27/03/2026
Цэнхэр хотгорын Америк багш.
Боб багшийн жинхэнэ нэр нь Крис Смить АНУ-ын Вашингтон мужийн баруун эргийн бороотой ойн бүсэд төрсөн. Түүний ээж нь бага сургуулийн биеийн тамирын багш, аав нь компьютерын инженер хүмүүс. Боб ах Тимийн хамт, гэрийнхээ эргэн тойрон дахь ой мод, намаг дундуур зугаалж өссөн ба, удалгүй "Зэрлэг байгаль" хэмээх байгалийн сургуульд элссэн. Хүүхэд байхдаа тэрээр амьтдын мөр хөөх, шувууг таних, ургамал судлах дуртай бусад хүмүүстэй уулзаж тэднээс суралцдаг хүүхэд байжээ. Бобын хамгийн дуртай зүйлсийн нэг бол орой бүр нэг цагийн турш арын хашаандаа асар том модны доор хөдөлгөөнгүй сууж эргэн тойрныхоо шувууд, ургамал, амьтдыг сонсож, ажиглах явдал байв.
Боб Бремертон Вашингтон мужид сургуульд сурч, ахлах сургуулиа онц төгссөн. Тэрээр бүх хичээлдээ сайн сурдаг ч бага наснаасаа л бусдад байгалийн талаар зааж байхдаа үргэлж онцгой догдолдог ба илүү ихийг зааж танин мэдэх хүсэл тэмүүлэлтэй байдгаа анзаардаг байжээ. Боб эдгээр сонирхлоо хэрэгжүүлэхийн тулд коллежид суралцахаар шийдэж, Хумбольдтын Нэрэмжит Улсын Их Сургуульд 4 жил суралцаж, тэнд байгалийн ухааны эрдэмтэдийн бүлэгт элсэн, тэдэнтэй уулзаж, тэднээс суралцахаар болжээ. Тэд олон амралтын өдрүүдийг ойд гүлмэр хайж, шувуу ажиглаж, эсвэл аварга том Редвудын ойгоор аялан өнгөрөөдөг байв. Боб төгссөнийхөө дараа дэлхийн өнцөг булан бүрт зэрлэг ан амьтдыг судлах чиглэлээр 3 жил ажилласан бөгөөд үүнд Амазонкийн халуун орны шувуудыг барих, Шинэ Зеланд, Аляска, Австралид ховордсон шувуудтай ажиллах, Намибид бабун сармагчнуудыг хянах зэрэг багтжээ.
Дараа нь Боб Хумбольдтын Улсын Их Сургуульд магистрын зэрэг хамгаалж, шувууд Кенийн кофены фермүүдэд хортон шавьж идэхэд хэрхэн тусалдаг талаар судалжээ. Магистрын зэрэг хамгаалж байхдаа Боб Меган гэдэг биологийн чиглэлээр суралцаж байсан оюутантай танилцаж, түүнтэй 8 жил үерхэн болзож байгаад 2021 онд гэрлэжээ. COVID-19 цар тахлын үеэр Боб Шар Хадны Дархан Цаазат газарт багшлах ажлаасаа халагдаж, эхнэр Меганы хамт Вашингтон руу явж, эцэг эхтэйгээ хамт амьдарч, жижиг байшин барьсан. Дараа нь Меган, Боб нар Невада мужийн Рено хот руу нүүж, Сьерра Уулсын Коллежийн оюутнуудад экологийн багшаар ажиллажээ. Сүүлийн 8 жилийн хугацаанд Боб багш Доктор Бадамгаравын санаачлан байгуулсан Раунд Ривер Байгаль Хамгааллын Хөтөлбөрт багшаар орсон ба Дархад хотгорт ирснээр, тэндхийн хүмүүс болон зэрлэг ан амьтдад дурлажээ. Тэрээр Ж.Төмөрсүх болон түүний хамт олон нь түүний уулзаж байсан хамгийн урам зоригтой, тууштай байгаль хамгаалагчдын нэг гэж итгэдэг, мөн дэлхийн хаана ч харж байгаагүй өв соёл ёс заншилтай хамгийн хүчирхэг хүмүүстэй хамт ажилладагтаа баяртай байдаг ба цаашид илүү их судалгаа шинжилгээг хамтран хийж Дархадын Хотгорын бусад бүс нутгийн иргэдтэй хамтран ажиллаж байгаль дэлхийг хамгаалах ажилд илүү их хувь нэмрээ оруулахыг хүсч байна.
