27/05/2026
#Эрүүл мэндийн статистик, тандалтын тогтолцоо нь өвчлөл, эндэгдлийн эрсдэлийг эрт илрүүлж, бодлого шийдвэрийг нотолгоонд тулгуурлан гаргах үндэс болдог. ЭМЯ, ЭМХТ, ЭХЭМҮТ, НҮБ-ын Хүн амын сантай хамтран эрүүл мэндийн статистик, тандалтын тогтолцооны чадавхыг бэхжүүлэх үндэсний хэмжээний бага хурлыг 2026 оны 05 дугаар сарын 27-29-ний өдрүүдэд зохион байгуулах юм.
ЭХЭМҮТ нь 05 сарын 27-нд эрүүл мэндийн статистик, тандалтын тогтолцооны чадавхыг бэхжүүлэх сургалтыг амаржих газрууд, 21 аймаг, 9 дүүргийн эрүүл мэндийн байгууллагын 60 гаруй мэдээллийн мэргэжилтэнд зохион байгуулж, салбарын хэмжээнд мөрдөгдөж буй тушаалын хэрэгжилт, тандалтын тогтолцоонд тулгамдаж буй асуудал, мэдээллийн нэгдсэн сангийн уялдаа холбоог сайжруулах талаар санал бодлоо солилцсон.
Онол, дадлага хослуулсан сургалтаар жирэмслэхээс сэргийлэх арга хэрэгсэл, өсвөр үеийн эрүүл мэнд, эх, хүүхдийн өвчлөл, эндэгдлийн өнөөгийн байдлаар мэдээлэл өгч, салбарын хэмжээнд мөрдөгдөж буй тушаал, журмын хэрэгжилт, эрүүл мэндийн үзүүлэлтийн тодорхойлолт, тооцох аргачлалыг заасан.
Сургалтанд оролцогчид эх, хүүхдийн өвчлөл, эндэгдлийг бууруулахад нөлөөлөх нэг хүчин зүйл нь үнэн зөв, шуурхай мэдээлэл гэдгийг онцлоод, тандалтын тогтолцоонд тулгамдаж буй асуудал, мэдээллийн нэгдсэн сангийн уялдаа холбоог сайжруулах, эх, хүүхдийн өвчлөл, эндэгдлийг бууруулах талаар хэлэлцүүлэг өрнүүлж, санал солилцлоо.
