Монголбанк /Монгол Улсын Төв банк/

27/08/2026

Монголбанк /Монгол Улсын Төв банк/- ны Мөнгөний бодлого, судалгааны газрын захирал Нанжидын Ургамалсувдтай ярилцлаа.

Сэдэв:
1. Мөнгөний бодлого, төсвийн бодлоготой хэрхэн уялдаж байна вэ?
2. Төв банк яагаад бодлогын хүүгээ нэмсэн бэ?
3. Мөнгөний нийлүүлэлтийг хэн хянах вэ?
4. Төсвийн тодотгол бодлогын хүүд яаж нөлөөлөх вэ?
5. Төв банкны тухай хуулинд өөрчлөлт оруулах хуулийн төсөлд ямар өөрчлөлт орсон бэ?

27/08/2026

2026 оны эхний хагас жилийн байдлаар Монгол Улсын төлбөрийн тэнцэл 566.6 сая ам.долларын ашигтай гарлаа.

✅Урсгал данс 179 сая ам.долларын ашигтай гарч, өмнөх оны мөн үеэс 1.9 тэрбум ам.доллароор сайжрав. Үүнд барааны худалдааны ашиг голлон нөлөөлжээ.

✅Барааны дансны ашиг 4.5 тэрбум ам.долларт хүрч, өмнөх оны мөн үеэс 3.8 тэрбум ам.доллароор нэмэгдсэн байна. Үүнд зэсийн баяжмал, чулуун нүүрсний экспортын өсөлт голлон нөлөөлж, дээрх хоёр бүтээгдэхүүний экспортын орлого нийт 3.7 тэрбум ам.доллароор өссөн бол үйлчилгээний дансны алдагдал 428 сая ам.доллароор, анхдагч орлогын дансны алдагдал 1.4 тэрбум ам.доллароор нэмэгдсэн нь урсгал дансанд сөргөөр нөлөөлсөн байна.

✅Санхүүгийн данс 613 сая ам.долларын цэвэр орох урсгалтай гарсан ч өмнөх оны мөн үеэс 644 сая ам.доллароор буурчээ. Үүнд Оюу Толгой компани гадаад өр төлбөртөө 2 тэрбум ам.доллар төлсөн нь голлон нөлөөлсөн бөгөөд энэ нь нөгөө талаас Монгол Улсын гадаад өрийг бууруулах эерэг үр дүнтэй.

💰Мөн гадаад валютын улсын нөөц 2025 оны эцсийн 7.0 тэрбум ам.доллароос 2026 оны 6 дугаар сарын эцэст 7.7 тэрбум ам.долларт хүрч, импортын 4.8 сарын хэрэгцээг хангах түвшинд хүрлээ.

☝Экспортын өсөлт болон барааны худалдааны ашиг эрс нэмэгдсэн нь Монгол Улсын гадаад төлбөрийн байр суурийг сайжруулах гол хүчин зүйл боллоо.

26/08/2026

Монголбанк Цөлжилттэй тэмцэх тухай НҮБ-ын конвенцын Талуудын 17 дугаар бага хурал (COP17)-д хүрэлцэн ирсэн олон улсын санхүүгийн байгууллага тус бүрийн төлөөллийг хүлээн авч уулзлаа.

https://www.mongolbank.mn/mn/r/12844

#Монголбанк | |

24/08/2026

🍀Монгол Улс 2050 он гэхэд Нүүрстөрөгчийн ялгарлыг цэвэр дүнгээр тэг (Net-zero) байлгах зорилтын хүрээнд цөлжилт, уур амьсгалын эрсдэлийг бууруулж, тогтвортой хөгжлийг дэмжихийн зэрэгцээ
🌲банк санхүүгийн салбар 2030 он гэхэд нийт зээлийн 10 хувийг ногоон зээлд хүргэх, 50 сая мод тарих зорилт тавин ажиллаж байна.

21/08/2026

Европын Холбооны банк, санхүүгийн байгууллагуудтай хамтын ажиллагааг өргөжүүлэх боломжийг хэлэлцэв

