Ардчилсан Нам:
• Монгол хүн итгэл үнэмшилтэй байх, үзэл бодлоо илэрхийлэх эрх чөлөөтэй болсон;
• Эрх чөлөөт иргэдээс бүрдэх нийгмийн үндэс суурь бүрэлдсэн;
• Ардчилал, зах зээлд тулгуурласан хөгжил эргэлт буцалтгүй болсныг тэмдэглэн
• Монгол улсад хүний эрх, эрх чөлөө биеллээ олох нөхцлийг баталгаажуулах шаардлагатайг;
• Үндсэн хуулийн тулгуур үзэл санаа төгс хэрэгжихэд илүү хүчин
чармайлт шаардагдаж байгааг;
• Иргэдийн аж амьдралын эдийн засгийн боломж бүрэн хангагдаагүйг;
• Иргэний нийгмийн хөгжлийн сорилтыг давах чадавхи төлөвшөөгүйг;
• Эрх чөлөөт иргэний нээлттэй нийгмийн хөгжлийг батжуулан төгөлдөржүүлэх үүрэг улам бүр нэмэгдэж буйг гүнээ ухамсарлан
Ардчиллыг бэхжүүлэн хөгжүүлэх намын хүсэл зориг, чадамж чухамхүү намын дотоод ардчиллаар хангагдана гэдгийг иш үндэс болгон тулгуур үзэл баримтлалаа үйл ажиллагааны Удирдлага болгон хэрэгжүүлэхээр тодорхойлж байна.
