, даатгалын үр өгөөж, ач холбогдлыг илүү сайн ойлгоход чиглэсэн үр дүнтэй, ач холбогдол бүхий арга хэмжээ боллоо.👏👏
📌Сургалтын үеэр эрүүл мэндийн даатгалын талаарх мэдээллийг иргэдэд шат дараатайгаар хүргэж, даатгалын хамрагдалт, мэдлэг ойлголтыг нэмэгдүүлэх чиглэлээр хамтын ажиллагааг өргөжүүлэх талаар санал солилцсон нь арга хэмжээний үр өгөөжийг улам нэмэгдүүллээ.✅

📌Өнөөдрийн төлсөн даатгал маргаашийн эрүүл мэндийн баталгаа болдог. Даатгалдаа хамрагдаж, эрүүл мэндийн тусламж үйлчилгээгээ эрхийнхээ дагуу бүрэн хүртэж хэвшицгээе.👏