Монголбанкны Тэргүүн дэд Ерөнхийлөгч Э.Анар Унгар Улсаас Монгол Улсад суугаа Онц бөгөөд Бүрэн эрхт Элчин сайд Др. Обрущанский Борбала Анна, Унгарын Элчин сайдын яамны төлөөлөл болон KPMG Hungary-ийн ахлах захирал, Төв, Зүүн Европын санхүүгийн байгууллагуудын нэгдэл, худалдан авалтын зөвлөх үйлчилгээний дарга Тамаш Симоньи нартай уулзлаа.
Уулзалтаар Монгол Улсад хэрэгжүүлэхээр төлөвлөж буй өмч хувьчлалын үйл явцад олон улсын туршлага, зөвлөх үйлчилгээ, хөрөнгө оруулагчдын оролцоог нэмэгдүүлэх боломжийн талаар санал солилцов. Мөн Европын Холбооны гишүүн орнуудын банк, санхүүгийн байгууллага, хөрөнгө оруулагчидтай харилцаа, хамтын ажиллагааг өргөжүүлэх боломжийг хэлэлцлээ.
KPMG Hungary-ийн төлөөлөл өмч хувьчлал, санхүү, хөрөнгө оруулалтын чиглэлээр хуримтлуулсан туршлага болон Европын Холбооны санхүүгийн байгууллагуудтай хамтын ажиллагааны сүлжээнд тулгуурлан холбогдох байгууллага, хөрөнгө оруулагчидтай харилцаа холбоо тогтооход дэмжлэг үзүүлэх боломжтойг илэрхийлэв.
Талууд цаашид мэдээлэл, туршлага солилцож, холбогдох байгууллагуудын харилцаа холбоог дэмжих замаар хамтын ажиллагааны боломжит чиглэлүүдийг хамтран судлахаар санал нэгдлээ.

#Монголбанк | |

21/08/2026

НҮБ-ын Цөлжилттэй тэмцэх конвенцын Талуудын 17 дугаар бага хурал (COP17)-ын хүрээнд “Тэрбум мод” сангаас “Хотын ногоон байгууламжийн сайн туршлагууд” сэдэвт салбар хуралдааныг зохион байгууллаа.
https://www.mongolbank.mn/mn/r/12803

#Монголбанк | |

НҮБ-ын Цөлжилттэй тэмцэх конвенцын Талуудын 17 дугаар бага хурал (COP17)-ын хүрээнд “Тэрбум мод” сангаас “Хотын ногоон байгууламжийн сайн ту ...

21/08/2026

Улаанбаатар хотноо зохион байгуулагдаж буй НҮБ-ын Цөлжилттэй тэмцэх конвенцын Талуудын 17 дугаар бага хурал (COP17)-д Монголбанк оролцож, Монгол Улсын тогтвортой, ногоон санхүүжилтийн бодлого, эрх зүйн орчин, хэрэгжүүлж буй арга хэмжээ, цаашдын зорилтыг дотоод, гадаадын төлөөлөгчдөд танилцууллаа.
https://www.mongolbank.mn/mn/r/12802

#Монголбанк | |

Улаанбаатар хотноо зохион байгуулагдаж буй НҮБ-ын Цөлжилттэй тэмцэх конвенцын Талуудын 17 дугаар бага хурал (COP17)-д Монголбанк оролцож, Мо ...

21/08/2026

20/08/2026

Монголбанк өнөөдөр буюу 2026 оны 8 дугаар сарын 20-ны өдрийн 16:00–18:00 цагийн хооронд COP17-ын Цэнхэр бүсэд Үндэсний болон олон улсын хүндэт зочид, төлөөлөгчдөд тогтвортой хөгжил, ногоон санхүүжилтийг дэмжих чиглэлээр хэрэгжүүлж буй бодлого, санаачилга болон голлох ололт амжилтаа танилцуулна. Та бүхнийг өргөнөөр оролцохыг урьж байна.

Байршил: COP17-ын Цэнхэр бүс S-20, S-23 дугаар павильон

#Монголбанк | |

19/08/2026

🍀НҮБ-ын Цөлжилттэй тэмцэх конвенцын Талуудын 17 дугаар бага хурал (UNCCD COP17)-ын албан ёсны тусгай арга хэмжээ болох “Өндөр түвшний тогтвортой санхүүгийн форум 2026”-д Монголбанкны Ерөнхийлөгч С.Наранцогт өнөөдөр оролцлоо.

🌳Хоёр өдөр үргэлжлэх тус форумаар Монгол Улсын газар, ус, бэлчээр, уур амьсгал, биологийн олон янз байдлын зорилтуудыг бодит хөрөнгө оруулалттай холбох бодлого, санхүүгийн шинэ хэрэгсэл, түншлэлийн боломжуудыг хэлэлцэж байна. Түүнчлэн байгаль хамгааллын урт хугацааны санхүүжилтийг нэмэгдүүлэх, төсөв, хувийн хэвшлийн хөрөнгө оруулалт болон зах зээлд суурилсан санхүүгийн хэрэгслүүдийг үр ашигтай уялдуулах асуудалд анхаарч байна.

Дэлгэрэнгүйг: https://www.mongolbank.mn/mn/r/12763

#Монголбанк | |