Сайншанд сум /хот/-ын Засаг даргын Тамгын газар

29/07/2026

“МАНАЙ ОРЦ-2” ТӨСӨЛ ХЭРЭГЖИЖ БАЙНА

Сумын ОНХС-ын хөрөнгө оруулалтаар хэрэгжиж буй “Манай орц-2” төслийн хүрээнд шаардлагатай орон сууцны орцны хаалгыг засварлах ажлыг “Эйбол” ХХК гүйцэтгэж байна.
Төслийн хүрээнд нийт 63 ширхэг гадна орцны хаалгыг кодтой хаалга болгон засварлаж байгаа бөгөөд засварын ажлын гүйцэтгэл 90 хувьтай байна.

24/07/2026

МЭДЭГДЭЛ
Монгол Улсын Засгийн газрын 2026 оны 286 дугаар тогтоолоор өвөлжилтийн бэлтгэл ажлыг хангах, улс болон орон нутгийн өвс, тэжээл, дулаан хангамж, хүнс, шатахууны нөөцийг бүрдүүлэх, хичээлийн шинэ жилийн бэлтгэл ажлыг хангах, урсгал болон их засварын ажлыг бүх салбарт шуурхай зохион байгуулах үүрэг чиглэлийг орон нутгийн удирдлагуудад өгсөн.
Тус шийдвэртэй холбогдуулан 2026 оны 08 дугаар сарын 01-ний өдрөөс хойш аливаа баяр наадам, фестиваль зэрэг олон нийтийг хамарсан арга хэмжээ зохион байгуулахыг хориглосон байна.
Дорноговь аймгийн нутаг дэвсгэрт 2026 оны 08 дугаар сарын 14-16-ны өдрүүдэд зохион байгуулахаар төлөвлөсөн “Тэнгэрийн хутагт” аялал жуулчлалын фестивалийг дараа жил зохион байгуулахаар хойшлуулсан болохыг мэдэгдье.

24/07/2026

📌 ХИЧЭЭЛИЙН ШИНЭ ЖИЛИЙН БЭЛТГЭЛ АЖЛЫГ ЭРЧИМЖҮҮЛЭХ ЧИГЛЭЛЭЭР ҮҮРЭГ ӨГЛӨӨ

Сайншанд сумын Засаг дарга С.Одбаяр 2026.07.24-ний өдөр ерөнхий боловсролын сургууль, цэцэрлэг, өрхийн эрүүл мэндийн төвийн удирдлагуудтай уулзаж, хичээлийн шинэ жил болон өвөлжилтийн бэлтгэл ажлыг эрчимжүүлэх, байгууллагуудын бэлэн байдлыг хангах, орчны цэвэрлэгээ, тохижилтыг сайжруулах чиглэлээр үүрэг өгч, тулгамдсан асуудал болон цаашид хэрэгжүүлэх арга хэмжээний талаар санал солилцлоо.

14/07/2026

🐎🇲🇳 Дэлхийн адууны өдөр, "Түмэн морьтны жагсаал"-д Дорноговь аймгийн 333 адуучин оролцлоо.
Тэдний дунд Сайншанд сумаас аймаг, сумын Алдарт уяачдын төлөөлөлд багтсан 23 адуучин оролцож, Дорноговь нутгийнхаа хийморь, адууны өв соёлыг ирээдүй хойч үедээ өвлүүлэх үйлсэд үнэтэй хувь нэмэр орууллаа.

06/07/2026

06/07/2026